الموضوع: مين اللي قطعك وبهدلك

المشاركة الأصلية كتبت بواسطة dr-mohamed

ههههههههههههههههههههه
حلوة جدا موضوعات تفريغ الكبت النفسي دي
يعني صاحب الموضوع عمل خير والله في ناس كتير كل واحد طلع العقد اللى جواه من العربيات اللى شاف كشافاتها الخلفية بس مع مراعاة ان فيه ناس حتي ملحقتش تشوف الكشافات دي

انت مفيش عربية معلمتش عليك
ممكن يا جون نتقابل ؟؟؟؟؟؟؟؟
نفسي اعلم على حد
وانت اتعودت خلاص مجاتش عليا انا

آه بأمانة حاسس إنه هم وانزاح. اللي يخنقك إن اللي بيشد بعربية من اياهم مش بيراعي إننا دافعين دم قلبنا في عربياتنا ومقهورين اصلا ( يا من السعر , يا من التوكيل, فيه حاجات كتير ) ييجي هو ويقهر زيادة.

وديه مبادرة مني لNileMotors. يا باشا حضرتك تنورني في أي شارع أو طريق وتعالي علم براحتك. ده أنا يكون ليَّ الشرف إن الكريستالة ذات نفسها تعلم عليَّ.
أنا أيام اللادا كان بكل أمانة طوب الارض بيعلم عليَّ ولا يهمك. الماروتي 800 cc كان بيقطعني عادي وانا جالي إحساس بالهبل من اللادا اصلا. عربية بجد كل حاجة فيها تقيلة باب تقيل, أكرة الإزاز تقيلة, دركسيون مش هتكلم أنا هادعي, الفتيس تقيل, يا مؤمن ده دراع الإشارة تقيل. تقوم تقول معلش أنا هخش على الطريق وافتح بقي. تلاقي الدبرياج تقيل والبنزين تقيل والعربية تقيلة جدااااااااااا. تقول يلا بس برده أمان, صاج تمام وفرامل تنجدك تلاقيها تقيلة بس إيه بقي مش بتفرمل. يعني تستنفذ كل قواك الذهنية والعضلية وتدوس عليها والعربية ماشية ولا كأنها هنا. كنت بفكر اجيبلها هلب بسلسلة

يعني تستنفذ كل قواك الذهنية والعضلية وتدوس عليها والعربية ماشية ولا كأنها هنا. كنت بفكر اجيبلها هلب بسلسلة

هههههههههههههههههههههه

انا كنت ماشى على طريق السويس راجع على القاهره
وقبل بوابه السويس 109 منت ماشى لوحدى فى الطريق قبل الملف على طول بتاع التقاطع
وكل شويه ببص ورايا أشوف الطريق وكان فاضى
وإذ فجأه لقيت رنجات منوره أصفر على الشنطه الخلفيه بتاعتى
انا إتخضيت بصراحه اصلى كنت لسه باصص مكانش فيه حاجه ورايا خالص
يادوبك ببص قدامى وبلمح بعينى فى المرايه الوسطانيه تانى مالقتهوش
ببص فى المرايه الجانبيه بتاعت السواق لقيت خير اللهم إجعله خير حاجه بتعمل وشششششوووووووو
من جنبى وهوب لقيته عند التقاطع
كان حوالى 400 متر بينى وبين التقاطع
ولما ربنا كرمنى ولفيت كان هوه إختفى تماماً من الأفق " الطريق فاضى قدامى حوالى 4 كيلو مفيش فيه عربيه نهائى

الحلوه كانت x6 وكانت دى اول مره اشوفها على الحقيقه وكانت لسه نازله معرفش ده إشتراها امتى؟؟ وركبها امتى؟؟
بس العربيه التسارع بتاعها رهييب من على السرعات العاليه انا كنت ماشى فوق الـ150 وبهدى عشان التقاطع وده سحب وهوه داخل وهدى وإختفى وانا لسه موصلتش.

ومن ساعتها اول لما أشوف عربيه إكس سكس امشى مؤدب وراها واتفرج الكام ثانيه إلى هيفضل قدامى فيهم
هههههههههههههه

اول لما طلعت الرخصة كنت بخرج بالليل بالعربية على الكورنيش .. و الاسكندرانية كلهم عارفين انا بتكلم على اية
المهم بما ان العربية بتاعت الوالد فا كنت بخاف عليها و قلبي مكانش مات عشان اعمل غرز ميتة فا كان كتير بيتعلم عليا و كان غالبا بتبقى فيرنا
بس اخر مرة شديت مع حد كان لانوس زيي و كانت غرز بالهاند بس هو كمل النحية التانية من فوق الرصيف ... من ساعتها حرمت حتى لو هشد مع عجلة

285 ألف جندي فقط

هو السعر دا بأنهي موتور ؟؟