بصراحه مش عجباني طريقة النقاش دي
مش هقدر اشارك في الموضوع طالما النقاش بين الطرفين وصل للدرجه دي
A.Yakout
عرض للطباعة
بصراحه مش عجباني طريقة النقاش دي
مش هقدر اشارك في الموضوع طالما النقاش بين الطرفين وصل للدرجه دي
A.Yakout
مش شرط يا ادهم بيكاقتباس:
يمكن الله اعلم و اللي اعرفة ان الجواري و العبيد زمان مكانوش حاجة غالية و ان منهم سبايا حروب , و على فكرة الموضوع مش رخيص الايام دي , يعني مرتب طباخ و خدامة يساوي الوف الجنيهات كل شهر و مش بس كدة, لازم مساحه البيت تتسع لمكان لإقامة الخدم , يعني لازم المسكن يكون فيللا مش شقة, و في الاساس مش كل راجل يقبل ان ياكل من ايد حد غريب او ان خدامة تغسل الاطباق او تربي الاولاد, دي مسألة نفس
فيه الخدامات الروس اللي شبه باربي دول
الاطفال بيحبوهم اوي
ومش بياخدوا كتير وممكن تنام في اي حته في البيت بس انت ابقي شقر عليها
ههههههههههههههههههههههههه ههه
واهم حاجه تعاملهوها بحنيه وهي مش بتاخد فلوس كتير
ولو جت علي الاقامه والجنسيه فمش خساره فيها
على فكره انا الحمد لله عندي اختين بنات واختي الكبيره متجوزه والبنت دي صاحبتها جدااا
ومع ذلك اختي نفسها مش مقتنعه باي حرف صحبتها بتقوله زبتقولي ان صحبتها دي فعلا اسف في اللفظ يعني بطريقتها دي هتعنس:U_thin1[1]:
ومش انا على فكره اللي بقول انها تتجوز عشان تبقى ام
بالعكس ده هي البنت دي اللي حصرت الجواز كله في االخلفه والامومه
لان اختي كانت بتقولها كده بهزار اصلا لما بتقولها على عريس وهي مش راضيه حتى تشوفو من بعيد وده مش اول عريس ده بيتقدم لها كتيير وكلهم بترفوضهم كده وبعدين قالت لاختي يعني هعمل ايه يعني لما اتجوز فاختي بتهزر معاها او بتضرب لها مثل فبتقولها على الاقل عشان تبقي ام لقيتها بترود عليها وتقولها عادي هبقى اتبنه طفل :S_thum1[1]:
وحضرتك ماتعرفيش البنت دي اصلا عشان تحكمي ان كانت بتهزر ولا بتكلم جد
عموما انا مبقولش ان الرجاله ملائكه في رجاله خساره فيهم لقب رجاله اصلا
وفعلا الجواز ده مشاركه والحمد لله انا اتربيت على كده (يعني من الاخر كله بيرجع للتربيه والترابط الاسري)
يعني الحمد لله انا متربي في اسره مترابطه ومتعاونه والدي بيساعد والدتي على قد ما ظروفه وظروف شغله تسمح فأكيد انا كمان هبقه كده وفي نفس الوقت والدتي مراعيه ظروف والدي
يعني لازم فعلا مشاركه
لكن متجيش بنت لسه في بدايه حياتهم وتقول لجوزها انا عايزه طباخ وسفرجي وجنانيني (للزرع اللي في البلكونه) وتقعد تشتكي انها طالع عينها في البيت وجوزها بيرجع من الشغل ازاي يقولها مثلا عايز اكل لا لا ما ينفعش يقول عايز اكل عييب في فاكره ان الجواز ده كله شهر عسل وفسح ولعب وبسسسسس
وعلى فكره انا مغلطش في البنات كلهم ومش بعمم لا في بنات كتير كويسين ومترببين صح :S_thum1[1]: وربنا يوعدنا بوحده منهم :lovlie02[1]:
على فكرة اللى تفكر كدا أكيد هى نفسها عندها مشكلة نفسية و يمكن تكون محتاجة المساعدة من اللى حواليها و محاولة فهم الأسباب اللى وصلتها للتفكير دا و ممكن تكون هى نفسها مظلومة نتيجة ظروف خاصة بيها أثناء نشأتها
و بعدين تربية الأولاد من أصعب ما يكون حاليا و تحتاج جهود الأب والأم معا لتربية نشأ صالح و نافع
بالضبطاقتباس:
و بعدين تربية الأولاد من أصعب ما يكون حاليا و تحتاج جهود الأب والأم معا لتربية نشأ صالح و نافع
و صراحة اندهش بشدة من سيدة لا تعمل و لديها اطفال و تشتكي من الملل
تربية الاطفال و الحرص عليهم يحتاج الي مجهود خرافي و وقت كبير جدا و دراسة و مراقبة و قراءة و متابعة
و من تشكي من الملل - اقصد ربة المنزل - اجزم بشكل كبير انها مقصرة في حق ابنائها
الام ..
