دكتور السنان و العدوى (فوبيا ملهاش لازمة)

**ashouhdy** · 27-08-2010 07:15 AM

وهو بيشيلها سألته هو الجفت ده متعقم ؟؟؟؟
قال ايوه!!
قلت له : متعقم بايه يعني عشان بعمل دبلوما في مكافحة العدوى
قالي بالاوتوكلاف
قلت له بس الاوتوكلاف مش مستحب في المعادن عشان بيبوظها بعد فتره !!!
قالي الشاش والدريسنج بالاوتوكلاف والجفت بالhot air oven
قلت له تقدر حضرتك تتفضل تشتغل !!!!!!!

hi doctor
how r u
i wanted to tell u that the hot air oven dont offer 100% sterilization as the autoclave , the hot air oven dont kill all kind of virus and some bacterial spores

Some papers and t e x t s insure that hot air oven DONT KILL HCV SPORES and about M e t a l rusting its avoided with wrapping in sterilization bags and drying which is a built in feature of the new CLASS B autoclaves

obviously this old doctor is not aware of the new improvements in the area of sterilization techniques

thanks so much for understanding and for your time

**Ahmed A Rahman** · 27-08-2010 07:25 AM

المشاركة الأصلية كتبت بواسطة ashouhdy

hi doctor
how r u
i wanted to tell u that the hot air oven dont offer 100% sterilization as the autoclave , the hot air oven dont kill all kind of virus and some bacterial spores

Some papers and ....s insure that hot air oven DONT KILL HCV SPORES and about ....l rusting its avoided with wrapping in sterilization bags and drying which is a built in feature of the new CLASS B autoclaves

obviously this old doctor is not aware of the new improvements in the area of sterilization techniques

thanks so much for understanding and for your time
[/SIZE][/COLOR]

كلامك كله صح طبعا يا دكتور

انا اول ما قال اوتوكلاف قلت انه بيخبي خصوصا انه كان جايبه من الدولاب
بس اللي صبرني اني واخد تطعيم كامل من HBV
وهو مجرد عمل excision يعني شالها بالملقاط بسرعة

حكاية الspores متهمنيش اوي عشان حضرتك طبعا عارف ان البكتيريات اللي بتعمل حصوات هي Anthrax الجمرة الخبيثة و ال clostridia
والاثنين مستبعدين جدا في عيادة الاسنان او الجلدية لاننا مش تحت الكوبري
ولا ايه ؟؟ !!

بس حبيت احكي الحكاية دي عشان اقولك ان اكبر دكاتره في الدنيا من حقك انك تسألها وتناقشهم في موضوع التعقيم

**Ahmed Samy** · 27-08-2010 08:28 AM

للأسف

بعض المشاركات تدل عن معرفة غير كافية عن التعقيم ممن يمتهنون التعقيم و مكافحة نقل العدوى قبل العلاج

المناهج المصرية في هذا الشأن شديدة التواضع حتى مع أخر اصداراتها

أنصح باتخاذ أنظمة و معايير التعقيم لدولة متقدمة كمنهج للدراسة حتى مابعد التخرج و أيضا كمنهج للتطبيق

من الممكن حتى مراجعة الموضوع جيدا قبل الخوض فيه

مش عيب يعني

**أحمد كمال** · 27-08-2010 02:43 PM

المشاركة الأصلية كتبت بواسطة M.Osman

طب و الناموس فين ؟؟
لية محدش فكر فيه ؟؟!!

الناموس موجود كتير جداً في مصر خصوصاً في الريف و الأمراض دي موجودة اكتر في الريف !!

الناموس ما بينقلش Hepatitis ولا HIV ..... الناموس ممكن ينقل المالاريا او بعض الامراض التانية بس .......

المشاركة الأصلية كتبت بواسطة ashouhdy

هو كلة بيهاجم دكتور الاسنان لية ؟

ما انتم مش عارفين ولا فاهمين حاجة للاسف

محدش هاجم دكتور الاسنان

صاحب الموضوع متضرر و متضايق ان المرضى بتسال

و دي اصلا مش اخلاقيات مهنية طبية سليمة ...... احنا مرضى مش جواميس رايحين ناخد التطعيم في الوحدة البيطرية ....... من حقي اسال و اتشاور و اتحاور في العلاج و كل حاجة ...... و اللي مش عاجبه يبقى يعلق ورقة ممنوع التحدث مع الطبيب ....... بس يبقى يقابلني لو حد عبره و لا راح له عيادته .....

