الموضوع: عايزة اتجوز-------------------------(1)

المشاركة الأصلية كتبت بواسطة remomemo

عارفين المشكلة فى ايه ان معظم اللى حوالين البنت اللى اتاخرت فى الجواز فاكرينها بتتنطط يعنى موش عاجبها حد مع ان الموضوع ببساطة انها ماجلهاش نصيبها بس
لكن الناس لازم تتكلم وتقول هاتفضل ترفض لامتى مفيش بنت بترفض للرفض ولا عشان (تصطاد حد احسن ) لا هو قسمة ونصيب

لأ فعلا فية بنات هي و اهاليها بتتنطط على اي حد
و لو كان في مستوى احسن منها كتعليم و اصل و عائلة و مستوى اجتماعي و مالي

بيتعاملوا كأنها سلعه و كل ماييجي عريس يفكروا و يقولوا لأ ممكن ييجي احسن منة
على انها بيعه و بتتم مرة واحدة في العمر ولازم تتم على اعلى مستوى بدل مايندموا

لغاية ما يا تتجوز واحد "فية كل العبر" يطلعه كلة عليها بالبلى الازرق

يا تعنس و تقعد جنب ابوها و أمها و انا اعرف كذا حد كدة

يعني يا متطلقين و قاعدين في بيت ابوهم بعيالهم , يا معدش حد بيتقدملها

ما هو لما واحدة ترفض الضابط و المهندس ووكيل النيابة و رجل الاعمال و اللي بيشتغل برة
و كلهم من عائلات و اصل و فلوس

محدش بعد كدة حايرضى يتقدملها
لأنها بتبقى خالص معروفة (وسط العائلات و الجيران و المعارف انها طالعه فيها)
و محدش عايز يتقدم و يترفض و تتجرح كرامتة

المشاركة الأصلية كتبت بواسطة charming

اللى انا فهمتو و الله اعلم ان ازمرالدا عايزة تعمل عمل خير :) فى شباب وانسات المنتدى :c_laugh[1]:
فكرة هايلة يا ازمى :s_thum1[1]: ممكن تعملى احصائية عن طريق انشاء موضوع جديد مع عمل استطلاع للشباب و الانسات فى سن الزواج و لو نجح الادارة تعمل قسم للطلبات الزواج فى القسم الاجتماعى و بكدة تكونى ساهمتى بحل فى مشكلة العنوسة

برضه بعد ما تعبت نفسى كل ده لسه الكلمة بتتقال العنوسة
يعنى انت شايف انى عاملة الموضوع ده عشان اشتغل خاطبة
واللى هيوافق على الطريقة دى هو اللى بيوافق عليها فى اعلانات الجمهورية
وانا بريئة من اى حد يعمل الحكاية دى حجة للكلام على الخاص نتعرف بقى الأول عشان بعدين ابقى اتقدم وانا مش موافقة عالطريقة دى
اللى يعجبه اسلوب بنت هنا على المنتدى يطلب يقابلها هىومامتها فى النادى لو مش عايز يدخل البيت من اول مرة وربنا يوفقهم ولو بقيت انا سبب من الأسباب هكون سعيدة ومينسوش يعزمونى على الحنة

المشاركة الأصلية كتبت بواسطة Adham

لأ فعلا فية بنات هي و اهاليها بتتنطط على اي حد
و لو كان في مستوى احسن منها كتعليم و اصل و عائلة و مستوى اجتماعي و مالي

بيتعاملوا كأنها سلعه و كل ماييجي عريس يفكروا و يقولوا لأ ممكن ييجي احسن منة
على انها بيعه و بتتم مرة واحدة في العمر ولازم تتم على اعلى مستوى بدل مايندموا

لغاية ما يا تتجوز واحد "فية كل العبر" يطلعه كلة عليها بالبلى الازرق

يا تعنس و تقعد جنب ابوها و أمها و انا اعرف كذا حد كدة

يعني يا متطلقين و قاعدين في بيت ابوهم بعيالهم , يا معدش حد بيتقدملها

ما هو لما واحدة ترفض الضابط و المهندس ووكيل النيابة و رجل الاعمال و اللي بيشتغل برة
و كلهم من عائلات و اصل و فلوس

محدش بعد كدة حايرضى يتقدملها
لأنها بتبقى خالص معروفة (وسط العائلات و الجيران و المعارف انها طالعه فيها)
و محدش عايز يتقدم و يترفض و تتجرح كرامتة

