الموضوع: حد شاف العاشرة مساء مع الضباط ( رأيكم ايه )

المشاركة الأصلية كتبت بواسطة blazer

نحط كاميرات مراقبه فى كل غرفه فى القسم
تسجيل صوت وصوره 24 ساعه
وتكون الكاميرا مشفره وبتبعت محتوياتها wirless على سرفر خاص
هتكون مكلفه جدا انا عارف
بس دا كله عشان سلامه الشعب

ممتاز
ومطبق في دول كثيرة

المشاركة الأصلية كتبت بواسطة otefa

أسمحيلي طيب وتفرق أيه اذا كان أشترك مخصوص لأصلاح الأمور مابين المواطن والشرطة.......وممكن يكون ظابط وهل متأكدين أن ال850000 عضو مافيهمش ظابط!
والظابط في الأول والأخر ماهو ألا مواطن بس لابس بدلة شرطة ومنتسب للداخلية وحياة عسكرية ليها مالها وماعليها
وبعدين مش عايزين ننسى أن المواطن المصري طول عمره عنده حساسية من الشرطة طول عمره بسبب الأستعمار
أنا قصدي نلم الدنيا ونتكلم في كيفية حل هذه الفجوة التي تعطل مسيرة الأصلاح ولا يمكن أن تستقيم الحياة بدون الطرفين

هههههههههههههههههه ده استخفاف بالعقول مش اصلاح

اول خطوة فى الاصلاح انهم يحترمو اللى اودامهم وميستخفوش بعقليته ويبطلوا يتجسسو علينا فى كل حاجة

اولا المشكله بين الشعب و الشرطه قديمه و من سنين طويله و الشرطه كانت معتمده علي خوف الناس منهم و ان الشعب المصري شعب مسالم و حمول فكانوا بيعملوا فينا كل اللي هما عاوزينه و عارفين ان احنا هنخاف نرد.
دلوقتي اللي حصل ان حاجز الخوف سقط و الناس مبقتش بتخاف فده عمل ارتباك عند الشرطه لانهم ميعرفوش يتعاملوا مع الناس غير عن طريق التخويف و التهديد و ده بيقودنا لحل علي المدي الطويل و هو ان احنا (الشعب) لازم يعرف الناس دي بتدرس ايه في الكليه و ايه اللي وصلهم لكل الوحشيه دي ضد الشعب ( معظم اصحابي اللي دخلوا شرطه اتعوجوا اوي بعد التخرج ) معني كده المشكله تبدأ من الكليه.

كمان ليه ميرفعوش مجموع الدخول لكليه الشرطه يعني بدل ٥٠٪ يبقي ٨٠ او ٩٠ ٪ بحيث ميدخلهاش الا الطالب المجتهد اللي عنده استعداد يقرا و يفهم .

و بالنسبه للحلول السريعه انا تابعت بعض البرامج زي مني الشاذلي و غيره و لاحظت ان الشرطه بتحاول تظهر بمظهر الغلبان الشهيد و دي حاجه بصراحه اثارت قرفي و شايف ان الحل في ايديهم هما لو عاملوا الناس بأدب الناس هتعاملهم بنفس الادب و لو عملوا غير كده زي ما قلت في الاول
حاجز الخوف سقط.
شكرا«

حاجز الخوف سقط.

صح كده يتعامل مع الناس انهم مش اقل منه بالعكس هو فرد فى المجتمع له وظيفته زى اى شخص ومهمته حماية الناس مش ارهابهم

المناهج اللى فى شرطة دى لازم تتغير وبدل مايعلموه ازاى يضرب واحد ويعذبه ويهينه يعلمه ازاى يدور على الادلة ويحترم الناس ويعرف يعنى ايه المتهم برئ حتى تثبت ادانته انا عارفة ان التحقيق من اختصاص النيابة بس اقصد انه ميمسكش ناس عشوائيا كده ويضربهم ويبهدلهم

اول خطوة فى اصلاح النظام هى الغاء قانون الطوارئ

لما يبقوا ينزلوا الشارع الاول بدل ما هما خايفين كدة وطالبين السماح حتي قبل ما ينزلوا

وبعدبن الظابط اللي كان محترم وبيقدر الناس عمره ما حيطلب العفو والسماح - لانة مغلطش