لا توجد وظيفة في العالم تعادل اهميتها للاسرة و المجتمع
هو ليه اي موضوع بيتكلم عن الزواج او عن الراجل و الست بيتقلب خناقة و تبادل اتهامات و نلاقي الرجالة بتقول بلا جواز بلا قرف و للي يقولك تتعدل بكهب الجزمة و اللي عاوز جواري و اللي يقولك روسية و الستات برة بتعمل و بتعمل
ايه اسلوب الحوار دة ؟؟؟؟؟
لما اسلوب الحوار كدة امال معاملتهم في الواقع تبقى عاملة ازاي
طبعا مع احترامي لكل اللي اتكلمو باسلوب راقي و محترم و استشهدو باحكام دينية لكن برضو كلو بيتكلم و هو ماسك للتاني الكورباج و خاصة الرجالة مع ان كل مشاركات السيدات بتطالب فقط بحسن المعاملة و المودة و الرحمة اللي الزاوج مبني عليهم اصلا
اما انتو افكاركو سودا كدة عن الجواز و بتتدخلو على الموضوع و انتو سانين السكاكين من البداية يبقى فعلا من مصلحتنا و مصلحتكو متتجوزوش
لا حول ولا قوة الا بالله ، الدين ليس اداة نحارب بيها بعض بل هو اداة لنعرف كيف نتعايش مع بعض بما يرضي الله
.
لو دي المشكله
هاتها شعرها بني مش لازم شقرا
وخد بالك انها حتدعم صله الرحم
حتلاقي اصحابك وقرايبك وجيرانك كل يوم بييجوا يسالوا عليك ويودوك
وتاخد ثواب
وكللللللللللللله علشان المدام ترتاح يا برنس
مش علشاني
لا دا علشان مصر
اه والله يا كمال يا اخويا
انت علشان غني بقي تجيبلنا اتنين
وفي المقابلات كل واحد يجيب الخدامه بتاعته علشان مجيش نقول ان الناس سابوا المكان مش نضيف
بعد المقابله هما يروقوا وينضفوا
اااااااااااااااااااااخ
لو كنت خدت الوصل
كان زماني بيه رسمي
ايه يا شنورى هيه العربية روسى و الخدامة كمان روسى ما تغير ياراجل.
يا شنورى باشا ههههههههههههههههههههههههه هههه انت ناوى تقرا اخبار الحوادث و تتسلى و انت بتشرب الشاى و ناس تانية تبقى بايتة فى زينهم تمهيدا لمواراة الباقى من رفاتة فى التربة ههههههههههههههه بص استنى انت مش بتحب الكتب حا اقولك الرأى فى الموضوع دة و لسة بنار الاسكانر يا باشا برضو ههههههههههههههههههه
بصى انا بقولك دول بيهبلو بس لو الكلام دة بجد عاوزة تعرفى دول الرأى فيهم اية أقرأى كدة دة مش كلامى دة من كتاب فقة السنة للسيد سابق انا حطيت غلاف الكتاب لمعرفة اصل الموضوع (((( أختيار الزوجة )))) http://img833.imageshack.us/img833/1624/rrrrrrrrf.jpghttp://img405.imageshack.us/img405/5655/rrrrrrrr001.jpghttp://img835.imageshack.us/img835/6898/rrrrrrrr002.jpghttp://img825.imageshack.us/img825/6960/rrrrrrrr003.jpg
يا سكنراتك يا جامد
هههههههههههه
لا حول و لا قوة إلا بالله...
انا لو قلت رأي في النوع ده من البنات, اكييييد هتوقف مدى الحياه....!!!!!
لكن لازم نقول ان مش كل البنات كده, و ولاد الناس موجودين لكن
للاسف بقوا قليلين و مش باينين وسط (الحساله) اللي من النوع ده من البنات..!!
لكن بردو اللي يدور يلاقي, و اللي يدور, يدور على الاصل و التربيه و الدين
مش الستايل و الشكل و المدارس اللغات او العيون الخضراء.......!!!
و بردو لو انت تعرف بنت في حاجات مش هتعرفها إلا لما تخطبها,
و حاجات تانيه مش هتعرفها إلا لما تدخل بيتهم اكتر من مره و في ظروف مختلفه,
و حاجات تانيه مش هتعرفها ابداااا إلا بعد الجواز و لو حتى عملت ايه
علشان تعرف قبل كده, و لو انت مقطع السمكه و ديلها, بردو مش هتعرفها...
انا شخصياً بسمي فترة الخطوبه دي (الفتره الشيك المتلمعه)...!!
