دكتور السنان و العدوى (فوبيا ملهاش لازمة)

**ashouhdy** · 27-08-2010 06:55 PM

المشاركة الأصلية كتبت بواسطة أحمد كمال

محدش هاجم دكتور الاسنان

صاحب الموضوع متضرر و متضايق ان المرضى بتسال

و دي اصلا مش اخلاقيات مهنية طبية سليمة ...... احنا مرضى مش جواميس رايحين ناخد التطعيم في الوحدة البيطرية ....... من حقي اسال و اتشاور و اتحاور في العلاج و كل حاجة ...... و اللي مش عاجبه يبقى يعلق ورقة ممنوع التحدث مع الطبيب ....... بس يبقى يقابلني لو حد عبره و لا راح له عيادته .....

و سبنا لحضراتكم المعرفة و الفهم ...... بأمارة ال hbv اللي بيتنقل بالتفافة !!!!!!

واضح انك قريت سطر وسبت الباقى .... لكن كلكم مركزين اوى مع الاسنان بما فيهم انت عشان يمكن دة الدكتور الوحيد اللى بيشتغل فى مجال الدم وانت صاحى و منفجل

وانا معترضش ع ان المريض يسأل او بتشاور ان اعترضت ع الاتهامات المتكررة لطبيب الاسنان كأنة مش بردوا دكتور و عندة ضمير

وحوار التفافة هو ممكن ينتقل عن طريق اللعاب او تفافة جوة جرح ضخم مفتوح ولو اعدت أرد واصلح معلومات كل واحد قرأ شوية ع الويكيبيديا يبقى مش حخلص للاسبوع الجاى

ومتشكر يابشمهندس بس مش كل اللى بتقراة ع النت صح

**أحمد كمال** · 28-08-2010 04:22 AM

المشاركة الأصلية كتبت بواسطة ashouhdy

وحوار التفافة هو ممكن ينتقل عن طريق اللعاب او تفافة جوة جرح ضخم مفتوح ولو اعدت أرد واصلح معلومات كل واحد قرأ شوية ع الويكيبيديا يبقى مش حخلص للاسبوع الجاى

ومتشكر يابشمهندس بس مش كل اللى بتقراة ع النت صح

مش عارف ليه حضرتك محسسني اني جاهل و غبي و مش قادر افهم اللي انا قريته

و ليه اغلب الاطباء في مصر - اسنان او غيره - عايزين المريض يبقى جاهل و يفضل جاهل ..... و اما المريض يبقى عنده ثقافة طبية محدودة يبقى لا كده بقى هو من العوام اللي بيحاولوا يتعلموا علم الكهنة !!!

هو حضرتك ال modes of transmission ده يعني حاجة صعبة أوي انها تتفهم؟

معلش اعذرني انا مش طبيب ...... بس افتكر ان ال modes of transmission بتاعة أي مرض مش محتاجة أستاذ دكتور عشان تتفهم

برة الكلام ده بيتدرس للعيال في المدرسة و بالذات ال transmission بتاع ال STDs في ال Sex Ed classes ..... عيال في مدرسة !!

و سيبك من ويكيبيديا ..... انا جايب لينك كمان من وزارة الصحة الكندية .... و لا دول كمان ما بيفهموش و أطباء مصر بس اللي بتفهم ؟؟؟؟؟؟

و اللي كل الناس بتقوله انه ما بيتنقلش من الاكل و لا التفافة ...... حضرتك بتقول لو لعاب جه على جرح مفتوح ..... زميل حضرتك بيقول :

المشاركة الأصلية كتبت بواسطة mcml_13

مين قال لحضرتك ان HBV مابتنقلش من الاكل الملوث بيه زيه زى HAV او حتى من مجرد التعامل مع اى حد مريض بيه .... الفيروس ده موجود فى كل ال bodyfluids عشان كده ممكن لو حد مصاب بيه و (تفتف) عليك و انت بتتكلم ينقلهولك .... عموما فى محلات العصير و عربيات الكبدة مابيعقموش اطباقهم اللى بتبقى contaminated من ناس كتير قبليك

