الموضوع: ماذا لو تولى الاخوان المسلمون حكم مصر ؟

هو يعنى ايه ليبرالى ؟

المشاركة الأصلية كتبت بواسطة thediesel

انا شخصيا عندي اعتقاد ان كل الكلام عن الإخوان المتداول في الرأي العام ماهو الا من صناعة النظام السابق ....

كل جماعة وليها محاسنها وليها مساوئها وفيها الكويس وفيها الوحش

ولو الإخوان عملوا حزب و المرشحين أخدوا أغلبية و فرضا انهم ترشحوا للرئاسة و كسبوها إيه الي يزعل في كده طالما ده رأي أغلبية مش ده الي عمالين بنناشد بيه أساسا في الثورة التغيير وفرض إرادة الشعب ...

أنا مش ضد الإخوان ولا من أكبر المؤيدين بس مش شايفهم بالشكل السيئ الي الحكومة بتصوره وكمان أنا أعرف كتير من شباب الإخوان وشايف ان أفكارهم مش معقدة ولا حاجة وشايفهم من الناس المحترمة جدا جدا جدا (وأنا مؤمن ان لكل قاعدة شواذ وممكن دول يكونوا القاعدة وممكن يكونوا العكس) دي وجهة نظري

بالظبط كده
والمشكلة ان فيه لسه ناس عايشة في وهم نظرية المؤامرات اللي السلطة السابقة كانت عاملاها لمصالحها ومكنتش بالقدر او بالحجم اللي كانوا بيصوروه لنا
يا اخواني فوقوا بقه الموضوع مش بالحجم ده
الاخوان بني آدمين عاديين زينا زيهم بالظبط وولادهم في مدراسنا وبياكلوا ويشربوا زينا من النيل وكل حاجه والله ولو باعو البلد لجهات اجنبية يبقى بيبيعوا نفسهم كمان يعني حرام بجد اللي بنعمله في نفسنا ده

انا بس عاوز اسال سؤال ما هيا مخاوفنا من الأخوان انهم يمسكوا الحكم
مع ان الانتخابات لو خلتهم يمسكوا الحكم يبقى نرضى بالديمقراطية اللي بنتكلم من زمان ونرضى بحكم اغلبية الشعب
مش كده برضه ولا ايه

المشاركة الأصلية كتبت بواسطة ahmed_nubira

الاخوان هيحكموا بشرع ربنا
وهيخافوا ربنا فينا
بس للاسف شرع ربنا مبيرضيش حد دلوقتى

فعلا والله

اللى يعمل الخير لبلده باحترام جميع فئات الشعب يستحق انه يتنخب
بس للاسف الواحد مش شايف حد يناسب، ما بقاش فيه ثقه من كتر ما الواحد شاف.

المشاركة الأصلية كتبت بواسطة mikho83

يا جماعة الإخوان أعلنوها صراحة ولسا بيعلنوها أنهم لن يترشحوا للرئاسة ولن يقبلوا بأي وزارة وسيكون ترشحهم في مجلسي الشعب والشورى لا يتجاوز ال 25% وبيقولوها بالحرف لما بييجوا يشاركوا إنهم بيعملوا بمبدأ " المشاركة لا المغالبة" أعتقد إن الكلام واضح وصريح ومش محتاج المناقشات واختلافات الرأي دي. بس أنا عايز أقول حاجة بما إنني كنت موجود ساعة موقعة الجمل " لولا شباب الإخوان المسلمين كان زماني دلوقتي في قبري ألقى ربي "

د


انا ف اعتقادي ان الكلام ده اكبر دليل انهم حريصين على مصلحة البلد

لأنهم عارفين ان صورتهم مشوهة من قبل الاعلام الزباله بتاعنا وبالتالي عرفو انهم لو مسكو هتلاقي ناس كتير معارضة لكده زي مالموضوع هنا بالظبط

وهتقلب بحرب أهلية

عشان كده رفضو الرئاسة

اجمل تحية للاخوان المسلمين

المشاركة الأصلية كتبت بواسطة mohmdomar

انا مش قادر افهم هي الناس خايفة قوي كدا ليه من الاخوان المسلمين
هما مش مصريين زينا وولاد بلدنا؟؟

وفيها ايه لما ياخدوا الحكم دول ناس بيقولوا قال الله وقال الرسول!!!!!!

علي الاقل عارفين ان دينهم حيمنعهم من الفساد ولو فيه واحد منهم فسد الباقي حيقوموه

وتفتكر ان اسرائيل وامريكا عايزين الاخوان في الحكم عشان تبقي حجة ليهم انهم يدخلوا مصر؟؟
وتفتكر انهم لو عايزين يدخلوا فعلا كانوا مستنين حجة يدخلوا بيها
طيب ماهم دخلوا العراق والناس كلها عارفة ان مكنش فيه اسلحة دمار شامل

ولو فرض ودخلنا حرب مع اسرائيل .. مش دا اللي كنا بنتمناه اننا ننصر فلسطين أو نستشهد في سبيل الله؟؟
أو تفتكر ان ربنا حيخذلنا في الحرب واحنا بنحارب تحت راية الاسلام؟؟

انا مش اخواني ولا ليا علاقة بيهم بس انا مستغرب فعلا كل التخوف من الاخوان دا

+1111111111111111

المشاركة الأصلية كتبت بواسطة human12

لز انتخابات حره و الشعب اختارهم يبقى ليه لأ؟؟
لو الشعب بيقول اخوان سو هواى نوت؟؟؟

جميل قوي تعليقك يا باشا

الناس ثارت كلها عشان الديموقراطية وحرية الإختيار والرأي لأغلبية الأصوات في الصندوق

لو إفترضنا في النهاية إن نتيجة الإنتخابات لصالح س من الناس
يبقى س هو من يستحق أن يحكم البلد

ومن يعترض وقتها فهو في الحقيقة كما قال عمر سليمان في أجندته الأخيره أنه يحتاج لتعلم الديمقراطية

ادام بقى كده الديموفراطية هي اللي تسود

يبقى عيب نشتم ف الاخوان ونقول لا ومش لا وهما مش عارف ايه وابصر ايه



انا عن نفسي بحب الاخوان بس حبي مش هيتحكم ف عقلي
هشوف الاصلح لبلدي
ومع الانتخابات وكله هينزل بعروضه افضل العروض لخدمة الشعب هي اللي هتفوز سواء اخوان او غيره

ولو الاخوان خدو الحكم كان بها
لو مخدوش كان بها برضه على عيني وعلى راسي مادام في مصلحه البلد كلها

السلام عليكم
رائ المتواضع هو
من معرفتي الشديده للاخوان المسلمين
فالاخوان لديهم افكار رائعه يعيبها اغلب القائمون عليها
اذا اصبحت مصر نظاما برلمانيا
في احسن الاوضاع لن يحصل الاخوان المسلمين علي اكثر من 150 مقعد في مجلس الشعب
وهذا العدد لايمثل اغلبيه الثلثين لتشكيل الحكومه
وهكذا سوف يتم التحالف بين الاخوان وبعض القوي السياسيه الاخري لتشكيل حكومة ائتلافيه من جميع القوي الشعبيه
ولن يتمتع الاخوان المسلمين باكثر من ست حقائب وزاريه
واري ان التعدديه السياسيه والمرجعيات المختلفه هي في الحقيقه في صالحنا جميعا وفي صالح الوطن