الموضوع: اشمعني السيفيك

اما بالنسبة للهوندا احب اعرف المعلومة دى لكككككككككككككككككككككككك ككل الى بيتكلم عن الهوندا ودى بقت من المعلومات الى قربت تبقى تاريخية و رقم قياسى
شركة هوندا من 30 سنة بتعمل Vetic سيستيمز
اكتر من 15,000,000وبدون عطل واحد

كان نفسى انزل المقطع ده من فتره تسلم يا حداد با شا

شكرا لمشاركتك المتميزه يا استاذ حداد
وشكرا على الفيديو التحفه

المشاركة الأصلية كتبت بواسطة digi_7e

يا جماعة اعتقد الأخ horsepower مش قصده يعيب عالجيتا و الفانتازيا و الألماني عموماً لكنه يقصد توضيح نقطة الإعتمادية الأعلى في الهوندا ( او كما فهمت انا ) و مشاركة الاخ hadad جائت في وقتها فعلاً :)


هوندا يضرب بها المثل في الجودة ...

http://www.youtube.com/watch?v=d1ncp8yjsyy

الله ينور عليك ... هو ده كلامي من الأول ... الكل بيهاجم السيفيك في سعرها ومحدش شايف المقابل إنك بتاخد عربية مافيهاش غلطة ولا إحتمال لغلطة ... الجودة والإعتمادية المفتقدة من شركات كبيرة ألماني و ياباني ... الموضوع مش أوبشنز و صواريخ ... أي منتج يعني جودة ... إنك تكون عارف إن بإذن الله الشركة دي ماعملتش عربية فيها غلطة صناعة ده ليه تمن ... ممكن أجيب عربية و ربنا يسترها معايا وتطلع مافيهاش غلطة بس هل ده مقياس إن الشركة كل عربياتها سليمة؟ ... وهو ده إللي بيخلي العملاء يفقدو الثقة في بعض الشركات وبيبقى صعب جدا إنك ترجع الثقة دي.
مش كل الألماني مرسيدس ولا كل الياباني هوندا

على فكرة انا لو برة مصر حتى هشتري هوندا ... عربية تعشقها لما تركبها

طبعا كل الردود السابقة كافية وزيادة بس انا هحكي عن تجربتي الخاصة انا شاري عربيتي civic 2008 من ثلاثة اشهر تقريبا بس اول مرة اسافر بيها علي طريق العين السخنه الجديد من ثلاثة ايام..... بسم الله ماشاء الله حاجة تحفة بجد موتور طيارة مع انه 1600 cc بس فعلا الهوندا حلجة تانية انا مش بقول الكلام ده عشان عربيتي لا والله انا اخويا معاه جيتا 2008 حالة ممتازه و والدي معاه lمرسيدس GLK 4*4 وقبلها كان معايا لانسر 1600 و كل ده كوم و الهوندا كوم مليش دعوه انهي افخم من جوه الهوندا ولاغيرها انا بتكلم علي الموتور و الثبات .... انا كنت ماشي 160 و ال RBM علي 3 و العربية مش مرتاحة لا مأتنخه ...... فيه شاب طيب معاه لانسر بومه قعد يحاول يستفزني كل شويه عشان اجري معاه فضل ييجي ورايا و يعلي النور و يجري جنبي و يعديني و يرجع تاني و الحركات دي كنا علي 140 تقريبا ... انا مبحبش الجري كتير غالبا وكان معايا اتنين تانيين غيري في العربية و كنا بالليل بس بصراحة مجربتش اشد جامد بالعربية قبل كده ... فطلعت ورا صاحبنا اللي كان سبقني بمسافة كويسة ... هوا شافني جاي وراه وراح قارص علي عربيته انا والله ما عملت حاجة لغاية ما وصلنا 160 و العربية نقلت تقلة جديدة و كان ال RBM علي 3 و الناس اللي كانوا معايا شاهدين طبعا صاحب اللنسر جاب ال 160 و ربط علي كده مع انه كان قارص علي عربيته ان جيت جنبه وقرصت حاجة بسيطة ------ 180 والله كل ده بدون ادني احتراف مني او سواقة جامده ولا حاجه اصلا دي اول او تاني مره في حياتي اجيب فيها ال 180 هي العربية ماشاء الله ثبات و عزم رائع ...................مشوفتش بعد كده الاخ بتاع اللنسر الا عند البوبات بتاعة العين السخنه مع اني هديت بعد ما عديته بشويه و فضلت علي 160 لغاية البوابات ..... وانا راجع امبارح زعلت ناس تانيه برضه مواتير و كنت بعديهم علي مسافات قصيرة... (الطريق ده تحس الناس اللي عليه بتسابق مش مسافرين عادي)
وهو ده ردي علي ....... اشمعني السيفيك