الموضوع: بعد لقاء القوات المسلحه..ايه رأيكم النهارده فى كلام وزير الداخليه ؟؟

المشاركة الأصلية كتبت بواسطة cheetos_892005

طيب ممكن حضرتك تقتبس الموضوع و تصلح المعلومات المكتوبه .......
عشان انا فعلا مشفتش اللقاء كنت بره ....
عالقهوه يعني مش في المظاهره :):)

لأ بعد إذن حضرتك
أنا مش هصلح حاجة إعذرني
الحلقة أهيه إتفرج براحتك
ده الجزء الأول
YouTube - ‫ظ„ظ‚ط§ط، ظˆط²ظٹط± ط§ظ„ط¯ط§ط®ظ„ظٹظ‡ ظپظ‰ ظ…طµط± ط§ظ„ظ†ظ‡ط§ط±ط¯ظ‡ ط§ظ„ط¬ط²ط، ط§ظ„ط£ظˆظ„‬‎

وده الجزء التاني
YouTube - ‫ظ„ظ‚ط§ط، ظˆط²ظٹط± ط§ظ„ط¯ط§ط®ظ„ظٹظ‡ ظپظ‰ ظ…طµط± ط§ظ„ظ†ظ‡ط§ط±ط¯ظ‡ ط§ظ„ط¬ط²ط، ط§ظ„ط«ط§ظ†ظ‰‬‎

المشاركة الأصلية كتبت بواسطة cheetos_892005

اولا شكرا عالحلقه
ثانيا انت شكلك خدتها اني بمتحنك ولا بتريق عليك مثلا
ولا انا فهمت غلط؟؟؟

هههههههه لا والله أنا ببساطة مش حافظ الحوار علشان أصلحوا بإيدي
قولت الحلقة أهيه علشان الناس تقارن الكلام بالحلقة فعليآ
بس يارب تكون الحلقة كاملة أنا صراحة شفتها ع الدش مش ع النت ف معرفش كمان الحلقة دي كاملة ولا لأ
ربنا يستر

المشاركة الأصلية كتبت بواسطة tjp

قال انه هيشيل قانون الاطوارىء وده كويس
وقال جهاز أمن الدولة جهاز وطني ولا غنى عنه وهو موجود في العالم كله... جميل والله وفيه الناس لا تحتاج الى قصافة اظافر وبيعلم الناس انها تصاحب الكلاب الوولف وبيعودهم على استحمال الكهرباء والتيارات العاليه واذا عاشوا بعدها يبقوا رجاله كل دى مزايا والله ياجماعه

لو هو قال كدا بالظبط, دا يبينلك انة بيقول اي حاجة وخلاص علشان يهدوا الناس " بياخدوهم علي قد عقلهم" بالبلدي كدا

مفيش حاجة اسمها هنلغي او هشيل قانون الطوارئ ودا الكلام ال قالة المجلس الاعلي امبارح

انما ممكن تلغي حالة الطوارئ ويبقي القانون موجود لاستخدامة وقت الكوارث والازمات لا قدر الله

المشاركة الأصلية كتبت بواسطة xander2010_evo

هههههههه ياسيدي ماتزعلش نفسك وآآآدي راسك أهيييه أمووواه
بس انا عاوز أسأل حضرتك سؤال بسيط جدآ وجاوبني بصراحة من غير ماتزعل خالص
حضرتك شفت البرنامج؟؟ ولا قريت الكلام ده بس؟؟

والله شفت البرنامج وعشان الحلفان لما بدأ مكملتوش للاخر.. والفيديوهات موجوده عالنت ومواقع مصريه كتير ناقله الحوار

المشاركة الأصلية كتبت بواسطة dr-mohamed

حضرتك شفت الكلام ده في التليفزيون وسمعته بنفسك ولا لا ؟؟؟؟؟؟؟
العضو قالك ده من رصد بالحرف وسئلك شفته ولا لا مردتش عليه

اه رصد كدابة
كدابة
كدابة

من شوية كاتبين حاجة حصلت عندي في البلد وانا بنفسي حضرتها واقسم بالله اللى كاتبينه كدب كدب كدب ومحصلش منه اي حاجة زي ما كتبوها ولما كتبت اللى حصل بالظبط حذفوا التعليق ومنعوا الدخول

اه الموضوع من رصد... ودا مش اختراع دا حوار فى التلفزيون الناس دى لو فعلا زى ما بتقولوا عايزين يتوهوا الناس مش هيقعوا فى الغلطه الهبله دى مش هينقلوا كلام غلط ومتقال فى حوار عالتلفزيون !!!

