الموضوع: قناة السويس بالجنيه مصرى ؟ موضوع للنقاش

المشاركة الأصلية كتبت بواسطة dr ahmed

الموضوع اسمحوا لى - مضحك
هو ينفع نعمل استفتاء أو نأخذ رأى العامة فى تفضيل عملية استبدال الغشاء المخاطى بالجزء الأمامى من الحاجز الأنفى المصاب بمرض أوزلر بجزء من الجلد أو بجزء من الغشاء المغطى للقرنية السفلى؟

ههههههههههههههههه
المتخصصين فقط هم اللى يجاوبوا على الأسئلة المتخصصة وإلا نكون بنفتى فيما لا نعلم

والله يا دكتور احمد يسلم لسانك انا اول ماشوفت الموضوع ده على الفيس بوك مشتركتش لأني مش اقتصادي

ده مش مجالي يبقى مفتيش فيه

المشاركة الأصلية كتبت بواسطة megamoudy

والله يا دكتور احمد يسلم لسانك انا اول ماشوفت الموضوع ده على الفيس بوك مشتركتش لأني مش اقتصادي

ده مش مجالي يبقى مفتيش فيه

في فرق ببين العلوم الانسانية والعلوم الطبيعية

يعني مثلا محدش يقدر يعرف فلان عنده سرطان أم ورم حميد الا الطبيب ومحدش يقدر يحدد الاسباب وطرق العلاج الا الطبيب بعد التحاليل المعملية والفحوصات الدقيقة

بينما لو شفت واحد عنده اكتئاب تقدر تتوقع ايه اسبابه، وتقدر توجهه لطرق يتخلص بيها من الاكتئاب حتى لو انت مش طبيب نفسي

طبعا الطبيب النفسي حيكون تشخيصه ادق، وعلاجه فعال أكتر،

يعني في حاجات مينفعش يتكلم فيها الا المتخصص، ولو غيره اتكلم فيها هتحس انه كلام فاضي،
وفي حاجات تانية قابله للنقاش بالمنطق.

نفسي اعرف احنا حنستفيد ايه لما قيمة الجنيه تقل او تزيد
يعنى هى الدولة بتتقاس قوة اقتصادها بالجنيه يساوى كام
على كده الكويت هى اقوى دولة فى العالم 20 جنيه وسلطنة عمان اقوى من امريكا 12 جنيه تقريبا
واليابان من اضعف الدول شوف الدولار بكام ين

على فكرة اقتصاديا الافضل ان عملتك تبقى اقل علشان الصادرات تبقى رخيصة والصين بتحارب امريكا لان امريكا حتموت علشان ترفع قيمة اليوان والصين رافضة

ناهيك ان عمليا مش حتفرق حاجة لانه حيجيب الدولار يجوله لجنيه بس سيادتك بتاخد الجنيه تحوله لدولار تاني علشان الواردات يبقى عملنا ايه؟ بالعكس حتخسر فرق التحويل اللى ممكن يبقى ملايين وسعر الجنيه مش حيزيد ولا حاجة...لان زى محيبقى فى طلب كبير على الجنيه حيبقى فى طلب كبير على الدولار والقوتين يقابلوا بعض فالجنيه يفضل ثابت

بالعكس انا مهم بالنسبة لى كدولة يبقى عندى احتياطى اجنبى -اى دولة مش مصر بس- وبالتالى لو جالى جنيه مش حعرف اكون احتياطى كويس

انا كنت لسه عاي اعمل موضوع عن الفكرة دى وكنت بضرب بيها المثل للمشكلة اللى بنواجهها دلوقتى وهى ان الثورة مخلية الناس تتدخل فى كل صغيرة وكبيرة وشايفين ان مقترحاتهم لازم تتنفذ بصرف النظر عن منطقيتها حتى لو العلم والخبرة بيقول حاجة تانية...مينفعش يجماعة اعدى قدام مبنى واقول المهندس اللى بانيه مبيفهمش وكان المفروض يتعمل بطريقة تانية وانا عمرى مدرست هندسة

المشاركة الأصلية كتبت بواسطة Sharky

و مين قال انهم هما اللى حيشتروا الاول مش ممكن احنا اللى نحتاج عملتهم الاول لإحتياجتنا الضرورية :)

هي دي اللي محتاجة دراسة عشان نشوف الاحتياطي بتاعنا يسمح يمشينا لحد ميشتروا ولا لأ، بس زي ما بعض الاخوة اشار ان اكتر من 65% من تجارة العالم بتمر في قناة السويس وبالتالي الفترة دي مش حتكون كبيرة خصوصا انهم معندهمش اي رصيد للجنيه فحيبدؤا بالشراء مباشرة. يعني احنا ممكن نوقف استيراد السيارات لمدة شهر، لكن هما مش حيقدروا ميعدوش من القناة لمدة اسبوع.

الكلام دا ممكن يتحقق لو ايرادات قناة السويس اعلى من واردتنا و احتياجتنا للعملة الصعبة
يعنى لما يبقى الطلب على الجنية اعلى من طلبنا للعملات الاجنبية

فهل ايرادات قناة السويس اعلى من احتياجنا للعملات الاجنبية ؟؟؟

طبعا لأ، والا كنا بقينا من الدول المتقدمة عشان ميزان الاقتصاد في الحالة دي حيكون موجب. الفكرة اننا نحاول نستغل مواردنا واحتياج العالم لها أكبر استغلال.

و ارجع تانى لسؤالى اللى محدش رد عليه فيه
ليه اليابان رغم انها دولة متقدمة عملتها من اقل دول العالم و محدش فيها طالب ان عملتهم ترتفع ؟؟

بالنسبة لليابان، هما أصلا عملتهم قيمتها منخفضة، ولكن قيمتها زادت كتير جدا جدا من سنة 1950 وحتى الان، والرسم البياني أسفل يبين الكلام ده كان الدولار = 350 ين سنة 1950 ، دلوقت بقى الدولار = 81 ين

و ليه مثلا الامارات اللى المفروض عايشين حالا افضل مننا عملتهم تساوى تقريبا 1.5 جم فقط من عملتنا يعنى الفرق مش كبير يكاد تكون العملتين متقاربين !!!

بالنسبة للامارات عملتهم تقريبا ثابته أمام الدولار والعملات الاجنبية وذلك لأن اقتصادهم ثابت. احنا اللي عملتنا متغيرة وقيمتها انخفضت كتيييير في ال 30 سنه اللي فاتت

هل بإرتفاع قيمه عملة بلدنا حنتقدم و حنعيش عيشة مرتاحة زى الدول دى ؟؟؟؟

أعتقد ذلك طالما الارتفاع ده نتيجة قوة العملة عالميا وليس عن طريق ضخ عمله صعبة من الاحتياطي زي ما كان بيتم في التسعينات

أنا رأيى بقى من الآخر كده
الحكومة تطبع دولارات ولا الحوجة للسفن ولا غيرها وكل ما الدولارات تخلص نطبع غيرها