الموضوع: هو أنا راكب بطة ولا إيه

المشاركة الأصلية كتبت بواسطة mmamdouh

انا جبت بعربيتى 183... بس عمرى ما قرصت على الرابع اكتر من 160 او 165 حاجة كدة





على فكرة هو مش شرط اوى انك تنزل الى التالت عند 120 لان اللى حيبقى فاضل فى التالت هو 10 كيلو فى الساعة و تنقل رابع فا ممكن تنزل رابع مش تالت... كدة او كدة كان لازم تنزل عن الخامس عشان تعللى عزم العربية و تسحب زى الناس

الفلتر طبعا فارق بس بيفرق فى سرعة التجميع... يعنى مدى سرعة استجابة المكنة فى زيادة سرعة لفاتها من 3000 مثلا الى 6500... فى النهاية لما توصل الى 6500 لفة على التالت حتلاقى نفسك جايب 130

الشداد بيفرق فى اتزان العربية فى الملفات مش السحب
طب لو ممكن تقولنا منين وبكام ولو فيه articl بتتكلم عن الموضوع ده ياريت

ابداء تدريجى انك تنقل على rpm اعلى... يعنى 4000 ثم 4500 و من حين الى اخر تنقل على 5500 الى 6000 عشان تفوق المكنة و بالتدريج حتلاقى استجابة المكنة بقت احسن

mmamdouh

ماشي كلامك بس أنا مش هازودها لحد 6500 ممكن أبقى أقرص شوية عالغيرت عشان افوقها وأنا فعلا لما بكون باشيد مع حد بنقل على 3500 4000

المشاركة الأصلية كتبت بواسطة ahmed_mido1889

فعلا بحس ساعات ان العربيه مبتسحبش وبتقل ادبها
لدرجه مره كانت ابتدت تكركر علي التالت وهي علي 60
قليت ادبي عليها وقرصت وصلت التالت ل 130
والرابع 160
لاقيت في الاولانه علي التالت من 60ل100 صوت الموتور علي اوي وبعدين ادت فرقعه من الشكمان وصوت الموتولر هدي شويه وكملت سحب
دلوقتي لما اكبسلها بنزين فجاه وهي ماشيه عالاول او التاني تفرك

صوتها غبي قوي عالتالت التاني ولرابع اهدى شوية فالصوت لما تحرق عليهم

المشاركة الأصلية كتبت بواسطة bakkarahmed

علي فكره العربيه جميله جدا وسحبها ممتاز لو مهتم بصيانتها وانا لما باكون في طريق مفتوح الحمد لله عمرها ما كسفتني ولما باكون ماشي مثلا 140 وجه واحد بيشد جنبي وابتدي اشد معاه بلاقي العربيه بتستجيب ومؤشر السرعه بيعلي بسرعه كويسه مش ببطء زي ما الناس بتشتكي والكلام ده كمان بعد ما ظبطت فيشه الاوكتان علي 95 وحطيط بنزين 92
بس انا سمعت عن منحني العزم ونسبه التروس وان ليها حسبايه علشان الواحد يستفيد من عزم العربيه بدون فقد للعزم يعني لما مثلا المنحني يقل عند 5000 لفه مافيش داعي ان الواحد يحرق لغايه 6500 لفه ..والا انا فاهم غلط وياريت الاستاذ محمد ممدوح يشرحلنا ايه انسب الاوضاع للنقل علي الوضع الرياضي للسواقه مع الاحتفاظ بالعزم

موضوع منحنا العظم ده صحيح أنا كنت قريت عنه قبل كده. بس مش فاكر فين

المشاركة الأصلية كتبت بواسطة wael_dosoky

يا اخواني ايه الأرقام إلي بتقولوا عليها دي؟
ده كده واضح اني بادلع عربيتي
الثالث لغاية 130؟؟
انا عمري ما عديت بالثالث لغاية 90 وحسيت ساعتها ان الموتور هيقل ادبه عليا

ياباشا وحياتك أنا مجبتش بيه 70 إلى مرتين تلاتة