ماذا لو تولى الاخوان المسلمون حكم مصر ؟

**abou_ruqi** · 16-02-2011 10:53 AM

لو كان انتخابي لرئيس من الإخوان يغضب إسرائيل .. إذا
أقسم بالله العلي العظيم لأنتخب مرشح الإخوان

لإن عدو عدوي = صحبي

ولاء و براء

**human** · 16-02-2011 11:00 AM

لز انتخابات حره و الشعب اختارهم يبقى ليه لأ؟؟

لو الشعب بيقول اخوان سو هواى نوت؟؟؟

**E30power** · 16-02-2011 11:09 AM

المشاركة الأصلية كتبت بواسطة abou_ruqi

لو كان انتخابي لرئيس من الإخوان يغضب إسرائيل .. إذا
أقسم بالله العلي العظيم لأنتخب مرشح الإخوان

لإن عدو عدوي = صحبي

ولاء و براء

+1111111111111
حقيقى احيك على الكلمتين دول ......

انا من رائى احترمت الاخوان جداا فى المظاهرات والدور الى قامو بيه على الاقل مش زى باقى الاحزاب التانية الى ولا حس ولا خبر والى جم على نفسهم وقررو المشاركة بعتوا بلطجية يضربوا فى الشعب الى ملهوش زنب ......

...ناس بتتكلم بقال الله وقال الرسول وبيحترموا المسيحى والمسلم واكتر ناس شفتهم منظمين وديما كلمتهم موحدة مفيش وسطهم معارضين تقريبا ....زززز

انا كلمت واحد منهم ..وقالى رد منسهوش ...المؤمن القوى خير واحب الى الله من المؤمن الضعيف .. فما بالك لما تجيلو الفرصة يغير الظلم ويموت شهيد وعلى ايمان ....تصور هيكون فدائيتة فى المظاهرات ازاى جمب اى حد مهزوز فى نفسة ...

انا بالمناسبة ولا اخوانى ولا اى بتنجان مقلى ..واول مرة اتكلم فى السياسة فى حياتى كلها لما حصل الى حصل وتقريبا معلوماتى بطيخ فيها ..بس رسبكت للناس دول بصراحة

**عمرو عمارة** · 16-02-2011 11:12 AM

المشاركة الأصلية كتبت بواسطة م/مصطفى محمود

لو كسبوا فى أنتخابات نزيهة يبقى أهلا بيهم وهنحترم الديمقراطية

ده صحيح فعلاً.....ولكن

لو فضيلنا فهمبن الديمقراطية بهذا الإسلوب الخاطىء هتكون كارثة بحق !!!

يعني مثلاً لو الإخوان كسبوا بنسبة 55% هتلاقي الغير مؤيد عامل مظاهرات وإحتجاجات وهتبقى حرب أهلية مؤكدة

الله المستعان

**mikho83** · 16-02-2011 11:30 AM

يا جماعة الإخوان أعلنوها صراحة ولسا بيعلنوها أنهم لن يترشحوا للرئاسة ولن يقبلوا بأي وزارة وسيكون ترشحهم في مجلسي الشعب والشورى لا يتجاوز ال 25% وبيقولوها بالحرف لما بييجوا يشاركوا إنهم بيعملوا بمبدأ " المشاركة لا المغالبة" أعتقد إن الكلام واضح وصريح ومش محتاج المناقشات واختلافات الرأي دي. بس أنا عايز أقول حاجة بما إنني كنت موجود ساعة موقعة الجمل " لولا شباب الإخوان المسلمين كان زماني دلوقتي في قبري ألقى ربي "

**dodino2006** · 16-02-2011 11:45 AM

بحكم انتمائي الليبرالي, فأنا ضد "أفكار" الأخوان قلباً و قالباً, و سأحارب افكارهم بكل ما أوتي لي من قوة, و لكن في ذات الوقت سأحارب بشراسة لتتاح لهم الفرصة للتعبير عن ارائهم و أفكارهم, سأحارب لكي لا يتعرضوا للقمع مرة أخري, سأحارب لكي يحصلوا علي فرصتهم كاملة للتنافس المتكافئ علي أي مناصب في الدولة...

