اللي يشتكي من سحب عربيته الاوتوماتيك.. يدخل

**Adham** · 28-07-2010 04:24 PM

المشاركة الأصلية كتبت بواسطة skybird

cluch
او كلتش يعني دبرياج ده في الفتيس المانيوال
يستعاض به في الفتيس الاوتوماتيك بحاجه اسمها محول العزم او torque converter

كل واحد جاب سيرة كلتش اي دبرياج في فتيس اوتوماتيك ارجوه ان يقف متفرجا ويخليه مع كلام الاسطى بليه

ممكن تسأل وانا اجاوبك لو مكنتش عارف الاوفر درايف

لا متشكرين قوي احنا عندنا معلومات كويسة

و مش محتاجين حد يدورعالجووجل على كلمتين و يترجمهم غلط و ييجي يكتبهم هنا ههههههههههه

**SkyBird** · 28-07-2010 05:11 PM

لاحظ يا استاذ Adham انك عمال تغلط من الصبح
وانا مش راضي ارد عليك
احترس
لو رديت عليك كلامي هيكون شديد وفي الحق

**Ralliart** · 28-07-2010 05:25 PM

اولاً كلاتش مش معناها دواسة دبرياج وانا مهندس ومش بقول كلام الاسطى بليه ولا كلمتك بالاسلوب ده وانا نقلتلك تجربه شخصيه غرضها النصيحه علشان تحافظ على عربيتك لاكتر فتره !!
بصراحه انا متفاجئ بالاسلوب ده

على العموم شوف اللينك ده
HowStuffWorks "The Planetary Gearset"

A set of three wet-plate clutches to lock other parts of the gearset

وعامةً احنا كلنا بنتعلم ولو حضرتك رحت الخليج هتلاقي ورش توضيب الفتيس اكتر من السمكريه لان المكن هناك كبير والشد الكتير بيبوظ الفتيس بسرعه

**ashouhdy** · 28-07-2010 05:27 PM

يا جماعة الهدووووووووووووووووووووو وووووووء بالراحة لية الخناق المفروض اننا بنتناقش مش كل موضوع نختلف فية يتقفل و اعضاء تتوقف

**SkyBird** · 28-07-2010 07:27 PM

يعني عايز اعرف الغلط فين في اللي قلته
انتو بتفترضوا افتراضات انا مقلتهاش
واتحداكم تذكروا اقتباس واحد لي وتقولي ده غلط
الموضوع كله من اوله لاخره
باختصار
هو عن تحويل النقلات من اوتوماتيك لمانيوال
على اربي ام اخره من اربعه لخمسه
عايز حد يفهمني
انتو في عربياتكم المانيوال بتنقلوا على كام
دنا حتى لو مقلتهاش هو كده كده الفتيس الاوتوماتيك بيعملها لوحده لو زودت الضغط على دواسه البنزين وبينقل لوحده على اربعه ونص من غير اي تحكم
وقلنا انه مشهور عن الفتيس الاوتوماتيك انه بياخر النقلات
ييعني ايه ياخر النقلات ؟ يعني ينقل طبيعي على 4.5 ار بي ام
هكون كفرت انا لما قلت هنعمل القصة دي مانيوال
وخليتوا الفتيس اتدمر والناس دعت عليا وكله راح لبورسعيد
فيه ايه بالضبط؟
مش عايزينا نعرف امكانيات عربياتنا الاوتوماتيك ؟ ولا ايه ؟

