الموضوع: افيدوني بفكر انزل من 6 اكتوبر واعيش في فيصل

والله كلامكم اقنعني جداااا وربنا يخلي الدائري وخلاص بقا انا هفضل في اكتوبر وهمشي بالمثل من خرج من داره قل مقداره لاني فعلا نزلت امبارح جوله في فيصل وبالرغم من انه رايق كنت مخنوق من الشارع الي اقصي سرعة ممكن تمشي عليها فيه 30 كم المهم كان معايا والدي وقلت اشوف الشقة بتاعت المساحة رابع نمرة من الشارع الرئيسي شارع واسع قلت لوالدي انتظرني في العربية ثواني اسال علي العمارة رجعت لقيت واحد ساند ايده علي الشباك بتاع العربية وبيكلم والدي قلت يمكن بيقوله بلاش تركن هنا وشكله صراحة مش مريح قلتله خير قلي مفيش سالت والدي قالي بيقوله مفيش حاجة ليه قلتله يعني ايه عايز فلوس يعني مقابل ايه كل ده بحاول افهم فهمت اخيرا انه بيتبلطج مبرشم بقا معرفش المهم قلت مستحيل اسكن هنا مراتي وعيالي ممكن يتعرضوا لموقف زي ده يبقي ايه العمل والحمد لله علي كل حال وكفي الله المسلمين شر القتال وشكرا بجد لانكم نعم العون والارشاد واسف مش معني ان فيه واحد مش تمام في فيصل يبقي الكل كده اكيد فيه ناس افاضل بس السائد دلوقتي في المناطق المزدحمة سائقي التك تك والبرشام وخلافه واحنا طبعا مظلومين بينهم من رميهم علي العربيه وكمان اسلوبهم

المشاركة الأصلية كتبت بواسطة kh_talaat

بعد نصائح رجال فيصل وتحذيرهم وتأكيدهم على خطورة نقلك لفيصل

اليك النصحية الأخيرة

جرب يوم الأحد القادم (اول يوم مدارس) تروح لشغلك مرورا بشارع فيصل من الساعة 8 صباحا وقولنا هتاخد شارع فيصل من اوله لآخره في كام ساعه ... واهو تبقى جربت مره بنفسك وتقدر تحكم

باشاا والله انت ههههههه انسي هنام فيه بجد واللى عاييز يورح شغله ينزل بعد صلاة الفجر ويفرش جنب شغله وينام لحد موعد عمله هههههههههههه
وحتى دائري ع فكرة هيكون زجمه فى نزلت ميدان لبنان دلوقت رايقه علشان العيد وبرضو اتفرج عليها من اول يوم دراسه


اها نسيت اعرفكم اخوكم من الطوابق اعتقد 25% من سكان فيها بعد طالبيه ههههههههههه ودرائري جنبي
بس نزله لبان بتخنقني بس سؤال وصله سارع سودان جديدة دي تنفعنى لو عايز اروح مهندسين بدل نزله لبنان

المشاركة الأصلية كتبت بواسطة أشرف العدوي

النزلة الديدة هتنزلك عند الجامعة ناحية باب تجارة كدة
ممكن تاخد الدقي و كوبري الدقي ( بس اعتقد هتبقى زحمة الصبح بردو )
جربها يوم و شوف هتفرق معاك قد ايه

استاذي كبير مصنع الرجال بفيصل هجربها بكرة ونشوف حياة ايه فيها واذا كان فيها لف كتير
يبقي نتلقح ونقف ف شمس لبنان ((:
طب مفيش اي اختشرات تانيه لتجنب النوم فى شارع فيصل

طبعا الكل هيستغرب ويقول حد يسيب الهدوء وينزل للزحمة بس هشرح ظروفي باختصار علشان مطولش عليكم بس عايز رايك بمنتهي المصداقية علشان رايكم يفرق معايا كتير انا الحمد لله متزوج وعندي بنتين وان شاء الله الثالث جي المهم اعمارهم متقاربة جداااا شغلي في القاهرة الجديدة مشوار صعب كل يوم بروح وارجع 130 كم بالعربية بنزين نار عربيتي نيسان صني 1600سي سي المهم الي خلاني افكر في القرار ده اني بجد تعبت من المشوار جدااا

حلك يا باشا تسكن في مكان قريب من شغلك ...... ربنا يكون في عونك و تلاقي مكان قريب من شغلك و زي ما الأخوة أقترحوا قبلي شوف القاهرة الجديدة و التجمع و الشروق و بقية مناطق شرق القاهرة .
إنما تروح فيصل .......... اللي هاتوفرة بنزين .................... هايتحرق به دمك في الزحمة و القرف و قلة النظام في فيصل اللا متناهي ( قال يعني بقية مصر منظمة - بس أكتوبر بالنسبة لفيصل .... تُعتبر لندن )
فيصل ده حل وحش جدا .

