الموضوع: هل تحذير الاخرين من الرادار حرام ؟؟

عدم التحذير أفضل عندنا على طريق القاهرة الفيوم على الأقل حادثة يوميا والسبب الجرى الغبى وغالبا من سائقى الميكروباص والطريق حاليا بيتوسع بيتم إنشاء حارة ثالثة والطريق ضيق وبالاقى طيارات بتطير بجانبى _ ربنا يسترها

المشاركة الأصلية كتبت بواسطة abogogo

عن أبي عبد الله النعـمان بن بشير رضي الله عـنهما قـال: سمعـت رسـول الله صلي الله عـليه وسلم يقول: (إن الحلال بين وإن الحـرام بين وبينهما أمور مشتبهات لا يعـلمهن كثير من الناس فمن اتقى الشبهات فـقـد استبرأ لديـنه وعـرضه ومن وقع في الشبهات وقـع في الحرام كـالراعي يـرعى حول الحمى يوشك أن يرتع فيه ألا وإن لكل ملك حمى ألا وإن حمى الله محارمه ألا وإن في الجـسد مضغة إذا صلحـت صلح الجسد كله وإذا فـسـدت فـسـد الجسـد كـلـه ألا وهي الـقـلب)صدق رسول الله صلى الله عليه وسلم

بصراحة ليه احنا بنبص على موضوع الرادار على انه فلوس بتتلم وخلاص ظلم على الرغم انها مدفوعه من شخص مخالف للسرعة المحدده .... ممكن الميكروباص اللى انت حذرته من الرادار السواق بتاعه من هواة الجري بسرعة وبنشوف للأسف دماء كثيرة على الاسفلت ممكن لما السواق ده لما يتعور كذا مرة من الرادار يلم نفسة شوية ويبطل جري وتهور عشان تعويرة الفلوس بتوجع اوي اكتر من تعويرة الجسم نفس الشئ لبعض سائقي الملاكي والنقل ..... للأسف الحكومة السبب ان الناس تتشفى فيها حتى في الخطاء انا مرة شفت واد بلطجي وصايع ماسك امين شرطة عدمه العافيه من الضرب الناس كانت مبسوطة وفرحانه وشمتانه في امين الشرطة على الرغم ان البلطجي ده انيل واضل من امين الشرطة ..... وفي النهاية استفتي قلبك والله اعلى واعلم .... وأسف للإطالة

المشاركة الأصلية كتبت بواسطة ahmed elsherif

انا اتصورت رادار وكنت 93 كيلو ودفعت 150 زي الشاطر بس مكنتش اعرف ان في رادار بيصور ساعتها ....
واحضرتك لو شايف ان الفلوس اللي بيخدوها دي بيطورا بيها حاجه في البلد متحزرش اي حد
انما طول ماهي كوسه كده يبقي لازم تحزر
لو وصلت الواحد يعمل يافطه مكتوب عليه رادااار ويطلعها من شباك العربيه

للاسف الموضوع ده فيه كلام كتيييييير جدا وانا شخصيا مع الرايين دول ومفش حد يسالني ازاي بس كلام العضوين صح ومظبوط 100 %

المشاركة الأصلية كتبت بواسطة م/مصطفى محمود

واحده واحده كدة يا شباب

لو هنتكلم بمنطق الناس اللى قالوا حلال فبالتالي الحرامية اللى بيقولوا أحنا بنسرق حرامية يبقوا رجال شُرفاء ، يبقوا اللي بيرتشوا مش هيدخلوا النار (مهو مرتبة صغير) ، وكل واحد هيطلع حجه

فى فرق بين الخطأ والخطيئة ، وضع البلد غلط وزي الزفت أعمل مظاهرات وأحاول أغيرة ، أغير نفسي ،أغير غيرى، أنصح ،أعمل عمل تطوعي ، أشتغل سياسة، لكن متحايلشي على القانون

مش عاجبني موضوع إن السرعة 100 أعمل شكوى ، أقدم طلب ، أعتصم ، أهاجر ، لكن تخالف القانون وتعمل فهلوي وبُرم يبقي لا مؤاخزة

الهدف من الرادار أنه يخلي الناس تلتزم بالسرعة ، وأنت لو نبهته هيهدوا ويرجعوا يمشوا بسرعة تاني

لكن لو كل شوية يتلسع فى 150 جنية هيحرم يجري

لما بتحصل حوادث على الطريق بنفضل نشتم فى الحكومة ، ولما يقولولنا نمشي براحة نشتم برضوا