يعني مع احترامي التام الكلام ده غلط ...... هو ممكن يتنقل باللعاب بس لو حصل contact مع جرح ..... زي العض مثلا ..... انما مستحيل يتنقل بالأكل و لا من عربية كبدة و لا محل عصير ....... و اعتقد د. أحمد اللي دارس مكافحة عدوى كلامه بيعزز كلامي :

المشاركة الأصلية كتبت بواسطة د.أحمد عبد الرحمن

رابع المستحيلات ان فيروس بي ينتقل عن طريق الاكل رابع المستحيلات رابع المستحيلات

الحالة الوحيدة اللي اعدي فيها طريقة زي كده
1. انه يتف عليا 7 لتر تفافة
2. اني اكون واخد 20 طعنه في وشي وبخر دم يعني برضه رجعنا لانتقال الدم والجراحات

طول ما شريحة كبيرة من الأطباء في مصر - بكافة التخصصات - فاكرين نفسهم في برج عاجي و المريض ده شحات واقف تحت على باب البرج عمر الطب ما هيتقدم و لا عمر المريض ما هيقتنع بعلاج .......

**ashouhdy** · 28-08-2010 04:35 AM

طب ماانت رديت ع نفسك ؟!! التفافة دى مش حامل للفيروس والجرح دة مش فى دم يبقى احتمال الاصابة وارد مع انها من وحى الخيال بس نظريا اوك

وعارف انك لو اتشكيت بأبرة ملوثة بفيروس سى مش حتتعدى الا فى ظروف نادرة جدا جدا ! وعارف انك لو سليم و دكتور الاسنان اصابك بفيروس سى مش حيظهر عليك اى اعراض فى التحاليل الا بعد ع الاقل 5 سنيين ! وعارف ان اللى بيحللوا بعد كل زيارة مجانيين

احنا لا فى برج عاجى و لا فى برج رخامى ! انت بتفكرنى بالضبط بالضبط بالخلاف بين الصيادلة اللى بيوصفوا الدواء للمريض ومش بيستنوا استشارة الطبيب هو نفس بالضبط طريقة مناقشاتك واللينكات اللى بتقراها جميلة بس لسة ليها تكملة كتير مش مكتوبة

اللى بتعملو انك بترعب نفسك عشان بتاخد نص المعلومة بس ....لكن المعلومة ليها نص تانى مش حتلاقية غير لما تكون عارف انت بدور ع اية بالضبط وفين بالضبط

انا ممكن ادور ع حاجات فى هندسة عندك واوصل لل انا عايزة بس يكون ع قد فهمى للهندسة صح و ع قد علمك (ناقص مش كامل)

ياريت تتقبل الكلام وبلاش حدة الحوار اللى بتتكلم بيها وحاول تقتنع انت كدة عمرك ماحترتاح وكل ماحيجيلك حاجة (لا قدر الله) حتبقى قاعد موسوس و حتجنن وممكن توصل لمرحلة انك تسافر تتعالج برة

وعلى فكرة from modes of transmission of virus hb = saliva
ودة فى اخر واحدث الversions لل مراجع الجديدة بس اعرف اذاى ممكن ينتقل عن طريق اللعاب وطالما اتكتبت يبقى اتجربت و اتعمل عليها ابحاث وممكن انتقال العدوى بيها

ولعلمك لكل نظرية طبية شواذ وانت كبير العارفين

**أحمد كمال** · 28-08-2010 04:52 AM

المشاركة الأصلية كتبت بواسطة ashouhdy

طب ماانت رديت ع نفسك ؟!! التفافة دى مش حامل للفيروس والجرح دة مش فى دم يبقى احتمال الاصابة وارد مع انها من وحى الخيال بس نظريا اوك

أيوة ...... بس عمر ما واحد هيتفتف عليا (و انا وشي مش متشلفط) و هييجي لي الفيرس ...... و الأهم ان عمر ما هاكل في مطعم مهما كان قذر و هييجي لي HBV

