ماذا لو تولى الاخوان المسلمون حكم مصر ؟

**mahmoudysf** · 16-02-2011 04:32 AM

المشاركة الأصلية كتبت بواسطة dr-mohamed

الاحترام متبادل
وكلامك اكبر تاكيد لكلام عمر سليمان وشفيق ان الشعب المصري - وانا منه - غير مؤهلين بالديمقراطية بشكل كامل الان ولابد من مرحلة يعتاد فيها الشعب على حرية الراي ليعرف الفرق بين حرية الراي والسب والقذف بين ادعاء الديمقراطية وتطبيق الديكتاتورية
الطفل حين يحبو ويبدا الوقوف على قدميه يحتاج ان تسنده وان تضعه في مشاية في البداية ليعتاد المشي وبعد ذلك كثيرا ما يقع وهو يتعلم المشي ويصيب نفسه صحيح انه يتعلم في الاخر المشي لكن لا نريد ان يكون ذلك بعد الاصابة بعاهات او تقوس في القدمين
عارف حضرتك من قاموا بالثورة الشعبية في السودان كانت نصيحتهم للثوار المصريين ايه ؟؟؟؟؟؟؟؟
الا يستعجلوا الانتخابات او الانتقال للحكم المدني لان خبرتهم ما زالت غير كافية وهو نفس الخطأ الذي وقعوا هم فيه مما اداي لاضطرابات تدخل الجيش علي اثرها بعد 3 سنوات بانقلاب عسكري
ونتمني جميعا الخير لمصر وهو الشئ الذي اثق في أننا جميعا نتفق فيه

وهل تفتكر ان في وجود النظام البائد كانت هناك فرصة لممارسة الديمقراطية
ام ان الاوان لكى نتحسس الطريق لكى نبلغ الغاية هناك ثمن سيدفع ولاكن المقابل اكثر بكثير من الثمن
والنهاية لو بتخيرني بين النظام السابق او محاولة تهجي الديمقراطية
اختار تهجي الديمقراطية لانها في النهاية ستؤدي لنتيجة
ام النظام السابق فكان الوضع سيبقى امية الى الابد

**ahmad--ezzat** · 16-02-2011 04:38 AM

الاخوان هيحكموا بشرع ربنا
وهيخافوا ربنا فينا
بس للاسف شرع ربنا مبيرضيش حد دلوقتى

**misoalex** · 16-02-2011 04:42 AM

مش عارف اقول ايه بصراحه

**M.Osman** · 16-02-2011 04:43 AM

dr-mohamed

ثم ما العلاقة بين كراهية الاخوان وكراهية المصريين او العرب او المسلمين هل الاخوان فقط هم المصريين او العرب او المسلمين ؟؟؟؟؟؟

مفيش علاقة ولا حاجة
انا بس بشبه الموقف زي الناس المتعصبين ضد المسلمين في الغرب او ضد اي حاجة.. التعميم يعني

**Everlasting** · 16-02-2011 06:45 AM

صندوق الإنتخابات هو الفيصل.

**megamoudy** · 16-02-2011 07:06 AM

المشاركة الأصلية كتبت بواسطة ahmed samy

قالوا في مناسبتين متباعدتين لوكالات أنباء غربية تحديدا cnn و abc

ان الشعب المصري غير مؤهل للديمقراطية و يحتاج ثقافة سياسية أكثر

ساعتها اتشلت و اتحطيت و قولت يا ولاد التيييت ...

بس بعد اللي باسمعه من زي الموضوع ده كده

للأسف ...فعلا في ناس مننا لسه بدري عليها على ماتفهم الحرية و الديمقراطية و تخرج من كهف الفزع المظلم ......

للاسف فعلا كده انا برده قعدت اشتم في عمر سليمان

لكن واحده واحده عرفت ليه كان بيقول ليه

**megamoudy** · 16-02-2011 07:23 AM

المشاركة الأصلية كتبت بواسطة ahmed_nubira

الاخوان هيحكموا بشرع ربنا
وهيخافوا ربنا فينا
بس للاسف شرع ربنا مبيرضيش حد دلوقتى

اعتقد ان ده سبب كره الناس ليهم

لكن فعلا انا بحبهم مع اني مش منهم بس بحبهم اوي

**ainshouka** · 16-02-2011 08:15 AM

نظام ان اسرائيل حتتخذ الاخوان ذريعة لدخول مصر بيتهيألى انها صعب جدا لان مش معقول اسرائيل تحشد جيوشها وتدخل مصر عشان الاخوان مسكوا البلد واكيد الاخوان مش بالغباء دا عشان ميدركوش المعنى دا

يعنى مش معقولة كل شعب مصر خايف من النقطة دى والاخوان مش حاسيين بيها

بس فعلا الافضل للإخوان انهم مينزلوش انتخابات الرئاسة دلوقتى

الافضل انهم يدخلوا فى انتخابات مجلسى الشعب والشورى

ومحاسبة الحكومة

ونشوف نشاطهم السياسى وفكرهم الاقتصادى والامنى

وساعتها الشعب هو اللى حيقرر ان كان يصلح فى انتخابات الرئاسة ولا لأ

ونفسى كمان لو يحدوا من عددهم داخل البرلمان لان اكيد هما اللى حيكونوا على الساحة دلوقتى وممكن نلاقيهم كلهم داخل البرلمان وبالتالى مش حنحس غير بوجود فكر واحد فقط واحنا عاوزين افكار متعددة تكون متواجدة بس ازاى يحصل الكلام دا مش عارف

سؤال اخير هو مفيش اى سيرة عن انتخابات مجلس الشعب وانهم يكون نصهم عمال وفلاحين لان كدا يبقى ولا كإننا عملنا حاجة

**Mohamed_Hegazy** · 16-02-2011 09:18 AM

المشاركة الأصلية كتبت بواسطة dr-mohamed

فعلا فيه اراء كتيرة جدا الواحد بيحتفظ بيها لنفسه وبيفصل لا يعلنها لان الاخر حتي الان لا يقبل اي كلمة الا اذا كانت توافق هواه يعني لك الحرية في ان تقول رايك بشرط ان يتفق مع رايي نفس ديكتاتورية النظام السابق واسوا لانه في ظل النظام السابق كانت ديكتاتورية النظام اما الان فأصبحت ديكتاتورية الكل ضد الكل
اما ان هناك اخوان في المنتدي قبالتأكيد هناك اعضاء في المنتدي منتمين فكريا لجماعة الاخوان المسلمين واعضاء فيها واذا كانوا مؤمنين بحرية الراي والراي الاخر التي حرموا منها طويلا سيحترمون حق الاخ سيفوز الا يتفق معهم او يكرههم
ثم ما العلاقة بين كراهية الاخوان وكراهية المصريين او العرب او المسلمين هل الاخوان فقط هم المصريين او العرب او المسلمين ؟؟؟؟؟؟
جماعة الاخوان وخاصة قريبا حين تصبح حزب مثلها مثل اي حزب اخر في مصر قابل للنقد والحب والكره وليس مطلوب من الجميع التسليم بحبهم
اخيرا
انا مش اخوان ولا يضرني اني لست منهم ولا يفيدني اني لست منهم واحترمهم ما داموا يحترمون حقوقي وحقوق الاخرين

.................................
..................................

انذار ووقف اسبوع لمخالفة القاعدة 13 من قواعد المنتدى
يرجى مراجعة قواعد المنتدى
12:02am 17/2/2011
م.ع.6