الموضوع: حد شاف العاشرة مساء مع الضباط ( رأيكم ايه )

المشاركة الأصلية كتبت بواسطة m000dy

فعلا عشان ضرب الجزم لا يرتقى لجرايمهم همه يستحقوا القتل عينا بعين وسنا بسن



على الجميع يا فندم الا من رحم ربى



عندنا قرايب ظباط يا فندم بس لو حد فيهم مجرم بالشكل ده يبقى ماتلزمنيش معرفته ويحاسب زى مابيقول ربنا والقانون ولا مطلوب مننا نتوسطلهم ونبرر مواقفهم الغير مبرره باى كتاب او شرع او حتى قانون وبعدين الموقف الشخصى اللى حضرتك بتتكلمى عليه ده بيحصل كل يوم ومع كل اللى مايعرفش فلان ولا علان



لا يا فندم كل اللى اتولع فيه كان بسبب ظلمه وشوفى الفيديوهات على اليوتيوب واسمعى كلام الناس هاتلاقيهم كانوا بيروحوا قدام القسم ويطلبوا شخص باسمه وبعينه



مع احترامى لابن خاللك لكن الحسنه تخص والسيئه تعم ونصيبه يتخرج فى اليومين دول
وبعدين قبل ماتحطى حد فينا مكان امهم
حطى نفسك انتى مكان مئات ان ماكانش الاف الامهات اللى اولادهم اتعذبوا قدام عنيهم وهمه اتهانوا قدام ولادهم ومنهم اللى اتقتل واللى قلب امه محروق عليه ولا تعرف عنه حاجه من سنين ومن غير ذنب وان كان ليه ذنب فهو انه ربى دقنه تشبها برسول الله ونزوله الجامع للصلاه فى اوقاتها ابتغاء مرضاة الله



المفروض ان دى تبقى حجه عشان نسامحهم على اللى اتعمل فى الشباب العزل المحترمين ايام الثوره وما بعدها



ماختلفناش يا فندم والناس اللى زى كده محدش اذاهم وكان اولاد المنطقه بيحموهم كمان
وكونه بيعمل للناس خدمات مش فى تخصصه فده عيب كبيييييييييير لان ده اعتراف ضمنى من حضرته بالواسطه حتى لو كانت بالخير لان المفروض كل واحد ياخد حقه القانون لا زياده ولا اقل



مع احترامى لكل اللى عاناه فى عمله ولكن دى طبيعة عمله وهو اللى اختار العمل كشرطى ولا شكر على وااااااااااجب



من كتر اللى كان الظباط الفاسدين بيعملوه من ظلم حتى على البلطجيه خلوهم اتجرأو وهددوهم فى بيوتهم عشان رفعوا ظلمهم عنهم لانهم كانوا بيحاكموهم بطريقتهم اللى قبل الموضوع مايوصل لمحاكم وده ذنب شاله الناس المحترمه اللى زى خالك وبقى التهديد عينى عينك وعلى فكره مش خالك هو الوحيد تقريبا مفيش ضابط شرطه يحتك بطبيعة عمله مع مواطنين الا واتهدد



الراجل بجد زى مابتقولى حضرتك مايسيبش واجبه ويهرب وان حد هرب فمايبقاش ضابط ومثال الضابط الراجل مدير السجن اللى اتقتل عشان رفض يسيب موقعه ويسيب المساجين يهربوا يعنى من الاخر كده الرجاله ماتت فى الحرب
هروب ضابط الشرطه يعنى انهيار البلد داخليا امنيا واقتصاديا عشان محدش هايحط فلوسه فى مكان غير امن لا مصرى ولا خواجه
وهروب ضابط جيش يعنى ضياع الارض والعرض والمال والنفس
لما ضابط الشرطه يخااااااااااف من اهله يبقى ده معناه اييييييييييه اكيد لانه عارف انه ياما عمل بلاوى
وضابط الشرطه اللى يهرب ويرمى حمل البلد امنيا على زميلى ضابط الجيش اللى بقى بيحمى بره وجوه ده يبقى اسمه ايه
بالعربى كده وعلى رأى عفروتو اللى بيخااااااااااااااف يطلع بره
اما ضابط الشرطه يخاف امال انا المدنى اعمل اييييييييييييييييه



مانسيناش حاجه بس كتر القسى يعلم البكا
همه فعلا عمرهم ماعملوا حاجه عدله
تقدرى حضرتك فى الوقت ده والظروف دى تفرقى بين الوحش والكويس !!!!
انا لو مربى ابنى كويس ماكنش دخل كليى الشرطه بوضعها ده من اساسه واعرف ناس رفضت تدخل اولادها كلية الشرطه وفضلوا عنها الجيش ده ان كان الولد مصر على عمل عسكرى واعرف ناس الفاشل فى اولادهم حلقوله شعره وعقابا ليه جابوله واسطه ودخل كلية الشرطه



واما كان حتت عيل بيشتم واحده ست مخلفه ارجل واحسن منه ولا واحد فى سن جده ومربى دكاتره ومهندسين كانت طريقة مناسبه !!!!
بتبصى للطريقة المناسبه لمعاملة ظالم بعد الثوره عليه وفى ايام ومش بتبصى لطريقة معاملته للشعب اللى همه انا وانتى واخواتنا واهالينا لسنين

عجبى !

