الموضوع: حكايتى مع التلاجة

اعمل شكوي في جمعية حماية المستهلك

المشاركة الأصلية كتبت بواسطة mostafa3000

اعمل شكوي في جمعية حماية المستهلك

تمام كدة بالضبط هوة دة الكلام
دة رابط جمعيات حماية المستهلك

جمعية القبة لحماية المستهلك
جمعية مصر الجديدة لحماية المستهلك

احكي لك على حكاية صغيرة
ليا زميل في الشغل من النوع اللي مش بيسيب حقه ابدا
ولو كان عنده مصلحة عندك تعملهاله علشان تخلص من زنه
طبعا فاهمين النوعية دي من الناس
اشترى موبايل نوكيا من موبايل شوب
الموبايل كان لو اتكلم فيه شوية يسخن جدا
راح يعمل له صيانة قالوله الموديل دة كدة
ولقى واحد معاه واحد قال له في العيب دة بس مش بيسخن للدرجة
المهم راح على موبايل شوب قال لهم انا عاوز ارجع الموبايل دة علشان في كذا
وانا من حقي الارجاع او الاستبدال خلال 14 يوم
رفضوا
راح جهاز حماية المستهلك عمل شكوى
وساب بياناته
اتصلوا بيه تاني يوم قالوله هات الموبايل وتعالى على فرع موبايل شوب
راح لقاهم جايبين المحل عاليه واطيه وبيشوفوا كل الموبايلات
ورجع الموبايل واخد فلوسه كاملة
ايديال دي شركة مالهاش اي لازمة
كل اجهزتها فيها عيوب صناعة
اعمل شكوى وما تسكتش
وربنا معاك

المشاركة الأصلية كتبت بواسطة أشرف العدوي

حصلي نفس حوارك بالظبط مع نفس الثلاجة و نفس الشركة
و بعد سنة رجعتلهم التلاجة و أخدت فلوسي كاملة ( عافية ) الذوق مش بيجيب معاهم نتيجة
انا اول ماجبتها حصل نفس مشكلتك و اتصلحت مرتين و في المرة التالة غيرولي الباب ( هي كانت 18 قدم نو فروست )
و بعد كدة باظت تاني
الفني كان بيجي يسخن ماية يغسل الباب و يمشي
فضلت كدة بتاع اربع شهور كل اسبوعين الفني يجي يغسل الباب ( قال يعني انا مش هعرف اعملها )
بعد خناقات غيرولي التلاجة كاملة و المفاجئة ان نفس المشكلة موجودة في الثلاجة الجديدة
فضلت بتاع 4 شهور كمان الفني يجي يعمل نفس الحوار
و في اخر مرة جه ما كنتش موجود في البيت و اتصلوا بيا قالولي انه زعقلهم و قل ادبه عليهم و قالهم مش جاي تاني و الي عندكوا اعملوا و بلطج يعني .
المهم اتصلت بيهم اتخانقت معاهم في التليفون و بعتولي واحد بعد شهر غير الي كان بيجي
الي جاي هو الي مهم
خدت اجازة من الشغل و البيه جه بعد ميعاده بـ 6 ساعات و جاي عامل فيها كبير صناعية أيديال
قبل ما يمد أيده في الثلاجة قولتله التلاجة دي هترجع و هاخد فلوسها كاملة و شدينا مع بعض
و قفلت عليه باب العمارة و قعدته على السلم
قولتله كلم الي عايز تكلمه الثلاجة هترجه يعني هترجع و ما تضيعش وقتك و وقتي انا ممكن اخليك قاعد كدة مدى الحياه
قالي انا زنبي ايه قولتله و انا زنبي ايه
المهم كلم حد عندهم في الشركة و خلاني اكلمه لقيته بيقولي انت كدة تبقى خاطفه و ممكن نستعمل معاكم القانون و الكلام الفارغ ده
قولتله الراجل في بيتي و ممكن البسه سرقة عادي يعني
و قعدنا نغلس على بعض شوية قولته انت بتضيع وقت ابعت حد معاه حق الثلاجة و عربيية ياخدها و يديني فلوسي غير كدة ما عنديش اي حلول
المهم بعد ساعتين بعتولي حد فعلاً خد الثلاجة و أداني وصل بقيمة الثلاجة اروح اصرفه من الأدارة بتاعتهم عند جامعة الأزهر ش امتداد رمسيس
روحت تاني يوم صرفت الفلوس بعد رخامة بس الحمد لله خلصت منها و زودت الف و نص و جبت توشيبا و طبعاً فرق السما من الارض

انا فعلا كنت خايف بعد ما يغيروا التلاجة الاقى نفس العيب فى التلاجة الجديدة
فكرة حضرتك انى اخد الفلوس تانى فعلا هى الفكرة المناسبة بس مش عارف اعملها ازاى
يا ترى اعمل زى ما حضرتك عملت ولا اتصل بحماية المستهلك
حاسس موضوع حماية المستهلك هياخد وقت
وفكرتك دى جامدة قوى

المشاركة الأصلية كتبت بواسطة sayedhassan

انا فعلا كنت خايف بعد ما يغيروا التلاجة الاقى نفس العيب فى التلاجة الجديدة
فكرة حضرتك انى اخد الفلوس تانى فعلا هى الفكرة المناسبة بس مش عارف اعملها ازاى
يا ترى اعمل زى ما حضرتك عملت ولا اتصل بحماية المستهلك
حاسس موضوع حماية المستهلك هياخد وقت
وفكرتك دى جامدة قوى

لا والله مش بياخد وقت
دة تاني يوم او بعدها يوم اتصلوا بزميلي في الشغل
ولموبايل كان ب 1800 جنيه يعني مش 400 وللا 500 جنيه
ورجعوله الفلوس
جرب الحل القانوني الاول
هوة جت معاه كدة ممكن متجيش معاك
وبعدها ابقى جرب العنف

المشاركة الأصلية كتبت بواسطة nonetta

لا والله مش بياخد وقت
دة تاني يوم او بعدها يوم اتصلوا بزميلي في الشغل
ولموبايل كان ب 1800 جنيه يعني مش 400 وللا 500 جنيه
ورجعوله الفلوس
جرب الحل القانوني الاول
هوة جت معاه كدة ممكن متجيش معاك
وبعدها ابقى جرب العنف

انا مقتنع بكلامك وهجرب حماية المستهلك الاول
انا ساكن فى فيصل يا ترى ايه ارقام تليفونات حماية المستهلك

المشاركة الأصلية كتبت بواسطة sayedhassan

انا مقتنع بكلامك وهجرب حماية المستهلك الاول
انا ساكن فى فيصل يا ترى ايه ارقام تليفونات حماية المستهلك

المشاركة اللي فاتت بتاعتي فيها اللينك بتاع جمعية مصر الجديدة وجمعية القبة لحماية المستهلك
موقع جهاز حماية المستهلك
ط¬ظ‡ط§ط² ط.ظ…ط§ظٹظ‡ ط§ظ„ظ…ط³طھظ‡ظ„ظƒ