وتاني حاجة الرعاية بقا الطبية اكتوبر لتلاقي فيها مستشفيات كبيرة لو فكرت اروح ببنت مثلا علشان شوية كحة اصرف وانا واقف 200 او 300 جنية ويقولي جلسة بخار واكسجين وحوارات كتير جدااا مع العلم تحت دكتور كشفة 50 جنية مثلا زي الفل وكمان الخدمات قليله جداااا في اكتوبر بالرغم من انها مدينة قديمة في بجد مش عارف افكر ابيع الهدوء واستقراري باني اشتري شة في فيصل واستحمل الزحمة مع العلم

ياباشا مش عارف أنت ليه مش بتروح مستشفيات
مستشفى 6 أكتوبر الجامعي ( مش العام ) مستشفى الجامعة ........... ممتازة و الكشف 50 جنيه فقط و هناك أطباء ممتازين .
مستشفى دار الفؤاد ..... الكشف في العيادات الخارجية ب 60 جنيه فقط ........ و أطبائهم ممتازين
و نفس الكلام بينطبق على مستشفى الشيخ زايد التخصصي .

ال 3 مستشفيات دول على أعلى مستوى .......... و فيه مستشفى الزهور في الحي السابع معقولة جدا و برضه أسعارها حلوة .


إنما طبعا أنا رأيي الشخصي أنك تسكن قريب من مكان عملك
وقتك ........ زوجتك و أولادك أولى به .
بنزين و أستهلاك العربية ( كاوتش و زيت و صيانات دورية ) بيكون أكتر لما تمشي مشاوير أكتر .


ربنا يكون في عونك و تلاقي مكان كويس تعيش فيه يكون قريب من شغلك

رأي بصراحه يا باشا... بلااااااااااااااااااااااا ااااااااااااااش و بقولهالك من قلبي

ماعتقدش انك عايز خدمات كتييير, و رخيصه في كل شئ, لكن الضريبه هتكون...

- زحاااااااااااااااااام قااااااااتل
- دوشه غير طبيعيه و غير آدميه
- شوارع ضيقه جدااااا
دي الحاجات الخفيفه, و ما خفي كان اعظم.....!!!

هتضحي بنظافة و هدوء اكتوبر علشان الخدمات و المسافه و هتوصل لانك
هتكره الشارع و الخدمات بسبب الزحمه والله, و هتتمنى يوووم واحد من ايام اكتوبر

احنا عندنا عقار في اكتوبر, و ساكن في الهرم مع اهلي لاني لسه مش متجوز,
و عارف يعني ايه فيصل كويس قوي (( للاسف الشديد )),
و عايز اقولك اني بحاول اعمل اي حاجه و اضحي بأي شئ بس مادخلش فيصل
لو رايح مشوار هيخليني ادخله, و لو لااااازم جداااا, يبقى من غير عربيتي,
لاني عارف اني هكره حياتي و احتمال ان العربيه تتخبط 120% من اي ميكروباص

انا بقول تاخد في حدائق الاهرام, و ده اللي انا عملته علشان اهرب من
زحااام الهرم و في نفس الوقت ماخبطش مشوار اكتوبر كل يوم لو قعدت هناك

هناك مافيش خدمات كتير جوه, لكن عند البوابه الاولى في بشكل معقول,
بس بينك و بين الهرم, فيصل, الدائري للتجمع او لميدان لبنان, اكتوبر دقائق فعلا
و ده معناه انك قريب جداا من كل الخدمات الرخيصه اللي انت محتاجها...

فكر فيها و احسبها, هتلاقي ان الحياه في فيصل بعد اكتوبر تكاد تكون مستحييييله

ربنا يوفقك للخير ان شاء الله...