الموضوع: تعليق على مسلسل الجماعة

حضرتك أنا متابع جيد جداً للجماعات الإسلامية بكافة أشكالها على مرّ العصور و تاريخ الإخوان الذي أتحدث عنه مستسقى من أراء مختلفة و من مراجع مختلفة و من عقيدتهم نفسها، يكفي قراءة كتب سيد قطب لتعرف أنه تعرض ما يشبه بالصدمة الحضارية عندما هاجر لبلاد الغرب.

أيضا محمد قطب و سيد قطب هم بالفعل مروجي العقيدة التكفيرية (أنظر كتاب حياة بن لادن لتعرف أن مدرسه كان محمد قطب وهو من أقنعه بالعقيدة التكفيرية).

أما عن الحكومة، فهم ليسوا بخير عن الإخوان، ولكن الوعي السياسي و الحنكة للنظام الحالي هي ما تعطيه الإستمرارية، في رأي الشخصي أن النظام الحالي لولا وعي الرئيس مبارك و حنكته السياسية و علاقته الجيدة بجيرانه و عدم التهليل و التحدث على كل صغيرة وكبيرة او خلق انجازات وهمية كالتي تقوم بها سوريا أو حتى مصر ايام عبد الناصر، كل تلك الأمور هي من أعطت الشرعية لنظام مبارك حتى هذا اليوم، فهو حليف استراتيجي قوي للدول الغربية، و مؤيد لكل الدول العربية في كافة قضاياها، و الجميع يعتبره قائد للمنطقة بأسرها، وهذا رأي كل المحللين الغربيين والعرب الحياديين بلا منازع.

أعود لأقول عن الحكومة أنها فاسدة بكل المقاييس، ولكن الفساد الحكومي الحالي، أرحم و أطهر من تكفير الأخرين و قتلهم و قطع رقبتهم و اعتبارهم من الخوارج.

الأن يمكننا أن ننتقد الحكومة كيفما شئنا وفي كل مكان وزمان، أما مع أي نظام فاشي من الذي تروج له الجماعات الدينية الان فلن نستطيع حتى أن نعبر عن انتمائنا الديني أو السياسي. وطبعا أول تلك الجماعات هم الإخوان!

لحد جاي مصر زيارة مثلا

المشاركة الأصلية كتبت بواسطة r0xer

بصراحة لا أحب النقاش في أسس تاريخية مبني عليها تاريخ بالكامل، يعني كمن يكذب أن مفكر إسلاموي كسيد قطب و أخيه محمد قطب هو سبب ظهور أمثال بن لادن.و هو صاحب فكر التكفير المنتشر الأن و المتسبب في تدمير صورة الدين إسلامي على الصعيد الدولي. أو التشكيك في أن الإخوان هم من قتلوا الخازندار ( أمال انا اللي قتلته؟).

بص بغض النظر ان انت جبت تصرف فردى حصل من ستين سنة و مصمم ان ده هو منهج الجماعة و انهم متمسكين به بتحاول تلصق تهم و تبنى نظريات و اطروحات بناء على هذة الاتهام الهش و اللى الامام البنا اصلا تبرأ منه و لم يؤيده و اللى الاخوان لحد انهارده بيأكدوا و مصممين ان ده مش منهجهم و ان كل ادبيات الاخوان المسلمين اللى موجوده فى المكتبات و اللى منتشرة مهياش سر يعنى لا يوجد فيها تربية لتخريج افراد يحملوا هذا التوجه و ان بيتاخد على الاخوان اصلا صبرهم و ارجاعهم لكل ما يحدث لهم من تشريد و قطع ارزاق و تضييق فى الحياة و مصادرة للحريتهم الى قانون حتمية البلاء و الصبر عليه
اللى انت اصلا زعلان اوى كده على قتله و مطلعه و كأنه صاحب الضربة الجوية الاولى فى حرب اكتوبر و الراجل اللى مجابتوش ولاده و قاضى قضاة مصر و مش عارف ايه الناس كلها كانت بتكرهه عشان حكم على الفدائيين اللى كانوا بيحاربوا الاحتلال الانجليزى فى مصر فى القناة و اسكندرية بالسجن المؤبد و كان كل تهمتهم كان مش انهم قتلوا حد لا مجرد اعتداء على القوات الانجليزية المتواجدة فى الاسكندرية راح حاكم عليهم بالاشغال الشاقة المؤبدة
فمتحاولش تصور مثلا انهم قتلوا- مع رفضى لذلك الاسلوب بالطبع- راجل وطنى شريف خايف على البلد اللى زى دول كانوا فى نظر الناس زمان زى ما بنقول دلوقتى كده بالعامية ناس عايزة الحرق

وماذا عن حادث المنشية عند محاولة قتل عبد الناصر؟ أليسوا هم أيضاً؟

تمثيلية المنشية اللى قاصى و الدانى عارف انها تمثيلية و مدبرة من جمال عبد الناصر شخصيا عشان بيتلكك للاخوان و عايز ينفرد بحكم مصر بعد ما قصقص ريش نص مجلس قيادة الثورة اللى كانوا معاه وعايز يحطوهم كلهم فى السجون يا راجل فى حد يروح يقتل حد بمسدس مفيهوش طلقات و راجع محاضر القضية اللى عملتها محكمة الثروة عشان تشوف قد ايه كانت كوميديا