اه ضبطتك متلبس
وانا لسه بقول لما كل اللى بيردوا حلوين ومبيجرحوش حد امال فين اللى بيضايقوا من غير قصد
شوف طريقتك دى جرحت كام واحدة دلوقتى











برضه يا تعنس برضه واضح انى بدن فى مالطة

حضرتك ليه مش مستوعب انها ممكن تكون رفضتهم عشان مفيش قبول رغم انه من عيلة وفلوس ومركز زى مبتقول هى مش انسانة من حقها تحس انها تقدر تعيش مع الشخص ده باقى حياتها هل شققت عن قلبها

انا هقولك حاجة شفتها بنفسى الشاب اللى بيترفض مبيرضاش يصدق ابدا ان السبب ف شخصه هو بيدور على اى حجة تانية يعنى واحدة اعرفها رفضت واحد مهندس مفيش قبول وطول القعدة مامته واخته بيشتموا شتايم بيئة ود ه الهزار بتاعهم وهى مستحملتش اظن حقها
فى وسط الكلام هى على فكرة عندها عربية وهى عرفة انه غنى جدا وعنده شقته ومعاه فلوس كويسة فقالها انه بيسافر شغله فى كذا ميكروباص كل يوم فهى استغربت وبكل براءة استفسرت هو ليه مجبش عربية
طبعا لما اترفض اشاع انها رفضته عشان معندوش عربية وراح اشترى عربية احدث موديل ويعلم الله ان العربية ملهاش اى علاقة بالموضوع
ويشاء ربنا انها تعرف اخباره بعد كده مع مراته عشان تبوس ايدها وش وضهر انها رفضت ترتبط بيه ورغم انه غنى بياخد مرتب مراته كل اول شهر كاملا.....الخ

وللأسف دى الأشاعة اللى بتطلع دايما على كل بنت بترفض كذا واحد كأن فى ليميت لعدد معين من العرسان مفروض تقبل بعده مش فى حاجة اسمها التفاهم وتقارب الفكر والروح مش جايز مبتلاقيش فيهم لا دين ولا اخلاق الله اعلم

واللى خايف ده ميعمل استخارة اذا كان شايفها كويسة ويحاول يبعت لها حد يسألها بره الأول اذا كان فى قبول مبدئى قبل ميدخل البيت طالما خايف يتحرج

طب مالبنات بتخاف برضه ماهو ممكن واحد يدخل البيت ويقول معجبتوش مبتتجرحش كرامتها قدام اهلها وقدام الواسطة اللى جابته لو الرجالة هتخاف يبقى القوارير اتفشفشت من زمان

القبول ده حجة كويسة قوى
وهو فعلا من عند ربنا لو هى مش بالعاه تعمل ايه ولو هو مش قابلها يعمل ايه كده ليمون البلد مش هيكفى

المشاركة الأصلية كتبت بواسطة aymanay32

يا جماعة احنا عارفين الحل قدام عنينا و مش عارفين نشوفة كويس

الحل فى التعدد للقادرين

و الهجرة للشباب الغير قادر على الزواج
انا كنت فى السودان و سمعت عن مناطق ممكن تتجوز بتكلفة 100 جنية مهر و مبيطلوبوش شبكة و لا عفش ولا شقة و لا اى حاجة و تاخد العروسة و تيجى بيها مصر تعيش معاك زى الفل و متشتكيش من حاجة ولا تقولك امى تعبانة و عاوزة اروحلها و لا تقولك تعبت من شغل البيت و لا شكوى نهائى

و اذا كثرت العنوسة فى مصر هيبدا الاهل بتخفيض طلباتهم
هيقللوا فى الشبكة و بعدين فى طلبات الفرح و بعدين فى العفش و بعدين هيساهموا فى العفش و بعدين هيساهموا فى بياض الشقة و تشطيبها و بعدين هيساهموا فى ثمن الشقة و بعدين هيشتروا راجل

اللى عايز يهاجر من مصر:








حل ايه طب والبنات اللى هترفض الحل ده والزوجات برضه اللى ربنا سبحانه اعطاهم الحق يرفضوا طب والشباب اللى انت هتحل مشكلة البنات وتسيبهم هم يتفلقوا


وبعدين الشقة والعفش ده حق شرعى من ربنا هتعترض ياريت تروح تقرا الموضوع بتاع المهر وهتاخد بنات السودان وتعمل مشكلة لشباب السودان وبنات مصر
قلنا المشكلة لسه مش فى العدد