تعمل إيه لو طلبوا منك تتنازل عن الجنسية المصرية علشان تتجنس ؟

**hamedo0** · 22-06-2010 11:10 AM

طب ولعاوز يروح حاجه من دول يعمل ايه
طب ما انا ممكن اتنازل لحد ماخد الجنسيه التانيه وفي اول اجازه لما ارجع ارجع الجنسيه المصرى تاني

**GMakram** · 22-06-2010 11:26 AM

انا وجهه نظرى ان الجنسيه اساسها الكرامه وبلدنا الكرامه فيها بقت لأصحاب النفوذ والسلطه-طول ما عندهم نفوذ وسلطه- وللأجانب والعرب,قبول التنازل عن الجنسيه هيكون لأن الانسان طامع فى حاجه تحفظله كرامته مش كره فى البلد

تحياتى جميعا

**mohamedmostafa** · 22-06-2010 11:29 AM

لو الواحد حس انه مش واخد ادنى حقوقه الانسانيه فى بلده مش شرط مصر فلا حرج فى الاستغناء عن جنسيته لكن المهم نيته أنا عن نفسى لو تعرضت للموقف ده ممكن اتنازل عملا بقول الله تعالى ( ألم تكن أرض الله واسعة فتهاجروا فيها ) بس تبقى نيتى خالصة لله مش لأغراض تؤدى لسكة الواحد يندم عليها لكن برضه انا ممتنع عن التصويت لحين تغيير اسلوب اول بند " يا عم تغور بقرفها " ليصبح لائق لأن الموضوع فعلا ممكن حد يلجأ له للمشورى فبالتالى مش لازم ناخده تهريج .

**cyborg_ift** · 22-06-2010 12:06 PM

هتنازل وهخلي ابويا وأمي كمان يتنازلو

**hamedo0** · 22-06-2010 12:18 PM

طب يا جماعه ما حد بقول نروح فين بس شرط تكون بلد اسلاميه

**cyborg_ift** · 22-06-2010 12:24 PM

الناس اللي بتقول أ،ا مصري من ساسي لراسي أكيد مسنوده وبالقوي كمان
البلد ديه هيه الوحيده في العالم اللي قدر 50 واحد يقهروا 80 مليون والبلد الوحيده اللي رغيف العيش بتاعهه لإما يتاكل وهوه طالع من الفرن لإما تديه للبهايم أحسن وهيه برضه البلد الوحيده الأكثر تقدما في الجهل والبطاله والتخلف والغطرسه والتناكه والعفانه والقرف اللي بنشوفه كل يوم وهيه برضه البلد الوحيده اللي بيطلع فيهه تقرير الطب الشرعي في ساعتين والتقرير التاني بقاله اسبوع على نفس الجثه ... عارفين بأه ليه هتنازل عن جنسيتي علشان أحس بأدميتي

**zkralla** · 22-06-2010 12:42 PM

على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر التاريخ يقدر يقول ما شاء

متضايق وزعلان ونفسى اسافر واهاجر وامشى
بس مش هاقدر اقول موافق اهلى وحبابينى وقرايبى وشارعى وارتباط عاطفى وذكريات وحاجات مش عارف اعبر عنها تخلينى ما اقدرش اتنازل عن جنسيتى
يا رب اصلح الاحوال

**abou_ruqi** · 22-06-2010 01:11 PM

المشاركة الأصلية كتبت بواسطة mohamedmostafa

لو الواحد حس انه مش واخد ادنى حقوقه الانسانيه فى بلده مش شرط مصر فلا حرج فى الاستغناء عن جنسيته لكن المهم نيته أنا عن نفسى لو تعرضت للموقف ده ممكن اتنازل عملا بقول الله تعالى ( ألم تكن أرض الله واسعة فتهاجروا فيها ) بس تبقى نيتى خالصة لله مش لأغراض تؤدى لسكة الواحد يندم عليها لكن برضه انا ممتنع عن التصويت لحين تغيير اسلوب اول بند " يا عم تغور بقرفها " ليصبح لائق لأن الموضوع فعلا ممكن حد يلجأ له للمشورى فبالتالى مش لازم ناخده تهريج .

مفيش أي تهريج في الموضوع , والكلمة لائقة جدا والدليل

استحالة تلاقي واحد من اللي موافقين على التنازل مش قرفان منها , يعني زهقان وكاهة ولسان حاله بيقول
لو لم أكن مصريا , كنت يبقى قشطه ! زي ما حد مش فاكر مين من الأعضاء حاطتها في توقيعه

وعليه فاللي حيوافق هو بالضرورة قرفان

وواضح إن حزب القرفانين بدأ يكسب حسب القانعين

**haneen83** · 22-06-2010 01:14 PM

هو اصلا علشان تاخد جنيسه دوله تانيه متهيألى لازم تكون قضيت فيها عدد سنين معين او تكون ذو خبره فى مجال عملك بحيث ان هما اللى هيبقوا عايزينك او تكون متجوز من واحده من الدوله
مش عارفه فيه حاله تانيه و الا لأ

**abou_ruqi** · 22-06-2010 01:15 PM

المشاركة الأصلية كتبت بواسطة haneen83

هو اصلا علشان تاخد جنيسه دوله تانيه متهيألى لازم تكون قضيت فيها عدد سنين معين او تكون ذو خبره فى مجال عملك بحيث ان هما اللى هيبقوا عايزينك او تكون متجوز من واحده من الدوله
مش عارفه فيه حاله تانيه و الا لأ

لا لازم الإقامة

مشاهدة نتائج الإستطلاع: ممكن تتنازل عن الجنسية المصري نظير الحصول على الجنسية اللي بتحلم بيها ؟

الموضوع: تعمل إيه لو طلبوا منك تتنازل عن الجنسية المصرية علشان تتجنس ؟

LinkBack

أدوات الموضوع

عرض

-

-

-

-

-

-

المواضيع المتشابهه

متنااااااااازل عن الجنسية المصرية

الكلمات الدلالية لهذا الموضوع

المفضلات

المفضلات

ضوابط المشاركة