تعمل إيه لو طلبوا منك تتنازل عن الجنسية المصرية علشان تتجنس ؟

**thedeveloper87** · 24-06-2010 10:19 AM

المشاركة الأصلية كتبت بواسطة abou_ruqi

لا ده في مميزات أكتر بكتير

6- كونك مصري معناه إنك بتتمتع بأفضل خضروات و فاكهة في العالم تخلو من الهندسة الوراثية و لا يجود فيها مبيدات وسماد كيماوي ومروية بالماء المقطر مش بالمجاري

7- أنت تتمتع بأكل أفضل اللحوم المستورد في العالم الخالية من الديدان و لا تأكل لحوم الحمير و أنظف سمك مزارع في الكون

8 - أنت تستنشق هواء عليل لا يسبب اي اضرار للجهاز التنفسي ولا العصبي

9- في شارعك رجال الأمن يحرسونك أنت و أولادك وممتلكاتك ليلا و نهارا

10- هناك مواصلة كريمة لكل مواطن لا يحب أن يقود سيارته

11- مجتمع تحترم فيه الطبقات بعضها البعض و لا تتعالى و لا تزل بعضها

12- بلد أصحاب السلطة تكاد لا تشعر بهم من فرط تواضعهم ومساوتهم بباقية الشعب

13- الديموقراطية وتداول السلطة مبادئ لا يمكن التنازل عنها

14- أنت في بلد يصعب على أصحاب النفوذ أن يتم تخصيص مئات الكيلومترات من الأرض لهم و بسهولة يحصل المواطن العادي على قيراطين تلاتة

15- أنت في بلد اذا عملت حادثة بالعربية يهرع إليك رجال الإنقاذ طالما تأكدوا إنك مصري أما لو كان في السيارة أجانب فلا يهتمون
مع إنك دافع زيه
16- أنت في بلد إذا ما نزلت في أغلى فندق فيها يبتسم لك العاملين أم الخواجة فلا يهتم بهم أحد

17- لا يدفع فيها رشوة أبدا أبدا
18-أنت في بلد المسئول فيها يستيقظ صباحا ويسعى لقضاء حوائج الناس وينسى تماما مصلحته الشخصية

عاوز تاني و ألا كفاية كده ؟؟؟ نتكلم في السياسة الخارجية ؟؟؟

19. وظائف متلتلة ومرتبات ضخمة.

20. رخص رهيييييييييب في السلع لدرجة إن التجار يصعبوا عليك.

21. تساوي الفرص بين الناس في أي شئ ومفيش فرصة للوسائط.

22. الناس سواسية أمام القانون فلا فرق بين وزير وغفير.

23. الشوارع نظيفة ومتسفلتة بأجود أنواع الأسفلت في العالم (وعلى الله حد ينكر).

24. البلد فاضية قوي ، لدرجة الواحد بيخاف يمشي في الشارع لوحده.

25. اقتصاد في تقدم مستمر وفائض في الميزانية كل سنة.

26. تخطيط رائع للمدن بحيث لو زاد عدد السكان في المستقبل مايبقاش فيه زحام.

27. إذا سافرت لحتة سياحية زي شرم الشيخ أو دهب بتعامل كمصري على الرأس أما الأجانب فبيتبهدلوا تفتيش وإبراز جوازات سفرهم للتحقق من شخصياتهم.

28. وأخيرا ، الناس مبسوطة وعلى وجوههم البسمة دائما ، حتى هتلاقي الوجوه المبتسمة دي في المواصلات العامة.

آه نسيت....

فيه ميزة كمان... لما بتروح الأهرامات تقدر تحصل على تذاكر بأسعار رمزية :d

**factorialx** · 24-06-2010 10:56 AM

المشاركة الأصلية كتبت بواسطة abou_ruqi

طب و إذا كان ربنا -اللي بتقول إنه إدانا أرض ننتمي إليها- أمرنا بالهجرة أمر مباشر و سيحاسب البعض على عدم الإمتثال كما وضحنا , و لم يأمرنا في ولا أية ولا حديث للإنتماء للأرض؟؟

ده من دروس الهجرة من مكة للحبشة و من الحبشة للمدينة هو بلاغ للمؤمنين بعدم التمسك بالأرض الظالم أهلها والذهاب للأرض ذات الحاكم العادل !!!

