الموضوع: خلااااااص...جبت اخري عايز اهاجر

طيب انا عمى عايش فى هولندا ومعاه الجنسية كمان
مافيش اى حل تانى
انا لسة مخلص من سنة

طيب يا جماعه كان فيه موضوع شايع اوى انك تقريبا لما تحب تسافر السعوديه ولا حاجه فى شركات هناك بتدفعلها فلوس الشركه ديه بتديك فيزا حره مع الشغل حر و بتمضى انك متخدش منه فلوس

بس بعديها انت مع نفسك بقى تشوف شغل تنام على الرصيف مش مسؤلين بس المهم هيدوك اقامه حره و ده تقريبا ب 30 الف جنيه

السلام عليكم و رحمة الله و بركاته

ازيكم و كل عام و أنتم بخير و ربنا يعيد عليكم الأيام بكل خير ان شاء الله

ازيك يا دكتور فادى باشا , أخبارك ايه و اخبار الدنيا عاملة معاك ايه .

بالنسبة لهجرة كندا , أهم حاجة أنك تشوف , ادا كنت هتعرف تقدم تبع وظيفة من اللستة اللى فيها 29 وظيفة ولا لأ , لو ممكن تقدم تبع وظيفة من ال 29 دول بتوع كندا , يبقى كل شئ يهون ان شاء الله و ربنا هييسر اللى جاى بعد كده , أنا الموضوع أخد منى حوالى سنتين من ساعة ماقدمت لحد ما دخلت كندا برجلى, بس أنا بعتبر متأخر عن العادى كتيييييييييير , لأن العادى بياخد من سنة الى سنة و نص بالكتييييييييييييير أوى,وده حصل معايا لأن أنا و كل اللى قدموا زى فى نفس الوقت بتاعى كان لينا ظروف خاصة و هى أننا لما قدمنا فى 6 - 2008 , كنا مستنيين قانون الهجرة الجديد لما يتطبق و ده أخر ورقنا لمدة 5 شهور لأنهم سابوا طلبات الهجرة بتاعتنا عالرف و بدأوا فى التعامل معاها فى 11-2008 , الحاجة التانية , أنى كنت مقدم من السعودية و كان الجوابات بتوصل من السعودية للندن - لأنى كنت مقدم على السفارة الكندية فى لندن , حسب ما كان النظام أيامها كده - فى 5 أيام , لكن الجواب اللى بيتبعت من لندن الى السعودية كان بيوصل فى شهر أو 3 أسابيع على الأقل لحد ماستلمه فى ايدى , تقولوا ايه بقه , مملكة الانسانية , حاجة تخلى الواحد يكفر و العياد بالله .

أنا التوقيع بتاعى فيه اللينك بتاع وزارة الهجرة و الجنسية الكندية و ده الموقع الرسمى الحكومى اللى أنا اتعاملت معاه لأنى ماتعاملتش مع محامين ولا حاجة لأنهم بياخدوا فلوس , أنا أولى بيها , الموقع مشروح فيه كل حاجة بوضوح و بساطة زيادة عن اللازم .

و ربنا ييسرلكم الخير كله ان شاء الله .

مازيراتى كواتروبورتيه

انا كل ما اقرأ المواضيع دى بحس فعلا بحزن وبخاف اندم انى شوفت كل النصائح دى وماسافرتش
انا لسه مخلص هندسه السنه دى
وفعلا الموضوع فى دماغى وانا دلوقتى سنى صغير وفى اول الطريق ومحتار امشى فى طريق الهجره دا وخصوصا بعد كلامكم وكمان انا جربت العيشه بره وانا صغير وعارف الفرق هيبقى ايه
وفى نفس الوقت عندى تردد لان الموضوع مكلف وصعب جدا وكمان الى مخلينى اتراجع عن قرار الهجره موضوع ترك العائله دا لانى وحيد واهلى متوقعين انى هفضل معاهم واكون سند ليهم وانا لو سافرت بره مظنش هرجع ومتسواش انى اسيبهم عشان فلوس ولا غيره
بجد الموضوع دا شاغلنى اوى ياريت اسمع ارائكم لان الاخوه الكرام هنا بجد أرائهم عقلانيه جدا
وياربت فى نهايه الموضوع دا نعرف احسن الطرق للهجره لان الموضوع ملخبط خالص وخصوصا من الاخوه المقيمين بره اعتقد هيفيدونا زى الاخ fadod و MASERATI

