اللي يشتكي من سحب عربيته الاوتوماتيك.. يدخل

**SkyBird** · 28-07-2010 03:05 PM

يا باشا
هو حضرتك ليه متخيل ان ده هيبقى اسلوب دايم في السواقة
يا بشا ارجوك اقرا بالراحه وراجع الحته دي

نفرض انك ماشي على سرعه 90 - 120 وعايز تسرع لتفادي موقف معين

يعني الكلام على موقف معين فيه انقاذ لروحك
امال هما عملو الاوفر درايف ليه والسبورت مود لما هو خطر على الفتيس وهو في الاخر اختصار لتسقيط النقله للثالث

ورايح حامل دعوات كل اللي انت ساهمت في تعليمهم مباديء قيادة الفتيس الاوتوماتيك و القضاء علية

شكرا

**SkyBird** · 28-07-2010 03:06 PM

نكمل الموضوع

الفتيس الاوتوماتيك بيقرا دوسة الرجل على البنزين...!! ازاي ؟
لو مشيت بالعربية الاوتوماتيك وانت دايس خفيف على البنزين هتلاقي الغيارات تتم على ار بي ام منخفض يعني على حوالى 2.5 ار بي ام
اما لو تقلت رجلك على البنزين ودوست جامد هتلاقي الغيار اتأخر كثير يعني تلاقيه يحصل على 4.5 ار بي ام
تخيلوا الفرق في الغيارين
يعني انت ممكن تتحكم في غيار الفتيس الاوتوماتيك برجلك سواء عايز تقدمه او تأخره
علشان كده في ناس تقول ان من عيوب الاوتوماتيك تأخير نقل الغيارات
وطبعا اكيد علشان رجلهم تقيله على دواسة البنزين فالفتيس يأخر الغيارات علشان يدي اقصى عزم
وطبعا لو خففت رجلك من على دواسه البنزين في اي لحظة انت عايزها هتلاقي الفتيس خد الغاير لوحده

**ashouhdy** · 28-07-2010 03:09 PM

المشاركة الأصلية كتبت بواسطة skybird

فتيس ايه بس اللي يدمر
لو اتحركت بالعربية والفتيس على 2 العربية اوتوماتيك هتاخد الاول وبعدين التاني وتفضل على التاني
لو اتحركت بالعربية والفتيس على 3 العربية او توماتيك هتنقل الاول وبعدين التاني والثالث وتقف
لو اتحركت والفتيس على d ................... وهكذا

مفيش خطورة انك تبقى ماشي على 90- 120 وتجيب الثالث وفي المانيوال مشهور بتسقيط النقله
الخطورة كما وضحتها سابقا انك تكون على 120 وتنزل للثالث وبعدين الثاني مباشرة وده بعيد عن موضوعنا خالص

؟؟؟!!!!!!!! ياباشا سعادتك بتقول اية ؟ اول حاجة تطيير الفتيس الاوتوماتيك الكيك داونز عمال ع بطال او نتش النقلة !

لو الكلام حيتعمل يبقى مرة فى الاسبوع كفاية اوى

**Ralliart** · 28-07-2010 03:29 PM

المشاركة الأصلية كتبت بواسطة skybird

احب اضيف ان الفتيس ال cvt مفيهوش نقلات
ملكش حل غير انك تدوس بنزين للارض علشان تعمل التسارع المطلوب
ومش هيفيد تسقيط النقلات معاه

دواسة البنزين مقضياها على طول في الارض

بالنسبه لموضوعك كان عندنا جالانت 91 بموتور 4g63 بتاع الايفو بس من غير تيربو
ومع الكيك داون والتسقيط الفتيس معمرش كام شهر والكلتشات اتغيرت (بيسموها توضيب الفتيس) وبعديها مقدرش يكمل سنه على بعضها واترمى في الزباله وجبت واحد جديد

**Adham** · 28-07-2010 03:42 PM

المشاركة الأصلية كتبت بواسطة Ralliart

..... ومع الكيك داون والتسقيط الفتيس معمرش كام شهر والكلتشات اتغيرت (بيسموها توضيب الفتيس) وبعديها مقدرش يكمل سنه على بعضها واترمى في الزباله وجبت واحد جديد