وفي قصص الأنبياء كثير من الهجرة مثل إبراهيم و يوسف وموسى

هاتلي دليل شرعي أو نص قطعي الدلالة أننا علينا ألا نترك أوطاننا وأنا أضع أمامك مائة دليل على ضرورة الهجرة في حالة مثل حالتنا

بص من الآخر محدش يفتكر إن الخليج جنة الله على الأرض
و اللله العظيم في ظلم في الخليج فوق ما تتصوروا

العامل الهندي كان بياخد ما يعادل 800 جنيه مصري و ما بيخدهومش و لما يعترض يسفروه

تجار الإقامات في بلاد في الدنيا فيها حاجه إسمها تجار إقامات

إفرحوا بجنسيات الخليج و خليكوا مواطنين درجه 7 ( على المعاش )

دا بقى بالنسبه اللي بيقولوا إن الخليج جنة الله في الارض و إن هيقدر يحافظ على دينه و نفسه هناك أحسن من مصر خلاص بقى الخليج يوتوبيا المدينة الفاضله !!!!!!

بالنسبه للآية تفسيرها في بن كثير

وقال الضحاك : نزلت في ناس من المنافقين ،

تخلفوا عن رسول الله صلى الله عليه وسلم بمكة ، وخرجوا مع المشركين يوم بدر ، فأصيبوا فيمن أصيب ، فنزلت هذه الآية الكريمة عامة في كل من أقام بين ظهراني المشركين وهو قادر على الهجرة ، وليس متمكنا من إقامة الدين ، فهو ظالم لنفسه مرتكب حراماً بالإجماع

الآية نزلت في منافقين متخلفين عن الهجره مع رسول الله ثم عندنا جائت غزوة بدر ذهبوا مع الكفار و لكن لم قاتلوا و قتل بعضهم فإختلف العلماء في مصيرهم لأنهم لم يهاجروا بالاساس

لما نفسر القرآن و نحط آيات يا ريت نعرف سبب النزول

هل أنت قادر على إقامة دينك في مصر ..... نعم
هل أنت آمن على نفسك في مصر ..... نعم
هل هتقارن مكة أيام الجاهلية بكل ما كان يحدث للمسلمين من تنكيل و تعذيب
بمصر دلوقتي !

أنتم عليكم آمانه إقامة الدين هنا في مصر لو كلوا عايز يفر بدينه يبقى خلاص المتدينيين يسيبوا البلد و نخليها خرابه
اللي عايز يحافظ على دينه واحد مسلم عايش في مكه ايام الجاهليه
أهل الكهف لما هاجروا من الميدنه الظالمة
قوم إسرائيل لما هاجروا من مصر ايام فرعون

**viper911s** · 24-06-2010 11:22 AM

انا معاك ان الخليج مش حلوة المعاملة فيها الا لو هما الى عايزينك
انا جاتلى فرص من ناس زمايلى فى الخليج ومروحتش علشان البهدلة وكدة كدة متبهدل يبقى خلينى هنا احسن
بس اوروبا اصحابى فى ايطاليا والنمسا وفرنسا و امريكا واخدوا جنسيات واتنازلوا عن المصرية كلامهم خيال
الحياة اجمل من كدة مفيش
لاانى شفت معاملة الاجهزة فى مصر ليهم اية لما بيكونوا معايا فى الاجازات شرطة او اى جهاز حكومى او منتجعات فنادق بشوف احلى معاملة محدش يقدر يتكلم انا بستخبى فيهم يعنى لما واحد منهم يطلع الباسبور بتاعة انا بعدى على اعتبار انى زيهم بخلاف ان الى معايا بيتعوجوا عليهم ومش بيقدروا يتكلموا كفاية كدة
الهجرة لااوروبا اصعب بس دة الى بتمناة بجد نفسى يكون معايا باسبور تانى غير الكشكول بتاعنا دة
على الاقل معاملة انسان يستحق الحياة
لكن المحروسة انت مش انسان ولا تستحق اى حاجة انت احمد ربنا اننا سايبينك هنا فيهاااااااااااااااااااااا اااااااااا

**Ralliart** · 24-06-2010 11:36 AM

بص من الآخر محدش يفتكر إن الخليج جنة الله على الأرض
و اللله العظيم في ظلم في الخليج فوق ما تتصوروا

العامل الهندي كان بياخد ما يعادل 800 جنيه مصري و ما بيخدهومش و لما يعترض يسفروه

تجار الإقامات في بلاد في الدنيا فيها حاجه إسمها تجار إقامات

إفرحوا بجنسيات الخليج و خليكوا مواطنين درجه 7 ( على المعاش )

دا بقى بالنسبه اللي بيقولوا إن الخليج جنة الله في الارض و إن هيقدر يحافظ على دينه و نفسه هناك أحسن من مصر خلاص بقى الخليج يوتوبيا المدينة الفاضله !!!!!!

