الموضوع: مشكلة العضو (تجربتى مع عبداللطيف جميل اسكندرية)

المشاركة الأصلية كتبت بواسطة a_adel5

السلام عليكم ورحمة الله و بركاتة
موزع نبسان الاسكندرية (uit) عبد اللطيف جميل - العالمية للسيارات
انا اخوكم / احمد عادل - مدير الفرع
اولا/ بشكر كل من رد على شكوى العميل الاستاذ/ احمد وبلوم على كل زميل تسرع بالحكم علينا دون التاكد من صحة هذا الكلام

اهلا بيك استاذ احمد فى منتدى نايل موتورز وفى قسم نيسان

اى عميل من حقه يعبر عن رأيه فى اى توكيل وفى اى مركز خدمة وفى اى موزع معتمد ونقل تجربته للناس

زى ما لك حق الرد عليه

واعتقد العضو اللى حكى تجربته مش داخل مخصوص عشان حاطط فى دماغه انه يسئ بالقصد الى اى موزع لنيسان
وكان اول اشتراكه معانا كان لاسفتساراه عن السيارة

وبعد ما اقتنع بالسيارة من الاعضاء فى المنتدى راح وحجز لديكم , ووجد سوء معاملة , فنقل تجربته , وله الحق فى نقل التجربة وسردها

بس للاسف عمر ما موزع معتمد او اى مركز خدمة حيعترف بخطا لان دى السياسية اللى ماشين عليها فى مصر خصوصا توكيلات السيارات الكبرى
وسياسية التسويق واقعة فى مصر فعلا

هو كان فعلا فى ازمة كانت قبل العيد عشان العربيات كان فيها نقص من المصنع , ولو كان فى نقص فى المصنع
ليه المندوب عندك بيوعد وفى البداية اول ما بيجيله العميل بيحسسه انه حيقوم يعمله فرح
وبعد الحجز يبتدى خلاص الدنيا تنام ,, ولاحد يرد عليه فى التليفون , ولا حد يهتم باى مشكلة
مفروض كان كلمه وقولى سمحنا فى ازمة وحيكون فى عطلة لمدة كذا على الاقل
مش يسيبه ياكل فى روحه وكمان العميل هو اللى يجرى وراك ويتصل بيك ويشد فى شعره عشان يوصل الى المندوب اللى عمل معاه الاتفاق
مع العلم لو جيت اسال على سيارة ولسه مش فى دماغى الشراء وبسيب رقمى الكل فى اى معرض او موزع بيجرى عشان يكلمنى واجى اتفق معاه عشان طبعا بيكون فى عمولات او اسهمه بتعلى كل ما بيبع لعملاء اكتر

انا بجد مش عارف ليه الكل بيتنصل من الموضوع ويقول انا مقولتش وانا موعدتش وانا مالش دعوة
طالما الكل بيخاف يظهر الحقيقة , ما كل واحد يشوف اموره وشغله صح ونهتم بالعميل من دخوله الباب الى خروجه

كل واحد داخل على فرحة شراء سيارة لازم تتقدر
لان اى مواطن فى مصر تعب عقبال ما جمع القرش ده وهو دخلك بيشترى , فمش عيب انك تهتم بيه زيادة
زى ما شركتك بتهتم بيك ومعطياك خط تليفون عشان العملاء وترد عليهم وتكملهم وكمان موفرة ليك كل وسائل الراحة عشان تقابل العميل براحة
وتيسرله اموره

العميل على حق دايما
ودور ورا الموضوع كويس اكيد حيكون فى مقصر
هى كانت ازمة وقت ممكن لكن مش ازمة مواطن مالوش ذنب

المشاركة الأصلية كتبت بواسطة khela

قرف ...تتف.... زبالة ....تتامر ... طرف البنطلون
هدا الاسلوب لم نتعود علية من اعضاء نيسان فى المنتدى وتحت اى ظرف لايجب ان يكون هدا اسلوب للحوار هناك قنوات شرعية نتوجه لها فى حالة وجود اى شكوى بطريقة متحضرة

استاذ خلة لازم نعذر الناس شوية , احيانا فى مواقف الواحد لما بيفتكرها بيشد فى شعره
وخصوصا بالنسبة للناس اللى عايشة بره مصر لما بيلاقى كل الامور متوفرة وهنا فى مصر مش بنعترف بخطا وانت عارف الباقى !!!!! مش حقولك على اللى هنا وانت اكيد عارف , من ان مفيش احترام الشخص للاخر وغيره وغيره

