هــا أستبــدل موتور بيــجو 405 1600 سى سى بموتــور 2000 سى سى

**the-hero** · 19-03-2008 04:55 PM

المشاركة الأصلية كتبت بواسطة the-hero

الماتور بالفتيس بالفيش وارد فرنسا أما بخصوص
control unit
Magneti marelli ias
12vdc G5so/0ao2
16005
انت أيه رايك وفى انتظار معلوماتك القيمة

النوع دة كويس وارد فرنسا وعاوز فرق على ماتورى 1800
انت ايه رأيك أتكل على الله وأجيبيه
وكنت عاوز أعرف أزاى أعرف موديله

**Tamer_Merit** · 19-03-2008 04:58 PM

المشاركة الأصلية كتبت بواسطة FLYINGPEUGEOT

هو موضوع الحراره ده مش عندك يا باشا عشان انت موديل تحت الالفين
بينزل بالكمبروسور الصغير ابو مسامير 13
انما الموديلات الاعلى من كده اللى بتنزل بالكمب الكبير هى اللى فيها المشكله دى
بس كده ولا كده
هى ماكنه حلوه واتكل على الله

السلام عليكم ورحمه الله
لفت نظري كلامك عن الكمبروسر بتاع البرستيج ..ارجو الافاده العاجله من حضرتك علشان انا اتفقت على كمبروسر استعمال وكنت رايح اركبه بكره ....بس دلوقتي هاستنى ردك .
انا عندي برستيج 2000سي سي موديل 96والكمبروسر بتاعي محتاج تغيير , ولقيت واحد كويس استعمال في مدينه السلام واتفقت على 800جنيه , بس عايز اعرف من حضرتك الفرق بين المودلين (ابو مسامير 13 والثاني ) وازاي افرقهم وانهي احسن وينفع اركب الكبير عندي ولا لأ وعلى فكره العربيه ما كانتش بتسخن لما كنت باشغل التكييف قبل كده بس لو الكبير كفائته احسن وتسخن شويه مش مشكله ... طالما انا كده كده هاغير ... وهل السعر ده مناسب ؟؟
وعذرا للاطاله و الاستعجال ( بس انا مزنوق ) ....
والف شكر ياباشا على المساعده.

**Xpert** · 19-03-2008 05:04 PM

انا هاديك نصيحه لوجه الله ... بجد لوجه الله .. انا نفسي مجرب شغل فرنسا .. اسمع الاول و بعدين لو اقتنعت تمم ..
شغل فرنسا متنيل .. انا شاري مكنه شغل فرنسا طلعت بتخبط لقيت بكره الكرنك سايبه و المكنه مافهاش ترموستات (المفروض يكون فيها و انت تشيله هنا) .. المكنه واخده سيليكون من كل ناحيه و مجموعه الانجكشن كلها سايبه ... و محلوله من علي نص ! ..
لو عاجبك اعمل الاتي :
انزل علي التاجر اللي عنده المكنه .. خد معاك الميكانيكي و عده كامله لحل الكارتيره ..و وش التقسيمه .و ركبه كرنك ..
امسك التاجر و قوله الاتي : هافك و اكشف علي لقمه سبيكه دلوقتي في الدكان .. و مش هاتاخد المكنه بتاعتي الا لما دي تركب و تتجرب و انزل بيها مشوار اسكندريه مثلاً ..
وافق .. كان بها .. فك و اكشف .. ماوافقش .. سيبه و امشي ..
ما علي الرسول الا البلاغ ...(عن تجربه و اقرا موضوعي اللي في قسم البي ام ...)

**bimmeraddict** · 19-03-2008 05:51 PM

......

وفتيس quattro front rev
.................................................. ....................
شكرا يا باشا بحد كلامك خلاني أحب البيجو
طب سؤال يعني اية الفتيس الي أنت كتبتة دة؟ويفرق اية عن العادي؟ويركب في أي405؟
وشكرا على ردك

**Xpert** · 19-03-2008 05:55 PM

لاء عادي ده بيتكلم بالسنه .. شكله بيتكلم هيروغليفي باين .. :d

**bimmeraddict** · 19-03-2008 07:32 PM

هههههههههه

**Ahmed Hassan** · 19-03-2008 08:07 PM

المشاركة الأصلية كتبت بواسطة tamer_merit

السلام عليكم ورحمه الله
لفت نظري كلامك عن الكمبروسر بتاع البرستيج ..ارجو الافاده العاجله من حضرتك علشان انا اتفقت على كمبروسر استعمال وكنت رايح اركبه بكره ....بس دلوقتي هاستنى ردك .
انا عندي برستيج 2000سي سي موديل 96والكمبروسر بتاعي محتاج تغيير , ولقيت واحد كويس استعمال في مدينه السلام واتفقت على 800جنيه , بس عايز اعرف من حضرتك الفرق بين المودلين (ابو مسامير 13 والثاني ) وازاي افرقهم وانهي احسن وينفع اركب الكبير عندي ولا لأ وعلى فكره العربيه ما كانتش بتسخن لما كنت باشغل التكييف قبل كده بس لو الكبير كفائته احسن وتسخن شويه مش مشكله ... طالما انا كده كده هاغير ... وهل السعر ده مناسب ؟؟
وعذرا للاطاله و الاستعجال ( بس انا مزنوق ) ....
والف شكر ياباشا على المساعده.

اعتقد تركب اي كومبريسور ياباني هيكون اخف على الموتور و اكفأ في التبريد.

**Tamer_Merit** · 20-03-2008 01:16 AM

المشاركة الأصلية كتبت بواسطة Ahmed Hassan

اعتقد تركب اي كومبريسور ياباني هيكون اخف على الموتور و اكفأ في التبريد.

اشكرك يا أ.احمد على الاهتمام والرد..
بس مش احسن لو القطعه الاصليه ركبت بدون تعديل, لانه اضعف الايمان هنغير الطمبوره علشان السير يركب عليها, وكمان المفاجأه ان الكومبريسور اللي راكب على المكنه عندي (بتاعها الاصلي ) وكمان اللي شفته استعمال مكتوب عليهم الماركه ( ساندن ) صناعه ياباني والفريون 134 .