شويه لما اهدى وارد على باقى الاستفزازات

**Ralliart** · 28-07-2010 08:08 PM

اهدى شويه الموضوع مش عصبيه كده احنا بنتناقش ومحدش كفرك (استغفر الله العظيم)
انا قلتلك تجربه حصلتلي وحصلت لناس كتير اعرفهم من باب الافاده رحت اتهمتني بالجهل وقلت معلومه غلط وهي ان الكلاتش يعني دبرياج في حين ان معناها فاصل للحركه ودا اساسي موجود في اي جيربوكس بس باشكال مختلفه وقلتلك اني مغيرها في عربيتي وجبتلك لينك بيشرح الفتيس حته حته !
فين التكفير ده ومين اللي غلط في مين ؟
مينفعش يبقى ده اسلوب في النقاش ولا انا ولا حضرتك علماء واللي جرب غير اللي سمع او عنده نظريه والمفروض ان احنا بنستفيد من بعض مش بنعمل مناظره ولو انا قلت معلومه غلط ممكن تصححهالي وهقبل التصحيح لاني مش مخترع الفتيس

**SkyBird** · 28-07-2010 10:02 PM

استاذ رالي ارت اعتقد ان انت الوحيد اللي مرديتش عليه لكنك تجبرني ارد
وحضرتك بتقول

المشاركة الأصلية كتبت بواسطة Ralliart

مينفعش يبقى ده اسلوب في النقاش

حضرتك اول من بدأ الاستفزاز في الجمله دي

المشاركة الأصلية كتبت بواسطة Ralliart

دواسة البنزين مقضياها على طول في الارض

يعني ايه مقضياها على الارض
حضرتك تسمي ايه الاسلوب ده في النقاش ؟ بصراحه انا اللي اتفاجات باسلوبك

رحت اتهمتني بالجهل وقلت معلومه غلط وهي ان الكلاتش يعني دبرياج في حين ان معناها فاصل للحركه ودا اساسي موجود في اي جيربوكس بس باشكال مختلفه وقلتلك اني مغيرها في عربيتي وجبتلك لينك بيشرح الفتيس حته حته !

اولا لم اتهمك بالجهل ونقطة على السطر.
الكلاتش معناها دواسة القابض اي الدبرياج في كل قواميس اللغة العربية
والا ايه معنى دواسة الدبرياج باللغة الانجليزية غير كلتش ؟
ومش هنحول الموضوع لنزاع في المصطلحات
لكن احب اوضح نقطة فاتتك وهي هامة جدا
انا قلت بالنص اللي يتكلم على الكلتش بمعنى دبرياج

وجبتلك لينك بيشرح الفتيس حته حته !

يا باشا اللي جبته ده بيقول على كل حاجه فيها كلتش هو بيتكلم على المعنى العام للكلمة وليس كمصطلح تخصصي
ده بيقول ان اليو يو اللعبة بتاعت العيال فيها كلتش وحتى منشار الخشب فيه كلتش
وطالما اليويو طلع عند حضرة الاستاذ اللي استشهدت بيه فيه كلتشات يبقى مفيش مانع طبعا يبقى الفتيس الاوتوماتيك فيه كلاتشات
شوف حضرته كاتب ايه
HowStuffWorks "How Clutches Work"

ورغم ذلك
خلاص الفتيس الاوتوماتيك فيه كلتشات بمعنى قوابض لفصل ووصل حركة التروس
بيس يا مان

بالنسبه لموضوعك كان عندنا جالانت 91 بموتور 4g63 بتاع الايفو بس من غير تيربو
ومع الكيك داون والتسقيط الفتيس معمرش كام شهر والكلتشات اتغيرت (بيسموها توضيب الفتيس) وبعديها مقدرش يكمل سنه على بعضها واترمى في الزباله وجبت واحد جديد

حضرتك بكل امانه الفتيس اترمى في الزباله وهو عمره ما عدا 5 ار بي ام زي ما كنت اقول في الموضوع
اما الكيك داون
انا قلت انه بطئ وما يسعفش
يعني انا اساسا مبحبش اعمل كيك داون ولو انه طالما العرببة مصممه انها تعمل كيك داون يبقى مفيش مانع اعمله

**SkyBird** · 28-07-2010 10:09 PM

يا اخوانا
تنبيه هام
اللي خايف على الفتيس ويحب يحسس على العربية ويمشي جنب الحيط
يبقى ميعملش اي حاجه انا قلتها والموضوع ده مش ليه
الموضوع ده للي قلوبهم جامده