افيدوني بفكر انزل من 6 اكتوبر واعيش في فيصل

**hazemhany** · 14-09-2010 03:33 PM

الاسعار فعلا بقت نار انا في شارع العشرين الشقق وصلت ل 220 الف وطوب احمر كمان ..بس انصحك تاخد في الشوارع اللي بين فيصل والهرم هيا اينعم اسعارها مولعة بس احسنلك كتير

**dr-mohamed** · 14-09-2010 03:34 PM

لما كل الناس دي كارهة فيصل ومش عايزة تعيش فيه
امال جمهورية الصين الشعبية اللى في فيصل دي جات منين
انا عن نفسي مبسوط جدا في فيصل ومش هنقل الا على بلدنا لا اكتوبر ولا غيره
كنت فكرت فيها من فترة بجدية وفي الاخر قلت لا الامان والخدمات اهم والهدوء مقدور عليه ما دام الواحد مش في فيصل الرئيسي والواحد مننا بيدهل شقته خلاص بينقطع عن العالم الخارجي

**dr-mohamed** · 14-09-2010 03:36 PM

المشاركة الأصلية كتبت بواسطة ralliart

انا من ضحايا فيصل شارع العشرين وبقولك بلاااااااااش انا مبروحش هناك غير لما العربيه تتحك والتكاتك والميكروباصات الفولكس مبهدلين الدنيا ولو بتنزل الصبح ممكن تقف اكتر من 3 ساعات حتى طلعة الدائري بتبقى زحمه
والحمد لله اني طلعت من الشارع ده على خير

ايه ده يا رالي
امال لما كنا سوا نزلت في مدينة عامر ليه ؟؟؟؟؟؟؟
ممممممممممممممم
صح كنت بتخطط انت وصاحبك تاخدوا عربيتي من عند خالد بيه خصوصا ان المفاتيح معاك قلت انزل في مكان بعيد عن بيتك يا واد يا رالي وهو مش هيعرف يوصلك
هع هع هع هع

**dr-mohamed** · 14-09-2010 03:37 PM

المشاركة الأصلية كتبت بواسطة hazemhany

الاسعار فعلا بقت نار انا في شارع العشرين الشقق وصلت ل 220 الف وطوب احمر كمان ..بس انصحك تاخد في الشوارع اللي بين فيصل والهرم هيا اينعم اسعارها مولعة بس احسنلك كتير

مساحتها كام يا باشا ؟
وبعدين حد يسكن في العشرين نفسه ده كانك عايش في الشارع نفسه

**ابو ليلى** · 14-09-2010 03:50 PM

المشاركة الأصلية كتبت بواسطة mohamedrabia

انا مكنتش متخيل كل الاراء ده وبجد اراء تحتترم واجماع علي انها فكرة غريبة طيب انا قدامي شقة في شارع الليبي الي في المريطية قرب الدائري وشقة في المساحة فيصل امام كليه تربية رياضية

فيصل ياسلام على فيصل هو حد يقدر يتكلم عليه انا من التعاون على فيصل الرئيسى مباشرة اقف فى البلكونة من السابع واشوف فيصل من اوله لحد اخره من الناحيتين كلهم احمر فى احمر من كتر العربيات اللى واقفه .

بص ياسيدى الفاضل انسب مكان واللى متاح قدامك دلوقتى هى شارع الليبنى لان رابطك بين المحور والدائرى مباشرة .... المنطقه هادية من بعد فندق سياج مش قبل ...بينك وبين مستشفى الهرم 5 دقائق وبينك وبين مستشفى تبارك للاطفال اللى فيصل حوالى نص ساعه لو مشيت فى الهرم

مدارس كتير جدا فى المنطقه دى وحضانات كل المستويات من اول المريوطية فيصل لحد وراك شارع زغلول ( مشعل )

المساحه فيصل عند مدرسة الصنايع كده منطقه جميلة اللى بين شارع الهرم وفيصل وهادية بس ابعد عن المدرسة لان هناك برضه مدرسة ثانوى ( احمد لطفى ) يبقى مدرستين والصبح الحته دى بتبقى كارثه ايام المدارس اللى بره المدارس اكتر من اللى جوه ....بعيده عن الدائرى اول مطلع ليك من ناحية نصر الدين والعمرانية لحد اخرها فيها حوالى نص ساعه عقبال ما تمسك الدائرى . قريبه جدا من مستشفى تبارك للاطفال ( فى 2 واحده فى اول فيصل والتانية فى حسن محمد ) مليانة مدارس وحضانات كل المستويات

والاخر لو هتجيب تمليك يبقى دور على المنطقه قبل اى شى والمحطين بيك ومساحه الشقه والخدمات .........وان شاء الله تكون جار عزيز علينا .