كل حاجه بتبقى شيك, و متلمعه, و زي ما الكتاب بيقول, و اللي يتخدع
و يفتكر ان دي الحقيقه, يبقى غلطان جدااااااا, لانها حتى لو انسانه كويسه
و مش وحشه من جواها, بردو هيكون في نسبه و لو صغيره من التلميع
لبعض الامور... و نادر جداااااا اللي بيتعاملوا على طبيعتهم و سجيتهم...
لازم تاخد بالك من كل تفصيله في كل حاجه, فيها, في اسلوبها, و كلامها,
في بيتها, في اهلها, في التربيه, في طريقة معاملة ابوها و امها, في اصحابها,
في الوسط اللي هي عايشه فيه, في نظراتها, في ميولها و طباعها.......... الخ
كل حاجه ركز فيها و ركز قوي, و ماتفوتش حاجه انت شايف انها ما تتفوتش,
و دي بتفرق من واحد للتاني, لكن بردو ماتبقاش ماسك على كل صغيره
و لو في حاجه شايف انها لازم تتغير لانها شئ اساسي بالنسبه ليك,
اوعى تستنى لبعد الجواز و تقول هبقى اغيرها...!! انسى
على فكره... الكلام اللي بقوله ممكن يتفهم او يتحس انه صعب جداا و معقد,
لكن في الحقيقه الموضوع ابسط من كده بكتييييييير جدااا و مش محتاج غير اهتمام
و شوية عقل و تفكير بشكل سليم و منطقي و تكون صريح تماماً مع نفسك...
عمر الحل ما كان انك ماتتجوزش... او انك تتجوز و خلاااص..!!! أكيييد لأ
يا جماعه ده جواااااز, يعني مش شئ صغير ولا عادي...!!
ده حيااااه و بيت و اسره و اطفال, و عائله بتناسب عائله بكل افرادها...!!
كل ده ما يستاهلش انك تخاف عليه, و تهتم و تتعقل و تحسن الاختيار؟؟؟
و كلامي ده مش خاص فقط بالرجاله... لأ... الكلام ده بنطبق على الراجل و الست,
لان اكيد الست بردو من حقها تطمن انها هتعيش مع راجل يتقي الله فيها,
و يعاملها بما يرضي الله, و يكون رحيم بيها, و هتعيش معاه حياه كريمه...
و هي لازم تكون كما قال اشرف الخلق سيدنا محمد عليه افضل الصلاة و السلام...
عن ابن عباس -رضي الله عنهما- أن النبي -صلى الله عليه وسلم- قال لعمر -رضي الله عنه-:
«ألا أخبرك بخير ما يكنز المرءُ؟ المرأة الصالحة؛ إذا نظر إليها سرَّته،
وإذا أمرها أطاعته، وإذا غاب عنها حَفِظَته»صدق رسول الله صلى الله عليه و سلم
و قال الله تعالى في كتابه الكريم...
«وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً»
صدق الله العظيم
يعني الاساس ( الموده ) و ( الرحمه ) ببعضهم...
و في الأول و الاخر... النيه و توفيق ربنا و النصيب هما الاساس في الجواز...
اكتر دعوه بدعيها من قلبي... ربنا يرزقني الزوجه الصالحه و الذريه الصالحه...
ده رأي الشخصي بشكل عام في موضوع الجواز...
و ربنا يرزق كل رجل الزوجه الصالحه, و كل امرأه الزوج الصالح...
هههههههههههههه بص يا باشا انا بموت فى الهزار و الضحك و بكرة النكد و العكننة بس بجد فية حاجات لازم ما يتهرجش فيها انا شوفت أزميرالد كاتبة كلام بجد انا مش فاهم هى دكتورة صيدلة و لا خريجة أزهر و لا قارئة ممتازة و عندها كتب و بص يا باشا انا بحب الصور جدا و المكتبة عمرانة برضو و مش حا تعرف البيت فين علشان تعمل عملية السطو الى انت كنت مخطط لها قبل كدة فى موضوع التعبان ههههههههههههه أنا فاكر كلامك لسة ههههههههههههه
ههههههههههههههههههههههههه ههه
والله انت بتقرا افكاري
بس انا عارف ان السطو مش حينفع معاك
فكنت حقولك انا في القاهره ولازم اقعد اسبوع وفلوسي خلصت
وانت بكرم اخلاقك حتنيمني في الاوضه اللي فيها المكتبه
ههههههههههههههههههههههههه هههه
بس حسالك سؤال واحد وبعدها حيتحدد ميعاد السطو
انا حاسس انك عندك كتب في الخيمياء
صح؟
اكدب عليا وقول لاء
قولها علشان مسرقكش
