المشاركة الأصلية كتبت بواسطة karim_monir
عارفة يا نهي
مرة كنت اعرف واحد متخرج من جامعة بدون ذكر الكلية والدنيا ضاقت بيه قوي قوي
ومالوش اي حد ممكن يستلف منه فلوس ومش لاقي شغل نهائي
قولتلة انت عايز تشحت ولا عايز تشتغل وكانت نفسة عزيزة قوي بس شكلة مش حلو خالص واسمر ومصاب بجرح طولي في وشه بيخلي اي حد ينفر انه يشغلة حتى لما حب يشتغل في كذا بنزينة ما رضيوش
وهو خريج جامعي
المهم كنت انا لسه متخرج وبدات اشتغل في ABB وجيت قولتلة طب انا هاديلك نص اول مرتب ليا تعمل بيه اي شغلانة ومرتبي كان قليل قوي لاني كنت لسه تدريب
نزلنا انا وهو الموسكي لانه ماكنش عارف هايعمل بيهم ايه وكنت واثق انه هايصرفهم
اشترينا بيهم لعب اطفال جملة ووقف بيهم في ميدان العتبة يبعهم وكان مكسوف قوي قوي
خدت على ايده ووقفت معاه اول ساعتين لحد ما جالة كذا زيون
شوية شوية بدا يبيع وباع نص البضاعة في يوم واحد
جاللي بعد شهر واحد رجعللي فلوسي ودلوقتي عندة محل ايجار بيبيع في خردوات وموقف فيه واحدة وبينزل هو يسترزق ويشتغل
اصلي نسيت اقولك انه خريج كلية لغة عربية
المهم ان الواحد يبقي عندة نية انه يشتغل وعايز حتى ولو فاعل
مش المتواكلين اللي بيمدوا ايدهم ليل ونهار بدون حياء ولا دم
انا اعرف ناس من حيائها بتدور في الزبالة مع القطط والكلاب على اكل ولا انها تمد ايدها لمخلوق
ماشاء الله يا كريم و نعم الصحاب انت والله
بس شفت سبحان الله ربنا كرمه ازاى لأ و كمان رجعلك المبلغ اللى استلفوا منك
بجد ربنا يكرمك و يديك على فد نيتك و هو كمان لو مكانش طيب و ابن حلال ربنا مكانش وقفله ناس طيبة زييك في سكته
بما انك بقيت كسيب بأة و بقالك فترة شغال سلفني ااجيب الهدية و هردوهملك حين ميسرة:D:D
المفضلات