بالنسبه لمصر فهي جنه ونص
معلش انا عشت هناك كتير ومشفتش معامله وحشه خالص
بالعكس يوم ما تعمل مخالفه بالعربيه وتبقى مذنب وقاطع اشاره انت شايفها او خالفت يافطه واضحه قدام عنيك
الظابط بييجي بنفسه بكل احترام يقولك اتفضل معايا 5 دقايق ويديك ورقة المخالفه ويقولك اتمنى انها متتكررش ويمشيك
مش هنا يعملولك الكمين زي المصيده ،والله واحد صاحبي اتشتم بالاب والام علشان كان ماشي مخالف ومكانش فيه يافطه وهو من محافظه تانيه! ولما اعترض على الشتيمه الظابط قاله لو كنت سكت كنت خدت منك 50 جنيه بس علشان اتكلمت تعالى عالقسم ودفع المخالفه وسحب العربيه وبهدله

**abou_ruqi** · 24-06-2010 11:42 AM

المشاركة الأصلية كتبت بواسطة factorialx

بص من الآخر محدش يفتكر إن الخليج جنة الله على الأرض
و اللله العظيم في ظلم في الخليج فوق ما تتصوروا

العامل الهندي كان بياخد ما يعادل 800 جنيه مصري و ما بيخدهومش و لما يعترض يسفروه

تجار الإقامات في بلاد في الدنيا فيها حاجه إسمها تجار إقامات

إفرحوا بجنسيات الخليج و خليكوا مواطنين درجه 7 ( على المعاش )

دا بقى بالنسبه اللي بيقولوا إن الخليج جنة الله في الارض و إن هيقدر يحافظ على دينه و نفسه هناك أحسن من مصر خلاص بقى الخليج يوتوبيا المدينة الفاضله !!!!!!

بالنسبه للآية تفسيرها في بن كثير

الآية نزلت في منافقين متخلفين عن الهجره مع رسول الله ثم عندنا جائت غزوة بدر ذهبوا مع الكفار و لكن لم قاتلوا و قتل بعضهم فإختلف العلماء في مصيرهم لأنهم لم يهاجروا بالاساس

لما نفسر القرآن و نحط آيات يا ريت نعرف سبب النزول

هل أنت قادر على إقامة دينك في مصر ..... نعم
هل أنت آمن على نفسك في مصر ..... نعم
هل هتقارن مكة أيام الجاهلية بكل ما كان يحدث للمسلمين من تنكيل و تعذيب
بمصر دلوقتي !

أنتم عليكم آمانه إقامة الدين هنا في مصر لو كلوا عايز يفر بدينه يبقى خلاص المتدينيين يسيبوا البلد و نخليها خرابه
اللي عايز يحافظ على دينه واحد مسلم عايش في مكه ايام الجاهليه
أهل الكهف لما هاجروا من الميدنه الظالمة
قوم إسرائيل لما هاجروا من مصر ايام فرعون

أولا : إيه اللي جاب سيرة الخليج ؟ أنا قلت دول الخليج ؟؟؟ أنا كاتب " البلد اللي بتحلم بيها" أي بلد إن شاء الله الإسكيمو , أنا ما قارنت الجنسية المصرية بجنسية معينة ,أنا بتكلم عن أي بلد شايفها أنت حلم !!
واللي أنت شايفهم زبالة هم حلم حياة نسبة كبيرة من المصريين إنهم يشتغلوا عندهم

ثانيا : ما قلته عن الآية الكريمة هو سبب ا لنزول , إنما الآية تطبق على المستضعفين في كل مكان وزمان ودي عظمة القرآن , إنه مش حكاوي تاريخية إنما تشريع يصلح للبشر في أي زمان

ثالثا: أنت ليه بتسألني أسألة و ترد عليها أنت ؟؟؟ ما تديني فرصه أرد !!