التربية السليمة هى المفتاح الاساسى و مش شرط ان اقول للبنت ده حرام و ده حلال لأ لازم تشوف ده بعنيها فى بيت ابوها الاحترام و التراحم و الادب و الود و الاهتمام ومراعاة المشاعر فى المعاملة بين الاب و الام و كذلك صلة الرحم بين العائلات و بعضها
لكن البنات اللى اهلهم سايبينهم فى النوادى و المولات و مش فاضين يعرفوا اولادهم و بناتهم بيشوفوا ايه و بيفكروا في ايه القنوات الفضائية و الانترنت هما اللى هيربوهم على هذه الافكار الزواج ده بس علشان فكرة ان الانجاب بدون عقد قران حرام و يعاقب عليه القانون هو ده اللى يعرفوه بس عن الزواج هما عايزين فكرة الامومة بس و ده متنفعش من غير زوج ميعرفوش ان شرعية الزواج اذا هما حددوا مدة تبقى باطلة و ميعرفوش ان الطفل تربيته ممتدة هما فاكرينها 3 سنين بس اللى اهما احلى سنين الدلع للطفل يشيلوه و يلبسوه و يهننوه و بعد كده لما يبدأ سن المدرسة و سن الاستفسار عن كل شئ هيدورا على ابوه علشان ياخده و يرحمهم من المسئولية
بجد لا حول و لا قوة الا بالله
و حسبنا الله و نعم الوكيل فى اللى كان السبب فى وجهات النظر ده
أولا يا دكتور محمد كلامك جاب الخلاصة و باشكرك عليه:S_thum1[1]:
بس أنا برضه لسة مش شايفة انتوا ليه - و للأسف حضرتك منهم - هاجمتونا. يعني كلام أزميرالدا عن خدمة الزوجة في بيتها صحيح أهو. و بعدين بتقولوا عايزين اللي ليكوا بس و مش عايزين الي عليكوا, حقوق ايه اللي للزوج اللي أحنا مش عايزينها أو أنكرناها؟؟؟ و بعدين رد حضرتك بأن مفيش واحد موسر دلوقتي يقدر على أجرة خادم ده مش صحيح, فيه ناس كتير تقدر. مش لازم شغالة مقيمة يعني بس لما واحدة تيجي تساعد يوم و لا اتنين في الأسبوع فيها ايه؟؟ و بعدين مش معنى انه مش ملزم يجيب لها اللي يخدمها تبقى هي ملزمة تخدمه, و لا ايه؟؟ و برضه احنا ما طلبناش ان الستات يمتنعوا عن شغل البيت احنا بس بنقول يبقى فيه تقدير و كلمة حلوة, و لو حسيت انها قصر في حاجة تقدر انها ممكن تبقى تعبانة.
على فكرة الكلام ده في العام, يعني أنا عمري ما فكرت و لا حأفكر أقول لجوزي أنا مليش دعوة بالبيت و روح جيب شغالة تخدمك. بس هو كمان ربنا يكرمه بصراحة عمره ما كان بيتقل عليا بالطلبات و لا بيتأمر عليا لما يطلب حاجة.
هي الخلاصة ان لو مفيش مودة و رحمة بين الاتنين تبقى خربت. انما حنمسك ورقة و قلم و نقول حقي و حقك ده ميبقاش جواز, ده يبقى محضر في القسم.
ههههههههههههههههههه يا باشا تنور يا استاذ بص يا سيدى انا مش فاهم المقصودب الخيماء اية ممكن توضح و الله مش بستهبل مش فاهم بس عندى كتب كتير فى حاجات كتيرو كنت تقريبا بشترى 3 كتب أسبوعيا مجلدات قبل الزراج كنت مضيع فلوسى على الكتب بس دة كان مريحنى كتب دينية لانى كنت عاوز أفهم و لفيت مكتبات عديدة من المكتبات العادية لغاية المكتبات الى فى حارة الصنادقية فى الحسين هههههههههههه هو دة الى بتسأل علية بص مش مهم يكون معاك كتاب وورق الموضوع دة يا باشا نتكلم فية براحتنا على الميل هههههههههههههههه السؤال الى محيرنى أنت بتقرأ الكتب دى ليو جاوب و أعترف هههههههههههه
يعني ايه ؟؟؟؟؟؟؟؟؟؟؟؟؟؟؟اقتباس:
و بعدين مش معنى انه مش ملزم يجيب لها اللي يخدمها تبقى هي ملزمة تخدمه, و لا ايه
حضراتكم ليه مبينين ان الست الي بتخدم جوزها وبيتهااقتباس:
برضه احنا ما طلبناش ان الستات يمتنعوا عن شغل البيت احنا بس بنقول يبقى فيه تقدير و كلمة حلوة, و لو حسيت انها قصر في حاجة تقدر انها ممكن تبقى تعبانة.