المشاركة الأصلية كتبت بواسطة medo_2060

انا كل ما اقرأ المواضيع دى بحس فعلا بحزن وبخاف اندم انى شوفت كل النصائح دى وماسافرتش
انا لسه مخلص هندسه السنه دى
وفعلا الموضوع فى دماغى وانا دلوقتى سنى صغير وفى اول الطريق ومحتار امشى فى طريق الهجره دا وخصوصا بعد كلامكم وكمان انا جربت العيشه بره وانا صغير وعارف الفرق هيبقى ايه
وفى نفس الوقت عندى تردد لان الموضوع مكلف وصعب جدا وكمان الى مخلينى اتراجع عن قرار الهجره موضوع ترك العائله دا لانى وحيد واهلى متوقعين انى هفضل معاهم واكون سند ليهم وانا لو سافرت بره مظنش هرجع ومتسواش انى اسيبهم عشان فلوس ولا غيره
بجد الموضوع دا شاغلنى اوى ياريت اسمع ارائكم لان الاخوه الكرام هنا بجد أرائهم عقلانيه جدا
وياربت فى نهايه الموضوع دا نعرف احسن الطرق للهجره لان الموضوع ملخبط خالص وخصوصا من الاخوه المقيمين بره اعتقد هيفيدونا زى الاخ fadod و maserati

يا باشمهندس الموضوع مش اختياري بالشكل اللي بتتكلم بيه

انت في بلد بتتباع منها حتت علشان تقدر تدفع مرتبات الموظفين ...

انت في بلد عجز الموازنة فيها وصل رقم قياسي ....99 مليار جنيه و بيزيد

انت في بلد لاتحترم القوانين و لا الدستور و انت شخصيا مهدد في أي وقت بالبهدلة بدون سبب

انت في بلد مقبلة على نقطة صعبة في تاريخها وهي انتقال السلطة من رئيس يحكم باستقرار من 30 سنة ...و يعالم الأيام دي هاتعدي ازاي و لو عدت هايحصل بعدها إيه ..

انت في بلد لا تتمتع بأدنى درجة من الشفافية و ياعالم لو الناس اللي موجودة اتغيرت هانلاقي مفاجاءات إيه في انتظارنا ..

انت في بلد لا تتمتع بأي وزن اقتصادي أو عسكري أو إقليمي ...جواز سفرك مالوش تمن ولا كرامة

قريب مش هاتعرف تعيش لا أنت و لا أهلك حتى لو أغنيا ..ولو سافرت هتبقى انت مركب نجاتهم من البلد الغرقانة دي .

افتكر اني نصحتك والله نصيحة لله

المشاركة الأصلية كتبت بواسطة fadod

فينك يا عم ، بعت لك علي الخاص وقلت لك ابعتلي تلفونك ، فينك في كندا east wala west ؟
فانكوفر وتوابعها ولا مونتريال . المهم أنا مطمن إن الجو كويس ، بس لو نازل مصر إلحاق قبل الشتاء ميجي حتشوف أيام سودا و-20 تحت الصفر وكدة لو نواحي مونتريال
ولو فيه فرصة تعال صيف عندنا في فلوريدا ، بتاع 5-7 ساعة بالطيارة بس ، بس هنقوم معك بالواجب
ربنا معاك

السلام عليكم و رحمة الله و بركاته

ياباشا , ألف شكر , كلك زوق و أخلاق و الله .

