هاغير لزيت فيسكو ان شاء الله

**bakkarahmed** · 28-08-2010 04:09 AM

المشاركة الأصلية كتبت بواسطة karimfahmy99

اعتقد ان زيت 3000 اصبح تخليقى 100% من كلام مهندس محمد التازى

انا فهمت من المهندس محمد ان الزيت 3000 اصبح معدني بالكامل بدل نصف تخليقي

المشاركة الأصلية كتبت بواسطة Mohamed_Tazy

اولا حضرتك تقصد 300 كم ولا 3000 كم ؟؟
ثانيا : اختبار مسح الزيت الرهيب الى كلنا بنعمله وهو اصلا مالهوش معنى فى عالم الزيت خالص الزيت يا باشا لا يفقد خواصه الا اذا تاكسد وعلامات الاكسده هى التالى ان يكون الزيت سميك ولزج وذو رائحه نفاذه ولونه بنى فيما عدا ذلك فان الزيت يعمل داخل المحرك ويؤدى وظيفته خلال فترة الكيلومتر بتاعته
ثالثا هو صوت الموتور على معاك
لو الحاجات التلاته دول حضرتك جاوبت عليهم هتعرف الاجابه
بس انا متاكد انه زى الفل
اصلى بينى وبينك بحطه فى عربية والدى

QUOTE=Mohamed_Tazy;3872842269]

[justify] منتجات bp الى هى فيسكو مش بقالها كتير فى السوق فاحنا ماشيين مع التطور الى فى الدنيا وكذلك طبعا شيل وموبيل ولكن مع احترامى الكامل ليهم وهما شركتين من اكبر الشركات فى مصر الا انهم اعتادوا على مخاطبة العميل بالصياغه التى تتماشى مع رغبته من 20 سنه الا وهى عدم استمرار الزيت فى الموتور لفتره طويله معنى ذلك ان الشركات الاخرى زيوتها ذات جوده عاليه برضه ومن الممكن ان تظل فى الموتور لفتره اطول من المعلن ولكنها عمليه تسويقيه بحته[/justify]

[/QUOTE]

المشاركة الأصلية كتبت بواسطة Mohamed_Tazy

الزيوت النصف تخليقيه تكلفتها عاليه وفى نفس الوقت اداؤها متوسط بين التخليقى والمعدنى ولذلك قررت شركة bp انتاج زيت فيسكو 3000 معدنى وبنفس المواصفه وللعلم هذا الزيت يتم استيراده مغلق من الخارج ولا يصنع فى مصر
السؤال التالى الفكره بس هو تعويد الموتور على نوع معين من الزيوت وميفضلش تغيير اكتر من نوع للعربيه وعملية الفلاشينج بتتعمل كده كده من اى زيت ولكن عشان ميتفضلش فى الموتور اى نوع من الاضافات الى فى الزيت الاول بنعمل غسيل بزيت فيسكو ولو هو بيتستخدم اصلا تخليقى ممكن وبقول ممكن يستخدم ال فيسكو 5000 على طول من غير غسيل

اتمني ان وجهه نظري تكون وضحت وان الفكره ان ممكن موبيل xhp يقعد لحد 1000 كيلو بس الفكره فكره دعايه لان الاحلال والتبديل مطلوب للمكسب وان فيسكو 2000 مقابل للموبيل اللي في جركن ابيض من حيث السعر والمواصفات الفنيه

**karimfahmy99** · 28-08-2010 04:14 AM

المشاركة الأصلية كتبت بواسطة karimfahmy99

اعتقد ان زيت 3000 اصبح تخليقى 100% من كلام مهندس محمد التازى

تصحيح سوف يكون معدنى 100%

معلش كنت بفكر فى حاجة و بكتب حاجة

**bakkarahmed** · 28-08-2010 04:23 AM

المشاركة الأصلية كتبت بواسطة karimfahmy99

تصحيح سوف يكون معدنى 100%

معلش كنت بفكر فى حاجة و بكتب حاجة

ولا يهمك بس انا عايز اعرف رأيكم ايه في الكلام من حيث المنطق؟؟؟؟؟؟؟؟

**karimfahmy99** · 28-08-2010 04:32 AM

انا مش من انصار انى اخللى الزيت 20000 و لا 25000 كم فى العربية . جونا مترب و انا من خبرتى ان تغير الزيت دا زى متكون بتستحمى . فانا بمسك العصاية من النص . لا 25000 و لا 10000 خللينا ف 15000 من حيث الجودة و برضة بغيرة على 10000