كانها بتخدمه من باب العطف او بمزاجها
مش عارف ليه فكرتوني بنكته ام السيد
اقتباس:
مره كل ستات الارض اتجمعو واتفقو علي حاجه هي ان مفيش ولا واحده فيهم هتعمل اي حاجه في شغل البيت لمده اسبوع ، فات الاسبوع وعملو اجتماع تاني قالت الست الفرنسيه : انا قلت لجوزي مش هعمل اي حاجه في شغل البيت لمده اسبوع , اول يوم مشفتش حاجه , تاني يوم مشفتش حاجه , تالت يوم بدأ هو بيعمل شغل البيت قالت الست الهنديه : انا قلت لجوزي مش هعمل اي حاجه في شغل البيت لمده اسبوع , اول يوم مشفتش حاجه , تاني يوم مشفتش حاجه تالت يوم بدأ يخرجنا بره البيت وناكل بره علشان مش نبهدل البيت قالت الست المصريه : انا قلت لجوزي مش هعمل اي حاجه في شغل البيت لمده اسبوع , اول يوم مشفتش حاجه , تاني يوم مشفتش حاجه , تالت يوم بدأت اشوف شويه بعيني الشمال
رابط المشاركة
http://www.nilemotors.net/Nile/Arabi...t-top-left.gif اقتباس http://www.nilemotors.net/Nile/Arabi...-top-right.gif
http://www.nilemotors.net/Nile/Arabi...ot-by-left.gif المشاركة الأصلية كتبت بواسطة hh http://www.nilemotors.net/Nile/Arabi...t-by-right.gif
http://www.nilemotors.net/Nile/Arabi...p-right-10.gif
يا سيدي يا ريت تهدى شوية و متعصبش نفسك, احنا بنتناقش مش بنتخانق.
انا مش متعصب بتاتاً وهادي و باتناقش منين جبتي اني متعصب ؟؟؟
موضوع خدمة الزوج ده موضوع مختلف عليه بس جمهور العلماء قالوا انه تطوع من المرأة مش واجب عليها, الكلام ده في فقه المذاهب الأربعة مش فتوى من الدعاة الجدد و لا احنا بنألف لاسمح الله. و بعدين ما أهو 90% من الستات بتعمل كل حاجة في البيت حتى اللي بيشغلوا و يساعدوا في المصاريف مقولناش حاجة. بس ميبقاش كمان فيه أمارة و عدم تقدير!! كل اللي بنقوله حاول تقدر تعبها بكلمة حلوة و لا شكر و حاول تراعيها لو قصرت شوية في يوم من الأيام.
و انتي عرفتي منين ان فية إمارة و عدم تقدير !!! دة الواحد يا ما كل اكل محروق او ني و هو بيقول تسلم ايديكي يا حبيبتي و حلو قوي , في اول الجواز كلت المسقعه محروقة و شايطة و كلت المحشي الرز جواة ني و تقطعي المحشي تلاقي الرز نازل بيرن في الطبق, يعني استحملنا المر لغاية ماتعلوا الطبيخ و لسة برضة حتى يوم الاجازة لما تلوي بوزها و تقول مش طابخه خدنا غدينا برة, برغم احيانا الواحد بيبقى اخر الشهر و فلسان لكن بيضحي و بيزنق نفسة بتمن اكلة سمك مشوي جاهزة
يا أخي في أوروبا و أمريكا اللي حضرتك بتتغنى بيهم دول الرجالة و الستات و الأبناء كمان بيقسموا شغل البيت عليهم مش الست اللي بتعمل كل حاجة لوحدها.
ايوة و مافيش خدامة في البت و لا طباخ الا للأثرياء ثراء فاحش, و عادي مانا بنتي بتساعد مامتها في المطبخ برغم انها 9 سنين و انا باقوم بكل الاصلاحات المنزلية تقريباً و باساعد في حاجات كتير, انما حكاية خدامه مقيمة دي و ان الست ماتخدمش و الراجل ملزوم يجيبلها اللي يخدموها بصراحه تنرفز
و بعدين يا أخي الكريم و هو الراجل لو ماطلقش مراته مش هي اللي حتربي أولاده برضه؟؟ المفروض ان الأختيار من الأول يكون أساسه الأخلاق عشان حتى لو ماستمرش الزواج يكون متطمن على اولاده.
الراجل و هوة في البيت بيقوك بواجبة في التربية و الاشراف على تربيتها للاولاد, و حتى بيحميهم منها لما تجيلها الجنونة و تنزل عالولد ضرب علشان مثلاً وقع او كسر حاجة
و بعدين حضرتك ليه متصور انك لو في الأيام اللي بتتكلم عليها دي كان حيبقى عندك جواري؟؟ مهو حضرتك في وقتنا ده مش قادر ماديا على أجرة الخدم يبقى برضه أيامها مكنتش حتقدر تتملك جواري لأن كل انسان ليه رزق محدد عند ربنا سبحانه و تعالى مش مسألة عصر. زي ما فيه في أيامنا ناس عندها خدم و حشم و ناس لأ, برضه أياميها كان فيه ناس عندها عبيد و جواري و ناس لأ.
