حد شاف العاشرة مساء مع الضباط ( رأيكم ايه )

**diaa848** · 16-02-2011 04:27 PM

الضابط اللى انتو بتتكلموا عنه ده اولا انا اعرفه معرفه شخصيه والله اللى هو مصطفى جمال..صدقونى اولا هو مش بيمثل او كداب بس هو فعلا ده كلام من قلبه..يا جماعه انا من اكتر الناس اللى بيكرهوا الشرطه المصريه وانا اتأذيت منهم ظلم والله..ومع ذلك انا بقول لازم نحاااااول مش نرجع الثقه لا..نحاول نعمل ثقه من اول وجديد..بجد والله التنميه لازم تكون شامله ..كلنا نحاول وجايز نقدر نعمل ده .

**diaa848** · 16-02-2011 04:30 PM

المشاركة الأصلية كتبت بواسطة ahmed_elkhateb

اراء كل النااااااااااس جميله جدا بس انا دلوقتى عاوز حل هما ليهم صفحه على الفيس بوك سمعت الظابط بتاع الأمن المركزى قالها ظبط شرطة ضد الفساد بعد البرنامج بدقيقه دخلت كان عليه 2000 واحد مشترك بقدرة قادر بقى 4500 فى دقائق والله ودلوقتى بقى 9 الاف وكسور سبحان الله

عندك حق..بس على فكره الناس بجد بتحاول تفهم هم عاوزين ايه وايه اللى بيقدموه لازم نديهم فرصه

**Rerii** · 16-02-2011 04:38 PM

المشاركة الأصلية كتبت بواسطة diaa848

الضابط اللى انتو بتتكلموا عنه ده اولا انا اعرفه معرفه شخصيه والله اللى هو مصطفى جمال..صدقونى اولا هو مش بيمثل او كداب بس هو فعلا ده كلام من قلبه..يا جماعه انا من اكتر الناس اللى بيكرهوا الشرطه المصريه وانا اتأذيت منهم ظلم والله..ومع ذلك انا بقول لازم نحاااااول مش نرجع الثقه لا..نحاول نعمل ثقه من اول وجديد..بجد والله التنميه لازم تكون شامله ..كلنا نحاول وجايز نقدر نعمل ده .

مش غريبة ان حضرتك لسه عامل النيم بتاعك النهاردة وداخل المنتدى ده بالذات اللى هو منتدى سيارات اصلا عشان تكتب المشاركتين دول

هى الحركات دى مش هتخلص ابدا !!!!

ماطول مابتعملوا الحركات دى عمرنا ماهنثق فيكو

**wesam_salom** · 16-02-2011 04:48 PM

المشاركة الأصلية كتبت بواسطة rerii

مش غريبة ان حضرتك لسه عامل النيم بتاعك النهاردة وداخل المنتدى ده بالذات اللى هو منتدى سيارات اصلا عشان تكتب المشاركتين دول

هى الحركات دى مش هتخلص ابدا !!!!

ماطول مابتعملوا الحركات دى عمرنا ماهنثق فيكو

واضح ان الحزب بعد ما فشل فى معركه الجمال اللى بيهاجم بيها

بداء يأجر الحمير علشان يدافع بيها

**otefa** · 16-02-2011 04:54 PM

المشاركة الأصلية كتبت بواسطة otefa

أنا قلت بعض الحلول من وجهة نظري ممكن نسمع رأيك علشان نبقى ناس عمليين ونحل مش نعقد الدنيا

المشاركة الأصلية كتبت بواسطة rerii

مش غريبة ان حضرتك لسه عامل النيم بتاعك النهاردة وداخل المنتدى ده بالذات اللى هو منتدى سيارات اصلا عشان تكتب المشاركتين دول

هى الحركات دى مش هتخلص ابدا !!!!

ماطول مابتعملوا الحركات دى عمرنا ماهنثق فيكو

المشاركة الأصلية كتبت بواسطة wesam_salom

واضح ان الحزب بعد ما فشل فى معركه الجمال اللى بيهاجم بيها

بداء يأجر الحمير علشان يدافع بيها

مش كفاية تراشق بالألفاظ واللف في دائرة مفرغة من الكره والبغضاء والتعميم على وزارة كاملة منتسبيها من الشعب في الأول والأخر...........نتكلم في الحلول من فضلكم علشان نبقى أيجابيين.....تحياتي

**blazer** · 16-02-2011 04:55 PM

دا مصطفى جمال دا
شكله اصلا كان بيقتل بدم بارد
كلنا شفنا تعليقات وشه على أ /امير
والله لو كان زمان كان قام قتله ومحدش قاله بتعمل ايه
ما هما دول الضباط الجامدين اوى بتوع النظام المخلوع
اللى بيقفلوا اللجان بتاعه الانتخابات اللى بيحيبوا بلطجيه
وانيو وزير داخليه دا اللى بيتكلم عليه
وزير داخليه العربيجه والبلطجيه والترامادول والجمال

**Rerii** · 16-02-2011 05:00 PM

المشاركة الأصلية كتبت بواسطة otefa

مش كفاية تراشق بالألفاظ واللف في دائرة مفرغة من الكره والبغضاء والتعميم على وزارة كاملة منتسبيها من الشعب في الأول والأخر...........نتكلم في الحلول من فضلكم علشان نبقى أيجابيين.....تحياتي

انا متراشقتش بالالفاظ انا بس تساءلت سؤال اشمعنى عامل اسم مخصوص هنا ومشارك مشاركة معينه وفاتح الموضوع ده مخصوص ده لسه عامل البروفايل بتاعه النهاردة !!