وبعدين نازلين ليه انتقاد فى المواقع والقنوات دى .. هو الاعلام الوطنى رائع جدا عشان نتابعه.. مش دى الجزيره الى كانت بتذيع جرائم حكومتك وكانوا بيشوشوا عليها !! لو الجدال منه فايده كنت اتكلمت كتير فى الاعلام

اسمحلى حضرتك من اول ما الثوره بدات عمالين تكبروا وتشككوا فى كل حاجه شويه تشتموا فى الثوار الى فى التحرير وشويه كفايه كدا يا خوانا وشويه مع وائل غنيم وشويه ضده وشويه هيحصل مذابح لو المظاهرات استمرت وشويه مبروك عليكم الحكم العسكرى وشويه الاحتلال داخل البلد وشويه اسرائيل وسفن امريكا !!!!!!!!!!! ...
مفيش ولا كلمه من الى عمالين تقولوها من اول الثوره الا ما بتطلع العكس وكلامكم كان كله غلط ودائما المتظاهرين الى كانوا عايزينه كان الصح وبرضه مصرين تعيدوا نفس كلامكم فى كل موقف
دا لو المتظاهرين قالوا الشمس بتشرق من المشرق هتقولوا دا كلام الجزيره ورصد وهتطبق الاحكام العرفيه ..
بعد كل كلامكم الى محصلش ولا حرف منه بمناسبه ايه دلوقتى نثق فى نصائحكم وتوجيهاتكم..
وبرضه عارف الرد الى هيتقال على كلامى لانه نفس الرد الى بيتقال فى كل موقف...

المشاركة الأصلية كتبت بواسطة medo_2060

والله شفت البرنامج وعشان الحلفان لما بدأ مكملتوش للاخر.. والفيديوهات موجوده عالنت ومواقع مصريه كتير ناقله الحوار

طب ممكن تكمل من أول الجزء إللي حضرتك ماشفتهوش؟؟ ده بعد إذنك طبعآ؟؟

اه الموضوع من رصد... ودا مش اختراع دا حوار فى التلفزيون الناس دى لو فعلا زى ما بتقولوا عايزين يتوهوا الناس مش هيقعوا فى الغلطه الهبله دى مش هينقلوا كلام غلط ومتقال فى حوار عالتلفزيون !!!

وبعدين نازلين ليه انتقاد فى المواقع والقنوات دى .. هو الاعلام الوطنى رائع جدا عشان نتابعه.. مش دى الجزيره الى كانت بتذيع جرائم حكومتك وكانوا بيشوشوا عليها !! لو الجدال منه فايده كنت اتكلمت كتير فى الاعلام

اسمحلى حضرتك من اول ما الثوره بدات عمالين تكبروا وتشككوا فى كل حاجه شويه تشتموا فى الثوار الى فى التحرير وشويه كفايه كدا يا خوانا وشويه مع وائل غنيم وشويه ضده وشويه هيحصل مذابح لو المظاهرات استمرت وشويه مبروك عليكم الحكم العسكرى وشويه الاحتلال داخل البلد وشويه اسرائيل وسفن امريكا !!!!!!!!!!! ...
مفيش ولا كلمه من الى عمالين تقولوها من اول الثوره الا ما بتطلع العكس وكلامكم كان كله غلط ودائما المتظاهرين الى كانوا عايزينه كان الصح وبرضه مصرين تعيدوا نفس كلامكم فى كل موقف
دا لو المتظاهرين قالوا الشمس بتشرق من المشرق هتقولوا دا كلام الجزيره ورصد وهتطبق الاحكام العرفيه ..
بعد كل كلامكم الى محصلش ولا حرف منه بمناسبه ايه دلوقتى نثق فى نصائحكم وتوجيهاتكم..
وبرضه عارف الرد الى هيتقال على كلامى لانه نفس الرد الى بيتقال فى كل موقف...

ههههههههه طب إيه هوا الرد بس علشان أعرفو :))؟؟
بس قبليه شوف الحلقة ولو عاوز تعرف مين بتوع رصد دوول
ممكن أقولك؟ وليك الحق إنك تطلعني كداب ومنافق وضلالي وإني معرفش حاجة وإني عميل ووووو أي حاجة نفسك تقولهالي

هااااااااااا أقولكوا مين صاحب رصد؟؟؟؟؟؟؟؟
بس بعد إستاذ ميدو ما يأذن لي :))