يمكن الله اعلم و اللي اعرفة ان الجواري و العبيد زمان مكانوش حاجة غالية و ان منهم سبايا حروب , و على فكرة الموضوع مش رخيص الايام دي , يعني مرتب طباخ و خدامة يساوي الوف الجنيهات كل شهر و مش بس كدة, لازم مساحه البيت تتسع لمكان لإقامة الخدم , يعني لازم المسكن يكون فيللا مش شقة, و في الاساس مش كل راجل يقبل ان ياكل من ايد حد غريب او ان خدامة تغسل الاطباق او تربي الاولاد, دي مسألة نفس
أخيرا أدعو الله ان يهدينا جميعا لأزواجنا و يهدي أزواجنا لنا.
يارب آمين
http://www.nilemotors.net/Nile/Arabi...t-bot-left.gif
http://www.nilemotors.net/Nile/Arabi...-bot-right.gif
بص يا أستاذ أدهم أنا مقدرش أرد على كلام حضرتك لأن واضح ان حضرتك بتتكلم على مشكلة شخصية أنا مش عارفة ملابساتها. بس في الأول و الأخر دي حالة خاصة.
انما لما نتكلم في رأي شرعي مينفعش نخضعه لأهواء شخصية و نهاجم الرأي ده رغم انه رأي أئمة كبار. زي لو حضرتك قولت مثلا ان حق الزوج على زوجته الطاعة, مينفعش واحدة تقولك ده كان زمان الستات كانوا قاعدين في البيت و ميعرفوش حاجة انما انا متعلمة و بافهم احسن منه يبقى ما أسمعش كلامه. أتمني تكون وجهة نظري وصلت.
بص حضرتك أنا مش محتاجة أعرفها لأني مش بقولك هي كويسة و لا وحشة. أنا بقول هي من حقها ماتكونش عايزة تتجوز, تعنس بقى ماتعنسش هي حرة, دي حاجة تخصها لوحدها. و زي ما قولت لحضرتك فيه رجالة كتير بيبقوا مش عايزين يتجوزوا و ما شفتش حضرتك و لا غيرك هاجمتهم بالشكل ده. و موضوع التبني ده حاجة كويسة مش وحشة. أحنا ما عندناش تبني عندنا حاجة اسمها كفالة. يعني بتاخد طفل يتيم تربيه و تصرف عليه, و دي حاجة ثوابها عند ربنا كبير جدا سواء اللي بيكفل طفل ده متجوز أو لأ.
طبعا المشاركة و التقدير بين الزوجين ده موضوع ميختلفش عليه اتنين, و ربنا يخليلك والدك و والدتك و يباركلهم في بعض و يرزقك ببنت الحلال اللي تسعدك و تتقى ربنا فيك.
انا شايف الموضوع بقاله كام يوم مش عاوز يخلص
بس حاسس انكم بتتكلموا بجد
يعنى الست اللى بتخدم جوزها تبقى كخه وتعايره بكده
والراجل اللى بيأكل مراته ويلبسها يبقى غبى
وارجع بيتنا الاقى امى ماسكه كشف حساب وتحجز عليا واقعد طول عمرى اسد فى ديونها علشان اللى عملته علشانى
دى حاجه بقت تخنق
منهم لله بتوع حقوق المرأه اللى هيجننوا الستات والرجاله كمان
هو الجواز كده
واللى مش عاجبها انها تتجوز علشان تراعى بيتها وجوزها تعنس عند اهلها وتخدم اخواتها الصبيان
واللى مش قادر يصرف على مراته ويعيشهافى مستوى كويس ويحدد لها واجباتها من الاول وكمان يلتزم بحقوقها عليه يخليه فى بيت ابوه وامه
وكده كده اكيد هيكون له اخت تخدمه بعد ما تقعد فى بيتهم
هو الجواز ده مش شركه
الراجل بيشتغل بس بره البيت علشان يجيب يصرف على البيت
ولو معملش كده هيبقى عاله على البيت وعدم وجوده افضل
والست تشتغل فى البيت وتحافظ على ولادها وتعليمهم وتربيتهم ورتحه جوزها اللى بيصرف على الكل
والا برده تبقى عاله على البيت ووجودها زى عدمه
يا اما بلاش جواز احسن
ويا ريت محدش يزعل منى
علشان كده انا فىاى موضوع عن الجواز لما بلاقى اى حد متردد بقوله بلاش احسن
طالما مش قد المسئوليه متخنقش نفسك وتجيب واحده بنت ناس تبهدلها معاك
ولو امكانياتك ضعيفه اصبر لحد ما تتعدل
لان مقابل ما هى هتتنازل :36_3_18[1]:وتقبلك بامكانياتك دى
انت كمان هتتنازل كتير
طيب يا جماعه دلوقتي لما خدمه الزوج مش فرض علي الزوجه
وامال هي ايه لزمتها في البيت؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟
يعني انا يوم ما اتشملل واتجوز
حتجوز ليه ؟؟؟؟
علشان اعيش مع واحده بتمن عليا بخدمتي ؟
واصرف عليها وعلي عيالها طول العمر واخدم نفسي كمان ؟؟؟؟؟؟؟
يعني انا اتعب بره البيت وجواه علشان الهانم ترضي عني وتقوم تغسلي شراباتي مثلا ؟؟؟؟؟؟؟؟؟؟
بجد الموضوع ده افور اوي
والافكار دي لو مشيت في مجتمعنا
يبقي الي عاوزه تتجوز وتجيب بيبي وتتطلق اكرم من اللي عاوزه تتجوز وتخلف قرطه عيال
ومتخدمش جوزها
نسبه البنات للرجاله وصلت ل 9:1
يا ريت الناس تفوق وكفايه بقي
يعني فكرة انه معسر دي خاصة بالمرأة اللي من بيت فيه خدم لأن الأراء بتقول ان دي لازم جوزها يجيب لها خدم الا لو كان معسر و ميقدرش. ده مالوش دعوة بعدم وجوب خدمتها لزوجها و انها لو عملت ده من باب الفضل مش الواجب. يعني كمان انها من حقها كأضعف الايمان انه يساعدها في بعض الأعمال مش يتأمر عليها و يبقى مش عاجبه حاجة زي ما تكون جارية.