و سبنا لحضراتكم المعرفة و الفهم ...... بأمارة ال HBV اللي بيتنقل بالتفافة !!!!!!

المشاركة الأصلية كتبت بواسطة dr.amr

والله يا جماعه انا شايف ان اكبر خطر هو فيروس بي

والحمد لله التطعيم موجود

فيروس سي مش بينتقل بسهوله خالص

لازم كمية دم ويكون المريض في جزء معين كمان من المرض

اللي بيكون فيه تركيز الفيروس في الدم عالي شويه

وده صعب الا في حالات غسيل الكلي او الحقن

اما الحلاق فاعتقد ان تغيير الامواس كفيل انه ماينقلش المرض

واعتقد ان دكتور الاسنان زيه زي الحلاق

+1 ...... انا واخد تطعيم فيرس بي من سنة تقريبا ......

المشاركة الأصلية كتبت بواسطة meza

حضرتك أكيد مراعى ضميرك بس غيرك لأ ... و لا جدال فى أن من حقوق المريض عليك إنه يطمن إن كل حاجة هتشتغل بيها فى جسمه معقمة و ليست مصدر للخطر ..

+1

**medo2o1o** · 27-08-2010 03:03 PM

المشاركة الأصلية كتبت بواسطة أحمد كمال

الناموس ما بينقلش Hepatitis ولا HIV ..... الناموس ممكن ينقل المالاريا او بعض الامراض التانية بس .......

محدش هاجم دكتور الاسنان

صاحب الموضوع متضرر و متضايق ان المرضى بتسال

و دي اصلا مش اخلاقيات مهنية طبية سليمة ...... احنا مرضى مش جواميس رايحين ناخد التطعيم في الوحدة البيطرية ....... من حقي اسال و اتشاور و اتحاور في العلاج و كل حاجة ...... و اللي مش عاجبه يبقى يعلق ورقة ممنوع التحدث مع الطبيب ....... بس يبقى يقابلني لو حد عبره و لا راح له عيادته .....

اقرا المشاركة اللى فوق دى علطول انا طبيعى بتشاور مع العيان فى العلاج و بشرحله كل حاجة مميزات و عيوب

و سبنا لحضراتكم المعرفة و الفهم ...... بأمارة ال HBV اللي بيتنقل بالتفافة !!!!!!

HBV موجودModeretly in saliva
و فى كذا بحث بيقول انه بيتنقل باللعاب بس بنسبة قليلة

+1 ...... انا واخد تطعيم فيرس بي من سنة تقريبا ......

روح شوف ال Titre بتاعه كام لان اكيد حضرتك عارف ان مش كل الناس التطعيم بيعلى الTitre
للنسب المطلوبة
+1

**meza** · 27-08-2010 04:46 PM

المشاركة الأصلية كتبت بواسطة medo2o1o

طيب نيجى للحاجة اللى بتتعمل كل يوم التنضيف و الخلع العادى ادواتهم بتتعقم عادى جدا و دلوقتى مفيش دكتور من غير اوتوكلاف ربنا يخليلنا الصين
حاجات كتيرة دلوقتى بقت استخدام مرة واحدة و تترمى
السرنجة :سن الابرة disposable هو و ال البنج و الجزء المعدن اللى فيها اللى بيلمس خدك بس بيتعقم بعد كل استخدام
المشارط استخدام واحد و اليد بتتعقم

باقى بقى ال procedures الصح .. يعنى التعامل مع الأدوات المعقمة دى عشان تفضل معقمة لحين إستخدامها و اللى أكيد سهل جدا التقصير و الخطأ فيها لأنها خطوات صعبة جداً.

نيجى بقة للهسهس بتاع ال hepatitis منكرش انى بخاف منكم زيى زيكم بس فى عقلانية شوية

عفواً لكنى معارض حضرتك على تسميته بالهسهس - بغض النظر عن ما حدث مع والدى - فمرض خطير زى ده (لا يقل خطورة عن الضغط العصبى و السكر) و متفشى فى مصر أكثر من أى دولة أخرى فى العالم .. يجب التعامل معاه بجدية و حزم ... و القلق الزائد و الحرص فى حالة زى دى لا يضر.

hepatitis A and E ده بيجى من الاكل الملوث او واحد تف عليك او للاسف دكتور السنان اللى معقمش حاجته ده ليه علاج

الحمد لله إن ليه علاج بس ليه ألجأ للعلاج لما كان ممكن أمنع المرض!

hepatitis B لازم نطعم منه و نشيك على نسبة ال Antibodies فى الدم عشان نتاكد انك محمى منه

نسبة المتطعمين فى مصر -قبل تطبيق البروتوكول الجديد لتطعيمات الأطفال- لا تحمينا مطلقا من إستمرار تفشى المرض بصورة أخطر من دلوقتى على مستوى من هم أكبر من 18 سنة و دى نسبة كبيرة من الشعب ... ده لو إستمر الوضع الحالى على ما هو عليه.