وماذا عن "طظ في مصر؟ " التي قالها المقبور بإذن الله عاكف؟

بالنسبة لنقطة طظ فى مصر فده اجتزاء للكلام من سياقة على طريقة و لا تقربوا الصلاة فهل كان الله يأمرنا بترك الصلاة مثلا
طظ فى مصر اتقالت فى سياق يا ترى ترضى يحكمك حد ماليزى او غير مصرى تحت شرعية خليفة المسلمين و لا لازم يبقى مصرى
طبعا التعبير خانه لكن الكلام فى مضمونه صحيح و يعتقد به نسبة كبيرة جدا من المسلمين فى المنتدى هنا او برا المنتدى الا لو كنت غير ذلك فانت غير ملزم بهذا الاعتقاد

اما بقى بالنسبة لكلمة المقبور باذن الله عاكف ؟
حقولك كلمه واحده ربنا يهديك

عقول كتلك لا يمكن تحملها و لا يمكن حتى مناقشتها "فالمختلف معهم كافر في رأيهم" و أسلم حل لهم هو فضحهم دائماً من خلال الإعلام و اعطائهم حجهم الحقيقي.

يا سلام و انت جبتها منيين ديه ان شاء الله و لا كل واحد متخيل حاجه فى خياله ال.... حيجى يفرضها بالامر الواقع هاتلى دليل واحد ان اى حد مختلف معاهم بيكفروه

انا من الاخوان المسلمين و اتشرف بكده و تربيتنا داخل الاخوان تحتم علينا الا نكفر احد و الامام البنا قال فى الاصول العشرين لدعوة الاخوان المسلمين ( ولا نكفر مسلما أقر بالشهادتين وعمل بمقتضاهما وأدى الفرائض ـ برأي أو بمعصية ـ إلا إن أقر بكلمة الكفر، أو أنكر معلوما من الدين بالضرورة، أو كذب صريح القرآن، أو فسره على وجه لا تحتمله أساليب اللغة العربية بحال، أو عمل عملا لا يحتمل تأويلا غير الكفر)

أما على أرض الواقع فالمصريين لايعرفون عن السياسة شيئاً بعد و لا يمكن تقرير مصائرهم بأيديهم حتى لا تحدث كارثة ككارثة "غزة" او كارثة "ايران" و الان يحاولون التخلص ممن جائوا بهم للسلطة

ايران فى كارثة اللى لسه فاتحه مفاعل جاايبلها الف ميجا وات
ط§ظ„ظ…طµط±ظ‰ ط§ظ„ظٹظˆظ…
و احنا هنا اللى قاعدين فى الضلمة و عندنا عجز فى 50 ميجا وات مخليين البلد كلها مضلمة و دخلت فى ازمة نقص كهرباء و توزيع احمال
ايران اللى بنفكر نستورد منها قمح دلوقتى عشان عندنا المخزون الاستراتيجى مش كفينا شهرين قدام و معظم الناس وقفت تصدير الحبوب
ايران اللى بتعمل السلاح بتاعها دلوقتى
و اللى عندهم دلوقتى صناعة عربيات و عملوا عربية باسمهم
انا مش بحب ايران عشان هما شيعة رافضة لكن الاية الكريمة بتقول ايه {يَا أَيُّهَا الَّذِينَ آمَنُواْ كُونُواْ قَوَّامِينَ لِلّهِ شُهَدَاء بِالْقِسْطِ وَلاَ يَجْرِمَنَّكُمْ شَنَآنُ قَوْمٍ عَلَى أَلاَّ تَعْدِلُواْ اعْدِلُواْ هُوَ أَقْرَبُ لِلتَّقْوَى وَاتَّقُواْ اللّهَ إِنَّ اللّهَ خَبِيرٌ بِمَا تَعْمَلُونَ} (8) سورة المائدة

ايران دول عندهم ازمة و احنا عايشية فى بحبوحة من الحياة مش كده

هما فى ازمة

كما أن للإخوان سجل تعاون مع المخابرات البريطانية في خمسينيات وستينيات القرن الماضي و هناك عدة وثائق مخابراتية تشير إلى ذلك.

ههههههه

فين بقى الوثائق اللطيفة ديه

بصراحة موضوع الإخوان منتهي و لا أستطيع حتى مجرد التفكير في إضاعة وقتي للتحدث عن فكرهم "الفاشي" و "التكفيري" و أيضاً المبني على عدم احترام الآخرين "كالطظ الشهيرة في مصر و أبوها!!" هاهاهاها وسلملي على إحترام البلد اللي عايزين يمسكوها!

منتهى بالنسبة لك رايك وانت حر فيه لكن قوة الراى تكون بالدليل عليه و ليس اطلاقه على عواهنه



اتمنى انى مكنش ضايقتك

و كل واحد له رايه و هو حر فيه