و مش احنا اللي مبينين ان اللي بتخدم في بيتها ده من باب الفضل ده رأي شرعي الأخت ازميرالدا و الدكتور محمد نقلوا الاراء فيه. و الحقيقة نكتة أم السيد دي عجبتني قوي عشان فعلا أبلغ رد على الي بيقولوا ان الزوجة المصرية مفترية.
و بعدين يا سيدي مين قالك اني مش عايزة الست تخدم جوزها؟؟ و الله العظيم لو الزوج و الزوجة بيحبوا بعض و بيعاملوا بعض بالحسنى عمرها ما حتتحسب حقي و حقك. يعني أنا ربنا اللي يعلم لو جوزي لقيته بيحاول يعمل لنفسه كباية شاي, بقوم جري عشان أعملهاله أنا. و هو كمان ربنا يكرمه عارفة انه بيراعيني في حاجات كتير قوي مش وقتها هنا.
للمرة الألف الجواز مش خناقة و لا مسابقة مين يقدر ياخد من التاني اكبر قدر ممكن من غير ما يدي حاجة في المقابل. الجواز عشرة طيبة و واحد أو واحدة تشاركوا بعض حياتكوا عالحلوة و المرة.
ده ربنا سبحانه و تعالى بيقول "وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً". لو مفيش مودة و رحمة عمر ما حيبقى فيه سكن و لا استقرار و لا سعادة.
واضح ان الرجالة مصممين يفهمو اللي هما عاوزين يفهموه و بس
مع ان الكلام واضح جدا و مش محتاج تفسير ان كل اللي احنا بنقولو مودة و رحمة و كلمة شكر بسيطة
ولا بقى الست بتمن على جوزها بشغل البيت ولا اي حاجة من دي ، هما بيتجوزو علشان يزلو بعض ؟؟ هو بالفلوس اللي بيصرفها عليها و هي بشغل البيت اللي بتعمله !!!!!؟
لان ببساطة هو كان ممكن يفضل في بيت اهلة و يشتغل و يصرف كل فلوسه على نفسه و اهي والدته بتخدموا و هي كمان كان ممكن تفضل معززة مكرمة مدلعة مبتعملش حاجة و برضو بيتصرف عليها ولا بقى هو يصرف فلوسه على حد و لا هي تشيل مسئولية بيت
انما هما الاتنين بيتجوزو علشان يكون في بينهم حب و عشرة و مودة و رحمة و سكن مش حرب و حقي و حقك
.
هو ممكن يكون راي بعض الفقهاء ان خدمة الزوجة للزوج مش واجبة لكن في آراء تانية - على قلتها - بتقول ان خدمة الزوج واجبة ، والرأي الفصل هنا لسيدنا محمد صلى الله علية وسلم لانه حكم على إبنته - وهي من هي- بالعمل داخل المنزل على صعوبته ( من 1400 سنه كانت الحبوب بتتطحن على الرحايا و المياة بتتنقل من البير لحد البيت ده غير مراعاة الدواب في المنزل كالغنم والخيل وغيرها ) ، إنما النهارده الست يا عيني عايزة تتفضل على الراجل بإنها حطت الغسيل في الغسالة الفول اوتوماتك وشغلت برنامج الغسيل او مثلا لمت شوية تراب على السجادة بالمكنسة الكهرباء ، بالتالي كل زمن له ظروفه و الزواج علاقة ما ينفعش طرف فيها يتفضل على الطرف التاني و إلا بلاش منه احسن.
تحياتي.
فعلااقتباس:
إلا بلاش منه احسن.
حتي يقضي الله امرا كان مفعولا
نقول تور يقولوا احلبوه!!!!!!!!
