الموضوع: مين اللي قطعك وبهدلك

هلاااا بكل الشباب
والله انا دايما متعود اني اقطع مش اتقطع عال طريق ويمكن صوره العداد تحكم , بس مش شرط بالجري والسرعه كل الاوقات والله , ساعات الطريق بيكون مخنوق او زحمه ويبقا هنا بقا الكلااااام والسواقه الصح .
بس ساعات في عربيات ( مش سواقين ) بيجي من ورا على سرعه وانت ياعيني مش مدي خوانه وتلاقيه سهم معدي :)
وفيه اللي يجري وتلاقيه هدي بعد شويه ( ودا غالبا بيكون معاه ابوه وامه :) )
بس في عربيات انسى انك تلاقيه لو عدى زي الكابرس والاكورد ... انســـى

كنت لسه مخلص عربيتي و تمام التمام قولت ل 1 صاحبي معاه جولف 6 gti و دي 2000 تيربو

قولتله تعالي نطلع نجرب معا بعض قالي يالا هو اساسا ليبي و جايب العربيه من ليبيا

جرييت معاه و طلعت منه اولان و تاني و بعد كده هو طلع مني بقي الرف بيني و بينه 4 عربيات جوالي 12 متر لغايه لما انا قفلت عداد 235 كيلو و راح الفرق زاد هوجاب سعتها 270 بس دي الجريه الجرتها تحسب يعني غير كده بجري لما يبقي ليا مزاج او مستعجيل او حد شايف نفسه و بزعل جامد

العربيه 205 mi16

انا كنت ماشي على طريق مصر اسكندرية الصحراوي مسافر اسكندرية الساعة 2 بالليل
و قبل البوابات لاقيت عربية غريبة الشكل BMW B6 Alpina انا شديت بس عشان اشوف التحفة الفنية دي و بعدين كبست بنزين و طرت و التاني ماشي براحتة ... المهم وصلت الكارتة و ابتدت المحروسة تجمع سرعتها لحد ما وصلت 190 و لاقيت الباشا جه جنبي و هدى بقة و الله في نفس سرعتي بالظبط و بصلي و ابتسم و داس بنزين بسسسسسسسسسسس عارف الفرق بين عربية واقفة و التانية بتحرق هوا ده اللي حصل بالظبط اظاهر كده ان ال 190 عنده ده الغيار التاني مش اكتر هههههههه و الله عقدني انا اخر سرعة جابتها معايا الاكسنت 210

دودج تشارجر :(
محدش يستغرب
كانت علي المحور
وانا سايق أكسارا
بس انا السبب
سخنته .... شوفوا الهبل
وحاولت أتأسف بعد كدة ولكن علي مين
أتعلم عليا
وده كانت المرة الوحيدة اللي أتظبطت فيها
عايز أقول اني ظابط واحد معاه فيرنا وانا معايا لانوس
بس فرمته غرز
كنت بخرج من واحدة باصص للي بعدها
بس روقته
حاليا بعد اللي شفته لو في 27 بسيبها تجري جمبي
بقيت محترم سواقة :(

موضوع رائع
طبعا انا مبحبش اشد ولا اسخن مع حد خالص
لاكن اعتقد ان فية ناس كتير بييجو جمبي ويبصولي وبطيروا وان ولا في الدماغ
اعتقد ان في ناس كتير علمت عليا
بس مانساش مرة في طريق شرم بي ام الفئه الخامسه عداني وبصلي بغرابه المهم انا كنت علي 150 حلفت لاجيبه المهم جبتة وعديتة علي ال200 شكلة سخن قام طلع مني ومشفتوش انا خفت اقرص اكتر وقلت ربنا يسهلله
الموضوع اصلا مش متكافئ
ال1600 برضو علي قدة

المشاركة الأصلية كتبت بواسطة yzeyada

اسمحوا لي أن أطلعكم على قصتي مع الشد

أنا زوج محب لزوجته والأب لطفلين أحمد (6 سنوات) وسارة (9 سنوات)

تعودت ان أجلس مع عائلتي بعد عودتى من العمل ، كنا نملا البيت ضحكا. تعودت سارةان تجلس على حجرى تحكيلى عن حياتها المدرسية. في الاسبوع الماضي كانت تهمس لى انة لازم اخصص وقت لها لحضور حفلة المدرسة.

اما أحمد فقد تعود يعمل فيا مقالب و يستخبى منى و يضحك. كان قريبا جدا الى قلبى لا.يمكن أن أحمد يذهب الى النوم ليلا دون حضن و بوسة.

أمس استيقظت في وقت مبكر للعمل. في طريقي الى العمل كنت واقفا على الرصيف في انتظار الاوتوبيس. سمعت صوت هدير محركات سيارات قويا أعقبه دوي لصوت الفرامل. هذا هو آخر شىء احسستة وانا واقف على قدمي. اثنين بيشدوا مع بعض وواحد فيهم خبطنى. الخبطة كانت قوية فطار جسدى امتارا في الهواء

شعرت بعظامى تتكسر وبدءت احس بطعم الدم فى حلقى. لم أتمكن من التنفس. سمعت الناس يقولون بلغوا الاسعاف. آخر يقوليا جماعة دة خلاص مات انتوا مش شايفيين شكلة عامل ازاى. سمعت صوتا من ست شبة امى بتقول " يا عيني يا حبيبى دة لسة صغير. ربنا يصبر امك يا حبيبى".. سمعت سواق العربية بيعيط و يقول واللة ما كان قصدى. رأيت أحمد وسارة بيعيطوا و ينادوا عليا. توقفت عن التنفس فاضت روحى.

بدأ الناس يبحثوا عن ورق جرايد لإخفاء وجهي و جسدى المشوه.

في ذلك اليلة زار بيتي 2 امناء شرطة. خبطوا على الباب . أحمد سمع الباب افتكر انة بابا و جرى يستخبى علشان يعمل فييا مقلب. وقفت سارة على الباب لتعطيني حضن. فتحت زوجتي الباب ووجدت رجال الشرطة قالوا ممكن نكلمك بعيد عن الولاد. وقالوا لها البقاء للة. جوزك مات فى حادث سيارة. صرخت زوجتي. جرىأحمد وسارة و بكوا لما شافوا ماما بتبكى. انهم لا يعرفون الخبر حتى الآن أحمد قال لامين الشرطة انت لية خليت ماما تعيط. كانت زوجتي تخطط للخروج معي في المساء علشان نتفسح. دلوقتى لازم تروح المشرحة علشان تتعرف على جثتى. زوجتى مش عارفة تبطل بكاء و نحيب. سارة قالت انا حاكلم بابا فى التليفون عشان ييجي بسرعة. خشوا جوة دلوقتى يا حبايبى. أحمد .....لا... انا حاستنى بابا علشان احضنة وابوسة.

انا اسف لو كانت قصى ضايقتكوا. رغم انها ما حصلتليش ليا. لكننى واثق انها حصلت لناس كتير بسبب الشد

و يبقى السؤال...... هل تحب ان تكون مكان قائد السيارة

حصلت كتيييييييييييير
القصة توجع
انا بطلت شد وجري من بعد الحادثة اللي في توقيعي
حاجة زي بتاعتك كدة بس ده قدام عيني وفي حد بحبه