ماذا لو تولى الاخوان المسلمون حكم مصر ؟

**mfarag** · 16-02-2011 01:07 PM

المشاركة الأصلية كتبت بواسطة dodino2006

بحكم انتمائي الليبرالي, فأنا ضد "أفكار" الأخوان قلباً و قالباً, و سأحارب افكارهم بكل ما أوتي لي من قوة, و لكن في ذات الوقت سأحارب بشراسة لتتاح لهم الفرصة للتعبير عن ارائهم و أفكارهم, سأحارب لكي لا يتعرضوا للقمع مرة أخري, سأحارب لكي يحصلوا علي فرصتهم كاملة للتنافس المتكافئ علي أي مناصب في الدولة...

انا لست أخواني, و العديد من أعضاء المنتدي شهد مصادماتي السابقة معهم و التي عرضتتني للايقاف مرة, و لكني أؤمن انهم ليسوا أعداء حتي و إن اختلفت أفكارنا و توجهاتنا... حروبنا فكرية, شرسة في معظمها لكن يجمعنا كلنا حب البلد و سعينا للاصلاح....

و بروح 25 يناير, أقترح علي الاخوان, انهم ينشئوا حزبهم بأسم أخر غير أسم الجماعة, و لا أقول تغيير أسم الجماعة كما طلب الكثيرين, فأسم الجماعة تاريخي و من الصعب تغييره, و لكن الحزب يمكن أن يكون الجناح السياسي للجماعة بأسم محايد (كالعدالة و التنمية التركي مثلاً)....

.

+1111111111111111111111111111111111111111111111111 111111

**mohmdomar** · 16-02-2011 01:09 PM

انا مش قادر افهم هي الناس خايفة قوي كدا ليه من الاخوان المسلمين
هما مش مصريين زينا وولاد بلدنا؟؟

وفيها ايه لما ياخدوا الحكم دول ناس بيقولوا قال الله وقال الرسول!!!!!!

علي الاقل عارفين ان دينهم حيمنعهم من الفساد ولو فيه واحد منهم فسد الباقي حيقوموه

وتفتكر ان اسرائيل وامريكا عايزين الاخوان في الحكم عشان تبقي حجة ليهم انهم يدخلوا مصر؟؟
وتفتكر انهم لو عايزين يدخلوا فعلا كانوا مستنين حجة يدخلوا بيها
طيب ماهم دخلوا العراق والناس كلها عارفة ان مكنش فيه اسلحة دمار شامل

ولو فرض ودخلنا حرب مع اسرائيل .. مش دا اللي كنا بنتمناه اننا ننصر فلسطين أو نستشهد في سبيل الله؟؟
أو تفتكر ان ربنا حيخذلنا في الحرب واحنا بنحارب تحت راية الاسلام؟؟

انا مش اخواني ولا ليا علاقة بيهم بس انا مستغرب فعلا كل التخوف من الاخوان دا

**dodino2006** · 16-02-2011 01:13 PM

المشاركة الأصلية كتبت بواسطة dell2000

.............................

برجاء انتقاء الالفاظ

مشرف 18ب

مش عارف ليه تعليقك بيفكرني بموقعة الجمل....

.

**dell2000** · 16-02-2011 01:19 PM

لا للإخوان

**zyadahmed** · 16-02-2011 01:49 PM

لو لم يجد اصحاب التوجه الاسلامى متنفس لهم فى ظل الديموقراطية فمتى سيجدونه حرام كفاية ظلم للاخوان اللى هما طليعة المعارضة المصرية الحقيقية ضد الفساد طوال عقود طويلة

انا لى توجه اسلامى ولو تم الحجر على صوتى فى عصر ما بعد 25 يناير فى انى اختار شخص له مرجعية اسلامية معتدلة
اكيد هايكون البديل الجماعة الاسلامية السلفية والتى اختلف معها لكن احترمها

لماذا من حق الليبرالى يختار ليبرالى يمثله ؟ .... ومن حق اليسارى والاشتراكى والناصرى ايضا ان يختار ويحكم

لكن ليس من حق الاسلام ان يحكم ؟؟؟!!!! مش فاهم ليه بنحارب الاسلام كده هو احنا شعب كاره اصوله وتاريخه ليه وليه قبل ما نفكر عايزين حكم اسلامى ولا لا بنفكر فى رأى الغرب هل سيوافق ولا هايرفض يا سيدى فكر فى بلدك وارضى ربك بالصورة التى تراها دون مراعاة اوربا ولا امريكا

كلمة اخيرة .... هل تصدق ان الثورة المباركة فى 25 يناير وخصوصا فى 28 يناير كانت ستكون وتكمل بنفس الزخم لولا جهود شهداء مصر و خصوصا من الاخوان
بلاش خوف وسيب كل واحد يختار وفى النهاية احترم رأى الاغلبية ولو حتى كانت اسلامية وعارض براحتك

**mikho83** · 16-02-2011 01:49 PM

المشاركة الأصلية كتبت بواسطة dell2000

لا للإخوان

أرجو إغلاق الموضوع من قبل الإدارة علشان هايسبب فتنة.

