الواحد يا شباب لما بيقرأ تعليقاتكم عن البلد والهجره برا مصر بيحزن علي الحال اللي وصلت ليه البلد ، وبحس فعلا إن قرار الهجره اللي الواحد اخده من سنين طويله كان قرار صح مع فرق واحد إن ساعتها كانت الحاجه أسهل نسبيا كسفر بره مصر ومعيشه.
يعني في اواخر التسعينات أي طالب كان بيدخل صيدلة مثلا ،كان أول يوم يطلع فيه كارنيه الكلية يطلع علي سفاره أمريكا أو أي بلد أوروبي ، ياخد الفيزا بالكارنيه ، كانت حاجه شائعه جدا . دلوقتي رجال أعمال وناس لهم أقارب يحملون الجنسية ومفيش ولا حاجه . كأن السفارات فتحه علشان تلم فلوس فيز وخلاص.
مواضيع الهجره لكندا واوستراليا بتاخد وقت كبير أوي ، بالسنين وعايزه فلوس أوراق وترجمة وكورسات وتحاليل وممكن في الاخر تترفض. فيريت تخلو بالكم من الموضوع داه . أنا واحد صاحبي إترفض من كندا وخسر فلوس ، وأخد كورسات فرنساوي وتعب فيها كتير .
أنا ممكن اساعد فيكم اللي يهاجر ، بس بعد ما يهاجر كمساعده في أمريكا أو كندا كشغل أو دراسه
يعني أول حاجه أي واحد يعملها لما يهاجر إنه يأمن الهجره بمعني لو إنت طالع من مصر دراسه ، انسي من أول يوم الدراسه وابتدي شوف محامي وإشتغل من نار علشان تعمل فلوس تصرف بها علي الورق ، داه اللي هيخليك تدرس بعد كده ويجب لك كل اللي إنت عايزه ، تدرس بس مش هيفيدك لأنك في الاخر هيجي عليك وقت وتتخرج وتلقي نفسك من غير إقامة. نفس الكلام للمسافر سياحه ، داه لو صدقنا من الاساس إنه رايح سياحه
تخليص الورق والاقامة بياخد سنين وفلوس كتير ، بس هي ديه الطريقة الوحيده علشان تخلي نفسك قانوني ، واوعى تيجي في وسط الطريق وتنخ ، أو تقول بلد وأهلي وحشوني ، زاي ماناس كتير الغربه بتخدهم وبيضيعو كل حاجه عملوها. أنا بس حبيت أقول لكم علي اللي بيحصل علشان ممكن متكونوش مستوعبين .
يعني لازم وإنت مسافر تنس أهلك ، وأصحابك وقريبك،،بس خد معك دينك و خلقك وتربيتك واوعي تفرط فيهم أبدا .لازم تاخد الموضوع ياما أبقي رجل وأثبت نفسي ، يا اما هرجع لاهلي عيل وأعيد أيام العذاب اللي أنا كنت شايفها . خد بالك إنت بردو مش هتبقي عاق بوالديك لأنك سبتهم زاي ماناس قعدت تقول،،خدها من ناحيه انك هتساعدهم وهتساعد اخواتك ونفساك ماديا لانهم ملزمين منك وهتساعدهم معنوية لما تنجح ويتشرفوا بيك
وربنا معكم
بكرا حقولكم علي أسهل طريقه تطلعو بها من مصر ، بس هي مش كويسه ، بس أقولها
المفضلات