ماتقولوش كلاتشات علشان هو مقتنع ان الفتيس الاوتوماتيك مافيهوش كلاتشات

skybird : نفسي اعرف انت طلعت بأية جديد في البوست دة على اساس انك بتكلم ناس راكبة اوتوماتيك من اسبوع و اكتشفوا ان فية حاجة اسمها كيك داون وان السيليكتور بيسقط نقلات و بينتش انت اصلا بتنهي اي فتيس اوتوماتيك بطريقة السواقة دي و الناس اللي معندهاش خبرة في العربيات الاوتوماتيك و حاتمشي ورا كلامك حاتخرب فتايسها اللي انت مش مقتنع ان فيها كلاتشات اصلاً

و على فكرة الاوفر درايف هو نقلة للسرعات العالية علشان تريح الموتور مش حاجة تخللي العربية تسقط نقلة و لا تقرص انت قصدك الكيك داون

**SkyBird** · 28-07-2010 04:02 PM

ماتقولوش كلاتشات علشان هو مقتنع ان الفتيس الاوتوماتيك مافيهوش كلاتشات

cluch
او كلتش يعني دبرياج ده في الفتيس المانيوال
يستعاض به في الفتيس الاوتوماتيك بحاجه اسمها محول العزم او torque converter

كل واحد جاب سيرة كلتش اي دبرياج في فتيس اوتوماتيك ارجوه ان يقف متفرجا ويخليه مع كلام الاسطى بليه

و على فكرة الاوفر درايف هو نقلة للسرعات العالية علشان تريح الموتور مش حاجة تخللي العربية تسقط نقلة و لا تقرص انت قصدك الكيك داون

ممكن تسأل وانا اجاوبك لو مكنتش عارف الاوفر درايف

**SkyBird** · 28-07-2010 04:08 PM

و مش مقتنع ان القرص على السرعه الاولى ثم نقل السيلكتور عالتاني دة مش نتش

ترس الغيار الاول في الاوتوماتيك غير المانيوال
ترس الاول يسموه l يعني lifting يعني تحميل
يعني سياتك لو طالع مطلع جامد او بتجر حمل تقيل تجيب على الغيار الاول
يعني ده ترس المهام الشاقة مش حتة جبنة قديمة

**hosambarakat** · 28-07-2010 04:10 PM

اعتقد ان الامر ابسط من كده بكتير واللى بيشترى اوتوماتيك شخصيته اقرب الى الهدوء والاتزان فى السواقة!! وفعلا زى ما قولت قبل كده برضه ده بيعتمد على السيارة وعلى خبرة السائق

**SkyBird** · 28-07-2010 04:11 PM

المشاركة الأصلية كتبت بواسطة ashouhdy

؟؟؟!!!!!!!! ياباشا سعادتك بتقول اية ؟ اول حاجة تطيير الفتيس الاوتوماتيك الكيك داونز عمال ع بطال او نتش النقلة !

لو الكلام حيتعمل يبقى مرة فى الاسبوع كفاية اوى

مين اللي اتكلم على كلام على عمال على بطال جبتها منين دي من كلامي
وليه مرة واحده في الاسبوع ؟ ايه الاحصائية اللي حضرتك اعتمدت عليها؟ ولا مجرد كلام وبس؟

الموضوع: اللي يشتكي من سحب عربيته الاوتوماتيك.. يدخل

LinkBack

أدوات الموضوع

عرض

-

-

-

-

-

-

-

المواضيع المتشابهه

سيراتو مركونه بقالها شهوووووووور وحاسس انها مسروقه .. اللى اتسرقت عربيته يدخل

هدية جامدة اووووووووي للفياتاوية و اللي بيحبوها و اللي ميعرفش كتير عن فيات يدخل فورا

اللي موديل عربيته 2000 يدخل هنا للإستفادة

اللي عايز يعرف البوجيهات اللي تناسب عربيته يدخل هنا

الكلمات الدلالية لهذا الموضوع

المفضلات

المفضلات

ضوابط المشاركة