دا رأيى الشخصى . و حكاية تخليقى و لا نص تخليقى الله اعلم اية الصح مع العلم ان الموتور عندى لسة جديد بس بستخدم ال 3000 مش ال 5000

**bakkarahmed** · 28-08-2010 04:48 AM

المشاركة الأصلية كتبت بواسطة karimfahmy99

انا مش من انصار انى اخللى الزيت 20000 و لا 25000 كم فى العربية . جونا مترب و انا من خبرتى ان تغير الزيت دا زى متكون بتستحمى . فانا بمسك العصاية من النص . لا 25000 و لا 10000 خللينا ف 15000 من حيث الجودة و برضة بغيرة على 10000

دا رأيى الشخصى . و حكاية تخليقى و لا نص تخليقى الله اعلم اية الصح مع العلم ان الموتور عندى لسة جديد بس بستخدم ال 3000 مش ال 5000

انا مع كلامك وكنت بنزل الموبيل xhp علي 2500 كيلو بس انا بتكلم علي حاجه تانيه خالص ..الا وهي توازي جوده الثلاث انواع بتوع الموبيل و الشيل مع الثلاث انواع للفيسكو من حيث السعر والخواص والكيلو مترات مع فارق تصريح مهندس محمد التازي بفترات التغيير الصحيحه وان المشكله في شل وموبيل انهم مش بيصرحوا بالفترات الصحيحه علشان يبيعوا اكتر

**karimfahmy99** · 28-08-2010 04:57 AM

طبعا دى عملية تسويقية بحتة . المصلحة العامة انة يبيع المنتج و لان موبيل و شل قدام فبيصدقو كلامهم و لو قالو موبيل وان يتغير بعد 1000كم هتلاقى الناس بتعمل كدة طبعا دا كلامى بس الزيوت تختلف من حيث درجة النقاء و دا مربط الفرس . اقولك انا بقالى 35 سنة بتعامل مع مصر للبترول من اول زيت ال 3000كم و بعدين ال 7500 و بعدين 10000 على مر السنين و اخر زيت كنت بستعملة خمس سنين فى العربية اللى بعتها كان زيت اسمة مصر وان 10000 كم و سعرة 85 جنية و بصراحة كان معايا زى الفل و بغيرة على 9000 . و طبعا مهندس محمد التازى من مصلحتة طبعا ترويج منتج جديد ليدخل المنافسة . المهم المصداقية فين ؟؟ زى ما قلتلك دى سياسة تسويق

**fghahkj** · 30-08-2010 03:09 AM

ياجماعه انا بستخدم فيسكو من حوالى 7 شهور

انا سمعت عنو بالصدفه عن طريق النت اولا انا عربيتى سوزوكى موديل 2008
كنت بستخدم زيت شيل الاصفر المفروض انو 5000كيلو انا كنت بنزله على 4000 وكان بينزل هباب ومفهوش لزوجه غير سعره كان غالى انا قلت خلاص اجرب فيسكو انا جيبتو من البنزينه الى خلف الجراج فى جسر السويس جبت فيسكو 2000 والى اعرفه عنو انه 10000كيلو انا قلت خلينى فى المضمون واغيره على 7000 كيلو وانا كسبان برضو .