هل أنت قادر على إقامة دينك في مصر ..... لا
هل أنت آمن على نفسك في مصر ..... لا
هل هتقارن مكة أيام الجاهلية بكل ما كان يحدث للمسلمين من تنكيل و تعذيب بمصر دلوقتي ! أيوة طبعا ؟؟

اللي عايز يحافظ على دينه واحد مسلم عايش في مكه ايام الجاهليه
أهل الكهف لما هاجروا من الميدنه الظالمة
قوم إسرائيل لما هاجروا من مصر ايام فرعون

إحنا أنيل من كل دول , ودي وجهة نظري

**thedeveloper87** · 24-06-2010 11:43 AM

هو الناس جالها الضغط وأمراض الدنيا من شوية؟

**abou_ruqi** · 24-06-2010 11:46 AM

حقولك حاجة كنت سمعتها من مصري عايش في الكويت
قلته عامل إيه مع الكويتة سمعت إن معاملتهم للمصريين سيئة

قالي بص , لو واحد كويتي ضربني في الكويت حعرف أخد منه حقي
إنما لو نفس الكويتي ضربني في مصر إستحالة أخد منه حقي

والله ما فيش أبلغ من كده تعبير عن الوضع الحالي وكلنا عارفين كده ومتأكدين من كده وعارفين الواد القطري اللي موت واحد وهربوه والأمثلة بالهبل

وبرضه أنا مش بتكلم في الموضوع ده عن دول الخليج أنا بتكلم بصفة عامة عن أي دولة بتحلم بيها حتى ولو كانت الإسكيمو أو بروندي

**thedeveloper87** · 24-06-2010 11:49 AM

المشاركة الأصلية كتبت بواسطة abou_ruqi

هل أنت قادر على إقامة دينك في مصر ..... لا

للأسف الكلام ده مظبوط. هل تقدر تربي ذقنك بحرية؟ ولا خايف لأمن الدولة يطب على بيتك في أي وقت بموجب قانون الطوارئ؟ ولا خايف تمشي في الشارع وتلاقي اتنين جاينلك ويقولوا لك إحنا أمن دولة تعالى معانا؟
تقدر تروح دروس في مساجد بحرية؟ لأ فيه خوف إن أمن الدولة يطب على الحاضرين يلمهم واحد واحد.
بنخاف على عيالنا من مدراس بره؟ دخل ابنك مدرسة أزهر دلوقتي وشوفه هيطلع عامل ازاي؟
لو قعدت بعد الصلاة بشوية في أي مسجد تبقى مشكلة وكارثة.

**Lion_Heart** · 24-06-2010 11:53 AM

آه يا بلد تعبانا و بينا و بين بعض كسفانا

**factorialx** · 24-06-2010 11:57 AM

المشاركة الأصلية كتبت بواسطة ralliart

بالنسبه لمصر فهي جنه ونص
معلش انا عشت هناك كتير ومشفتش معامله وحشه خالص
بالعكس يوم ما تعمل مخالفه بالعربيه وتبقى مذنب وقاطع اشاره انت شايفها او خالفت يافطه واضحه قدام عنيك
الظابط بييجي بنفسه بكل احترام يقولك اتفضل معايا 5 دقايق ويديك ورقة المخالفه ويقولك اتمنى انها متتكررش ويمشيك
مش هنا يعملولك الكمين زي المصيده ،والله واحد صاحبي اتشتم بالاب والام علشان كان ماشي مخالف ومكانش فيه يافطه وهو من محافظه تانيه! ولما اعترض على الشتيمه الظابط قاله لو كنت سكت كنت خدت منك 50 جنيه بس علشان اتكلمت تعالى عالقسم ودفع المخالفه وسحب العربيه وبهدله

باشا أنا عشت في الخليج كتير برضه مش بتكلم من فراغ المعامله حلوه بس في ظلم للمستضعفين

أنا هتعرف تتكلم لو إتظلمت البنغالي و الهندي و السريلانكي و الإندونيسي مش بيعرفوا
تسمي إيه لما واحد سعودي ياخد جواز مصري عشان يديله الإقامه ( المصريين من فئة العمال و اصحاب المهن الحرفية ) مستضعفين برضه في الخليج

يعني المصري ده عبد للسعودي ما يقدرش حتى يسافر أو يطلع من وظيفته

تسمي إيه لما تفتح محل يشاركك فيه خليجي و إنت تعمل الشغل كله و هو ياخد 70% الأرباح عشن ما ينفعش التملك للأجنبي و هو كمان كفيلك !!!!!!!!!!!!!

عبودية و تخلف و ظلم هو عرب و مسلمين

بص أنا بصراحه عشت كويس هناك بس شفت ظلم لناس كتيييير جدااا سواء مصريين أو غير مصريين

و افرحوا بالجنسية درجه 7 أو خليكوا بدون و عيشوا في الخليج