الموضوع: اشمعني السيفيك

طبعا كل الردود السابقة كافية وزيادة بس انا هحكي عن تجربتي الخاصة انا شاري عربيتي civic 2008 من ثلاثة اشهر تقريبا بس اول مرة اسافر بيها علي طريق العين السخنه الجديد من ثلاثة ايام..... بسم الله ماشاء الله حاجة تحفة بجد موتور طيارة مع انه 1600 cc بس فعلا الهوندا حلجة تانية انا مش بقول الكلام ده عشان عربيتي لا والله انا اخويا معاه جيتا 2008 حالة ممتازه و والدي معاه lمرسيدس GLK 4*4 وقبلها كان معايا لانسر 1600 و كل ده كوم و الهوندا كوم مليش دعوه انهي افخم من جوه الهوندا ولاغيرها انا بتكلم علي الموتور و الثبات .... انا كنت ماشي 160 و ال RBM علي 3 و العربية مش مرتاحة لا مأتنخه ...... فيه شاب طيب معاه لانسر بومه قعد يحاول يستفزني كل شويه عشان اجري معاه فضل ييجي ورايا و يعلي النور و يجري جنبي و يعديني و يرجع تاني و الحركات دي كنا علي 140 تقريبا ... انا مبحبش الجري كتير غالبا وكان معايا اتنين تانيين غيري في العربية و كنا بالليل بس بصراحة مجربتش اشد جامد بالعربية قبل كده ... فطلعت ورا صاحبنا اللي كان سبقني بمسافة كويسة ... هوا شافني جاي وراه وراح قارص علي عربيته انا والله ما عملت حاجة لغاية ما وصلنا 160 و العربية نقلت تقلة جديدة و كان ال RBM علي 3 و الناس اللي كانوا معايا شاهدين طبعا صاحب اللنسر جاب ال 160 و ربط علي كده مع انه كان قارص علي عربيته ان جيت جنبه وقرصت حاجة بسيطة ------ 180 والله كل ده بدون ادني احتراف مني او سواقة جامده ولا حاجه اصلا دي اول او تاني مره في حياتي اجيب فيها ال 180 هي العربية ماشاء الله ثبات و عزم رائع ...................مشوفتش بعد كده الاخ بتاع اللنسر الا عند البوبات بتاعة العين السخنه مع اني هديت بعد ما عديته بشويه و فضلت علي 160 لغاية البوابات ..... وانا راجع امبارح زعلت ناس تانيه برضه مواتير و كنت بعديهم علي مسافات قصيرة... (الطريق ده تحس الناس اللي عليه بتسابق مش مسافرين عادي)
وهو ده ردي علي ....... اشمعني السيفيك

ما شاء الله رجالة الهوندا كل يوم بيزيدوا

المشاركة الأصلية كتبت بواسطة semsem kane

اية ياباشا ماتقارنش الsir بأى ماتور اقل من 2500 سى سى وحضرتك جاى تقارن الsir بالجيتا طيب ازاى 102 ب170 حصان ربعربية بتجيب من 0 الى 100 فى 6.5 ثانية او قول 7 بعربية بتجيب ال100 فى 11 ثانية فرق كبير طبعا دية حتى السيفيك 2009 نفسها بيبقى فية فرق جامد بينهم
حضرتك ممكن تقارن الsi بالمواتير ال1600 العادية هتلاقى السرعات واحدة لكن دية صعب اوى

انا معايا بردة sir بس مانيوال بقى عايز اقولك حاجة واحدة انا بطلت اجرى مع عربيات اقل من 2500 سى سى وانت طالع ال1600 العادى وال2000 دة انا كدة بظلمة

على فكرة بمناسبة بقى الهوندا والالمانى

ودية والله تجربة واقعية لية على الطريق الدائرى وانت راجع من التجمع الخامس

منافسة بينى وبين فولكس واجن باسات 2009 tsi وهو اللى استفزنى للجرى روحت شادد معاة والحمد لله الطريق كان فاضى وعديتة بمنتهى السهولة انا ببص على العداد عندى لقيتة على 200 كم وبشوفة فى المرايا لقيتة بعييييييييييييييييييييد المهم الطريق اتملى شوية وهو بردة مصمم وبردة عديتة تانى بس المرة دية غرز على 180 و160 والحمد لله عرفتة يعنى ثبات هوندا وانها ماتقلش عن الالمانى فى حاجة ,بالعكس تفوقت علية كمان بس الصراحة الباسات ثابتة جدا جدا ماشاء الله بس على مين دية هوندا ياجماعة power of dreams

ولو عايزين تانى اقول بس المرة دية اتقل شوية c class 2009 - bmw 320 2008 - lexus 4*4 4200 cc -bmw 318 1996 /2003 - civic 2009 vti
اللى يركب الهوندا مش هيركب غيرها

الله عليك ياباشا , هو ده اللى انا مستنيه من اى حد , والحمدلله جيت حضرتك وقلته
, وانا كنت بقارن بين السيفيك و الجيتا لان سمعت ناس تقولك ليه السيفيك الجديدة بالسعر ده , مع ان الجيتا اغلى منها , ومع ذلك السيفيك افضل منها فى حاجات كثير اوى .

للى يركب الهوندا مش هيركب غيرها

والله العظيم عندك حق , انا معايا سيفيك 93 si فكرت كثير ان ابيعها , بس كل اما افكر مش لاقى حاجة زيها ولا حاجة هتدينى الاداء بتاعها