أنا لا فى الشرق ولا فى الغرب , أنا فى saskatchewan - Saskatoon و ديه فى النص بالظبط .

الجو عندنا , الحمد لله حلو جدا و الناس هنا طيبين و وديدين بشكل كبيييييييييييير أوى و بينتهزوا فرصة الصيف التى لا تعوض و بيمارسوا كل الحاجات اللى ممكن تتعمل فى الهواء الطلق , تقريبا لأنهم عارفين أن أودامهم شهرين ولا حاجة و يرجعوا للبيات الشتوى تاااااااااااااااانى , هههههههههههههههه .

أنا كنت أتمنى أنى اعدى عليك فى فلوريدا و كمان لى واحد صاحبى صيدلى , كان جارى فى المنصورة - مصر , عايش فى Panama city فى فلوريدا, كان ممكن أزوره بالمرة , بس أنت سيد العارفين , أن انا عشان أدخل أمريكا , لازم تأشيرة و قصة و حكاية لأن أنا كل اللى معايا كارت الاقامة الدايمة , الظريف أن انا عملت التأمين الصحى بتاعى هنا و أنا بستلم الكارت بتاع التأمين الصحى , افتكرت ,أنى أنا لى تأمين صحى شامل فى كندا رغم أنى لسه مابقيتش مواطن كندى , لكن ماليييييييييييييش تأمين صحى فى مصر رغم أنى مواطن مصرى,بس أنا ناوى ان شاء الله , لما ربنا يكرمنى و آخد الجواز الكندى , أدخل أميركا من غير فيزا و ساعتها أوعدك بزيارة بس أنت ابقى جهزلنا غدا معتبر .

أنا لأنى قاعد عند أختى , فأنا ماليش رقم تليفون خاص , بس الايميل بتاعى أهوه , heeach@yahoo.com و أنا ناوى ان شاء الله أنزل مصر يوم 15-8-2010


أنا كنت دورت عالنت و لقيت لحد دلوقتى كليتين طب هنا فى كندا بيقبلوا طلبة بدون شرط امتحان ال MCAT و هما :
Northern ontario
Ottawa
أنا مش عارف , أقدم ولا ايه رأيك.

أصل أنا عارف أن أنا لو أخدت المعادلة الكندية , يكاد يكون من الصعب أنى يجيلى نيابة جراحة فى كندا على أساس أنى ده تخصصى , و ده لأنى متخرج من جامعة بره كندا و بالكتير أوى ممكن يجيلى طب أسرة و ده فى أحسن الأحوال ,و لما حسبتها , لقيت أن من الممكن جدا بعد ما آخد المعادلة و أخلصها, أقعد بتاع سنتين و لا تلاتة , أقدم على النيابات و مايجليش حاجة و بالشكل ده يبقى احنا عملنا الأربع سنين بتوع كلية الطب و بالنسبة للمصاريف , أنا ناوى لو همشى فى الموضوع ده , أنى آخد قرض زى كل الطلبة مابتعمل .

برضه لما دورت عالنت لقيت أن كلية الطب فى جامعة Dalhouise عاملة Clerkship مدته سنتين , بس لازم يكون معايا ال MCCEE و ال MCCEQ1 و تويفل و ده بيدينى فرصة أنى أتخرج ك canadian graduate و انت عارف يعنى ايه canadian graduate , و برضه البرنامج ده , لو أنت بصيت عليه , هتلاقى أنه هو لوحده هياخد سنتين و كمان قبل منه سنة أكون مقضيها فى نوفاسكوشيا , زى ما الكلية مشترطة , يبقى برضه نفس الوقت تقريبا بتاع أنى أدرس طب - 4 سنين - من الأول , ولا ايه .

أنا هستخير ربنا و أشوف ايه اللى هيحصل .

مازيراتى كواتروبورتيه