الموضوع: مشكلة العضو (تجربتى مع عبداللطيف جميل اسكندرية)

على فكره مودرن بيدى نفس الخصم و المصريه كمان و كمان النمر التجاريه ببلاش للعميل من عنده حضرتك استلمت يوم 7 يعنى مش هاترخص الا بعد 8 ايام عشان العيد و مين اللى دفع التجاريه لو انت يعنى دافع 560 جنيه زياده و بصرف النظر عن ان اللون الدهبى حلو بس ازاى تطلب سمك يجبلك لحمه

و بعدين الخصم اللى هو بيديهاللى اى حد تانى ممكن يديه مش مبرر انه يعمل كده و هل اداك مبايعه و لا لسه و قالك هابعت معاك حد يخلص الترخيص و قالك ربنا يسهل و بعديم انت حاجز من 27 انا كنت حاجز من يوم 7 اما عن طريقه الكلام و المعامله فادى حاجه نسبيه

و بعدين انا ماليش دعوه بالمصنع انا بتعامل مع المعرض انا اعرف المعرض بس مشكله التأخير دى بين المعرض و المصنع لازم اى حد يتحمل مش انا و كمان لازم تلتزم بالكلمه و المواعيد و الاتفاقات او تعتذر و تحط صوره واضحه او يكون فى تعويضات و كانو لما بتكلمهم بيردو عليك على طول على موبايلاتك بالاخص مصطفى

الاخ hossam_gabre بيعرض تجربتة الشخصية مع المعرض وده طبعا حقه وحق المعرض عليه وانا متفق معاه ان الناس فى معرض عبد اللطيف جميل لقيت منهم كل تعاون واحترام وافضل من موزعين اخرين.... (يكفى ان شركة عبد اللطيف جميل لا تضع جنية واحد زيادة على اى عربية مطلوبة فى السوق كاوفر برايس ) ......كمان هو عرض ان فية مشكلة فى الكمية المعروضة من العربية فى الوقت دة و الراجل اتنازل واخد العربية الموجودة الدهبى (وهو لون حلو على فكرة) علشان يستلم بسرعة .......مش معنى كلامى ان اى عميل ياخد (يطلب سمك يجيلة لحمة) الموجود وهو ساكت لا بس الى عايز طلب خاص يدى الوقت الازم لتوفير طلبة اما النمر المؤقتة فالعميل مش لازم يلف بالعربية 5او6 ايام بيها ويدفع مبلغ كبير مقابلها انا اخدت العربية يوم واحد ورحت رخصت فى المرور على طول
انا شايف انك مريت بتجربة مع معرض حضرتك مشكور عرضتها فى المنتدى والاخوة الافاضل افادوك بامكانية التقدم بشكواك سواء للمركز الرئيسى لشركة عبد اللطيف جميل او لشركة نيسان نفسها و بعض الردور كان مصحوب بعناوين ليتم التحقيق فى الموضوع ونكون شاكرين لو اطلعتنا على ما تم فى هدا الامر حتى لا يصبح الموضوع وكانه تشهير بموزع لصالح موزعين اخرين

اولا محدش يعوز يمشى بالتجارى 6 ايام اى حد عايز يرخص لو امكن فى يومها و لست انا من سبب تأخير مده الترخيص يعنى العربيه لو كانت اتوفرت مع متسع من الوقت كان لاداعى لل 6 ايام و بعدين احنا ماقلناش انه فى سعر زياده راجع الكلام كله مش هاتلاقى كلمه فلوس على سعر العربيه زياده سعره زى غيره وفيما يخص الشكوى الشكوى ساريه و مازلنا فى انتظار الرد و بعدين انا باحكى تجربتى للعظه عايز تاخد بيها اوك مش عايز ده يرجعلك و بعدين انا مش هاحب يعنى اخد فلوسى و اروح استلم و بعد كده الموضوع يبوظ غير لمايكون فيه اسباب قويه و بعدين لما يكون فى اتفاق من طرفين لازم يكون مصاحب بالتزام من الطرفين

المشاركة الأصلية كتبت بواسطة megahed124

على فكره مودرن بيدى نفس الخصم و المصريه كمان و كمان النمر التجاريه ببلاش للعميل من عنده حضرتك استلمت يوم 7 يعنى مش هاترخص الا بعد 8 ايام عشان العيد و مين اللى دفع التجاريه لو انت يعنى دافع 560 جنيه زياده و بصرف النظر عن ان اللون الدهبى حلو بس ازاى تطلب سمك يجبلك لحمه

المشاركة الأصلية كتبت بواسطة megahed124

و بعدين الخصم اللى هو بيديهاللى اى حد تانى ممكن يديه مش مبرر انه يعمل كده و هل اداك مبايعه و لا لسه و قالك هابعت معاك حد يخلص الترخيص و قالك ربنا يسهل و بعديم انت حاجز من 27 انا كنت حاجز من يوم 7 اما عن طريقه الكلام و المعامله فادى حاجه نسبيه