قلت كل اللي نفسي اقوله
والله
تسلم يمينك وكيبوردك ياراجل

الشخص لو محترم يرفض يقعد في مكان فاسد
وياريت المكان ده فاسد رشاوي ولا بتاع
كنا قلنا ماشي

انما دي ناس بتتعامل مع الناس معامله البهائم
والله والله لو منظمه حقوق الانسان شافت اللي بيحصل ده لتعدمهم كلهم

وانا حقول بقي علي موقف وحصل من ظباط امن دوله يوم 28 يناير 2010
الموقف ده انا شفت الصور بتاعت صاحبه بعيني
وبحكيه زي ما اتحكي بالظبط

زبون عندنا جه المعرض يشتري عجله
قعدنا اتكلمنا معاه
طلع موبايله ورانا صور ليه وهوا مضروب علقه موت

بنسأل ايه ده
قال لنا امن الدوله
قلنا ازاي

قال يوم الجمعه 28 يناير
كان راجع من شغله عالكورنيش
وقفه واحد قال انه ظابط
وسأله علي بطاقته وبيعمل ايه في الوقت ده
قال له انه مروح من الشغل

قال له طب تعالي معايا نكشف عليك
راح معاه امن الدوله في لاظوغلي
ودخل معاه مكتب كان فاضي
اول ما دخله
طلعلوا العصايه بتاعت الامن المركزي دي
وقال له امسك دي يامحمد
الولد استغرب وقال له ليه يافندم
قال له بس امسكها
راح ماسكها

راح الكلب خرج بره المكتب
ونده ظباط تانيين
وراح قايلهم
مسكنا الكلب ده يافندم ماسك العصايه دي وبيضرب بيها عسكري امن مركزي ومموته

وراح سابه ومشي
طبعا اللي في الاوضه عارفين انه اتمسك بيعمل ايه
بيموت عسكري

وهاتك بقي ياضرب في كل حته
وشتيمه
انتو بقي اللي نزلتولنا الجيش ياولاد ال
عاملنلي مظاهرات وعاملين نفسكو رجاله ياولاد ال

بيقول ضرب مميت
موجع
بدون ادميه

ضرب متواصل من الساعه 8 بالليل لحد تاني يوم الساعه 7 صباحا

المهم وهما بيضربوا فيه
لاحظوا ان جسمه مبيجيبش دم
قال له انتا بتتعاطي حاجه يلا جسمك مبيجيبش دم ليه

الولد لاعب كيك بوكسنج
وجسمه منحس من الضربات في التمرين ومش بيجيب دم بسهوله

ليه وليه بقي
زودوا الضرب عليه
وجابوا عساكر تضرب معاهم

وفي النهايه
الساعه 7 صباحا يخرجوه

يخرجوه ازاي بقي

جابوه وقفوه خارج المكان ده
ووقفوا العساكر جمبه صف
وقالوله حتجري
وحنجري العساكر وراك
لو مسكوك
حنرجعك نضرب فيك تاني
ومش حتخرج حي
حتخرج ميت

الولد بيحكيلي ازاي طلع يجري وهوا جسمه مدغدغ اصلا
ومش قادر حتي يمشي

واول ما روح ابوه اغمي عليه من منظره
ولما فاق
صوروه بالموبايل وراح عمل تقرير طبي في المستشفي بحاله الولد
عشان يرفعوا قضيه
ووراني الصور وهوا في الشغل عندنا
صعب صعب
وشه متبهدل
ومضروب في كل حته
ومزرق ومنفخ

والله هوا وعدني انه حيبعتلي الصور
اول ما يبعته والله لاجيب الصور هنا
واوريهالكو

عشان بس محدش يقول نسامح ونتنيل
الناس دي الكويس قبل الوحش لازم يبوسوا دماغتنا عشان يرجعوا ونحس فعلا بالامان منهم
انما حينزلوا زي الاول
يبقي ملهومش عندنا غير حاجه واحده
.
وملهومش ديه
بلاش قرف

انتا تقصد ظباط بلد تانيه غير مصر بقي
هههههههههههههههههه

هوا فيه ظابط مشاركش في ضرب المتظاهرين سواء بالحجاره ولا بالرصاص ولا بالميه ولا قنابل الغاز
ياعزيزي كلهم لصوص