انا لست أخواني, و العديد من أعضاء المنتدي شهد مصادماتي السابقة معهم و التي عرضتتني للايقاف مرة, و لكني أؤمن انهم ليسوا أعداء حتي و إن اختلفت أفكارنا و توجهاتنا... حروبنا فكرية, شرسة في معظمها لكن يجمعنا كلنا حب البلد و سعينا للاصلاح....

و بروح 25 يناير, أقترح علي الاخوان, انهم ينشئوا حزبهم بأسم أخر غير أسم الجماعة, و لا أقول تغيير أسم الجماعة كما طلب الكثيرين, فأسم الجماعة تاريخي و من الصعب تغييره, و لكن الحزب يمكن أن يكون الجناح السياسي للجماعة بأسم محايد (كالعدالة و التنمية التركي مثلاً)....

.

**kar!m** · 16-02-2011 12:09 PM

أنا شايف اللى بيحصل دلوقتى ده فى كل الدول العربية مقدمة لحديث الرسول صلى الله عليه و سلم.

قَالَ النبي صلى الله عليه وسلم : " لا تَقُومُ السَّاعَةُ حَتَّى يُقَاتِلَ الْمُسْلِمُونَ الْيَهُودَ فَيَقْتُلَهُمْ الْمُسْلِمُونَ حَتَّى يَخْتَبِئَ الْيَهُودِيُّ وَرَاءَ الْحَجَرِ أَوْ الشَّجَرَةِ فَيَقُولُ الْحَجَرُ أَوْ الشَّجَرُ يَا مُسْلِمُ يَا عَبْدَ اللَّهِ هَذَا يَهُودِيٌّ خَلْفِي فَتَعَالَ فَاقْتُلْهُ إِلاَّ الْغَرْقَدَ فَإِنَّهُ مِنْ شَجَرِ الْيَهُودِ " رواه الإمام أحمد وهو حديث صحيح

**hosar** · 16-02-2011 12:47 PM

المشاركة الأصلية كتبت بواسطة ghazy12

انا مقدر والله شعور كل الناس لاننا للاسف مش متعودين, و نسينا الصح
و الدستور من كتر ما الغلط كان متفشي, و عدم احترام الدستور كان عادي

اخيراً في حاجه اسمها ( انتخابات نزيهه و محترمه ) و من حق كل مواطن
في الانتخابات دي انه يختار الشخص اللي هو شايفه مناسب من المرشحين
و عليه يتم فرز الاصوات و اعلان الفائز ( بالانتخاب ) مش بالتزوير زي زمان...

يعني ببساطه مش هيحصل ان شخص يفوز بمنصب رئيس الجمهوريه
إلا إذا كان منتخب من الشعب و بالاغلبيه... يبقى ليه نخاف...؟؟؟؟؟؟

كل واحد لازم يكون ايجابي و يشارك في الانتخابات عموماً سواء
الرئاسه او مجلس الشعب, او الشورى, او التصويت على الدستور و غيره

لكن مش لازم نخاف من اي حاجه طول ما هيبقى فيه عدل و نزاهه و شفافيه...

+1

**dell2000** · 16-02-2011 12:59 PM

.............................

برجاء انتقاء الالفاظ

مشرف 18ب

**hossaam** · 16-02-2011 01:01 PM

السؤال: ماذا لو تولى الاخوان الحكم في مصر؟
الاجابة: ما عنديش مشكلة طالما عن طريق انتخابات حرة..
مش هي دي الديمقراطية...

ولا لما تيجي للي مش على مزاجك تقول مش لاعب؟!...

وان كان رايي ان ما عندهمش الاغلبية اللي الناس فاكراها