صمام ال PCV valve

**ahmedjumpo** · 04-10-2010 04:51 AM

وجدت اثناء تصفحى لبعض النتديات الاجنبية صمام يسمى Positive Crankcase Ventilation Valve و اختصارا PCV valve و كنت عايز اعرف ما هى وظيفة هذا الصمام و ايه المشاكل اللى ممكن يسببها لو فى مشكلة و اين مكانه بالضبط فى النوبيرا او الليجانزا وديه صورته

**mbx4e** · 03-12-2010 02:43 AM

بيعمل اعادة توزيع للضغط الهوائي و الفراغي الموجود داخل المحرك عشان تيارات الهواء الناتجة عن حركة اجزاء المحرك الداخلية زي البساتم واذرعتها = البيل وعمود الكرنك وعمود الحدبات = الكامة مايحصلش تداخل في التيارات دي فياثر على ادا هذه الاجزاء
تخيل واحد بيعوم عكس التيار وواحد تاني بيعوم مع التيار تعتقد الاتنين بيقدروا يوصلو لنفس النتيجة بنفس المجهود او العكس ؟؟؟؟ متخيل الصورة
بالبلدي كدا دا صمام تهوية لبيت الكرنك الفايدة منه الحصول على اكبر طاقه او قدرة من المحرك باقل قدر من الوقود عن طريق تقليل التيارات الفراغيه العكسيه داخل المحرك
ارجوا اني اكون افدتك
اما بالنسبة للدايو سواء لانوس او نوبيرا فا انا ما اقدرش افيدك

**sno7y** · 05-12-2010 03:42 PM

معملومه قيمه جدا

**sab3aawy** · 11-12-2010 05:19 PM

الى جانب تهوية قاع المحرك يقوم هذا الصمام بدفع كمية هواء نظيف مع أبخرة الزيت التى تخرج من خرطوم الفايظ وهو ما يضمن عدم تلوث موزع هواء المحرك ببقايا ابخرة الزيوت من الفايظ وخاصة عندما يتقادم المحرك

دايما الصمام ده بكون راكب على خرطوم مسحوب من خرطوم دخول الهواء وداخل الى جسم المحرك

**mbx4e** · 12-12-2010 04:15 AM

المشاركة الأصلية كتبت بواسطة sab3aawy

الى جانب تهوية قاع المحرك يقوم هذا الصمام بدفع كمية هواء نظيف مع أبخرة الزيت التى تخرج من خرطوم الفايظ وهو ما يضمن عدم تلوث موزع هواء المحرك ببقايا ابخرة الزيوت من الفايظ وخاصة عندما يتقادم المحرك

دايما الصمام ده بكون راكب على خرطوم مسحوب من خرطوم دخول الهواء وداخل الى جسم المحرك

سبعاوي باشا بنفسه بيرد وكلامه بيوافق كلامي لالالالالالالالالالالالال ا دا انا طلعت بفهم
احب اقلك ياسبعاوي بك اني من الناس اللي استفادت بمواضيعك الجميله بجد اشكرك
مشاء الله طرح وتناول جميل واسلوب رائع
احب ابدي اعجابي بمقالاتك الموجودة في مدونتك واسمح لي ابدي اعجابي بموضع قيادة 127 قليل من المرح كتير من الرعب و مقال مدام اعتماد ياحي.....تيتتت(بدل ما اتوقف اصل جربت موضوع الوقوف دا )
اسمح لي معلمي الفاضل (لاني من تلامذتك وقراءك ولي الشرف) دكتور سبعاوي بسؤالين :
1: ايه موزع الهوا اللي حضرتك قصدته وبيبقى موجود فين وفي اي مواتير عربيات ولا على حسب ووظيفته ايه واسمه ايه بالانجليزي؟
2 : حضرتك تقصد ايه بخرطوم الفائض دا ووظيفته ايه ومكانه فين ؟

اذا سمحت لي اضيف معلومة اخرى مهمه عن فوائد صمام pcv :
بيعيد حرق الغازات الضاره بالبيئة والمواد الهيدروكرونيه السامه عن طريق انه بيدخلها دورة حرق الوقود مره اخري ( بيحسن او بيزود حريق او بيقلل انبعاثات وغازات العادم الضاره ) عن طريق انها بتصعد الى اعلى المحرك ( منطقة وش السلندر او غطا التاكيهات ودا باعتبارها غازات ويرجع يدخلها تاني على الكاربراتير او على المانفولد مباشرة )

**mah_ramadan** · 16-01-2012 01:28 PM

انا اسف ولكن طبقا ومعلوماتي البسيطة ان الصورة دي للـ (purge control valve) وليس للـ (positive crankcase ventilation). والدليل علي ذلك كلام العضو محمد اليماني وشكرا

**shankosi** · 13-02-2012 11:21 AM

المشاركة الأصلية كتبت بواسطة mah_ramadan

انا اسف ولكن طبقا ومعلوماتي البسيطة ان الصورة دي للـ (purge control valve) وليس للـ (positive crankcase ventilation). والدليل علي ذلك كلام العضو محمد اليماني وشكرا

1+

صمام pcv وظيفته سحب أبخرة الزيت من غطاء التاكيهات لضمان عدم تجمعها وتكوين ضغط يتلف صمامات الصبابات وعدم ترسيب أبخرة الزيت على جدران الغطاء من الداخل وتكوين طبقة تشبه الورنيش تؤدي لزيادة سخونة الموتور.

أبخرة الزيت يتم سحبها للمانيفولد وضمان عدم ارتجاعها أو الإخلال بالضغط السالب للمانيفولد عن طريق هذا الصمام ولو تلف سيؤدي للإحساس بتأخير في استجابة الموتور ورجرجة على السلانسيه ودخنة سودة من الجكمان.

**zerocode85** · 10-05-2015 07:22 PM

يريت يا جماعه فعلا حد يقولنا مكانه فين فى النوبيرا 2 بالظبط لانى غيرت جوان غطا التاكيهات الاصلى و مازال فى زييت بييجى عل البوجيهات و بعد ما قريت فى مواقع اجنبيه ذكرو تغيير هذا الصمام