HBV موجودModeretly in saliva

و فى كذا بحث بيقول انه بيتنقل باللعاب بس بنسبة قليلة

أيون صح بس بيتنقل من اللعاب للدم ... زى مثلا فى حالة عضة ... لكن مش من اللعاب للعاب زى عن طريق الأكل.

HepatitisC ده اكبر سبب رئيسى ليه هو الغسيل الكلوى و المدمنين

كأن كل الناس دلوقتى بتعمل غسيل كلوى أو مدمنين ... نسبة قليلة عندهم فشل كلوى و نسبة أقل مدمنين ... لكن نسبة أكبر بتحتاج نقل دم و بتروح لدكاترة أسنان.

و ال سى ده ميتنقلش الا بدم كتير نسبيا عشان كدة اسمه فايرس نقل الدم و عشان كدة اللى اتنقله الدم قبل 1992 ممكن يكون عنده و مش عارف عشان ماكانوش بيكشفوا عنه

كلام صحيح .. بإستثناء إنه محتاج دم كتير دى ... مش منطق أبدا ده نستخدمه لما نتكلم عن عدوى فيروسية أو حتى بكتيرية ... و عمر ما كانت كمية الدم محدِد فى نقل عدوى خصوصا لو مكانش فيه حماية سابقة منها عن طريق جهاز المناعة (تطعيم مثلا) ... ده بالإضافة إن ما دام فيه فرصة لنقل العدوى حتى لو فرصة قليلة يبقى نعتبرها مصدر للعدوى زيها زى غيرها.

ماشى معاكم فى انكم تخافوا من دكاترة اسنان بس استخدموا عنيكم و شوفوا الدكتور بتعامل مع حاجته ازاى اسالوا الناس اللى جنبيكم مستنيين فى العيادة بلاش روحوا لدكتور حد من قرايبكم بيروحولوه و ضامنينه

انا معنديش مانع ان العيان يسئلنى انت بتعقم ولا لا بس سالنى اول مرة و شرحتله خطوات التعقيم خطوة خطوة و وريته الحاجة و هى طالعة من الكيس و احيانا بخليه هو يفتحه كمان
و الحوار ده بعمله مع اى عيان بيسال و مش بتضايق لكن بتضايق لم نفس العيان بعد كل الشرح و ان انا اوريه و فى اكتر من جلسة و يجى يقوللو متعقم ولا لا

و ده الصح ... و طمن العيان مرة و إتنين و عشرة .. حقه

لو تشوفوا بره بيحصل إيه فى الدكاترة هتعرفوا إننا متدلعين أخر دلع .. كمثال لو عيان إتصل بدكتوره الخاص فى أى وقت و الدكتور مردش عليه أو قاله هكلمك بعدين عشان مثلا معزوم فى حفلة أو عشاء و المريض إشتكى من التصرف ده .. الدكتور يتحاسب على تقصير مهنى!

أخيراً تحياتى لك .. و أتمنى كلامى ميكونش ضايقك أنا هدفى إنى أوضح إن الدكتور لازم يبقى فى مصلحة العيان فى كل الأحوال و يبقى باله طويل .. لأن مهما كان العيان ده مش هيعرف زيك و عدم المعرفة تؤدى لقلق .. مين بقا هيطمنه غيرك؟!.

**icehearted girl** · 27-08-2010 05:46 PM

فكرتوني بواحد كان جي بنك الدم فمعهد الاورام يتبرع بالدم

وعملناله رابيد سكرييننج طلع عنده فيرس سي

وهو كمان كان عارف ومقالش

ولما سألته ليه

يقولي واي يعني منص مصر عندها الفيرس دا

ومصمم انه يتبرع وكان علي وشك انه يتخانق معانا

الراجل دا كل مفتكره اضحك