وبعدين العضو ضيف علينا فى قسم نيسان واهلا بيه طبعا ويمكن معلش خانه التعبير زى اى حد فى اى مكان فى الدنيا ممكن يخونه التعبير لما بيكون منفعل

وهو طبعا ميعرفش فين الاماكن الرسمية اللى ممكن اى حد يروح يشتكى فيها

ياما فى موضوعات فى القسم قديمة كتير كان فى ناس بتشد فى شعرها من اللى بيتعمل فيها من التوكيلات

ومش عندنا فى قسم نيسان فى كل الاقسام كمان

[/quote]

المشاركة الأصلية كتبت بواسطة hossam_gabre

لا انا مش معاك يا استاذ احمد فى كده
دا مش الاسلوب اللى اتعودنا بيه فى القسم هنا
اولا انا فعلا مالك حديث للنيسان لكن متابع القسم هنا من حوالى سنة ونص تقريبا يعنى حافظ الناس والعربية , وشارى عن دراسة .
لقيت كل الناس تقريبا اسلوبها علمى وعملى وكل مشكلة بتندرس وبتتناقش وما فيش اى خروج عن النص لا فى الالفاظ ولا فى طريقة الحوار , ودى سمة كل مالكى نيسان ,
على الرغم من وجود العربية فى فئة سعرية متوسطة ( زى الاوبترا والالنترا ) الا ان ملاكها ناس يغلب على طباهم التعقل والعملية .
شوف اول ما حد بيحط مشكلة هنا سواء من ملاك العربية او من المنتقدين بتتناقش بعملية , وبنشوف فى الاخر المشكلة من عندة او من الطرف الاخر او من العربية او اسلوب التعامل مع العربية , وفى الاخر كل الامور محلولة باذن الله
تقريبا ما فيش مشكلة فى القسم مش محلولة

.

كل الاعضاء مش زى بعضها
وكلامى على الاستاذ اللى مسافر بره مصر كان على اساس انى قولت بنلتمسله العذر وهو كمان مش من اعضاء القسم
فمنقدرش نقول كدا على كل الاعضاء وخصوصا لو كان عضو جديد
اومال تقول ايه على الناس اللى بتدخل مخصوص عشان تجرح فى حد فى اقسام اخرى
اخى الكريم صوابعك مش زى بعضها , وكل واحد منا ليه تفكير وليه وجهة نظر , واحيانا الضغط بيولد الانفجار
وفى ناس بتمر عليهم مشاكل مش بيقدروا يمسكوا فيها اعصابهم
انا عشت فى القسم هنا من اول صفحة لاخر صفحة واتحدى اى عضو قراء موضوعات قدى على اساس انى كنت بلم الموضوعات القديمة وشوفت كتير هنا واتقابلت مع ناس كتير واعضاء كتير
اللى انت شايفه بقالك فترة انه كويس فى قسم نيسان دى روح المحبة والترابط بين الاعضاء , وعشان كدا بننصح اننا نعرف بعض دايما عشان نفهم بعض , والغريب بنحتويه , والضيف بردوا اهلا بيه ولكن ليس علينا حكم على حد فى ابداء رايه , وكل واحد ليه اسلوبه
وخصوصا اللى بيطل علينا من بره القسم , لان اعضاء القسم المعروفين اسلوبهم واحد فى ابداء الرائ والكتابة وهو على الحب والنقاش العلمى
والقسم زمان جدا كان ماليان ناس كتير جدا بتزم فى توكيل مودرن على سبيل الميثال بطريقة بشعة واللى كان بيدخل بيزم فى السبع وغيره وغيره
وكل واحد ليه مطلق الحرية يعبر ,
ولو مخنوق بنقدر ده
والعميل بياخد انطباعاته الاولى وبيركز عليها وليه الحق فى الرفض والقبول والتعبير عن رايه دون المساس فى شخص بعينه باى اهانة
والاستاذ اللى عايش فى كندا بيتكلم على وضع عام عايشه وخلاص وقولنا انه بيتكلم على العموم وفى حاجة افتكرها مثلا زعلته
والاستاذ صاحب الموضوع بردوا ولا قال اسم حد ولا قال ان فلان نصاب ولا حاجة ولا شتم فى حد مجرد انه حكى اللى حصل
وناس دخلت وقرت واللى شارك شارك بالسلب وفى بالايجاب , وده طبيعى لاننا بنكفل حرية الراى فى المنتدى
وحتى الاستاذ احمد عادل دخل وشرح وجهة نطره واهلا بيه , وليه مطلق الحرية يعبر ويدافع
وبعدين اومال تقول ايه فى العضو اللى حكى عن السبع
اللى الناس كلهم بيتكلموا على مبيعاتهم وصيانتهم انها فل وتمام
ومحدش قدر يقوله لا وشرح وجهة نظره مع ان السبع بردوا مش اتاخر عليه فى حاجة واهتم بيه وفضل وراه على التليفون عشان يحله مشكلته وهو اللى مرحش واعترفوا بالخطا هنا فى المنتدى وقالوا لو كنا قصرنا معاك لاننا بشر ودافعوا عن موقفهم بمنتهى الذوق بردوا وكلموه اكتر من مرة عشان يجيلهم ويعمل عربيته
وهو ده اللى بنقول عليه
مهما حد اقنعنى مافى شركة او انسان على وجه الارض وهو مش كامل لان الكمال لله
ولازم بيكون فى خطا ,المهم الاعتراف بيه
ومش عيب انى اعترف بيه واصلحه وارضى العملاء بشتى الطرق وده اللى اتكلمت عليه ان اهتم كل الافراد وحتى لو واحد وقع منى بردوا اجرى عليه واهتم بيه , وافهمه واقنعه واريحه واطمنه , وده دور الموزعين الكبار

