افيدوني بفكر انزل من 6 اكتوبر واعيش في فيصل

**dr-mohamed** · 14-09-2010 03:21 PM

المشاركة الأصلية كتبت بواسطة mohamedrabia

انا اعرف ان نصر الدين اقل سعر للمتر دلوقتي 3000 جنية لو متاكد من الاسعار ده ايدي علي كتفك يا ريت نصر الدين هادية جداااا

مين اللى اداك الفتوي المحترمة دي
يا باشا اخرهم لو مسكوا الكهربا يبقي المتر بالفين
تلاتة ليه هو احنا في المهندسين ولا ايه ؟
بص فيه عمارة في شارع النادي لو انت جاي من شارع الهرم بعد النفق ما تدخلش ترعة الزمر وامشي امتر قليلة هتلاقي بتاع جرايد يبقعد بالليل بس علي ناصية شارع النادي تدخل الشارع ده وتفضل ماشي على طول زي ما انت هتلاقي عمارة على ايدك اليمين عليها يافطة شقة للبيع العمارة واخدة ناصية شارع النادي وشارع تاني لو مشيت في لاشارع التاني ده تلاقي نفسك في شارع ترعة الزمر

**A.Saad** · 14-09-2010 03:25 PM

المشاركة الأصلية كتبت بواسطة dr-mohamed

مممممممممممممم
المساحة كام وسعرهم ايه وعلى الشارع الرئيسي ولا متفرع ولو متفرع على بعد اد ايه دي كلها عوامل في التقييم علشان نقدر نقولك اي شقة فيهم افضل

اهلا يا خالد باشا
هههههههههههههه
قول الترعة دي كانت فين وفيه ايه مكانها دلوقت وانا اديك باسبور فيصلاوي قديم
لو من التتار الجدد محتلى فيصل مش هتعرف

الترعة اتردمت وبقت الشارع
انا كنت بقف على سطح بيتنا فى حسن محمد وكان دورين كنت بشوف الهرم الكبير

المريوطية كموقع للشقة احسن
بس العبرة كمان بورق كل شقة وموقفها القانونى

**dr-mohamed** · 14-09-2010 03:25 PM

بتاعة المساحة المكان زحمة اوي وتخاف على الاطفال فيه لو نزلوا يعملوا اي حاجة خليك في العمارة الى وصفتها لك في نصر الدين وشوف عايزين كام لو تمشي معاك يبقي حلوة اوي

**dr-mohamed** · 14-09-2010 03:28 PM

المشاركة الأصلية كتبت بواسطة a.saad

الترعة اتردمت وبقت الشارع
انا كنت بقف على سطح بيتنا فى حسن محمد وكان دورين كنت بشوف الهرم الكبير

المريوطية كموقع للشقة احسن
بس العبرة كمان بورق كل شقة وموقفها القانونى

باسبور مين ده انت تمسك معانا الجوازات
انا كنت بعدي على كوبري خشب صغير عل ىالترعة دي علشان اروح المدرسة في نصر الدين
وياما اتعورت وانا بلعب الكورة في الارض السمرة اللى كانت جنب الترعة
على فكرة الترعة دي مكانها دلوقت كوبري فيصل نفسه

**Akram** · 14-09-2010 03:29 PM

انا قبل ما أقراء الموضوع كنت هقولك اوعي تسيب اكتوبر ,
لكن التفكير العملي يقول انك لازم توفر المصاريف دي كلها ,

بس في نفس الوقت الواحد ما ينفعش يربط النقلة دي بمكان الشغل , بمعني لو الشغل اتنقل لمكان تاني فهل هتسيب مكانك و تنقل الاولاد من مدارسهم (دا في حالة انهم في مدارس) للمكان الجديد و هكذا كل ما يحصل تغيير ,

الحياة مينفعش انك تغيرها لمجرد ان الشغل مكانه اتغير او بعيد ,
طيب ايه الحل

الحل انك تشوف مكان وسط و يتوافر فيه برده الحد الأدنى من الهدوء , او بمعنى آخر تمسك العصاية من الوسط ,
شوف منطقة تكون في مكان متوسط , و تنزل و تسال على الأسعار و الخدمات ,

انا بقترح مناطق زي حدائق القبة/الزيتون/مدينة نصر

و على فكرة انا من سكان فيصل لكن نفسي انقل لمكان أهدى من كده ....

**dr-mohamed** · 14-09-2010 03:29 PM

المشاركة الأصلية كتبت بواسطة alaasaid

السلام عليكم

حضرتك هتتعب جدا من النقل من أكتوبر لفيصل بسبب الزحمة الرهيبة و الدوشة 24 ساعة فى اليوم .

الاحسن طالما شغل حضرتك مستقر و و مرتاح فيه انك تنقل التجمع او العبور أو الشروق او مدينة نصر و ربنا يكرمك بالخير

فيصل الرئيسي لو ببلاش مش هسكن فيه
المكان اللى انا قلت عليه ساكني فيصل عارفين انه هادي جدا

**Ralliart** · 14-09-2010 03:33 PM

انا من ضحايا فيصل شارع العشرين وبقولك بلاااااااااش انا مبروحش هناك غير لما العربيه تتحك والتكاتك والميكروباصات الفولكس مبهدلين الدنيا ولو بتنزل الصبح ممكن تقف اكتر من 3 ساعات حتى طلعة الدائري بتبقى زحمه
والحمد لله اني طلعت من الشارع ده على خير

-

-

-

الموضوع: افيدوني بفكر انزل من 6 اكتوبر واعيش في فيصل

LinkBack

أدوات الموضوع

عرض

-

-

المواضيع المتشابهه

عايز انزل شويه افلام اجنبي ... انزل افلام ايه ؟

ازاى اروح 6 اكتوبر من فيصل

بفكر اعمل الصيانه للواجا في اوتو ماجد افيدوني

بفكر ابيع الغالية افيدوني ابادلها بايه

إقتراح لتعديل مروري بميدان الرماية (اكتوبر، الفيوم، الصحراوي، فيصل، الهرم)

الكلمات الدلالية لهذا الموضوع

المفضلات

المفضلات

ضوابط المشاركة