الموضوع: اشمعني السيفيك

بصراحه لما ركبت السيفيك لم تحوذ اعجابي بالمرة مع انى كنت موهوم بيها اول ما نزلت بس مش عارف ايه الى قفلني منها اول ما ركبتها لكن مكنتش مبسوط بصراحه او كنت منتظر افضل من كده ده غير ان سعرها فعلا انا شايف انه كتير شوية بس عموما دى طبيعة اليابانى ....... ولكن الحق يقال العربية فيها موتور دكررررررررر

المشاركة الأصلية كتبت بواسطة normal

............ بص أنا هكون صريح معاك
أنا عندى الموضوع نسبى
مدفعش 300 ألف فى كورى ولا يابانى لو على جثتى :)
منا أركب أوروبى حلو أوى :)
.......................

أهو ده إللي أنا باتكلم عليه...
الفرق في ثقة العملاء...
رغم إنك راكب سيراتو بس ماعندكش ثقة فيهم...
إنما أنا إن شاء الله لو ربنا رزقني بمستوى أقدر أجيب فيه عربية ب نصف مليون والله هاتكون أكورد, ده لو ما قدرتش أجيب أكيورا rl.

قناتين بث مباشر من الحرمين المكي والنبوي طوال اليوم علي التردد 12149 h
saudi-quran saudi-sunnah
اللهم صلي علي سيدنا محمد وعلي آله وصحبه وسلم

جزاك الله خيرا عن هذا الاعلان
وربنا يوفقك لافضل نتيجة

المشاركة الأصلية كتبت بواسطة horsepower

يا راجل!!!!
ماتركبش هوندا أكورد .... ولا أكيورا rl ولا zdx لو ب300 ألف؟؟؟؟؟؟؟؟؟؟؟؟؟؟؟؟؟
أمال هاتدفع ال 300 الف دول في إيه؟؟؟ قصدي هاترميهم في إيه؟؟؟؟؟؟؟؟؟؟؟؟؟
يا خسارة ال 300 ألف لو بقو في إيديك :))

أنت عينك على ال300 ألف ولا أيه :))

المشاركة الأصلية كتبت بواسطة horsepower

أهو ده إللي أنا باتكلم عليه...
الفرق في ثقة العملاء...
رغم إنك راكب سيراتو بس ماعندكش ثقة فيهم...
إنما أنا إن شاء الله لو ربنا رزقني بمستوى أقدر أجيب فيه عربية ب نصف مليون والله هاتكون أكورد, ده لو ما قدرتش أجيب أكيورا rl.

لا أنت فسرتها غلط خالص يا أستاذ أحمد
ربما لأنك لم تلحظ كون الموضوع نسبى بالنسبالى
أنا أجيب كيا فى الفئه الى أنا فيها
لكن مجبهاش لما تدخل فى مقارنه ألمانى مثلا!
إيمانى أنها الان الافضل فى فئتها "السيراتو"
مش هركب عربيه أحسن منها بتمنها....غير اللينيا لكن فيات كلها وضع خاص بالنسبالى علشان أومترا وكون اللينيا الان مانيوال بس
لكن لما أرتقى فى الفئه السعريه وأوصل للألمان مثلا مش هفكر
أنا مختلف مع البعض فى ترتيب الكورى واليابانى بعضهم من بعض
إنما فى أتفاق على مكانه الاوروبى والالمانى ولو ربنا رزقنى هجيب ألمانى بدون تفكير

المشاركة الأصلية كتبت بواسطة semsem kane

ياباشا عادى والله بس حسيت انك ممكن تكون فاكرنى بتكلم على السيراتو بس فحبيت بس اقولك انى بتكلم على الكورى والاسيوى وبعض اليابانى مش كلة الصراحة اليابان كلها مافيهاش غير اربع شركات هوندا - تويوتا - ميتسوبيشى - سوبارو - نسيان قليلا مش كل عربياتها ناجحة ومحدش يقولى gtr احنا بنتكلم فى الفئة السعرية العادية

انا بقى احب العربية عشان : ثباتها , ماتورها : (توب سبيد عالى - وسحب وتجميع سريع) - شكلها رياضى - ارتفاعها منخفض - يكون فيها الاساسيات ( تكييف - باور - سنتر - زجاج كهرباء ) وقطع غيار معمرة عشان تستحمل اللى هيتعمل فيها لان كدة بتكلم عن عربية فعلا مدياك كل حاجة تحس انك راكب عربية فعلا
مابتفرقش معايا بقى السمارت كى ولا العربية بتفتح لوحدها اول لما تحس بالريموت , والحبشتكانات اللى انازلة اللى اخرها كام سنة وتعطل وادفع بقى يامعلم مش انت اللى فضلت الاضافات على حساب العربية وجودتها هتاخد وقت على قد فلوسها وبعد كدة تفتح بقها على البحرى
عشان كدة انا مبدأى :
سيارة بسعر ماتعديش 150 الف يبقى مابتبقاش مبالغ فى امكانيتها
سيارة بيوصل سعرها ل500 الف جنية ابدأ افكر فى الرفاهية العالية والامكانيات عشان فعلا هحس انهم مدين كل حاجة حقها
لكن بالمظر دة لأ سعر غير مقابل للقيمة