وبعدين بخصوص اعلى المراكز والكلام ده
ما اوكيه مودرن بيدخل ليها اكبر صيانات للسيارات وواخدة التوب على كلامهم هما بعدد العربيات اللى عندهم بتدخل تعمل صيانات , بس نص العربيات بتخرج بتشتكى بردوا
وكام واحد بيدخل السبع وبيطلع يشتكى مش كتير , لان مودرن التوب عشان ليها فروع اكتر وكمية العربيات اللى بتدخل عندها اكتر فاخدوا الترتيب بالكم مش بالكيف !!!
وبعدين اسكندرية كمان مفهاش موزعين كتير زى القاهرة
وبردوا مهندس دخل قبل كدا وقال انه واخد التوب فى احسن مهندس بيرضى العميل وفى الصيانات تبع مركزه
وفى مراكز اخرى وفيها مهندسين اعلى كفاءة منه , ولما بيقرا بس ان فى حد هنا ليه شكوى بيكلمونى احيانا عشان اجيبه ليهم ومن غير ما هما يدخلوا يقولوا ليه تعالى او لا , وكمان العضو بيكون مشكلته مش معاهم ممكن يكون مشكلة مع مركز غيره او مع نفسه حصلت
انا قصدى افهم ان الاهتمام بالعميل موسوعة كبيرة , وكمان اخد المراكز مش شرط يبقا المكان ده توب

انا اسف يا استاذ حسام دخلت معاك فى الرد ردود مختلفة عشان باقى المشاركات الاخرى فرديت عليها بالمرة

المهم يا استاذ حسام

فى اى مشكلة لازم حتلاقى جو من المشاحانات
بس الله يبارك لكم محدش يقول حاجة على اعضاء نيسان بالعموم
لان محدش يعرفهم كويس قدى وخصوصا انا عارفهم واحد واحد
الاعضاء الجدد واللى منعرفهمش اهلا بيهم
واهلا بضيوف قسمنا بس مش معنى ان حد غلط من ضيوفنا يبقا ينتسب لينا
ومش عاملين بوابة على القسم من بره ممنوع الدخول
وفى اكيد مشرفين وبيتابعوا فى المنتدى كله وعارفين لو فى حد غلط فى حد بعينه بيتعاقب على طول
وادخل باقى الاقسام وشوف كمية ابداء الراى على كل التوكيلات من الانطباعات النفسية اللى بيخدوها العملاء من التعامل معاهم
ومن حق اى عميل يرفض التعامل مع اى موزع اى مركز صيانة بالبلدى خصوصا لو اخد موقف نفسى منه
وعمر حد عندنا ليه مشكلة مع نيسان نفسها لانها محترمة جدااااا
واى مشكلة بتتحل فورا , لان توكيل نيسان نفسه بيتعامل باحترافية عالية ,
وتقبل تحياتى