**Dr Zezo** · 16-02-2011 02:36 PM

الحقيقة انني لا اعلم ما يتعلق بالاخوان و تفكيرهم او اراءهم حتي استطيع اتخاذ رأي معهم او ضدهم

فالاخوان لهم ادبيات كثيرة تشرح مبادئهم انا لم اقرأها

و هناك الكثير من الكتابات تنتقدهم و هذه حتي لم استفد منها بشئ لأن اغلبها سطحي

و ما اعلمه عن الاخوان مجرد رؤية زملاء اعزاء مهذبين ملتزمين بالدراسة و مساعدة زملائهم يتغيب بعضهم شهورا في السجون ثم يعودوا و كأن شيئا لم يكن
مستمرين في عملهم و تفوقهم

و هذا بالطبع لا يكفي لتكوين رؤية عنهم

و لكن الشئ الذي اتأكد منه انه لو اتيحت الحريات العامة و سمح للاحزاب بالتحرك مع تكوين احزاب جديدة لكافة الاتجاهات

ستسقط الفكرة التالية ان المصريين لا يعرفوا الديموقراطية !!كما سقطت الافكار السابقة

اي استباق لما سبق و طرح الانتخاب للمجالس النيابية و الرئاسة يدخل هذا في رأيي بمحاولة سيئة النية لاسقاط ما حدث

فأما يتكرر سيناريو الجزائر و حماس

و اما يتكرر سيناريو سوار الذهب في السودان

نسأل الله ان يتمم الامور علي خير

**ghazy12** · 16-02-2011 06:17 PM

لا حول و لا قوة إلا بالله

بدأنا نمارس نفس السياسه اياها على بعض.. قمع و حجر على رأي الآخر

يا جماعة الخير, اللي بيحب الاخوان, و في مرشح ليهم, ينتخبه لان ده حقه

و اللي مش بيحب الاخوان, و شايف ان في شخص آخر افضل, بردو حقه و ينتخبه

و في النهايه, اللي عايزه الشعب بالاغلبيه هو اللي هيكون, و هو ده حق
الانتخاب و الديمقراطيه و حرية الاختيار و التعبير عن الرأي في اطار
احترام متبادل للآخر و لرأيه مهما كان...

اخشى ما اخشاه... اننا نكون اتعودنا على سياسة فرض الرأي او النفس
او اننا مش هنعرف نختار او ننتخب او نحترم نتائج الانتخابات كما لو ان
اللي ينفع معانا و خدنا عليه هو (( فرض الاشخاص )) بدون انتخاب..!!!

و نلاقي كل فريق انتخب شخص ما, و بعد النتيجه بفوز (س) مثلاً
ان انصار (ص) يعملوا مظاهرات, و يرفضوا النتيجه, و يتهموهم بالتزوير
او انتهت بفوز (ص), انصار (س) يعملوا نفس الموضوع, و كده يبقى
عمرنا ابدااا ابداااا ما هنحرتم انتخابات, ولا رأي, و لا حكم قضاء و لا غيره

خايف يطلع عمر سليمان الـ......... اللي قال علينا غير مؤهلين للديمقراطيه
و لا نعرف ما هي من الاساس عنده حق!!! هتنقط لو طلع عنده حق بعد كل ده

ارجوووووكم... ارجوووووووكم... نحترم بعض, و نمارس الحريه و الديمقراطيه
كما يجب ان تكون, و بشكل حضاري و في اطار المقبول...

انا شخصياً مع الحريه (المسئوله) و (الغير مطلقه), و إلا اصبحت الحريه
فســــــــاد في الأرض, و ليست ممارسه حضاريه و حق مشروع للجميع...

تذكروا اننا مجتمع شرقي, و مش لازم ناخد كل حاجه زي بره بالظبط قص و لصق

ربنــا يستــر...

**M.Osman** · 16-02-2011 07:00 PM

المشاركة الأصلية كتبت بواسطة dell2000

لا للإخوان

الكلام ده مكانه الإنتخابات ان شاء الله و هي اللي هتحسم :)

**abumoh2000** · 16-02-2011 07:28 PM

الاخوان جزء من شعب مصر عددهم 4 مليون
لهم ايدولوجيه لازم تحترم زى اليساريين والعلمانيين والليبراليين
مش من حق حد انه يحجر عليهم او يرفعهم فوق مكانتهم
وفى انتخابات هتحصل لو الشعب جاب الاخوان يبقى من الديمقراطيه اننا نحترم راى الشعب ولو الشعب رفضهم يبقى برده لازم نحترم راى الشعب يعنى وجودهم فى الحكم من عدمه هيبقى قرار الشعب