الموضوع: بفضفض معاكم وعاوز ردود علشان انا دماغى وقفت

المشاركة الأصلية كتبت بواسطة puyol

أنا كنت عايز أسألك سؤال ودا تقريبا ممكن يكون سبب عدم موافقة الوالدين

هل يوجد فرق في المستوى الإجتماعي والثقافي والمادي بين العائلتين لأن السبب اللي حضرتك قولته

أعتقد وحده لا يكفي عدم الموافقة

المادى تقريبا واحد والاجتماعى الحمد اللة انا اعلى والثقافى انا اعلى
ممكن بسبب والدها مش متعلم

المشاركة الأصلية كتبت بواسطة m.mostafa80

+10000000000000
كلام مظبوط
وفعلا بتبقى نظرتهم صائبه أنا قبل مااتجوز كنت خطبت واحده اهلى وبالأخص والدى كان معارض
الموضوع ولكنه نفذه لرغبتى بس يومها قالى كلمه انى هستناك تيجى تقولى انا فسخت الخطوبه
وفضلت الكلمه ترن فى ودانى لحد ما شفت بنفسى اللى هو كان شايفه بحكم خبرته فى الحياه
وفى يوم كلمته وقلتله أنى فسخت الخطوبه وكان رده عليا بألف مبروك
اقعد مع اهلك قاعده صفا واعرف هما رافضين ليه وشوف اكيد ليهم وجهه نظر
وبعد ماتقعد معاهم قدرت تقنعهم بوجهه نظرك واقتنعو خير وبركه
مقدرتش يبقى من الأخر بكل ادب واحترام ترجع للبنت واهلها وتعتذرلهم وتقولهم ان اهلك مش موافقين
لو اهلك مش راضيين عن الجوازه دى هتفضل طول عمرك تعبان ومن الناحيتين
ولو اهلك باركو ووافقو يبقى ربنا يسعدك ومن الناحيتين بردو :10d5c8w1107:

كلام حضرتك جميل اوى
بس انت بتتكلم على انهم شافوا البنت
لكن هما مشفوهاش ولا شافوا اهلها
الاعتراض لمجرد الاعتراض ودة الى بيعصبنى زى ما قلت
لاان كلامهم اتغير بدل ما كانت الحجة الشقة
بقا لا مناخدش واحدة انت ماشى معاها والكلام الغريب دة
فا كلامك ينطبق فى حالة انهم شافوها لكن للاسف لا

بص يا باشا تقريبا كدة فى كل عيلة فى خال او عم تحس انو قريب منك وبيحبك روح اكلم معا وشرح له موقفك كويس وتقريبا هيروح يلين دماغ الوالد والولدة وكل شى نصيب ادعى بس انت ربنا وقول يا رب وانشاء الله كل حاجة هتبقى تمام

طبعا كل الكلام على انك تقنع اهلك ولو مقتنعوش بلاش مشاكل وهما شايفين الصح
بس محدش فكر فى البنت سنةونص معاك على امل الجواز وبعدين انت متقدرش فتسبها عشان اهلك مع انها معملتش حاجة وحشة معاك وانت كمان بتحبها
حرام عليك زنبها اية تربطها بيك وبعدين تقول لها مع السلامة
اذا كنت مقتنع بيها وحاسس انها دى اللى ينفع تكمل معاها حياتك وتبقى ام اولادك
انت حتعرف تقنع اهلك بيها ازاى
اعد مع نفسك الاول وشوف انت عايز اية