هام بخصوص التوكيل منصور وياريت من كل عميل لدي منصور الدخول

**negmelpahr** · 10-07-2010 01:26 AM

المشاركة الأصلية كتبت بواسطة sherif_hti

باقى السؤال لو عندى مشكلة فنية استالك فيها ولا اعمل اية

انا مش فني صيانه
بس اي مشكله مع التوكيل ان شاء الله هاقدر اساعد فيها وياريت تقرا الموضوع والمشاراكات وانت هاتستفاد اوي وهتلاقي اجابات كتير تهمك لان كل مشاركه فيها جديد

**negmelpahr** · 13-07-2010 11:28 PM

هو ليه مافيش مشاركات جديده؟؟؟؟؟؟؟؟؟؟؟؟

**nadenono** · 14-07-2010 03:14 AM

http://www.nilemotors.net/Nile/21236-a.html

**anonasad** · 15-07-2010 02:13 AM

ازيك يا باشا ؟ ... المشكلة بتاعتي هروح التوكيل في صيانة ال 15000 الف كيلو وهشوف هيعملولي اييييييه .....

**phahkh** · 15-07-2010 12:02 PM

[QUOTE=negmelpahr;3872851270]هو ليه مافيش مشاركات جديده؟؟؟؟؟؟؟؟؟؟؟؟[/Q

شكرا اولا علي مجهودك وتطوعك للرد
ثانيا ما صحة معلومة ان الضمان بيتأخر؟ لاني اشتريت سبارك من المصرية وقالوللي ضمان شيفورليه ممكن ياخذ 20 يوم علشان يستلموه واخده منهم؟!

**fawzyyyy** · 15-07-2010 12:53 PM

[QUOTE=phahkh;3872855523]

المشاركة الأصلية كتبت بواسطة negmelpahr

هو ليه مافيش مشاركات جديده؟؟؟؟؟؟؟؟؟؟؟؟[/Q

شكرا اولا علي مجهودك وتطوعك للرد
ثانيا ما صحة معلومة ان الضمان بيتأخر؟ لاني اشتريت سبارك من المصرية وقالوللي ضمان شيفورليه ممكن ياخذ 20 يوم علشان يستلموه واخده منهم؟!

اسمحلي يا استاذ محمد ان انا ارد

بص يا باشا كل المعارض بتتأخر عقبال ما تجيبلك الضمان لأنهم بيروح للفرع الرئيسي بتاع منصور يجيبو الضمانات مثلا بتاعت العربيات الشيفرولية اللي باعوها في اسبوعين مثلا...عشان كدة بيتأخروا علييك

انا بردو اما جبت السبارك بس من معرض تاني قالولي يومين كدة ان شاء الله و حنسلمك الضمان.....و فات اسبوع و كانوا لسا مجابوش حاجة.....اتصلت بمنصور و استفسرت عن الضمان قالي ....حضرتك تعالي اي فرع لمنصور شيفرولية و معاك الرخصة و صورة البطاقة.....روحت اخدت الضمان في 5 دقايق...............!!!!!
لو مستعجل عليه روح اي فرع لمنصور ....او كلمهم و هما يقولوك ايه هو اقرب فرع......

و بردو لو في اي حاجه زيادة استاذ محمد حيفيدك ان شاء الله

**Magdih** · 15-07-2010 08:29 PM

نشكرك يا باشمهندس على إهتمامك وإهتمام منصور بمشاكلنا. انا كان عندى مشكله فى علبة الدريكسيون من 6 أشهر كانت بتزييق وشافها م/شريف فى الهرم وكان القرار تغيير علبة الدريكسيون. بعد التغيير المشكله إنتهت. ثم الآن ظهرت المشكله مره اخرى بعد 6 اشهر. أنا زهقت ومش عارف أعمل إيه. والضمان هيخلص فى شهر 9 اللى جاى. أرجو النصيحه

**Adham** · 19-07-2010 02:47 PM

بصراحه المعاملة سيئة جدا في مركز الهرم و الموظفين هناك بيتعاملوا معانا كاننا جايين نشحت منهم محدش عايز يفهمك اي حاجة و بيتكلموا بتناكة غريبة و معندهمش اي وقت يعبرونا في اي استفسار
انا اخر مرة رحت من اكتر من سنة او سنة ونص و فعلا الكافيتريا او مكان الانتظار و المبنى ككل لا يقال عليها الا انها لامؤاخذة "عرة" و غير أدمي
و الاهم ان قطع الغيار غير متوفرة (انا باتكلم عن شيفرولية فرونتيرا) و لو توفرت اسعارها غير عقلانية بالمرة

انا بطلت من ساعتها اروح منصور و باروح ياسين اللي جنب المطار بعد السندباد
بصراحه معاملتهم رائعه و بيدوك و قتك
و عندهم قطع الغيار البسيطة
و اسعارهم كويسة جدا جدا انا عربيتي سبتها هناك كذا يوم و اتراجع على كل الكهرباء بتاعتها و كل الحساسات و اتنضفوا و اتضبطوا و اتشيك على سير الكاتينة و اتغير سير الاوبيرشين و اتفك اكواد الكمبيوتر و ماتكلفتش الا 550 شاملة تمن السير و المصنعيات كلها و 10% ضريبة مبيعات و دفعتها كمان بالفيزا في ثواني هههههه
ومكان الانتظار عندهم شيك جدا, الواحد مابيبقاش عايز يمشي من عندهم
و مدير الصيانه عندهم مهندس محترم و ذوق جدا (المهندس الدسوقي) و بيخدم العملاء بنفسة و بيديك من وقتة و يشرحلك اللي تم او المطلوب

و الاهم بالنسبة لي انة قريب من مدينة نصر

**harmhanz** · 19-07-2010 05:21 PM

بص يا باشا انا عندى خبطة قوية فى العتب روحت مركز القاضى اللى فى العاشر وقالولى انهم حيقطعو الجزء اللى فيه الخبطة ويغيرو ة وبعد كدة حيرشوة طب ده ينفع؟؟؟!! انا عاوز اتكلم معاك باستفاضة يا ريت رقم تليفونك لو حتى حتبعتهولى فى رسالة

**nadenono** · 20-07-2010 05:10 AM

من الواضح يا أستاذ نم البحر يا محمد حسام يا ذي ما بتقول على نفسك شغال في منصور ان ردود سعادتك تنييمية ترييحية و ده مش غريب طبعا لأنك زي ما بتقول بتشتغل في الاستقبال و الأخ منصور أكيد صارف دم قلبه على تعليمكم التنييم
اللي يراجع أي مشاركة ليك حايلاحظ ان المحصلة العملية على أرض الواقع لمشاركاتك هي صفر كبير و انك بتشتغل زي صمام تنفيس الضغط في أواني البخار و عمال تجذب المشاركين في المنتدى لحوارات جانبية تسويفية حتى لا تتزايد المشاركات المسيئة لمنصور و هي مسيئة عن حق طبعا

يرجى استخدام اسلوب أرقى فى الحوار
مشرف 12 ب