المشاركة الأصلية كتبت بواسطة ashouhdy

وعارف انك لو اتشكيت بأبرة ملوثة بفيروس سى مش حتتعدى الا فى ظروف نادرة جدا جدا ! وعارف انك لو سليم و دكتور الاسنان اصابك بفيروس سى مش حيظهر عليك اى اعراض فى التحاليل الا بعد ع الاقل 5 سنيين ! وعارف ان اللى بيحللوا بعد كل زيارة مجانيين

عارف ان العدوى مش سهلة ....... التحاليل هتبان بعد 3 الى 6 شهور (antibody test) عشان ال window period ...مش 5 سنين ...... و قطعيا لو خرجت من العيادة عالمعمل احلل ابقى باضيع وقتي و فلوسي و باتشكشك عالفاضي لان عمره ما هيبان .....

المشاركة الأصلية كتبت بواسطة ashouhdy

احنا لا فى برج عاجى و لا فى برج رخامى ! انت بتفكرنى بالضبط بالضبط بالخلاف بين الصيادلة اللى بيوصفوا الدواء للمريض ومش بيستنوا استشارة الطبيب هو نفس بالضبط طريقة مناقشاتك واللينكات اللى بتقراها جميلة بس لسة ليها تكملة كتير مش مكتوبة

انا و لا باوصف علاج و لا باعمل حاجة ...... حضرتك فيه معلومات بسيطة و أساسية و دي معلومات عامة بتتدرس في المدارس برة ...... بس للاسف هنا الناس و لا تعرف عنها حاجة ..... و نتيجة لذلك نص الشعب عندنا عنده Hepatitis B

المشاركة الأصلية كتبت بواسطة ashouhdy

اللى بتعملو انك بترعب نفسك عشان بتاخد نص المعلومة بس ....لكن المعلومة ليها نص تانى مش حتلاقية غير لما تكون عارف انت بدور ع اية بالضبط وفين بالضبط

اللي هو ايه؟ ان عيادات الاسنان في مصر مش مصدر لنقل العدوى !!! خلاص حقك عليا !!! و انا ما بافهمش و الاطباء الكبار اللي ماسكين المركز القومي لنقل الدم برضه ما بتفهمش .....

المشاركة الأصلية كتبت بواسطة ashouhdy

ياريت تتقبل الكلام وبلاش حدة الحوار اللى بتتكلم بيها وحاول تقتنع انت كدة عمرك ماحترتاح وكل ماحيجيلك حاجة (لا قدر الله) حتبقى قاعد موسوس و حتجنن وممكن توصل لمرحلة انك تسافر تتعالج برة

حدة الحوار؟ هو انا اللي بدأت و قلت ما بتفهموش و لا عارفين حاجة ؟؟؟؟؟؟

الحمد لله انا و لا موسوس و لا يحزنون ...... و على فكرة انا باروح لعيادات اسنان عادي جدا ...... بس اتاكد من التعقيم الاول و باتناقش مع الدكتور ..... و لو لقيته مش عايز يتكلم بامشي و اسيبه و و انا خارج باقول للمرضى برة انه مش عايز يقول هو بيعقم و لا لأ و ساعتها مش اقل من نص الناس بتمشي معايا !!!

المشاركة الأصلية كتبت بواسطة ashouhdy

على فكرة from modes of transmission of virus hb = saliva
ودة فى اخر واحدث الversions لل مراجع الجديدة بس دوور بقى واعرف اذاى ممكن ينتقل عن طريق اللعاب وطالما اتكتبت يبقى اتجربت و اتعمل عليها ابحاث وممكن انتقال العدوى بيها

ممكن لينك بتقول كده اذا تكرمت؟

**ashouhdy** · 28-08-2010 05:03 AM

المشاركة الأصلية كتبت بواسطة أحمد كمال

أيوة ...... بس عمر ما واحد هيتفتف عليا (و انا وشي مش متشلفط) و هييجي لي الفيرس ...... و الأهم ان عمر ما هاكل في مطعم مهما كان قذر و هييجي لي hbv