المنتدى طلع كله من فيصل ولا ايه انى مشفتش مرة حط لاازق الاستيكر على عربيته فى فيصل

**dr-mohamed** · 14-09-2010 03:55 PM

المشاركة الأصلية كتبت بواسطة a.saad

الترعة اتردمت وبقت الشارع
انا كنت بقف على سطح بيتنا فى حسن محمد وكان دورين كنت بشوف الهرم الكبير
المريوطية كموقع للشقة احسن
بس العبرة كمان بورق كل شقة وموقفها القانونى

المشاركة الأصلية كتبت بواسطة dr-mohamed

باسبور مين ده انت تمسك معانا الجوازات
انا كنت بعدي على كوبري خشب صغير عل ىالترعة دي علشان اروح المدرسة في نصر الدين
وياما اتعورت وانا بلعب الكورة في الارض السمرة اللى كانت جنب الترعة
على فكرة الترعة دي مكانها دلوقت كوبري فيصل نفسه

يا باشا ده ردي من بدري
انت تمسك الجوازات

**dr-mohamed** · 14-09-2010 04:00 PM

المشاركة الأصلية كتبت بواسطة abouleila

فيصل ياسلام على فيصل هو حد يقدر يتكلم عليه انا من التعاون على فيصل الرئيسى مباشرة اقف فى البلكونة من السابع واشوف فيصل من اوله لحد اخره من الناحيتين كلهم احمر فى احمر من كتر العربيات اللى واقفه .

بص ياسيدى الفاضل انسب مكان واللى متاح قدامك دلوقتى هى شارع الليبنى لان رابطك بين المحور والدائرى مباشرة .... المنطقه هادية من بعد فندق سياج مش قبل ...بينك وبين مستشفى الهرم 5 دقائق وبينك وبين مستشفى تبارك للاطفال اللى فيصل حوالى نص ساعه لو مشيت فى الهرم

مدارس كتير جدا فى المنطقه دى وحضانات كل المستويات من اول المريوطية فيصل لحد وراك شارع زغلول ( مشعل )

المساحه فيصل عند مدرسة الصنايع كده منطقه جميلة اللى بين شارع الهرم وفيصل وهادية بس ابعد عن المدرسة لان هناك برضه مدرسة ثانوى ( احمد لطفى ) يبقى مدرستين والصبح الحته دى بتبقى كارثه ايام المدارس اللى بره المدارس اكتر من اللى جوه ....بعيده عن الدائرى اول مطلع ليك من ناحية نصر الدين والعمرانية لحد اخرها فيها حوالى نص ساعه عقبال ما تمسك الدائرى . قريبه جدا من مستشفى تبارك للاطفال ( فى 2 واحده فى اول فيصل والتانية فى حسن محمد ) مليانة مدارس وحضانات كل المستويات

والاخر لو هتجيب تمليك يبقى دور على المنطقه قبل اى شى والمحطين بيك ومساحه الشقه والخدمات .........وان شاء الله تكون جار عزيز علينا .

المنتدى طلع كله من فيصل ولا ايه انى مشفتش مرة حط لاازق الاستيكر على عربيته فى فيصل

انا الحمد لله مش بشوف الحاجات دي خالص انا في اول فيصل عند المرور اخري الف من جنبه واطلع كوبري فيصل
وبعدين الظاهر سكان فيصل في المنتدي مش حاطين الاستيكر تمويه

بقولكم ايه
فيه واحد زميلنا هنا من فيصل زوجته الله يرحمها توفت وفيه واحد من اخواننا هنا هو علاء عامل موضوع على اننا نروح له نعزيه
ايه رايكم نروح كلنا سوا ومتهيالي مش هايبقي مشوار علينا يعني
الموضوعين هنا في الاجتماعي