المشاركة الأصلية كتبت بواسطة megahed124

و بعدين انا ماليش دعوه بالمصنع انا بتعامل مع المعرض انا اعرف المعرض بس مشكله التأخير دى بين المعرض و المصنع لازم اى حد يتحمل مش انا و كمان لازم تلتزم بالكلمه و المواعيد و الاتفاقات او تعتذر و تحط صوره واضحه او يكون فى تعويضات و كانو لما بتكلمهم بيردو عليك على طول على موبايلاتك بالاخص مصطفى

والله يا اخ مجاهد انا مش عارف حضرتك متعصب على فى الكلام كده ليه
انا بعرض اللى حصل معايا
انا لا سئلت لا فى مودرن ولا غيرة
انا سألت فى الطارق ومرعى
والاتنين رفضوا تنزيل جنية فى العربية وخصوصا الطارق وقالى العربية تكون عندك فى 48 ساعة لكن بدون خصم مع انى قولتله انا جاى ادفع دلوقتى حالا , ومصطفى نفسه قالى والله لو لقيت العربية فى اى مكان انا مش حزعل لو سحبت الفلوس .
ثانيا انا مش عارف ايه موضوع 560 جنية اللى حضرتك حسبتهم دول
انا استلمت يوم التلاتاء
والشركة طلعت يوم الاربع واحد معايا فى مرور محرم بك ورخصت على طول وعلى فكرة ورق العربية جه للشركة بالبريد الساعة 8.30 صباح يوم الاربعاء وانا استلمتة واخدت الراجل بتاع المعرض ومشيت على طول .
الحاجة الوحيدة اللى اتأخرت هو دفتر الصسانات وقالى حييجى بعد العيد ,
وكان لى معارف فى المرور هما اللى خلصولى الورق على طول طبعا بالاضافى للراجل بتاع المعرض وراجل كان محترم جدا جدا ,
الراجل لما حس ان هو فيه ناس تانية خلصت الورق معاه , والله العطيم كان رافض ياخد اى فلوس نهائى وانا اللى اصريت لاحترامة وذوقة وفرحتى بالعربية
وانا مرخص العربية وسافرت بيها مرتين وعملت 330 كيلو والحمد لله .
وطبعا انا لا اشكك فى اللى حصل معاك
بالعكس الله يقويك وانا لو ما اخدتش اللون الدهبى كان حيكون حالى زيك
بس هو دا امر واقع
ما فيش شركة بتخزن كل الالوان عندها
انت لو اللون مش موجود طبيعى ان يطلب من المصنع
ولو المصنع اتأخر يبقى خارج عن ارادة الموزع
يا راجل دا بتوع كيا بيتأخروا فى الاستلام من 3 الى 4 شهور
انا اعرف واحد صاحبى كان فضل حاجز رينو فلونس لمدة 6 شهور على ما استلم وفى الاخر استلمها زيادة 3 الاف جنية يعنى لو كان دفع اوفر برايس فى الاول كان احسن
كل سنة وانت طيب وان شاء الله تستلم وتفرح بالعربية
والنيسان تستاهل ان الواحد يستناها
انا بالضبط بقالى سنة بقارن بين العربيات عملى وعلى النت والحمد لله شاريها عن اقتناع تام وربنا يبارك لى ويبارك ليك

المشاركة الأصلية كتبت بواسطة khela

الاخ hossam_gabre بيعرض تجربتة الشخصية مع المعرض وده طبعا حقه وحق المعرض عليه وانا متفق معاه ان الناس فى معرض عبد اللطيف جميل لقيت منهم كل تعاون واحترام وافضل من موزعين اخرين.... (يكفى ان شركة عبد اللطيف جميل لا تضع جنية واحد زيادة على اى عربية مطلوبة فى السوق كاوفر برايس ) ......كمان هو عرض ان فية مشكلة فى الكمية المعروضة من العربية فى الوقت دة و الراجل اتنازل واخد العربية الموجودة الدهبى (وهو لون حلو على فكرة) علشان يستلم بسرعة .......مش معنى كلامى ان اى عميل ياخد (يطلب سمك يجيلة لحمة) الموجود وهو ساكت لا بس الى عايز طلب خاص يدى الوقت الازم لتوفير طلبة اما النمر المؤقتة فالعميل مش لازم يلف بالعربية 5او6 ايام بيها ويدفع مبلغ كبير مقابلها انا اخدت العربية يوم واحد ورحت رخصت فى المرور على طول
انا شايف انك مريت بتجربة مع معرض حضرتك مشكور عرضتها فى المنتدى والاخوة الافاضل افادوك بامكانية التقدم بشكواك سواء للمركز الرئيسى لشركة عبد اللطيف جميل او لشركة نيسان نفسها و بعض الردور كان مصحوب بعناوين ليتم التحقيق فى الموضوع ونكون شاكرين لو اطلعتنا على ما تم فى هدا الامر حتى لا يصبح الموضوع وكانه تشهير بموزع لصالح موزعين اخرين

كل سنة وحضرتك طيب يا باشا , وربنا يبارك ليك فى عربيتك