الموضوع: هــا أستبــدل موتور بيــجو 405 1600 سى سى بموتــور 2000 سى سى

FLYINGPEUGEOT

المشاركة الأصلية كتبت بواسطة FLYINGPEUGEOT

انتو عايزين منى ايه
هو انتو اشترتونى

طبعا بهزر
:D:D:D:D:D:D:D:D:D:D:D:D:D:D
.................................................. ......................
انا اسف يا جماعه على التأخير فى الرد عليكم
بس غصب عنى والله اصلى مشغول اوى وطلعان عينى فى العربيه
حتى لما بدخل المنتدى بكون تعبان ومبءدرش اكتب
........................
اولا ازيك يا حوده يا جامد:)
بص يا باشا
promix super chip
طبعا مش موجوده هنا هى بتيجى من انجلترا ولحد بيتك
وبالنسبه للقدره الحصانيه اللى بتزودها
هما بيقولو انها up to 25 h.p
هو مش هجص ممكن تديهملك بس مع شوية تعديلات تانيه
اما لو حطتها لوحدها up to 15 h.p بالكتير اوىىىىى
وعلى فكره الكلام دا مش نصب الشيبايه دى اتجربت بره على موتور xu10
122 h.p stock
وبعد ماركبوها ودخلت على الدينو طلعت
135 h.p !!!!
.......
طبعا استهلاك البنزين هيزيد شويه بس بردو حسب استخدامك وقرصك فى الجرى
لانها اصلا بتلغى برمجة ال fuel-saver من ال ecu
................................................
وبالنسبه للتركيب مش حوار خالص انا ممكن بال wiring diagram بتاعها
اركبها
وهى بتيجى ب cd يشرح طريقة التركيب+ال wiring diagram
على العموم انا اعرف واحد يركبها بس انت انوى والحاجات دى كلها بسيطه
...............................
بالنسبه لل remapping
هو اعادة برمجة الecu لادخال values جديده زى ما انت عايز وهى غالبا بتتعمل
عشان ال timing-limit
او بالبلدى تاخير التفصيله وبالتالى التحديد الالكترونى للسرعات
وكمان عشان ال fuel-saver
ودا عشان اقتصادية استهلاك الوقود والكلام الفارغ ده :D:D (بالنسبه للمعدلين)
............................
بس انا بصراحه ارجح ال promex super chip
عشان تريح دماغك
اسهل-اضمن
وبتعمل نفس شغل ال remapping
.................................................. ...
والقدره الحصانيه عموما فى اى تعديل
بتختلف من موتور للتانى حسب السعه اللتريه والقدره الحصانيه الفعليه المهلبيه:D:D
عموما ال remapping
up to 15 h.p
.................................................. .................
اما بالنسبه للفتيس :فى البرستيج اسهل ما يمكن انك تغير لفتيس مانيوال
وفى ميكانيكى اللى انا بتعامل معاه وبصراحه الراجل دا يعتبر احسن ميكانيكى بيجو
405 فى مصر ومش غالى ويعملك الشغلانه دى فى ساعتين تلاته بالكتير
........................
كل اللى هتحتاجو بالكتيييييييييير اوى اوى 1500ج
-الفتيس
-طقم اتياش
-سلك دبرياج
-جمجمه بعصاية الفتيس والكونسوله
-طقم بدالات المانيوال
.................................
ارجو انى اكون وفيت اسئلتك ولو ليك اى استفسار انا اخوك وموجود فى اى وقت

....يارب ما يسأل....
:p

:D:D:D:D:D
.................................................. ...................
.................................................. ............
.................................................
بالنسبه بئه لحبيبى اللى معرفش اسمولحد دلوءتى
the hero
..........................
انت موتورك xu10j2c\z
ودا نزل فى ال peugeot 405 and citroen xantia
من سنة 93 الى 99
123 h.p
ولو الموتور دا مظبوط كويس ..يجيب معاك ان شاء الله ال 220 مستريح
.......
مفيش فرق بين مواتير xu10 البرستيج 2.0L ال8v
غير فى مواصفات فنيه زى
القدره الحصانيه اللى بتتراوح بين ال 120 وال 130 h.p
وكمان السرعه القصوى اللى بتتراوح بين
210 و250 km\h
حسب نوع ال ecu
.................................................. ..................
وانا انهارده ومن موقعى هذا :D
بوجه نداء مش ليكو بس ..لكل كالكى البرستيج
انهم يتابعو موضوعى الجديد اللى انا هعملو فى قسم البيجو وهيكون جاهز
خلال يومين ان شاء الله

الموضوع شامل كل أبره (بمعنى الكلمه)
عن البرستيج وبالصور كمان;)
ياريت يا جماعه تتبعو الموضوع دا لما ينزل
لان بعديه ان شاء الله مش هتحتاجو تسألو اى حد فى اى حاجه تخص بريستيجاتكم:)

عشان تريحونى بءه:D:D

وكفايه لحسن صوابعى ورمت
...............................
ويا مالك البيجو...
معFLYINGPEUGEOT
مش هتءدر تغمض عينيك
:D:D:D:D:D:D

.................................................. .............................................

