الموضوع: خلااااااص...جبت اخري عايز اهاجر

حرام خلونا قاعدين صابرين

المشاركة الأصلية كتبت بواسطة ahmed ezz

لما اتشتم في بلدي عشان ماشي صح ..يبقي لازم اهاجر
لما حتة امين شرطة مالشو اي 30 لازمة يتنك عليا ...يبقي لازم اهاجر
لما "حمادة يطلع رخصة قدامي و هو مش عارف يوقف يفرمل العربية او يطلع بيها عشان معاة كارت من اونكل "فلان بيه "... يبقي لازم اهاجر
لما الف القاهرة كلها عشان اجدد عربية... يبقي لازم اهاجر
لما المشوار ابو 10 دقايق اخدة في 45 دقايق ... يبقي لازم اهاجر
لما سلوك البني ادمين مش هيتغير ...يبقي لازم اهاجر
لما يطلع عيني 18 سنة دراسة و يبقي في الاخر مرتب غير ادمي ...يبقي لازم اهاجر
لما الاجنبي يتعامل في بلدي احسن مني ...يبقي لازم اهاجر
لما اتعامل معاملة غير ادمية في اي مكان حكومي ..يبقي لازم اهاجر

و لسة الكلام كتيييير جدااااا

محدش يعرف اسهل طريقة لطالب عشان يهاجر لاي بلد؟؟؟

هههههههههههههه ياراجل ..........انت لسه ما اخدتش التطعيم ولا ايه ..........البلاده ايوه البلاده بقت هى الشعار او بمعنى اخر عشان تعيش فى البلد دى خلييييييييييييك بارد زى اللى باريدن و عيشين او حط نفسك فى تلاجه ..............او تعايش وربنا يخرجنا منها على خير..............

علشان كل الأسباب اللى حضرتك قولتها ، ولما كان مُهمة الإنسان فى الكون إعمار الأرض ، ولما كان على الإنسان السعي وليس النتائج ، وعلشان دي مرحلة بتمر بيها جميع الأمم ، وعلشان النجاح بيتعدى حدود الفرد ليشمل أرض أستُخلف فيها

فأنا قررت إني أفضل فى بلدي ، أكافح وأتعب وأستحمل ، وهتتغير بينا بإذن الله

(أنا أتفق معاك مليون فى المية إن الحال أصبح سيئ بكتيير و و و و و و ) لكن كل ده لازم يتصلح ، وبينا مش بغيرنا

كل الأمم مرت بفترات ضعف ، ومنهضتشي غير بأولادها ، اللى قرروا يكونوا عندهم رؤية كبيرة ، كبيرة بجد ، قرروا يكونوا إيجابيين بجد ، قرروا أنهم يقدروا ، قرروا إن المصير بأديهم ، عرفوا إن لكل نجاح ثمن ، وقروا يدفعوه

يقول تعالى

"إن يمسسكم قرح فقد مس القوم قرح مثله وتلك الأيام نداولها بين الناس وليعلم الله الذين آمنوا منكم ويتخذ منكم شهداء والله لا يحب الظالمين"

ويقول تعالى

"أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَأْتِكُمْ مَثَلُ الَّذِينَ خَلَوْا مِنْ قَبْلِكُمْ مَسَّتْهُمُ الْبَأْسَاءُ وَالضَّرَّاءُ وَزُلْزِلُوا حَتَّى يَقُولَ الرَّسُولُ وَالَّذِينَ آمَنُوا مَعَهُ مَتَى نَصْرُ اللَّهِ أَلَا إِنَّ نَصْرَ اللَّهِ قَرِيبٌ"


أنا مش طير
أنا مش طير ولاعاشق لأرض الغير
تهبي ياريح وماتهشي أنا دراي هنا وعشي
ولون القمح من وشي سنابل في الوريد بتسير
وأنا مش طير ولا عاشق لأرض الغير
ولابجناحي بتغرب وساعة الجد بتهرب
أنا قلبي هنا اتشرب سنين مرة وساعة خير
وأنا مش طير ولا عاشق لأرض الغير
حرير المهد كان حجرك شربت الشهد من صدرك
وتنسيني أنا فاكرك ومن حقي عليكي أغير