بفضفض معاكم وعاوز ردود علشان انا دماغى وقفت

**viper911s** · 21-12-2010 05:22 PM

المشاركة الأصلية كتبت بواسطة masterzmind

بص يا باشا تقريبا كدة فى كل عيلة فى خال او عم تحس انو قريب منك وبيحبك روح اكلم معا وشرح له موقفك كويس وتقريبا هيروح يلين دماغ الوالد والولدة وكل شى نصيب ادعى بس انت ربنا وقول يا رب وان شاء الله كل حاجة هتبقى تمام

انا كنت بفكر فى الخطوة دى بس سايبها للااخر
يارب

المشاركة الأصلية كتبت بواسطة miss_mona

:i_angr1[1]::i_angr1[1]::i_angr1[1]:
طبعا كل الكلام على انك تقنع اهلك ولو مقتنعوش بلاش مشاكل وهما شايفين الصح
بس محدش فكر فى البنت سنةونص معاك على امل الجواز وبعدين انت متقدرش فتسبها عشان اهلك مع انها معملتش حاجة وحشة معاك وانت كمان بتحبها
حرام عليك زنبها اية تربطها بيك وبعدين تقول لها مع السلامة
اذا كنت مقتنع بيها وحاسس انها دى اللى ينفع تكمل معاها حياتك وتبقى ام اولادك
انت حتعرف تقنع اهلك بيها ازاى
اعد مع نفسك الاول وشوف انت عايز اية

ودة اكتر حاجة مزعلانى انى كدة قعدتها معايا كتير وتعلقت بيا اوى
علشان كدة انا بجد عاوزها بخلاف انها فعلا بشهادتى وكل الى اتعامل معاها تمام وماشاء اللة عليها

المشاركة الأصلية كتبت بواسطة omaroof

البنت مادام محترمة وانت بتحبها توكل على الله
والدك ووالدتك لما يلاقو انك متمسك بيها حايستسلموا فى الاخر
لكن ماتغضبهمش وفى نفس الوقت ماتعملش حاجه انته موش مقتنع بيها
وبصراحه البنت مادام محترمه وحاسس انها تنفع تبقى ام عييالك يبقى توكل على الله

قالبين الوش عليا وانا من النوع العصبى ودى المشكلة

**MoToRiZeR** · 21-12-2010 08:33 PM

لازم تعرف حاجتين:

أهلك عايزينك مبسوط .. يعني ممكن بعد ما تعمل حاجة ضد إرادتهم وشافوك مبسوط .. هيفرحوا وهيبقوا معاك.

مفيش حد بيقفل دماغه إلا لو إنت مش عارف تقنعه .. إتصرف مع أهلك وإثبت علي موقفك لو إنت بتحبها بجد

**mahmoodallam** · 21-12-2010 11:22 PM

للاسف الغالبية رايهم انك تضغط على والديك لحااااااااااااااد اما يوافقو
وده اسلوب مش حلو
الاسلوب ده مناسب لطفل عايز يلعب مع اصحابه وابوه مش موافق فيفضل الطفل يحاول معاه لحاد اما ابوه يقولو روح العب في ستين ؟ ! .

**viper911s** · 22-12-2010 10:19 AM

المشاركة الأصلية كتبت بواسطة motorizer

لازم تعرف حاجتين:

أهلك عايزينك مبسوط .. يعني ممكن بعد ما تعمل حاجة ضد إرادتهم وشافوك مبسوط .. هيفرحوا وهيبقوا معاك.

مفيش حد بيقفل دماغه إلا لو إنت مش عارف تقنعه .. إتصرف مع أهلك وإثبت علي موقفك لو إنت بتحبها بجد

كلام جميل جدا وبطبقة حاليا بأنى متعصبش بكلامهم الى بيحسسك انك طفل وديع وممكن الناس يضحكوا عليك وحاجات غريبة كدة
بس بحاول اخر محاولات انى اقنعهم

المشاركة الأصلية كتبت بواسطة mahmoodallam

للاسف الغالبية رايهم انك تضغط على والديك لحااااااااااااااد اما يوافقو
وده اسلوب مش حلو
الاسلوب ده مناسب لطفل عايز يلعب مع اصحابه وابوه مش موافق فيفضل الطفل يحاول معاه لحاد اما ابوه يقولو روح العب في ستين ؟ ! .

طب اية الحلول فى رئى حضرتك

**mahmoodallam** · 23-12-2010 01:27 AM

المشاركة الأصلية كتبت بواسطة viper911s

طب اية الحلول فى رئى حضرتك

باختصار
الالحاح على والديك كتير بالطريقة دي معناها اجبارهم على الموافقة !!!!!!!!!