المشاركة الأصلية كتبت بواسطة Mahmoud_Peugeot

الف شكر ياباشا علي الرد ده واخر حاجة بجد كنت عايز اتشرف اسمك ؟؟؟ وستني موضوك عن البسرستيج؟؟؟ والف شكر مرة تانية .

العفو ياباشا احنا اخوات زى ما ؤلتلك ..و انا تحت امروكو فى اى وقت
اخوك هانى محمد
.................................................. ...............................................

المشاركة الأصلية كتبت بواسطة the-hero

والله انت راجل محترم وانا مش عارف أكفأك أزى وانا يشرفنى معرفتك
أحمدعبدالفتاح
وربنا يكرمك ويعزك

الله يخليك يا محمد دا انت الى راجل زووووووووووووووء جدا ومحترم جداااااااااااااااااااااا
ولو عايز تكافءنى بصحيح
هتلى سندوتش شاورمه:D:D:D:D:D
.................................................. ................................................

المشاركة الأصلية كتبت بواسطة Xpert

حوله رصيد ...ههههههههههههه

مش هتنازل يا بيشو عن الشاورمه :D:D:D:D:D
.................................................. ................................

المشاركة الأصلية كتبت بواسطة bimmeraddict

......

وفتيس QUATTRO FRONT REV
.................................................. ....................
شكرا يا باشا بحد كلامك خلاني أحب البيجو
طب سؤال يعني اية الفتيس الي أنت كتبتة دة؟ويفرق اية عن العادي؟ويركب في أي405؟
وشكرا على ردك

العفو ياباشا
وفعلا البيجو ماركه هايله وبالنسبالى I DO MY BEST
عشان احبب الناس فيها
وبالنسبه للفتيس دا
يركب عادى ...بس
لو لءيتو اصلا ياحلاوه:D
هو بينزل ساعات هنا بس بالماكنه بتاعتو و مستحيل التاجر يدهولك لوحدو
ممكن تجيبو من بره بس غالى مووووووووووت بيعمل حوالى
900 استرلينى !!!!
دا غير الشحن
بس بيجى بعصاية فتيس وطقم اتياش B&M Quick Shift Kits
وطبعا هتءولى على ايه يعنى ما هو بينزل فى ال405 العاديه اهو ؟؟؟؟؟
هما بس نزلو فى مديلات معينه من البرستيج كنسخ رياضيه
عشان التسويق والكلام دا....وفى تجار بتجلهم مكنة البرستيج دى بس ما بيبءوش عارفين اللى فيها
لانها مافيهاش اختلاف غير فى الفتيس وما بيبنش
وهتءولى كمان تعرفو ازاى مع انو نفس شكل فتيس البرستيج العادى؟؟
هاءولك ...سر المهنه :p:p:p
طبعا انتو كلكو حبايبى وانا مئدرش اعز عليكو اى معلومه
بس الجواسيس هنا كتيييير:D:D:D
ولو تاجر شم خبر ممكن لو جاتلو المكنه دى يطلب فيها 15000جنيه من غير مبالغه
عشان خاطر الفتيس دا
ومعلومه الفتيس دا منزلش غير فى ال405 البرستيج
وال T16 بس
وعلى فكره انا كنت مركب البرستيج بالفتيس دا فى عربيتى ال309
وجبت بيها 245 KM\H
مستريح.......

اءولك انا ياسيدى حاجه بسيطه اوى
انت عارف الفتيس دا اصلا اتعمل ونزل فى انهى عربيه؟؟؟؟
ماسك نفسك كويس...!!!
PEUGEOT 405 T16!!!!!!!!!!!!!!!!!!!!!!!!!!!!
فخر الصناعه الفرنسيه على مر العصور
واللى عارف يعنى ايه PEUGEOT 405 T16
يعرف يعنى ايه فتيسها الQUATTRO FRONT REV
405 T16 يعنى220 حصان للنسخه التجاريه
واكتر من 450 حصان!!!!!!!!!!!!!!!!
لنسخة الجروب B رالى
وما ادراك ما هو رالى الجروب B اياميها!!!!
ومعلومه كمان فى واحد فى مصر معاه المكنه T16 الرالى
وطالب فيها 35الف جنيه
NO COMMENT!!!!
وكفايه عليك كده:D:D:D
.................................................. ..............................................

المشاركة الأصلية كتبت بواسطة tamer_merit

الف شكر يا باشا على النصيحه والرد العاجل..
خلاص انا هاروحله بكره ان شاء الله وابلغك بالنتيجه..
وعلى فكره انا كان معابا 94 خليجي ودلوقتي البرستيج 96 من ثلاث سنين , لوفيه اي استفسار عنهم انا تحت امرك على قد معلوماتي المتواضعه....
وكلنا مستنيين موضوعك القادم عن البرستيج وجزاك الله كل خير.

العفو ياتامر باشا
والف شكر
ومتنساش تطمنى بكره
والموضوع هيكون جاهز قريبا جدا ان شاء الله

مع تحياتى لكل مالكى البيجو
FLYINGPEUGEOT
محسوبك هانى محمد...الشهير ب هانى بيجو:D:D:D