+111111111111أسف لأني عارف انا قلت ايه في حق البلد دي قبل كده
اسف لأني كنت زهقت و تعبت و غيري ماكانش زهق ولا تعب
أسف لأني افتكرت انها خلصت خلاص و غيري كان لسه عنده أمل
أسف لأني في يوم كان عندي نية حقيقية في ترك جنسيتي و جه في بالي لو كنت عملتها و جه اليوم ده و أنا مش مصري ....كنت هاحس بإيه ؟؟
أسف لأني كنت أناني ...قوي
لما وقعت ماحاولتش اخد بإيدها و قررت اتملص منها
ماكنتش عارف وقتها أنا ممكن أعملها ايه .
ماكنتش متخيل ان ممكن حد أساسا يعملها حاجة .
بس اللي اتعمل من الرجالة اللي نزلت في التحرير حسسني قد ايه انا وحش جنبهم
صحيح نزلت و كتبت واتكلمت بس اللي بجد رجالة
هم اللي حضروا الأربعاء و الجمعة الداميين
الرجالة اللي وقفت بصدرها في الميدان قصاد النار اللي نازلة عليهم من كل حتة
انا حاسس اني لو كنت غيرت جنسيتي .....كان يبقى ده حقي التمام
لأنه كتير عليا اني ابقى مصري زي الشباب دول .
وحتى لو هاسافر ...سفرية رجوع ,مش سفرية هجرة
مع حضرتك فى كل اللى قلته
المفضلات