الموضوع: عايزة اتجوز-------------------------(1)

المشاركة الأصلية كتبت بواسطة azmeralda

================================================== ===========
لفظ عانس متغير بتغير الظروف الاجتماعية والتطور الزمنى للمجتمع
فهو السن السائدة والمتعارف عليها وسط المجتمع للزواج وبالتالى يختلف فى الماضى عن الحاضر وفى الريف عن الحضر يعنى فى الماضى كان فى اوائل العشرين والآن بمجرد دخول بوابة ال30
وفى اللغة عنست البكر تعنس بالضم وعنوسا وعناسا اى طال مكثها فى بيت اهلها بعد ادراكها ولم تتزوج

والرجل اسن ولم يتزوج فهو ايضا عانس

هيه هيه خدتو بالكو طب والراجل اذا لم يعثر على الشريكة المناسبة او هه او رفض الزواج برغبته او عجز عنه
يحتفظ بلقب الطف (عازب)

بينما المرأة رغم كونها الأضعف نفسيا خاصة اذا انصرف الأخوة الى حياتهم ومات الاب والأم ونظر لها المجتمع تلك النظرة السلبية تحمل اللقب الذى يحمل اساءة نفسية وضغط اجتماعى كريه واحباط
ويعتبر الزواج مسألة اختيارية وليس قضاء وقدر ورزق من الله قد يؤخره لحكمة
هى الناس متعرفش ان الزواج مكتوب قبل خلق الخلق وانه هيكون فى موعد محدد لن يتأخر او يتقدم

ممكن ده يضطرها لقبول اى شخص غير ملائم لها فى حياة زوجية بائسة غير متكافئة لمجرد تجاوزها السن المناسب من وجهة نظر المجتمع
فرضا ربنا قدر لها تعيش عزباء تروح تنتحر ملهاش لزمة كأنسان ولو ده قدرها والله لو عملت ايه وقبلت بمين وتنازلت عن ايه ما هتتجوز عمرك انت كشاب ما مشيت فى موضوع وباظ على اتفه سبب ياما ناس فرشت الشقة ولا كانت فى الأستوديو والناس فى القاعة وبرضه متجوزوش ده قدر
وعلى فكرة الشاب اللى مبيتجوزش خصوصا لو الناس عرفة انه مقتدر او مسافر بره مبيسلمش من كلام فظيع انتو عارفينه كويس
محدش هيقبل منه انه انسان وميقدرش يربط حياته كلها غير بواحدة متفاهم معاها ومستنى لما يلاقيها مش اى حاجة وخلاص هم مش هيفهموا ده وعنهم ما فهموا
امتى هيتقال عليه عانس؟:e_braces[1]:
تؤ تؤ الراجل ما يعيبوش الا جيبه فى الشرق
===================================
الكلمة حرام شرعا ايه رأيكو بقى والكلام ده من دكاترة فى تفسير القرآن
" يا ايها الذين امنوا لا يسخر قوم من قوم عسى ان يكونوا خيرا منهم ولا نساء من نساء عسى ان يكن خيرا منهن ولا تلمزوا انفسكم ولا تنابزوا بالألقاب بئس الاسم الفسوق بعد الأيمان ومن لم يتب فاولئك هم الظالمون"

لا تتداعوا بالألقاب التى يسؤ الشخص سماعها اظن معروف اللى بيتقال عليها عانس وبايرة ........الخ بتحس بايه

قال ابن جرير غير جائز للمسلم ان ينبز اخاه باسم يكرهه او صفة يكرهها

قال ابن عباس التنابز بالألقاب ان يكون الرجل عمل السيئات ثم تاب فنهى الله ان يعير بما سلف

قال ابن عاشور اللمز ذكر ما يعد ه الذاكر عيبا لأحد مواجهة فهو المباشرة بالمكروه

عن الحسن البصرى ان المستهزئين بالناس يفتح لأحدهم باب من الجنة فيقال هلم هلم فيجىء بكربه وغمه فاذا أتاه اغلق دونه فما يزال كذلك حتى ان الرجل ليفتح له الباب فيقال له هلم هلم فلا يأتيه

وروى ابن حبان فى صحيحه ان الرسول صلى الله عليه وسلم من سمع يهوديا او نصرانيا فله النار
يعنى اسمعه بما يؤذيه يسخر منه ويستهزىء به فما بالك بأذية المسلم

وسخرية المتزوجة من غير المتزوجة التى قد تكون اكرم منها عند الله واحب فقد ابتلاها ولو قالت حسبى الله ونعم الوكيل الكلمة اللى زى الخنجر المسموم دى ممكن تقعد لبنتها
او ربنا يأخرها ليوم القيامة
ة

