ماذا لو تولى الاخوان المسلمون حكم مصر ؟

**mahmoudselim** · 17-02-2011 04:40 AM

المشاركة الأصلية كتبت بواسطة mikho83

يا جماعة الإخوان أعلنوها صراحة ولسا بيعلنوها أنهم لن يترشحوا للرئاسة ولن يقبلوا بأي وزارة وسيكون ترشحهم في مجلسي الشعب والشورى لا يتجاوز ال 25% وبيقولوها بالحرف لما بييجوا يشاركوا إنهم بيعملوا بمبدأ " المشاركة لا المغالبة" أعتقد إن الكلام واضح وصريح ومش محتاج المناقشات واختلافات الرأي دي. بس أنا عايز أقول حاجة بما إنني كنت موجود ساعة موقعة الجمل " لولا شباب الإخوان المسلمين كان زماني دلوقتي في قبري ألقى ربي "

تحياتي وتقديري لحضرتك
أسمها معركة الصمود
موقعة الجمل دي بيقولها بهوات الاعلام والتليفزيون

**cheetos_892005** · 17-02-2011 04:48 AM

المشاركة الأصلية كتبت بواسطة mahmoudselim

تحياتي وتقديري لحضرتك
أسمها معركة الصمود
موقعة الجمل دي بيقولها بهوات الاعلام والتليفزيون

لا هي معركه الحمار .....
عشان اللي عملها غبي و حمار .....
يلهوي ده كان يوم ....

**dodino2006** · 17-02-2011 08:32 AM

المشاركة الأصلية كتبت بواسطة ainshouka

هو يعنى ايه ليبرالى ؟

بأختصار شديد, الليبرالي هو من يؤمن بالليبرالية, و الليبرالية تعني الايمان بالحرية السياسية و الاقتصادية و الاجتماعية لأفراد المجتمع, تعني حرية الفرد بدون ان تتعارض حريته مع الأخرين, و هي حرية ليست مطلقة أو بلا حدود كما يحاول ان يصورها البعض من اعداء الليبرالية, و لكن مقدار الحرية المتاحة تختلف من مجتمع لأخر علي حسب مرجعياته و معتقداته و قيمه, فأفراد المجتمع هم من يضعون الحدود لتلك الحريات بدون وصاية من اي مؤسسة, لذلك تجد ان هناك العديد من الولايات في أمريكا مثلاً تجرم الدعارة في حين اخري تسمح بها...

.

**mikho83** · 17-02-2011 12:49 PM

المشاركة الأصلية كتبت بواسطة cheetos_892005

لا هي معركه الحمار .....
عشان اللي عملها غبي و حمار .....
يلهوي ده كان يوم ....

هههههههههههههههه. يا جماعة مش هانختلف على الاسم، المهم إن أنا كنت هاروح فيها ومش عارف كنتوا هاتعملوا إيه من غيري.هههههههههه
اللهم ولي أمورنا خيارنا ولا تولي أمورنا شرارنا

**omaroof** · 17-02-2011 07:20 PM

اعتقد المهم ان اللى يدخل مجلس الشعب او الشورى او يكون وزير يكون يبعمل لمصلحه البلد والناس
اخوان او غيرهم موش مهم المهم المصلحه العامه
اما اسرائيل وامريكا مايهمناش منهم طالما البلد بتتقدم ومستوى الناس والدخل بيزيد

**tito_1980** · 17-02-2011 08:01 PM

بصوا يا جماعه ... انا من اكبر مؤيدين نظريه المؤامره و خصوصا في اللي حصل في السنه الجديده ... بالنسبه لموضوع الاخوان هما لو مسكوا البلد قول يا رحمن يا رحيم علي البلد دي و اهلها ... لان الاخوان غير مؤهلين للتعامل السياسي مع امريكا و اسرائيل و في كمان احتمال كبير جدا ان اسرائيل تاخد الموضوع ده ذريعه للتدخل في شئون البلد الداخليه ... شوف بقه لما يمشوا البلد بمزاجهم ايه اللي هيحصل ؟ تخيلوا لما يقفلوا قنوات التليفزيون عشان حرام و يمنعوا سماع الاغاني و ملابس معينه هي اللي هتتباع في الاسواق و و و من الاخر هيغيروا اسلوب حياتنا خالص و هتحصل ثوره تانيه لاسقاطهم ... دي وجهه نظري المتواضعه جدا و تحتمل الخطأ و الصواب ايضا