الموضوع: هل تحذير الاخرين من الرادار حرام ؟؟

المشاركة الأصلية كتبت بواسطة dr-mohamed

ههههههه
تصدق يا شيكو انا من كام سنة وانا باخد الطريق ده وممكن اسبوعيا لكن اول مرة اشوف الكمين ده
واكيد طبعا هما ناس محترمين انا قلت غالبا بيوقفوا المييكروباسات يشوفوا الهربانين من التجنيد انت عارف ان المنطقة دي قبلها اكتوبر اللى هي عنصر جذب للعمالة اليدوية خاصة في مجال المعمار وكتير منهم بيبقوا هربانين من الجيش

تحذير الآخرين من الرادار في مصر ليس حراماً
بل هو واجب شرعي على كل من علم مكانه
ومن علم مكانه ولم يحذر الناس فهو في الغالب آثم

لأنك بهذا التحذير تمنع عن أخيك السرقة بالإكراه
الرادار في مصر أحد أنواع الضرائب والجباية

لم تكن النية منه أبداً تنظيم المرور أو المحافظة على الأرواح

وإلا فليفهمني الجميع
كيف نصرف الملايين على نظام رادار تصوير آلي لمضاعفة الإتاوات
بينما هناك حفر وتكسير ومشاكل كثيرة بأرضية الشوارع متروكة رغم أنها تحتاج لجنيهات لإصلاحها
لكنها تترك
ويتم صرف الأموال على وسائل زيادة الجباية !!!!!!


لذلك فإعلام الناس بموقع الرادار هو واجب شرعي
ومن لا يفعله هو مشترك مع الظالمين في سلب أموال الناس

والله تعالى يقول في الحديث القدسي :(لأنتقمن من الظالم ومن برى له قلماً ومن ناوله دواةً)



والخبر الجديد للجميع هو أن كاميرات تصوير الرادار الآلية
الحد الأدنى فيها لمخالفة السرعة هو 300 جنيه
وتصل لملفك بدون علمك
وتروح تجدد تلاقي نفسك عليك 7 أو 10مخالفات سرعة ضرب 300 يساوي الشيء الفلاني
وهيخربوا بيوت الناس قريب

ولكن أملنا في الله كبير جداً وهو ما يؤخرنا عن الهجرة من هذا البلد

سخنتوني ربنا يسامحكم

يا باشا الهدف من الراداد زي المطب الصناعي تمام

ان الناس تهدي من سرعتها

وليس الهدف لم فلوس الغرامات من البشر

وانت عملت كده

يبقي ايه المشكله...

المشاركة الأصلية كتبت بواسطة eng.m mahran

هو مش الهدف من الرادار ان الناس تمشى براحة
وانت لما نبهتهم ان فى رادار مشو براحة

خلاص يبقى انت حققت الهدف

+1111111111111

يا جماعه براحه شويه
والناس اللي حللت الموضوع وخلته حلال عالطول بدون فتوى من اهل اختصاص بقولهم
الفتوى دي لو غلط هتبقى في رقبتك يوم القيامة وانت مش حملها ولا حد فينا حملها
الفتوى شئ مش سهل يا جماعه كده براحه شويه

عالعموم انا لست مع ولا ضد
ولكن انا بنظر زي ما كلكم قولتوا كده
النصب والاحتيال بتاع رجال المرور والكلام ده كله
ولكن برضه فيه جانب اخر للموضوع
ان تعود السائقين انهم هيعرفوا ان فيه رادار ولا لأ من الناس اللي هترعش نور
هيخليهم لما ميلقوش حد بيرعش نور يبقى مفيش رادار وبالتالي هيمشي بسرعه براحته

اما لو مكنش فيه حد بيرعش نور لحد ولا فيه اي نوع من التحذيرات ده هيخلي اغلب السواقين اكيد مش كلهم علشان فيه ناس دماغها شمال هيخليهم يمشوا محترمين لأنهم مش هيعرفوا فيه رادار ولا لأ الا فجأة مش عن طريق اشارات
فهيبقى طالع الطريق ومفيش حل امامه غير انه يمشي مظبوط لأنه استحاله يتأكد ان الطريق مفيهوش رادار ولا فيه بأي طريقه

ياريت تكون وجهة نظري وضحت

المشاركة الأصلية كتبت بواسطة gebreel

اسمحلي يا باشا اختلف معاك في النقطة دي
ربنا سبحانه و تعالى قال ولا تلقوا بايديكم الى التهلكة و السرعة العالية اللي تخليني مقدرش اسيطر على العربية لو حصل اي حاجة او لو حاجة مفاجئة حصلتلي في العربية ده معناه اني اهملت و القيت بنفسي في التهلكة

و مش بس كدة ده انا لو خبط حد او عربية حد او حتى كسرت عمود ساعتها هتبقى حرام عليا لأني مش بس بوظت حاجتي لأ ده انا اذيت الناس كمان

انا مش بقول كدة يبقى انا موافق على اننا نمشي 60 في الاوتوستراد ولا في وسط البلد لكن بردو بقول مانجريش بهدف الجري

انا واحد صحبي العداد لو اققل من 160 يبقى مشي براااااحة

عزيزي انا حاوضح لحضرتك قصدي وهو لا يتجزاء عن وضع البلد .... يعني انا ضد اني ادفع مخالفة رادار جبايه لدوله لاتحترمني ولم تنشيء طريق محترم بمواصفات محترمه وسايبه النقل طايح في الناس وتقعد تعمل اصلاح في الصحراوي لمدة تصل لاكتر من سنه بشكل يهدد سلامة الناس وبتلم ملايين من كرتة الطرق السريعه بدون خدمات او شيء في المقابل ...يبقى بعد ده كله ادفعلها مخالفه كمان؟!
زي نظرتي للضرايب كده انا كمان ضد اني ادفعها في البلد دي عشان انا مش بأخد شيء بالمقابل لاشارع بيتسفلت ولا علاج مجاني ولاتعليم مجاني طب ادفعها ليه بقى ؟؟؟
انا بادفع زكاتي وشكرا ...البلد بتتوزع وتتسرق وجايين يتشطروا على العربيات الماشيه بسرعه ؟ قال يعني خايفين على ارواحنا ؟؟
انا كل حاجه عندي دخلت في بعضها من اللي بشوفه
دمت بصحه