خلااااااص...جبت اخري عايز اهاجر

**medo_2060** · 05-08-2010 01:25 PM

المشاركة الأصلية كتبت بواسطة ahmed samy

يا باشمهندس الموضوع مش اختياري بالشكل اللي بتتكلم بيه

انت في بلد بتتباع منها حتت علشان تقدر تدفع مرتبات الموظفين ...

انت في بلد عجز الموازنة فيها وصل رقم قياسي ....99 مليار جنيه و بيزيد

انت في بلد لاتحترم القوانين و لا الدستور و انت شخصيا مهدد في أي وقت بالبهدلة بدون سبب

انت في بلد مقبلة على نقطة صعبة في تاريخها وهي انتقال السلطة من رئيس يحكم باستقرار من 30 سنة ...و يعالم الأيام دي هاتعدي ازاي و لو عدت هايحصل بعدها إيه ..

انت في بلد لا تتمتع بأدنى درجة من الشفافية و ياعالم لو الناس اللي موجودة اتغيرت هانلاقي مفاجاءات إيه في انتظارنا ..

انت في بلد لا تتمتع بأي وزن اقتصادي أو عسكري أو إقليمي ...جواز سفرك مالوش تمن ولا كرامة

قريب مش هاتعرف تعيش لا أنت و لا أهلك حتى لو أغنيا ..ولو سافرت هتبقى انت مركب نجاتهم من البلد الغرقانة دي .

افتكر اني نصحتك والله نصيحة لله

والله يا دكتور مش عارف اعلق على ايه فى كلامك لانه كله صح ومش محتاج تعقيب..
شكرا لاهتمامك بالموضوع وان شاء الله هحاول بقدر استطاعتى اشوف سفر عشان بعد سنين لو ربنا ادانى العمر وطبعا الحاله هنا هتبقى زفت زى ما حضرتك عارف مقولش انا الى مسمعتش كلام الدكتور احمد وغيرهم من الناس الى نصحتنى
وفى انتظار افضل الحلول للهجره من اخواننا فى المنتدى

**fadod** · 06-08-2010 05:07 AM

المشاركة الأصلية كتبت بواسطة ahmed ezz

في انتظارك

يعني أنا كنت لسة بفكر في الفكره ديه ولقيت موضوع اتعمل عليها أساسا..وهي الزواج من أجنبية
2 أصحابي من اللي شغالين في شرم إتجوزو اتنين ستات . هما مش عواجيز شمطاء ، يعني في الخمسينات ..مش سبعينات ، بدايه سن اليأس
واحدة من السويد ومش عرف الثانية منين..هما وأخدين الموضوع بيزنس صرف ، يعني ولا حب ولا زفت .بس الجواز بيطلعك من البلد من غير ماتحارب علي فيزا ولا تروح سفارات ، ولا حاجه وكمان إقامة وجنسية بسرعه .
أنا مش مع الفكره ديه خالص ومش برشحها لحد بس أنا من الكلام حاسس إن اليأس مخلي الناس مستعده تعمل أي حاجه ، حتي لو فيها موت ذي المراكب اللي بتطلع إيطاليا كده، علي الاقل الموضوع دة مافيهوش موت ولا دفع فلوس لحد يهربك.
علي فكره الناس دول مش أغنياء ذي منتو فاكرين ، الناس بره مابتحوش وعيشة يومها بيومه علشان مش خايفين من بكره ، يعني هتلقيهم بيشتغلو لغايه سن السبعين ،بس بيصرفو ويتفسحو ويعملو كل اللي عايزينه

**Donzi** · 06-08-2010 05:47 AM

طب انتو كلكو شباب و ممكن بعد بحث و تعب تيجلكو فرصة الهجرة فعلا

انا بقى بنت و عاوزة اهاجر و مش عاوزة اعيش في البلد دي ولا اكون فيها اسرة

البلد دي قتلت طموحي و خلتني مش عاوزة اشتغل عشان ماتهانش و اطحن في شغلي و في الاخر ماخدش حقي و مش عاوزة اربي ولادي في البلد دي يطلعو مقهورين و ابوهم يبقى بيشتغل 16 ساعة في اليوم و مش لاحق حتى يشوف ولاده ولا يساهم في تربيتهم عشان بيجري ورا لقمة العيش ......... هي دي عيشة دي

اعمل ايه بقى اموت من القهر ولا استسلم للامر الواقع ولا اقعد في لا اشتغل ولا اتجوز ولا ايه بالظبط

.