بس الواضح ان الشرطة كلها بتطلع تتكلم عن السماح

طيب سؤال جوهري بقه ...ممكن كل واحد يقول لو قابل شرطي بيعامله أزاي؟

المشاركة الأصلية كتبت بواسطة blazer

نحط كاميرات مراقبه فى كل غرفه فى القسم
تسجيل صوت وصوره 24 ساعه
وتكون الكاميرا مشفره وبتبعت محتوياتها wirless على سرفر خاص
هتكون مكلفه جدا انا عارف
بس دا كله عشان سلامه الشعب

فكرة جميلة، طب في الشوارع نعمل إيه؟ممكن نركب كاميرات في عربيات الشرطة و تسجل برضو صوت و صورة زي أمريكا كده، بحيث إن أي شرطي يرتكب أي مخالفة هيكون متصور صوت و صورة، و كمان لو أي حد حاول يعتدي على الشرطة أو يرتكب مخالفة و الشرطة منعته بقسوة هيبقى برضو متصور و ماحدش ساعتها يقدر يتهم الشرطة بحاجة، و طبعًا الكاميرا لازم تتركب بحيث مايبقاش سهل يتلعب فيها أو في الشريط إللي بتسجل عليه و لو حصل لعب في الكاميرا يبقى الشرطي المسئول عن العربية معرض للطرد من الشرطة، و كمان لازم يكون في هيئة مستقلة عن وزارة الداخلية لتخزين التسجيلات دي يوم بيوم عشان مايتلعبش فيها.

المشاركة الأصلية كتبت بواسطة heshamzaky

أقتراح ممتاز . طيب أية رايك لو بقى فية وكيل نيابة داخل القسم ذات نفسة علشان الشرطة ما يبقاش عندها حجة و ممكن يبهدل مواطن و يلطعة فى الحجز لحين العرض على النيابة و طبعا يستفرد ب المواطن و يعمل حفلة تعذيب لة و وكيل النيابة يكون صارم جدا مع المخالفات بتاعت الظباط المنحلين دول و يطلب منة عدم تكوين أى علاقات حميمة بين الظباط و وكلاء النيابة . يكون فية رقابة نزيهة على الظباط و دى مش عارف التكيف القانونى بتاعها يعنى لما تشتكى ظابط و يتحقق معاة الاعلام يفتح المجال و يظهر المخالفات دى و يعلن عن الجزاء الذى حصل الظابط علية علشان ما يبقاش جزاء أى كلام و يتحط فى الدرج . لو أى شخص شاف أى ظابط بيعمل أى بلطجة يصورة و يحط الصور على النت علشان يفضحة و يهيج الراى العام علية . ألغاء القانون الى بموجبة يحق للظابط القبض على أى شخص و أحتجازة و التعليل يقولك أشتباة . لازم الظابط علشان يجيب أى مواطن القسم يكون معاة أذن من النيابة مش يجيبة مسحول من بيتة . مينفعش أن واحد يتحط فى الحجز بدون أن يقوم القسم بتأيد ذلك فى الدفاتر حتى لا يتم أحتجاز مواطن بغير وجة حق و ميقدرش الظابط يحدفة لظابط تانى زميلة فى قسم أخر علشان يقرفة و يطلع عنية .

-محاسبة قاتلي الشهداء
-أعادة تنظيم وهيكلة الداخلية بالكامل
-هيئات رقابية فعالة عليهم وعلى الهيئات الرقابية نفسها كمان بمعني دائرة متكاملة من المسؤلية لو ألي في أول الدائرة غلط قدامك دائرة كاملة من الجهات لو الأولى ماجبتش نتيجة تدخل على الجهة ألي بعدها تشتكي ال2 ألي قبلها وهكذا مافيش أي جهاز في الدولة فوق المسؤلية حتى رئيس الدولة
من غير تصالح مابين أجهزة الدولة والمواطنين يبقى مافيش فايدة ولا تأملو في أي تقدم بالعكس هايبقى كأنك يابوزيد ماغزيت
يبقى الصورة في الأول الشرطة تتسلط وتهين الشعب.................تنقلب الى الشعب يتسلط ويهين الشرطة