لو فكرنا شوية بهدوء ....
1؛؛ ايه الهدف من وجود مواقع الانترنت ؟
اجاوبك و اقولك نشر المعلومة و عمل دعاية لمنتج تقدمه الشركة صاحبة الموقع , و يعتمد الموقع على الموضوعات المتعلقة بهذا المنتج و يقوم بتجميعها الويب ماستر أو مدير الموقع و بالنسبة للمواقع الأكبر تكون الموضوعات متعلقة بأكثر من منتج و احيانا تكون هذه المواقع تقدم خدمات على الانترنت فقط زي الايميل او الشات او بعض البرامج و قد يكون استخدامها مجاني و بعضها باشتراكات و قد يوجد خليط من النوعين يعني لو انت مشترك مجاني بتكون مجبر تشوف اعلانات و أحيانا بتشترط المواقع دي على المشترك المجاني انه يقفل مانع البوب اب و لو انت مشترك بفلوس بيديك مميزات اكبر و خدمات اكثر ... و المواقع دي بتعتمد على كتاب محترفين للكتابة و عمل موضوعات خاصة و كمان بتحتاج مطورين و مبرمجين انترنت و الناش دي مكلفة جدا و غالية في مرتباتها ...
2؛؛ ايه الهدف من وجود المنتديات ؟
المنتديات نشأت لقلة الناس المتخصصة اللي يقدروا يكتبوا موضوعات أو مقالات في كل المجالات , و كمان و ده السبب الأهم نقل المعلومة من مستخدم للمنتج لمستخدم جديد أو متوقع و هدف تاني هوه وجود مصداقية أكبر للمعلومات يعني أنا لما يكلمني واحد اشترى فيات لينيا زي يوكو كده كلامه هيكون ليه مصداقية عندي أكبر بكتير من كل الاعلانات الكتيره جدا جدا و المقالات اللي مالية الجرايد كل يوم من اوماترا ..
المنتديات بتكون عباره عن برنامج بي اتش بي و داتا بيز و دول استاندر الفرق بين المنتدى و التاني بيكون في البرنامج من أي شركه و كمان في التصميم أو التمبليت بتاعته و الخدمات اللي ادارة المنتدى بتشغلها او بتقفلها ..
نيجي بقى لمصادر التمويل للمنتديات ... طبعا على حسب حجم المنتدى تختلف تكاليف تشغيله و تتراوح ما بين صفر للمنتدى اللي البرنامج بتاعه مجاني و تصميمه او الاستايل بتاعه مجاني و الهوست كمان مجاني و الدومين بتاعه مجاني و كل ده بيكون مقابل اعلانات بوب اب او اعلانات في صفحات المنتدى لحساب الشركة اللي بتديك الهوست و المنتدى و ده مناسب للمنتديات الصغيره أو المتخصصة جدا و كمان مش محتاجة باند ويدث عالية ... و تصل التكاليف لأرقام عالية جدا لو اصحاب المنتدى اشتروا الهوست و البرنامج و الباند ويدث و جابوا مجموعة من المطورين و المصممين و المراقبين و كمان مقر للمنتدى و لو حاولت تحسب كده متوسط التكاليف في مصر ممكن توصل ل 15 الف جنيه لمنتدى متوسط الحجم زي منتدى نايل موتورز كده ...
طيب اصحاب المنتدى هيصرفوا عليه منين ؟
فيه طرق كتيره جدا و لو خدنا نايل كمثال لأن ده اللي يهمنا هنا و هوه سبب الموضوع ...
1.. اعلانات بوب اب باستخدام هاكات خاصة و دي بيكون ليها مسؤول اعلانات و مجموعة مسؤولة عن تسويق الاعلانات عند شركات السيارات و المعدات ....لكن ده نظام ثبت فشله لعدم اقتناع مسؤولين الشركاتفي مصر بالدعاية على الانترنت و نظرتهم ليها انها وسيلة اتصال رخيصة بالموردين و الموظفين و الشات و بس ..
2؛؛ عمل تعاقد مع شركات اعلانات متخصصة زي جوجل ادسنس أو كليك أو غيرها كتير و ده هيوفر على المنتدى تكلفة فريق الاعلانات و بيكون فيه اتفاق على مساحات و اماكن و نوعية الاعلانات و ده اللي الاداره عملته و بيدرسوه دلوقتي .
3؛؛ جمع اشتراكات اختيارية أو اجبارية من الاعضاء و ده مش عملي و لا منطقي شوية و ان كانت الفكرة مطبقة في منتديات كتيره اجنبية و عربية لكن ممكن تكون عائق قدام انتشار المنتدى ..
4؛؛ عمل شماسات و مجات و استيكرات و بيعها لأعضاء المنتدى وده محتاج شوية اهتمام و تظبيط من الاداره..
آخر حاجة بقى عايز أناقشها .. القرارات الادارية اللي بعضها مش عاحب مجموعه من الاعضاء و خصوضا في الفتره دي .. ما كلنا عارفين ان الاداره بتعمل تجارب للاعلانات و اماكنها و تجارب على بعض الهاكات لتطوير المنتدى .. ايه بقى اللي يزعل في كده ؟ مالناس بتجرب و تظبط ما نستنى لما يخلصوا و نبقى نعترض و نطالب بالأنسب لينا و للمنتدى بعد مالناس تخلص في رأيي الشخصي ده نابع من الاستعجال نتيجة حسن النية أو غضب غير مبرر و اعتراضات نتيجة سوء النية السائده في المجتمع العربي عموما ...
طيب الناس بتزعل من قرارات الوقف و معترضة عليها طيب انت اتوقفت ليه ؟ اكيد عملت مخالفة .. مش انت كنت وافقت على قوانين المنتدى تزعل ليه بقى لما تاخد وقف ؟؟
كمان احيانا تيحي تفتح المنتدى تلاقيك رحت لموضوع اجباري اداره المنتدى عايزاك تشوفه ... ايه بقى المشكلة يا تقرا الموضوع يا تسيبك منه .. ايه اللي يزعل قوي كده ؟؟
بس أنا معترض جدا و زعلان جدا من حكاية اللي مش عاجبه يمشي .... ده غلط تماما لأن أهم حاجة في المنتديات هيه تواج الأعضاء لأطول وقت ممكن و تصفح أكبر عدد من الصفحات لزيادة ايرادات المنتدى .. يبقى اكبر غلط لما نقول اللي مش عاجبه يمشي ... لأ احنا لازم نشوف اللي زعلان زعلان من ايه و ليه و نرضي جميع الاطراف في حدود المعقول و الحق ..
آسف طولت عليكم
المفضلات