لاقيت صوت الماتور بقى انعم وعجبنى جدا وبعد 3-4 غيارات كده نصحت واحد صحبى معاه نفس نوع وموديل سيارتى انه يغيره وفضلنا عليه انا وهو لحد ملاحظنا بعد اربع شهور من استخدامه ان الزيت بينزل ناقص كيلو ويمكن اكتر فقلنا خلاص خليه 6000 كيلو برضو نقص عندى وعندو واخر مره انا نزلتو كان ناقص اكتر من كيلو ونص المهم صاحبى بطل يغير فيسكو لكن انا قلت اخر مره اجرب واغيره على 5000 واشوف وانا حاليا عامل 2500 وربنا المستعان

**bakkarahmed** · 30-08-2010 03:54 AM

المشاركة الأصلية كتبت بواسطة fghahkj

ياجماعه انا بستخدم فيسكو من حوالى 7 شهور

انا سمعت عنو بالصدفه عن طريق النت اولا انا عربيتى سوزوكى موديل 2008
كنت بستخدم زيت شيل الاصفر المفروض انو 5000كيلو انا كنت بنزله على 4000 وكان بينزل هباب ومفهوش لزوجه غير سعره كان غالى انا قلت خلاص اجرب فيسكو انا جيبتو من البنزينه الى خلف الجراج فى جسر السويس جبت فيسكو 2000 والى اعرفه عنو انه 10000كيلو انا قلت خلينى فى المضمون واغيره على 7000 كيلو وانا كسبان برضو .

لاقيت صوت الماتور بقى انعم وعجبنى جدا وبعد 3-4 غيارات كده نصحت واحد صحبى معاه نفس نوع وموديل سيارتى انه يغيره وفضلنا عليه انا وهو لحد ملاحظنا بعد اربع شهور من استخدامه ان الزيت بينزل ناقص كيلو ويمكن اكتر فقلنا خلاص خليه 6000 كيلو برضو نقص عندى وعندو واخر مره انا نزلتو كان ناقص اكتر من كيلو ونص المهم صاحبى بطل يغير فيسكو لكن انا قلت اخر مره اجرب واغيره على 5000 واشوف وانا حاليا عامل 2500 وربنا المستعان

مشكور علي نقل التجربه بصراحه...بس كون الزيت ينقص في حاله ان الموتور سليم فنيا ده معناه ان فيه نسبه بخر عاليه وانه بيفك بسرعه وبيحل مع السخونه ودي مشكله.
انا الموبيل xhp لما كنت باسيبه لحد 3000 كيلو ماكانش بينقص الا حاجه بسيطه خالص (بخر طبيعي) ولما كنت باحس انه ابتدي ينقص وصوت الموتور مش زي الاول وان الزيت بقي مسود شويه كنت باعرف ساعتها انه جاب اخره فابغيره
عموما انا هاجرب الزيت ده هاتابعه عن قرب لغايه 2000 كيلو ولو لقيته مش تمام من حيث البخر وصوت العربيه هاستبدله بنوع تاني فورا(الموبيل ) علشان المصداقيه وياريت لو في حد جرب ينقل لينا التجربه بصراحه علشان الموتور مش لعبه

**محمد الشامي** · 30-08-2010 10:46 AM

المشاركة الأصلية كتبت بواسطة bakkarahmed

عموما انا هاجرب الزيت ده هاتابعه عن قرب لغايه 2000 كيلو ولو لقيته مش تمام من حيث البخر وصوت العربيه هاستبدله بنوع تاني فورا(الموبيل ) علشان المصداقيه وياريت لو في حد جرب ينقل لينا التجربه بصراحه علشان الموتور مش لعبه

+1

هو ده بالظبط اللي انا ناوي عليه , لاني من كتر الكلام عنه والتشكيك فيه بدأت اقلق :-) مع اني والله مرتاح من ناحيته اكتر من موبيل , ولغايه امبارح انا شايف ان الفيسكو زيت محترم واداءه كويس , وصوت الموتور عندي لسا هادي عن الاول

عامه التجربه هتوضح كل شئ وان شاء الله خير , وفي أسوأ الظروف ان شاء الله مفيش خساره :-)