قلتلك نظريا صح عمليا مستحيل موضوع التفافة دة

عارف ان العدوى مش سهلة ....... التحاليل هتبان بعد 3 الى 6 شهور (antibody test) عشان ال window period ...مش 5 سنين ...... و قطعيا لو خرجت من العيادة عالمعمل احلل ابقى باضيع وقتي و فلوسي و باتشكشك عالفاضي لان عمره ما هيبان .....

ع اساس انى حنقلك كام لتر دم عشان يبان بعد 6 شهور ؟!! ولا ع اساس انك حامل سلبى للفيروس ؟

انا و لا باوصف علاج و لا باعمل حاجة ...... حضرتك فيه معلومات بسيطة و أساسية و دي معلومات عامة بتتدرس في المدارس برة ...... بس للاسف هنا الناس و لا تعرف عنها حاجة ..... و نتيجة لذلك نص الشعب عندنا عنده hepatitis b

نص الشعب عندة فيروس سى او بى عشان فى السبعينات كانوا يغلوا السرنجات و يستخدموها تانى

اللي هو ايه؟ ان عيادات الاسنان في مصر مش مصدر لنقل العدوى !!! خلاص حقك عليا !!! و انا ما بافهمش و الاطباء الكبار اللي ماسكين المركز القومي لنقل الدم برضه ما بتفهمش .....

الاتهامات دايما تلقى جزافا عشان تبعد التهمة عن بقية العناصر المتدخلة فى الاصابة لكن اكتر عيادات تنقل فيروس سى او بى النسا و الولادة والمناظير و و و بنوك الدم ذات نفسها

حدة الحوار؟ هو انا اللي بدأت و قلت ما بتفهموش و لا عارفين حاجة ؟؟؟؟؟؟
عشان كدة قلتلك انك قريت سطر ومكملتش لو كملت حتلاقى بقية الكلام ع اللى بيحصل تحت البنج الكلى وفى المستشفيات عشان بيكون المريض نايم
الحمد لله انا و لا موسوس و لا يحزنون ...... و على فكرة انا باروح لعيادات اسنان عادي جدا ...... بس اتاكد من التعقيم الاول و باتناقش مع الدكتور ..... و لو لقيته مش عايز يتكلم بامشي و اسيبه و و انا خارج باقول للمرضى برة انه مش عايز يقول هو بيعقم و لا لأ و ساعتها مش اقل من نص الناس بتمشي معايا !!!

حقك تتناقش معاة و واجب علية انة يرد عليك

ممكن لينك بتقول كده اذا تكرمت؟

حدور ع موقع المرجع واكتبهولك

**ashouhdy** · 28-08-2010 05:05 AM

Transmission of Hepatitis B
Hepatitis B is transmitted through contaminated blood, sweat, tears, saliva, semen, saliva, vaginal secretions, menstrual blood and breast milk. This can occur when using the same syringe as an infected person, from blood transfusions prior to 1975 (now screened in most countries), having tattoos or body piercing, from mother to child during childbirth, during medical procedures, occupational exposure, during sexual intercourse. Having Hepatitis B does not necessarily mean that he or she is infectious to other people, only some people with HBV are contagious.

**ashouhdy** · 28-08-2010 05:06 AM

Transmission of Hepatitis

ياريت تقتنع أنا بردوا انسان ذيى ذيك

ومتذعلش!

-

-

الموضوع: دكتور السنان و العدوى (فوبيا ملهاش لازمة)

LinkBack

أدوات الموضوع

عرض

-

-

-

-

-

-

-

المواضيع المتشابهه

عاوز دكتور سنان محسش عنده بأى ألم ( انا عندى عقده من السنان )

الكلمات الدلالية لهذا الموضوع

المفضلات

المفضلات

ضوابط المشاركة