**mahmoodallam** · 23-12-2010 01:42 AM

المشاركة الأصلية كتبت بواسطة hobiko

اوعى تسيبها او تتخلى عنها

احنا مش عايشين فى قبيلة كعب ابن ابى فلسعة عشان تبقى مجرد انك اتعرفت عليها بعيد عن الأهل خلاص بقت واحدة مشيت معاها و ماتصلحش زوجة و ام

حكم عقلك

لو البنت كويسة وشايف ان دى اللى حتسعدك ما تسيبهاش

اهلك فى الأول و فى الأخر يهمهم سعادتك و مهما حصل و شافوك فى الأخر سعيد و مبسوط خلاص كل شئ بيتنسى

حاول مرة و اتنين و مليون انك ترتبط بيها و فى نفس الوقت تراضى اهلك

طبعا فى قبيلة كعب ابن ابى فلسعة كانوا بيركبوا جمال

و الجمل حيوان اليف يتحمل العطش و يستخدمه العرب فى السفر و الترحال الخ الخ الخ

اسلوبك راقي جدا في ابداء رأيك واحترام آراء الاخرين
كان المفروض اني ما اردش عليك بسبب زوقك العالي
بس علشان الموضوع مش بتاعك وعلشان ما نسيبش صاحب الموضوع تايه ومش قادر ياخد القرار انا مضطر اني ارد

وليه سعادتهم هما كمان ما تهمكش ؟ ليه تهمهم هما بس ؟ وانت ما عندكش احساس ناحيتهم ؟ ما انتاش حاسس انهم اهلك ؟
الله يهديك ياراجل

المشاركة الأصلية كتبت بواسطة hobiko

اهلك فى الأول و فى الأخر يهمهم سعادتك و مهما حصل و شافوك فى الأخر سعيد و مبسوط خلاص كل شئ بيتنسى

طيب افرض العكس
افرض انه حصل مشاكل وده وارد جدا وطبيعي في كل البيبوت
انت مش هيكون عندك الجرأة انك تقول لأهلك على حاجة ساعة وقوع المشكلة بحيث يقفو جنبك في وقت المشكلة حتى لو وقوفهم معاك معنوي ويساعدوك بارائهم فهما اهل خبرة وهم اكتر الناس حرصا على اسرة ابنهم
ولو الموضوع كبر وانت قلت لاهلك انك في مشكلة مع زوجتك هيقولولك مش انت اللي اخترت وصممت واتحايلت علينا في الطلب ؟
اتصرف بمعرفتك ؟؟؟؟!!!!!
ساعتها هتبوس رجل ابوك ورجل امك علشان يسامحوك

**mohamed2007** · 23-12-2010 04:37 AM

صلى صلاة استخارة و أتكل على الله

**MISS_MONA** · 23-12-2010 05:36 PM

بص انت اكتر واحد تعرف تدخل لاهلك منين وامتى احسن وقت تكلمهم فيه
وبلاش تزن كل شوية فى الموضوع عشان ميزهؤؤؤؤؤش منك ويعندم معاك
يعنى قول لهم انك عايز تقعد تتفاهم معاهم وقول لهم انك شايف سعادتك مع البنت دى وكلمهم براحة من غير عصبية
وان معرفتش
نحاول نفكر معاك فى حلول تانية

**viper911s** · 24-12-2010 12:14 AM

بعد القاعدة الاخير كانت امبارح باليل
صدر المروسوم التالى
طبعا بعد ما اقنعت والدى واخويا معايا ووالدى وافق
والدتى واخواتى البنات
قالوا السبب الحقيقى انهم فى ظروف مادية مش حلوة والموضوع دة هيكون مرهق عليك فى الطلبات وعلينا كمان
فا اصبر شوية او لا
فا انا بفكر فى فكرة تانية
انى اقولهم انى اقرا فاتحة الاول واقعد عليها سنة
واذا ربنا اراد الموضوع يتم يبقى فى نهاية السنة اعمل خطوبة سنتين
بس
دة رئى اية ارائكم

**black_hawk** · 24-12-2010 02:47 AM

موضوعك شدنى جدا

اولا ربنا يتمملك على خير ان شاء الله
ثانيا انا معاك فى فكره انك تقرأ فاتحه وتقولهم اهى تبقى فرصه انهم يعرفوا البنت واهلها كويس وفى اطار اجتماعى مقبول
وغير كده معتقدش انها هتكون بتكلفه جامده زى الخطوبه مثلا
ف هتبقى ضربت عصفورين بحجر .. نفذت وعدك مع البنت واهلها ... اهلك يتعرفوا على البنت واهلها

الموضوع: بفضفض معاكم وعاوز ردود علشان انا دماغى وقفت

LinkBack

أدوات الموضوع

عرض

-

-

-

-

-

المواضيع المتشابهه

i10 مغلبانى وعاوز استفسر عن حجات كتير انا لسه جديد وعاوز استفيد منكم

دماغى وقفت - ممكن مساعدة

محتار يا جماعة وعاوز رأيكو علشان بقيت بكلم نفسى قبل ما انام

ارجو الشرح من الرواد علشان انا وقفت

فى حاجة فى دماغى عاوز اعملها وعاوز رايكم

الكلمات الدلالية لهذا الموضوع

المفضلات

المفضلات

ضوابط المشاركة