والله ياباشا سعدت جدا بالتعرف عليك وبالمناقشة معاك

هو كده وضحت أن فعلا فكره أنت عايز أيه من العربيه بتحدد حاجات كتير
يعنى واضح أن أحتياجاتك غير إحتياجاتى ويمكن دا الى مخلينا بنفكر بأسلوبين مختلفين
يا سمسم أنا أسعد والله ودا شرف ليه التعرف عليك
وبجد القسم ما شاء الله معمريش دخلت أتناقش فى حاجه هنا إلا لما أستفدت
شكرا يا باشا

المشاركة الأصلية كتبت بواسطة normal

أنت عينك على ال300 ألف ولا أيه :))

أنا لقيت 300 ألف عمالين يتحدفو بينكم و مالهومش صاحب قلت أنا أولى بيهم :))
بس هم يجو يا كبير و أنا أقسمهم معاك :))

المشاركة الأصلية كتبت بواسطة normal

لا أنت فسرتها غلط خالص يا أستاذ أحمد
ربما لأنك لم تلحظ كون الموضوع نسبى بالنسبالى
أنا أجيب كيا فى الفئه الى أنا فيها
لكن مجبهاش لما تدخل فى مقارنه ألمانى مثلا!
إيمانى أنها الان الافضل فى فئتها "السيراتو"
مش هركب عربيه أحسن منها بتمنها....غير اللينيا لكن فيات كلها وضع خاص بالنسبالى علشان أومترا وكون اللينيا الان مانيوال بس
لكن لما أرتقى فى الفئه السعريه وأوصل للألمان مثلا مش هفكر
أنا مختلف مع البعض فى ترتيب الكورى واليابانى بعضهم من بعض
إنما فى أتفاق على مكانه الاوروبى والالمانى ولو ربنا رزقنى هجيب ألمانى بدون تفكير

يا باشا ربنا يرزقك و يكرمك وتجيب كل إللي تتمناه إن شاء الله ... و يرزقنا معاك :))

المشاركة الأصلية كتبت بواسطة Horsepower

أستاذ som3aa,
إنت بتقول إن السيفيك غالية وبتقارنها بالكورولا والسيراتو ... طب ما تسيبك من السيفيك ... الجيتا والأكتافيا رأيك إيه فيهم؟ ... غاليين برضه ولا سعرهم كدة مناسب؟

أنا لما جيبت السيفيك ... زي معظم الناس إللي جابوها ... كنت حاطت معاها في المقارنة جيتا و أكتافيا وزيادة عليهم BMW 316 موديل 2008 الألماني المانيوال الفاضية مستعملة طبعا .... والسعر مكانش هو الموضوع أنا كنت عايز عربية تكون الأفضل في كل الأساسيات على فئتها و تكون الأفضل في الإعتمادية و قطع غيارها معمرة
بعد قراءة أراء الناس برة وجوة عن كل العربيات لاقيت السيفيك بلا منافس فعلا و إسمها دايما بيتصدر قائمة الأفضل Value Vs. Money.
على مستوى الأهل و الأصدقاء إللي معاهم العربيات دي:
3 أصدقاء معاهم جيتا ... واحد إكتشف في صيانة ال 5000 إن موتور عربيته مخرووووووم ... وتم تغيره بالتوكيل في الضمان بعد خناقة فاشلة بتغيير العربية كلها.
واحد تاني كان عنده مشكلة مع كمبيوتر العربية و تم إصلاحه في التوكيل مرة وتغييره في المرة التانية
التلات ربنا ساترها معاه والحمد لله.
2 أصدقاء معاهم أوكتافيا فانتازيا ... واحد كل إسبوع الكمبيوتر يهنج منه ويضطر يوقف العربية و يطفيها و يشغلها تاني علشان الكمبيوتر يشتغل ... بقالنا على الحال ده 5 شهور وكل ما يروح التوكيل الكمبيوتر يكون شغال و ميعطلش و مش عارف يثبت الموضوع ده ... قالولو لما يبوظ منك سيبه بايظ و إتصل بينا ... قالهم وإنتم عايزيني أسيب العربية دايرة لحد ما تيجو تشوفوه بنفسكم؟ ... طب أصوره فيديو؟ قالول ماينفعش عايزين نشوف المشكلة على الطبيعة.
والتاني عنده مشكلة في الجيربوكس بينتش نتشة غريبة فعلا مع الغيارات التاني والتالت ... أنا جربته بنفسي ... والتوكيل بيقول إن ده طبيعي بس هايشوفوه في الصيانة الجاية.
إتنين زملاء عمل معاهم كورولا ... الإتنين عندهم شكوى عن الجيربوكس المشهورة والموضوع فعلا صعب جدا خصوصا داخل المدن ... بيفصل في نصف الغيار الثاني ... وواحد عمل حادث والعربية لفت منه بسبب إن ال ABS ماشتغلش وأحد الإطارات الخلفة إنفجر بسبب إصطدامه بالرصيف.
إبن خالي معاه كورولا في الإمارات ... عمل بيها حادث من الخلف والأمام ... الإيرباجز فتحت وهو رابط الحزام .... الحمد لله جت سليمة ... إيه ده؟ الموتور بيطلع دخان ... ألحق أنزل من العربية ... إيه ده الحزام مش عايز يتفك ... إلحقونيييييييييييي ... وتم قطع الحزام علشان يخرجوه من العربية.
ثلاث زملاء عمل معاهم نيو سيراتو ... مشكلة ثبات العربية عامله لهم كابوس ... كلهم بيشتكو من ثبات العربية السيء بعد ال 120 ده غير العفشة الناشفة زيادة عن اللزوم وقطع الغيار الغير معمرة.
وعندي إتنين أصدقائي معاهم سيفيك 2007 و 2008 ... بسم الله ما شاء الله ربنا يحفظهالهم ... ولا شكوة واحدة لحد دلوقتي ... على قد تغيير زيت وفلتر وتيل فرامل وشكرا ... أنا بقالي سنة والحمد لله معنديش أي ملحوظة على العربية.

تفتكر بعد كدة ممكن تشتري إيه؟ ... أكيد الإجابة "سبيرانزا" طبعا :))

شوف و علشان ماتتعبش نفسك ... إدخل كل أقسام السيارات هنا في المنتدى و إعمل حصر بالمشاكل إللي الأعضاء كاتبينها ومعمول بيها مواضيع عن عربياتهم وشوف النتيجة.

يعنى حضرتك عاوز تقنعنى ان السيفيك افضل من الجيتا والفانتزيا والبى ام 316i كمان
طب لو صدقنا كلامك انها افضل من الجيتا والفانتزيا (مع انها طبعا اقل) كنا قلنا ماشى انما بى ام 316i !!!!!!!!!!
انا عاوز حضرتك تمشى بالبى ام على سرعه 180 فى يوم شديد الرياح والعواصف وفى نفس الوقت تركب السيفيك بس على 140 بس وانت تعرف انا اقصد ايه
ويعنى ايه موتور جيتا مخروم ويعنى ايه كمبيوتر مش راضى يشتغل مش فاهم
ويعنى ايه كورولا mmt بتفصل فى نصف التانى !!!!!!!
ويعنى ايه ناس بتشتكى من ثبات السيراتو السىء انا معاك ان ثبات السيراتو مش رياضى ولكن مش سىء ابدا لدرجة الشكوى هى ثباتها جيد جدا بالنسبه لسعرها
بالنسبه للعفشه الناشفه هو مين قال ان السيفيك عفشتها ناعمه الموضوع مش عفشه ناشفه بس الموضوع ان عفشتها صوتها عالى قوى قوى واى نقره فى الطريق بتسمع ترزيع العفشه بشكل مبالغ فيه
حضرتك اركب فانتزيا او جيتا وشوف الفرق الشاسع فى الموضوع ده
انا مقتنع ان السيفيك افضل اليابانى ولكن معلش مع احترامى صعب قوى العربيه دى تتقارن بالالمانى مش علشان العربيه بتجرى شويه يبقى هى احسن حاجه فى الدنيا اكيد لا
كفايه الصاج والتقفيل ودقة الصناعه مش السيفيك اللى مع احترامى مع كل لمسة رصيف الكلبسات تقع والرفارف تتفك
كل ده وتقول سيفيك بالله عليك الكلام ده يعقل !!!!!!!
ياريت حضرتك قبل ما تهاجمنى تجرب العربيات اللى قولتلك عليها وعلى فكره انا برده كنت راكب يابانى بس صعب اقتنع ان اسيب الالمانى واركب يابانى
تحياتى