**AmatoALLAH** · 06-08-2010 05:03 PM

المشاركة الأصلية كتبت بواسطة donzi

طب انتو كلكو شباب و ممكن بعد بحث و تعب تيجلكو فرصة الهجرة فعلا

انا بقى بنت و عاوزة اهاجر و مش عاوزة اعيش في البلد دي ولا اكون فيها اسرة

البلد دي قتلت طموحي و خلتني مش عاوزة اشتغل عشان ماتهانش و اطحن في شغلي و في الاخر ماخدش حقي و مش عاوزة اربي ولادي في البلد دي يطلعو مقهورين و ابوهم يبقى بيشتغل 16 ساعة في اليوم و مش لاحق حتى يشوف ولاده ولا يساهم في تربيتهم عشان بيجري ورا لقمة العيش ......... هي دي عيشة دي

اعمل ايه بقى اموت من القهر ولا استسلم للامر الواقع ولا اقعد في لا اشتغل ولا اتجوز ولا ايه بالظبط

.

كانك بتتكلمي عني

دا انا دلوئتي بقول يا ريتني كن راجل :(

**mobitic** · 06-08-2010 08:02 PM

المشاركة الأصلية كتبت بواسطة Tyler_Durden

احنا زي عيلة سلبية سابت كيس الزبالة جوه المطبخ يكبر و يكبر و ماحدش من العيلة عنده إستعداد ياخد كيس الزبالة و يرميه .. لحد ما الزبالة انفجرت في وش كل السكان بلا إستثناء
احنا المسؤولين عن الأوضاع بسلبيتنا و عدم رغبتنا الحقيقية في إصلاح أحوالنا ..

و الحجة جاهزة ..احنا عايزين نربي العيال ..
أهو العيال هاتهاجر و يسيبوها

كلامك صح مليون الميه وقولت اللى كنت عايز اقوله بالظبط

**م/مصطفى محمود** · 07-08-2010 01:23 AM

المشاركة الأصلية كتبت بواسطة tyler_durden

احنا زي عيلة سلبية سابت كيس الزبالة جوه المطبخ يكبر و يكبر و ماحدش من العيلة عنده إستعداد ياخد كيس الزبالة و يرميه .. لحد ما الزبالة انفجرت في وش كل السكان بلا إستثناء
احنا المسؤولين عن الأوضاع بسلبيتنا و عدم رغبتنا الحقيقية في إصلاح أحوالنا ..

و الحجة جاهزة ..احنا عايزين نربي العيال ..
أهو العيال هاتهاجر و يسيبوها

والله العظيم هو ده الكلام اللى زي الفل

بجد بجد أحييك على موقفك

**Donzi** · 07-08-2010 02:15 AM

المشاركة الأصلية كتبت بواسطة muslima

دايما باقولها لو كنت راجل ما كنتش قعدت يوم في البلد السكر دي

المشاركة الأصلية كتبت بواسطة amatoallah

كانك بتتكلمي عني

دا انا دلوئتي بقول يا ريتني كن راجل :(

طب ما تيجو نهرب مع بعض

يا إما حد يقولي حل

.

-

-

-

الموضوع: خلااااااص...جبت اخري عايز اهاجر

LinkBack

أدوات الموضوع

عرض

-

-

-

-

المواضيع المتشابهه

عايز اهاجر لاستراليا او كندا وعايز الماشوره من اصحاب الخبره

محتار جداا لو عايز عربية شبابي و اخري 200 الف اجيب اية ؟؟؟؟؟

عايز اسجل في اي جامعة اخري - اقامة + جيش

انا عايز اهاجر

الكلمات الدلالية لهذا الموضوع

المفضلات

المفضلات

ضوابط المشاركة