لية محدش عايز يعترف بغلطة ، لية محدش عايز يلتزم بالقوانيين ، لية الكل عامل فهلوي وبُرم

قال رسول الله "لا يكن أحدكم إمعة، يقول : إن أحسن الناس أحسنت وإن أساؤوا أسأت ، ولكن وطنوا أنفسكم إن أحسن الناس أن تحسنوا ، وإن أساؤوا ألا تظلموا "

يبقى مش علشان فى ناس بتعمل غلط أعمل غلط زيهم

خليك أيجابي ، مش فهلوي

مُخالفة السرعة جريمة ، التحايل على القانون جريمة ، تنبية الآخرين مُشاركة فى الجريمة

( سموا الحقائق باسمها ....* فالقوم أمرهمو صراح )

وأحب أقول لأى حد بينبه واحد لأن فى رادار ، الراجل ده لو فى يوم من الأيام داس حد بتهورة يبقى هتتحاسب معاه ، لأن كان فى فرصة لردعة وأنت ساعدتة فى الهروب منها

والله أوقات كنت بستحرم أعدي الى بيقلبلي نور علشان يعدي مني وأنا سايق على السرعة القصوى (لأنى بساعدة على الجريمة)

ياريت يا شباب منفتيش والسلام ، عندكم موقع الإسلام سؤال وجواب أبعتوا وأسألوهم

وبالله عليكم بلاش فهلوة

كلام حضرتك صحيح ومظبوط وانا معاك انه غلط وحرام والمفروض الكل يلتزم بالقوانين والقواعد حتى يسود النظام والعدل والمساواه بين الناس وان عدم تطبيقه تعم الفوضى والجرائم بل ويسبب في اثارة وغضب من الناس من عدم تطبيقه ولكن :_

1- حضرتك بتقول ان اي حد بينبه واحد لأن فى رادار ، الراجل ده لو فى يوم من الأيام داس حد بتهورة يبقى هتتحاسب معاه ، لأن كان فى فرصة لردعة وأنت ساعدتة فى الهروب منها , طيب ما ظباط الشرطة والقضاه وكل من يمتلك منصب في البلد او يمتلك واسطه هيعمل كل ما هو ممكن من مخالفات وهيعدي بدون ما يتعرض لاي عقوبه او مسائله قانونيه ,, معلش مش ده زي زيه وممكن يعرض بارتكابه المخالفات دي ارواح الناس للخطر ولا هو استغفر الله معصومين من الخطأ

2- الحكومة بصفه عامه ووزارة الداخليه بصفه خاصه لموخذه في الكلمة بتستهبل في تطبيق القوانين واتخاذ العقوبات بمعنى نلاقي طريق يتمشي فيه عادي بسرعه 100 كلم \ ساعه ويقولك السرعه القصوى 90 كلم \ ساعه ,, ماشي واذا الواحد ربنا هداه وحاول يمشي بالسرعه القانونيه وتعدى وتخطى " سهوا ,, سهوا ,,, سهوا " السرعه المقرره بواحد كلم ومشي على 91 يتم تغريمه ,, يبقى هل ده عقل وحكمة وقرار ناس بتفهم اساسا .وبعدين بره مثلا بيبقى لكل سرعه غرامه وبتتناسب تناسبا طرديا مع زياده السرعه يعني الي ماشي على 120 مش زي الي ماشي على 180 لكن هنا يتساوى الجميع بدون وجه حق لييييييييييييه مش عااااااااااااارف

* الخلاصه ان لا يوجد عدل في الموضوع

الرادار لوحده نظام فاششششششششل ولجباية الأموال فعلا
نظام رأسمالي طبقي صرف .............الغني ولا هيفرق معاه ده لو دفعها أصلا(علاقات ووسايط)
عايزين الرادار يحقق هدفه(السيطرة علي السرعة-تقليل الحوادث) يبقي ملف كل سائق في المرور يتحط فيه نظام نقاط للمخالفات
كسر الأشارة 10 نقاط
السرعة فوق المعدل ب 20 5 نقاط
السرعة فوق المعدل ب 50 7 نقاط
أكتر من كدة سحب الرخصة وليكن شهر
تكرار المخالفات الخطرة في فترة 6 شهور سحب الرخصة سنة
والوصول لسحب نهائي للرخصة مع الأصرار علي مثل هذه المخالفات

بس هل ممكن تطبيق هذا النظام علي الكل !!!!!!!!!!!!!!!!

والي أن تأتي هذه اللحظة !!!.................. أنا مع التحذير من الرادار..............والله أعلم