قال الشيخ منصور صالح المنهالى رئيس قسم الوعظ والأرشاد بالأمارات
لا توجد سن معينة للفتاة تصلح فيها للزواج او لا تصلح من الناحية الشرعية لأن الدين الأسلامى لم يضع سن معينة للزواج واخبر الرسول صلى الله عليه وسلم تنكح المرأة لألربع لدينها ومالها وجمالها وحسبها فاظفر بذات الدين تربت يداك

ودعا د سلما ن بن فهد العودة الى استبدال كلمة عانس بعزباء حيث انها ليست مسئولية الفتاة وحدها ولأن سؤ استخدامها جعل لها دلالة سلبية وحتى لا يشعرنا ان تأخر زواج المرأة هو مشكلة بخلاف الرجل
ويفترض ان الأهل يشعرون ان طول بقاء البنت عندهم فى البيت عز وشرف وليس عبء


================================================== ====
وقبل ما تقولوا
الطلبات والمهر وبلا بلا بلا اهى علا فى المسلسل ملهاش اى طلبات وبرضه مواضيعها بتقف وبعدين افرضو كانت مغالية وهو ده السبب هتربوها برضه مكنتش هتجوز الا فى الوقت اللى ربنا محدده وكاتبه حتى لو تنازلت عن الشقة والعفش ووافقت تبات فى الشارع كمان الموضوع كان هيقف برضه


والكلام لسه مخلصش

انتو عارفين لما بحط فى دماغى حاجة

الاخت الفاضلة بصى لو الموضوع بتاعك بتناقشى فية مشكلة بجد بعيد عن المسلسل حا أجاوبك بصى يا سيدتى الفاضلة زمان أيام جدتى و جدتك البنات كانو بيتجوز عنهم 15 سنة كدة بس كانو طول بعرض كدة ما شاء الله طبعا الزمن اتغير حاليا سن الزواج للبنات لو عندها 33 سنة الى 36 سنة فى الاوكية و شوفت بنات ربنا كرمها و هى عندها 39 سنة قبل كدة طبعا ماشى جدا و ربنا سهلها لها بدرى بدرى و الشباب الطبيعى لدلوقتى للزواج بيبقى فى حدود 35 سنة ممكن أقل و ممكن أكتر الظروف المادية فرضت على الشباب قبول وضع معين لحين تحسن الوضع المالى و طبعا عيب جدا معايرة حد لحد انة متجوزش دة نصيب و ربنا الى كاتبة و مقررة و فى علم الله و على فكرة طبعا وان كان ان الأهل يشعرون ان طول بقاء البنت عندهم فى البيت عز وشرف وليس عبءأهلها عاوزين يجوزوها بس عاوزين يجوزو البنت جوازة كريمة و يأمنو مستقبل بنتهم هما مش فرحانين بكدة لآ يتمنو ان تذهب الى بيتها بس تكون متجوزة واحد يصونها زى ما كانت متصانة فى بيت امها و أبوها أما بالنسبة للجزئية بتاعت
وقبل ما تقولوا
الطلبات والمهر وبلا بلا بلا اهى علا فى المسلسل ملهاش اى طلبات وبرضه مواضيعها بتقف وبعدين افرضو كانت مغالية وهو ده السبب هتربوها برضه مكنتش هتجوز الا فى الوقت اللى ربنا محدده وكاتبه حتى لو تنازلت عن الشقة والعفش ووافقت تبات فى الشارع كمان الموضوع كان هيقف برضه اقولك كل شيىء مقدر و مكتوب و الفلوس مش كل حاجة بس المهم الاختيار المناسب و دة الاهل بيبصو لة من عدة جوانب كثيرة و منها الجانب المادى لانة مهم جدا برضو بصراحة و لا يمكن أغفالة و التغاضى عنة بشرط عدم المغالاة و مفيش خاجة اسمها عانس و لا عازب ربنا هو الى مقدر كل شيىء مش عارف فهمتى كلامى و لا مش واضح و تهتى منى البنت بطبعها حساسة شوية و الولد مش كدة قوى زى موضوع العصفور كدة

المشاركة الأصلية كتبت بواسطة azmeralda

عريس يا بوى طخه بس متعوروش يا بوى

كلنا عارفين نبيلة السيد فى الفيلم
مش دى الصورة التقليدية للعانس
انتو عارفين لما بحط فى دماغى حاجة

و أدى العريس بتاع نبيلة السيد هههههههههههههههههههه[youtube]http://www.youtube.com/watch?v=nMOdQpReqMs[/youtube]

و جواز بالاكراة أهوة هههههههههههههههههه[youtube]http://www.youtube.com/watch?v=pGIIDPGJd14&feature=related[/youtube]