الموضوع: تعمل إيه لو طلبوا منك تتنازل عن الجنسية المصرية علشان تتجنس ؟

المشاركة الأصلية كتبت بواسطة ahmed nouh

أيوة يا جماعة الإنتماء بالجنسية , مين قال انه من غير جنسية

هو لو واحد مصرى بس مولود فى انجلترا وبيحبها بتقول عليه انجليزى ؟ , ولا لو واحد سعودى بس مولود فى مصر بتقول انه مصرى ؟

لا طبعا الإنتماء بالجنسية , بتحب بلد معينة اه بس مازالت الجنسية هى الشارة الموضحة لوطنك الأساسى إلا إذا كان الواحد رحالة بقا وملوش بلد أصلا

جنسيتك هى أهلك ومكانك وناسك ووطنيتك , ويوم ما ترجع من غيرها هتبقى فى نظر كل الدنيا غريب

واخد حقك وبنى أدم ليك حقوق اكتر من اللى معاه الجنسية بس على الأرض دى انت برده غريب وضيعت مع الجنسية كل سنين عمرك وكل ذكرياتك اللى عملتها هنا واللى مستحيل لو فى أجمل مكان فى العالم تقدر تعمل نصها تانى

مكان الدفن مهم طبعا , ومش كل أرض ربنا زى بعضها

بالمبدأ ده كان لما حد يموت نروح نحفرله جنب الرصيف وخلاص بقا ونقول عليه ما هو كلها ارض الله

اكيد لما اتدفن فى وسط مسلمين موحدين عارفين ربنا وعبدوه فى حياتهم أحسن ما أتدفن فى وسط ناس نصهم كان عايش مش معترف بوجود ربنا أصلا , زى بالظبط لما أعيش فى وسط ناس بتوحد ربنا أحسن ما أعيش فى بلد الإسلام بالنسبة لهم موضوع مثير للشكوك

كمان مننساش ان جنسيتك دى هى طريقة حياتك وعاداتك وشخصيتك اللى إتكونت فى البيئة دى , سواء كانت فى التعامل او فى إدارة بيتك وأهل بيتك أو فى كل أوجه الحياة اليومية , اتنازلت عن جنسيتك وخدت جنسية جديده يبقى أنت بقيت جزء من الشعب التانى بشكله بعاداته بحياته واللى كتير منها ميناسبناش , فيها حاجات بنحلم بيها من أحترام ومواعيد وخلافه بس اللى مش عايزينه منها ميتسكتش عليه

الظروف صعبه اه وبتضغط علينا بس أرجوكم بلاش تنسينا اننا ولاد البلد دى , متداس علينا وشايفين الذل وانا اول واحد فيكم عايز أسافر بس أبقى عارف انى أيام وهرجع لما الحال يتصلح مش أروح أغير جنسيتى وأنسى أنا كنت منين أصلا ويوم ما أرجع أدفع إقامة

بالظبط زى ما يكون عندك شقه تمليك , بس انت بيعتها لواحد وبقيت قاعد فى الشقه إيجار

هى دى شقتك اللى قضيت فيها عمرك كله بس هى مبقتش بتاعتك خلاص انت مجرد ضيف فيها

طب و الناس اللي عاشت احلى و اجمل ايام عمرها خارج مصر؟
الناس اللي ملهومش زكريات عدلة في مصر؟

بعدين اختلف معاك يا احمد في موضوع اعيش وسط مسلمين ... انا مالي الشخص اللي عايش معايا مسلم و لا لأ ؟ ... طالما بيعامبني بإحترام و بيديني حقي ؟ هل انت شايف المسلمين اللي احنا عايشين وسطهم معاملتهم مع بعض معاملة مسلمين
هل اللي ماشي ياخد غرز جوة البلد و يعمل ارهاب لإللي بيعدي الشارع او ممكن يشيله من عالأرض و يجري ...دا مسلم صح ؟
للأسف هنا موجود اسلام بلا مسلمين فعلاً و الإسلام برئ مننا كلنا على العك و قلة الأدب و قلة القيمة اللي في الشوارع و المصالح الحكومية و و و و و ...

تصدق بالله...
انا لما كنت برة مصر و انا صغير... ايام المدرسة... المدرسين الأجانب هم اللي كانوا بيدرسونا صح و هما اللي آثروا فينا صح و عملوا معانا الواجب صح ... و المدرس المصري .. حسبي الله و نعم الوكيل ... مش عايز اشوفه تاني اصلاً .. ربنا ينتقم منه

يبقى انا مليش بقى اعيش وسط مسلمين ولا غير مسلمين ... لأن الدين بتاع ربنا ... انا ليا الشخص بيعاملني ازاي

بسم الله الرحمن الرحيم ..
الاجابة رقم واحد

مــــــــصـــــــــــــــ ـر التي في خــــــــــــــــــــــــ ــاطـــــــــــــــــــــ ـري

المشاركة الأصلية كتبت بواسطة muslima

الاخ الفاضل
حتى يتسنى لك فهم ما أردت الاشارة إليه, عليك ان تقرأ وتبحث عن أسباب انهيار الخلافة الإسلامية بسقوط الدولة العثمانية وكذلك أساليب الغزو الفكري للعالم الاسلامي

الخلافة العثمانية إنهارت لأنها كانت دولة مستبدة و لم يكن هناك قطر واحد من أقطارها ميهوش مشاكل و صراعات داخلية، و بعدين هل حنكون أكتر حرصا عليها من الأتراك اللي طلقوها بالتلاتة و أقاموا بعدها جمهورية علمانية

دة كانت الناس من كتر ظلم الخلافة بيسموا اي رجل مفتري السلطان عبد الحميد لبطشة و استبدادة

و بعدين غزو فكري إذاي للعالم الإسلامي و خليفة المسلمين كان بيلبس بدلة سموكن ؟؟؟

المشاركة الأصلية كتبت بواسطة alaa_dash

امريكا كانت تدفع الجزية للدولة العثمانية في يوم من الايام لتسمح لسفنها بالابحار في البحر المتوسط ...

دة علي كدة امريكا تعتبر بتدفع لنا جزية علشان سفنها تمر في قناة السويس، و ضياع فلسطين لا علاقة لة بالدولة العثمانية، الوكالة اليهودية عرضت علي الخلافة العثمانية موضوع دولة لليهود فرفضت الدولة العثمانية، فراحوا للحلفاء، و بسبب احتياج الحلفاء أنذاك لأحد اختراعات حاييم وايزمان الكيميائية تم مقايضة هذا الإختراع اللي اعتقد انة كان الإثيلين بوعد بلفور، و للعلم بلفور كان احد المشاركين في قوانين عنصرية ضد اليهود في انجلترا، يعني المسألة كانت مصلحة لا أكثر ولا أقل

و ارجو قراءة وعد بلفور بالنص، حيلاقي ان الوعد مكانش بس لليهود، و انما كان للأقليات في البلقان، و للأكراد و للأرمن و لليهود، يعني مكانش لليهود بس