معلش انا مبحبش حد يضحك علينا ويستخدم اساليب ملتوية وكرهت الاسلوب ده وهم بدأوه من الفيس بوك ودى حاجة طهقتنى

**Atrees** · 16-02-2011 05:06 PM

بصوا بقي يا شرطة الوطن

لما تبقوا تتظبطوا في الشارع ابقوا تعالوا اطلبوا العفو - مش جايين دلوقتي تقولوا خلينا ايجابيين وعفي الله عما سلف

بدل ما تطلبوا العفو - اعملوا علية عشان تستحقوة - لغاية دلوقتي ما شفناش منكم غير الوحش - قدموا الخير ونبقي ننظر في امركم بعدين

ليك حق خدة بالذوق ومن غير تعالي علي الشعب - حتتعالي مالكش غير حاجة واحدة عندنا ..........

**heshamzaky** · 16-02-2011 05:12 PM

المشاركة الأصلية كتبت بواسطة otefa

نتكلم في الحلول من فضلكم علشان نبقى أيجابيين.....تحياتي

أقتراح ممتاز . طيب أية رايك لو بقى فية وكيل نيابة داخل القسم ذات نفسة علشان الشرطة ما يبقاش عندها حجة و ممكن يبهدل مواطن و يلطعة فى الحجز لحين العرض على النيابة و طبعا يستفرد ب المواطن و يعمل حفلة تعذيب لة و وكيل النيابة يكون صارم جدا مع المخالفات بتاعت الظباط المنحلين دول و يطلب منة عدم تكوين أى علاقات حميمة بين الظباط و وكلاء النيابة . يكون فية رقابة نزيهة على الظباط و دى مش عارف التكيف القانونى بتاعها يعنى لما تشتكى ظابط و يتحقق معاة الاعلام يفتح المجال و يظهر المخالفات دى و يعلن عن الجزاء الذى حصل الظابط علية علشان ما يبقاش جزاء أى كلام و يتحط فى الدرج . لو أى شخص شاف أى ظابط بيعمل أى بلطجة يصورة و يحط الصور على النت علشان يفضحة و يهيج الراى العام علية . ألغاء القانون الى بموجبة يحق للظابط القبض على أى شخص و أحتجازة و التعليل يقولك أشتباة . لازم الظابط علشان يجيب أى مواطن القسم يكون معاة أذن من النيابة مش يجيبة مسحول من بيتة . مينفعش أن واحد يتحط فى الحجز بدون أن يقوم القسم بتأيد ذلك فى الدفاتر حتى لا يتم أحتجاز مواطن بغير وجة حق و ميقدرش الظابط يحدفة لظابط تانى زميلة فى قسم أخر علشان يقرفة و يطلع عنية .

**otefa** · 16-02-2011 05:13 PM

المشاركة الأصلية كتبت بواسطة rerii

انا متراشقتش بالالفاظ انا بس تساءلت سؤال اشمعنى عامل اسم مخصوص هنا ومشارك مشاركة معينه وفاتح الموضوع ده مخصوص ده لسه عامل البروفايل بتاعه النهاردة !!

معلش انا مبحبش حد يضحك علينا ويستخدم اساليب ملتوية وكرهت الاسلوب ده وهم بدأوه من الفيس بوك ودى حاجة طهقتنى

أسمحيلي طيب وتفرق أيه اذا كان أشترك مخصوص لأصلاح الأمور مابين المواطن والشرطة.......وممكن يكون ظابط وهل متأكدين أن ال850000 عضو مافيهمش ظابط!
والظابط في الأول والأخر ماهو ألا مواطن بس لابس بدلة شرطة ومنتسب للداخلية وحياة عسكرية ليها مالها وماعليها
وبعدين مش عايزين ننسى أن المواطن المصري طول عمره عنده حساسية من الشرطة طول عمره بسبب الأستعمار
أنا قصدي نلم الدنيا ونتكلم في كيفية حل هذه الفجوة التي تعطل مسيرة الأصلاح ولا يمكن أن تستقيم الحياة بدون الطرفين

الموضوع: حد شاف العاشرة مساء مع الضباط ( رأيكم ايه )

LinkBack

أدوات الموضوع

عرض

-

-

-

-

-

-

-

المواضيع المتشابهه

عبد المنعم أبو الفتوح علي العاشرة مساء

وزير المالية المصري ..في العاشرة مساء .. سمك لبن تمر هندي

العاشرة مساء ( وائل غنيم )

الليلة العاشرة مساء مع جورج بوش

الكلمات الدلالية لهذا الموضوع

المفضلات

المفضلات

ضوابط المشاركة