بعد قرائتي لجميع ردود الاعضاء علي الموضوع الجميل ده اللي فعلا هيكون محل تجربة واضحة لكل عضو بالقسم في حالة شراء عربية جديدة
اي حد بيشتري عربية جديدة لازم الاخد في الاعتبار انه ميشتريش من اي مكان يروح ليه من نفسه . يعني لازم يكون حد صديقه او حد معرفة يكون متيقن منه من سمعة المكان اللي هيشتري منه العربية طبعا ده بخلاف الوكيل لأن الوكيل بيكون ملتزم اكتر من المعارض و ده رأيي الشخصي و عن تجارب
يعني متفتكرش انك لما تروح تدفع 1000 جنيه حجز العربية يبقي كده العربية بقت معاك .. لأ طبعا
لازم لما تروح تدفع المقدم يبقي في نفس ورقة المبلغ المدفوع تبتدي تكتب كل اللي حضرتك بتتفق فيه مع المعرض من حيث السعر و الخصومات و الهدايا و خلافه .. لأن المعارض بتحب تعمل جر رجل و بعدين انساه .. و طبعا ده خطأ اللي العميل مش المعرض و كده المعرض عداه العيبة
الحاجه الاهم انك لازم يكتب ميعاد استلام العربية لأن العربية دلوقتي بقي ليها سوق فوق الرائع و طبعا حضرتك بتروح و يقولوا بعد اسبوعين و حضرتك كل يوم بتعد الايام و الساعات لغاية ما تستلم العربية بتاعتك و في النهاية متلاقيش العربية في ميعادها و برده ده مش عيب المعرض
لازم حضرتك تدون كل نقطة بتتفق مع المعرض فيها عشان لو اتغير حد او موبايله اتسرق او حصل اي حاجه يبقي معاك اثبات و دليل علي الاتفاق
في حاجه تانيه ان لو العربية 2010 غير موجوده بالسوق يبقي دي مش مشكلتك خالص دي تبقي مشكلة المعرض لأنه بيخلف في اتفاقه معاك يبقي لو حصل ان في فرق يبقي حضرتك لا تتحمله بالمره
يبقي نلخص اللي فات في حالة الشراء:
1- الاتفاق علي كذا لون للعربية.
2- الاتفاق علي السعر و الخصومات و الهدايا و يجب انها تدون في نفس ورقة اثبات المقدم المدفوع.
3- اثبات الميعاد المحدد لأستلام العربية.
برده احب انوه لحضرتك لو هتستلم العربية من اي مكان او اي معرض غير التوكيل يبقي لازم حضرتك تشيك علي العربية كويس جدا جدا جدا
ـــــــــــــــــــــــــ ـــــــــــــــــــــــــ ــــــــــــــــــــــــ
بالنسبة للتجاوزات اللي حصلت في الموضوع ده شئ مرفوض هنا في القسم يعني ممكن نعبر عن رأينا بطريق لطيفة حتي لو كان في استفزاز لأن عيب اوي ان يكون في ناس محترمة و بترد باحترام و نلاقي كلام خارج عن النص بالطريقة ديه فأرجو ان احنا نخلي بالنا من الكلام لأنه مش بيجرح اصحاب الموضوع عن ما بيجرح في القسم نفسه
شكرا لكل الاعضاء الاحباء
المفضلات