الكلام الاوفر ده مش مألفينوا ده شرع ربنا و الناس جابت لكوا الأراء كلها. و رغم كدة لا بيتنفذ و لا أحنا طلبنا انه يتنفذ بس كل واحد مش بيقرا غير اللي على مزاجه. يعني انا بقول لحضرتك مودة و رحمة و تعاون بين الزوجين تقوللي أمال هي لزمتها ايه في البيت!!!!!!!!!!!!!!!!!!!!
و اللي عايزة تتجوز و تجيب بيبي و تطلق دي عشان مش لاقية اللي يملا عينها و يخليها تتمنى تبقى مراته.
و الحقيقة ان نسبة 1:9 اللي حضرتك بتقولها دي مش حقيقية اطلاقا. يمكن في المستقبل عدد الذكور يزيد عن الاناث انما أخر تعداد سكاني في مصر سنة 2009 بيقول الأتي:
"كشف تقرير للجهاز المركزى للتعبئة العامة والإحصاء صدر أمس الثلاثاء أن عدد الشباب فى مصر فى الفئة العمرية من (18-35) عاما بلغ حوالى 3ر24 مليون نسمة بما يمثل 5ر33% من إجمالى السكان ولذا تعتبر مصر من المجتمعات الفتية وتتساوى أعداد الذكور والإناث تقريبا فى هذه الفئة العمرية حيث يبلغ عدد الذكور 2ر12 مليون نسمة فى مقابل 1ر12 مليون نسمة من الإناث."
و بعدين على فكرة مفيش بنت مبتتجوزش عشان محدش بيتقدملها, انما غالبا اللي مابتتجوزش دي بيبقى لأن اللي بيتقدموا أغلبهم لا يصلح.
من الأخر البنات مش بتتجوز مش عشان مش لاقيين عرسان, انما عشان مش لاقيين رجالة
يا شنورى باشا حد دلوقتى قال ان شرع ربنا يتطبق فى حتت معينة وحتت لأ انا كنت برد على كلام معين
واهو دكتور محمد جاب المفيد
وبعدين انا لما مكملتش قلت اللى عايز يبحث يبحث بس مقلتش رأى واحد وسكت وضحت ان فيه خلاف
وبعدين مش كل حاجة ينفع نقول دى كانت على ايامهم ومتنفعش على ايامنا لازم فقيه هو اللى يحدد ايه اللى يتقال عليه كده
ومكتوب برضه فى كل الكتب الجديدة ان فى فايدة من معرفة الخلاف ان الزوج ميشدش على مراته فى شغل البيت وبعدين هو مش سر والستات جهلة ومش عرفين و لو حد فهم انى بدعو الستات لثورة وعدم تحمل المسئولية دى مش مشكلتى لأن كلامى واضح جدا وهم اللى مهما العضوات المحترمات دخلوا ووضحوا قصدى مصرين يفهموا على مزاجهم خلاص براحتهم
وانا زهقت بصراحة من الأسلوب فى المنتدى هنا عشان الاهتمام بالعربيات رجالى بالدرجة الأولى معظم الأعضاء رجالة ومواضيع كتير هاتك يا تهزيق فى الستات وبتعميم لو كل واحد فكر ان مامته او اخته هتقرا الكلام ده مش هيعمل كده
وبما انى مشتركة فى منتديات من الضفة التانية بلاقى الستات هناك كل مناقشاتهم بالعكس لا بيشتموا فى الرجالة ولا قاعدين يشتكوا وخلاص بيحاولوا يلاقوا حل والمواضيع على غرار كيف تسعدين زوجك فن التعامل مع الزوج لأمتصاص غضبه حاجات كده عشان يرضوهم
وبعدين المشكلة ان اعضاء كتير بياخدوا من حياتهم او مشكلتهم الشخصية ويعمموا اللى حماته عملت فيه حاجة ينصح التانى اوعى مش عارف ايه لحسن بعد كده هتعمل معاك كذا واللى بيجيب لمراته هدايا دهب وبيفسحها فاكر كل الرجالة بيعملوا زيه والستات هم اللى مفتريين ومبيقدروش مع ان كل بيت وله ظروفه الخاصة جدا المختلفة تماما و فعلا احنا بنسمع من طرف واحد ومحدش هيحكى ويطلع نفسه غلطان
وبرضه اللى بيحكى هيحكى مشاكل ولما يتصالحوا مش هيجى يقول لنا احنا اتصالحنا امبارح و كنا فى منتهى السعادة فهيفضل يعرض الجانب السىء بس و يعقد فى الناس وخلاص
وعالعموم الجواز ده قدر اللى يقول مش هتجوز بقوله ساعة القدر يعمى البصر:E_braces[1]:
وبرضه لو جيت المنصورة لك جبهة صديقة هناك مش من جبهة الأعداء طالما قلبوها حرب:eee: