الموضوع: دكتور السنان و العدوى (فوبيا ملهاش لازمة)

المشاركة الأصلية كتبت بواسطة medo2o1o

معلش انا نفضت للموضوع بعد ما قلت اللى عايز اقوله و لقيتكم بتتكلموا فى ده بيتنقل ازاى و ليه و اتقلبت خناقة

ردى على حضرتك حيكون كالاتى:
1:HBV بيتنقل بشكة و مش محتاج كميات كتيرة من الفيرس عشان يعمل المرض
2:HBV بيتنقل عن طريق ان يتم دخول الفايرس لمجرى الدم او Percutanous perfusion , دى معناها ان لو فايرس لامس حتة فيها جرح صغير او كشط فى الجلد او حتة قرحة فى الفم ممكن تجيب المرض

3:نظريا لو بتاكل اكل ملوث بالمرض و فيه حاجة فى بقك متعورة او قرحة ممكن يجيلك بس طبعا يشترط انك اتعس شخص حظا فى العالم و ان الاكل يبقى عبارة عن معلش فى اللفظ -تفافة بالاكل-

4:لو اكلت من معلقة خد عنده المرض و عندك نفس التعويرة دى فرص الاصابة بتبقى (1-2%) لكن مش 100% هيجيلك المرض

5:الفيرس ده لو وصل للجهاز الهضمى مش هيعمل اى حاجة غير انه هيدمر من العصارة الهضمية بس برضه فى السكة لو فى اى تعويرة ممكن يعمل المرض

6:كل الكلام اللى فوق ده نسب حدوثه نادرة جدا جدا و سبب ان الناس قالت كدة عشان فى حالات متنقلهاش دم و مرحتش دكاترة السنان و معملتش اى عمليات و لا حقن مشتركة و جالها المرض فكان ده التفسير

موضوع انتقال المرض باللعاب وارد بس نسب حدوثه ضئيلة جدا بس لمجرد الاحتياط بلاش اكل من مناطق موبوئة
و يا ريت نروح لدكاترة اى كان تخصصهم احنا واثقيين فى نظافتهم و شغلهم

ارجو اكون وضحت و فى كل يوم فى ابحاث بتكتشف حاجات جديدة فلازم نبقى Open minded و مش كل المعلومات هتبقى على النت لو كان كلها على النت كنا قعدنا فى بيوتنا و بلاها كليات و حضرتك اكيد عارف الكلام ده

مشاركة مفيهاش ولا كلمة غلط احييك عليها

هي بس الكلمة دي مش مريحاني مش اكتر

لمجرد الاحتياط بلاش اكل من مناطق موبوئة

لو بطلت اكل من الشارع عمري ما حفكر في الالتهاب الكبدي ب لكن حيكون عشان :

1. الاميبا عشان لو انا تعيس الحظ ممكن تعمل لي Liver & brain ameobiasis فطبعا عمري ما حقول للناس متاكلوش فول وطعمية من الشارع عشان ممكن يجيلكوا خراج في النافوخ لاننا كده بنتكلم عن نادرة النوادر

2. Giardia عشان متعمليش الاسهال والاسهال لو انا تعيس الحظ ممكن dehydration followed by death

3. Salmonella تسمم غذائي وتيفود وطبعا حضرتك عارف ان typhoid اتسمى كده عشان كانوا فاكرينه في الاول هو ال typhus الرهيب اللي ممكن يقضي على مدينة كاملة بس طلع شبهه بيموت بس !!!!

يبقى حبطل اكل في مؤمن وكنتاكي عشان Salmonella food poisoning اللي بتيجي من الفراخ والبيض اللي مش مستوي كويس

4.E coli يبقى حبطل اكل في ماكدونالدز لان حالة الاسهال الدموي بتحصل بعد اكل هامبورجر مش مستوي كويس يكون عليه Ecoli رقم O157H7
يعني مش كفاية اسهال لأ وبدم كمان اهو تغيير

5. Shigella عن طريق الاكل على عربيات الكشري وشرب الميا من الشارع عشان التعنية في البطن والغازات التي تميز رائحة مترو الأنفاق المفروض يسموه مترو المصارين

6. Staph أسرع تسمم غذائي في الدنيا يبقى حبطل اكل مهلبية ورز بلبن وجاتوه من الشارع او اي كازينو على النيل او اي موز باللبن في اي كافيه عشان حيجيلي نوبات من الترجيع السريع لانه اسرع سم لدرجة ان ياما ناس بيرجعوا في المطاعم بعد نص ساعة بس من الاكل

7. Leptospira بول الفيران على الكان (اللي بنقول عليها كانز)
جالي 100 ايميل بيحذروا من الوفاة بسبب شرب الكانز مباشرة من غير شاليمو !!!
لان الفيران بتمشي عليها بالليل في المخازن وبتعمل عليها
تسمم ووفاة بعد مدة من الزمن والظريف ان المعلومات اللي في الايمل كلها صح وممكن تحصل فعلا

8. Brucella اللي اكتشفها بروس العظيم بتاع مرض النوم حبطل اشرب لبن من عند اي حد او اشتري لبن سايب عشان حمى مالطا (حمى البحر المتوسط) (الحمى المتقطعة) بسبب البكتيريا اللي في اللبن واللي بتؤدي إلى التهاب في العظم

9. Clostridium perfringes حبطل اطلب من اي ممرضة انها تعمل لي ساندوتش لانها لو كانت راجعة من عند عيان غرغرينا حيجيلي تسمم وقتي وياما حصل في المستشفيات

10. Bacillus cereus حبطل اكل الرز البايت ثاني يوم في التلاجة عشان ممكن يعديني باسهال على مدار 12 ساعة حتى هما سموه اسهال الرز

11. Clostridium botulinum حبطل اكل الرنجة والفسيخ (كنت اتكلمت عليهم في موضوع منفصل قبل كده) ومش كده وبس اي شيء معلب في الدنيا
يعني صلصة, فول متعلب, بلوبيف, لانشون متعلب



بس دول اللي فاكرهم دلوقتي اللي بييجوا عن طريق الاكل بحق وحقيق وكمان مجبناش سيرة الفيروسات اللي اولها شلل الاطفال واخرها الروتا والكوكساكي اللي بيجي من الاكل وبيجيب التهاب سحائي وبيموت



ونصهم بيموت